انار بۇلت \ شينجياڭ گازەتىنىڭ ءتىلشىسى ميھىرگۇل عۇپۇر 8 - ايدىڭ 6 - كۇنى ۇرىمجىدەن حابارلايدى. ءتىلشىنىڭ شينجياڭ ءوندىرىس - قۇرىلىس بيڭتۋانى ساناق مەكەمەسىنەن ۇعىسۋىنشا، بيىل جىل باسىنان بەرى شينجياڭ ءوندىرىس - قۇرىلىس بيڭتۋانى ەكونوميكالىق اينالىمدى ورنالاستىرۋ تەبىنىن كۇشەيتىپ، ەكونوميكانى ورنىقتىرۋ جونىنەن 10 جاقتاعى 47 ءتۇرلى ساياسات - شارانىڭ تياناقتانىپ، ونىمدىلىك كورسەتۋىن كۇش سالا ىلگەرىلەتتى، الدىڭعى جارتى جىلدا ەكونوميكالىق اينالىم جالپى جاقتان ورنىقتىلىقتى ساقتاعان.
الدىڭعى جارتى جىلدا، بيڭتۋاننىڭ ءوندىرىس جالپى ءونىم قۇنى 121 ميلليارد 497 ميلليون يۋانعا جەتىپ، سالىستىرمالى باعا بويىنشا ەسەپتەگەندە، سايكەس مەزگىلدەگىدەن ％4.8 ارتقان. كاسىپ سالاسى بويىنشا قاراعاندا، 1 - كاسىپتىڭ ارتقان قۇنى 7 ميلليارد 542 ميلليون يۋان بولىپ، سايكەس مەزگىلدەگىدەن ％9.4 ارتىپ، ەكونوميكالىق ارتۋعا قوسقان ۇلەسى ％14.1 بولعان؛ 2 - كاسىپتىڭ ارتقان قۇنى 58 ميلليارد 445 ميلليون يۋان بولىپ، سايكەس مەزگىلدەگىدەن ％4.2 ارتىپ، ەكونوميكالىق ارتۋعا قوسقان ۇلەسى ％33.9 بولعان؛ 3 - كاسىپتىڭ ارتقان قۇنى 55 ميلليارد 51 ميلليون يۋان بولىپ، سايكەس مەزگىلدەگىدەن ％4.7 ارتىپ، ەكونوميكالىق ارتۋعا قوسقان ۇلەسى ％52 بولعان.
بيڭتۋاننىڭ ەگىن، ورمان، مال، بالىق شارۋاشىلىعىنىڭ جالپى ءونىم قۇنى 23 ميلليارد 348 ميلليون يۋانعا جەتىپ، بىلتىرعى سول تۇستاعىدان ％8.3 ارتقان. مەملەكەتتىك ساناق مەكەمەسىنىڭ بيڭتۋان ورنالاستىرۋ - تەكسەرۋ باس اترەتىنىڭ ساندى مالىمەتىندە كورسەتىلۋىنشە، بيىل بيڭتۋاننىڭ استىق ەگىلگەن جەر اۋدانىنىڭ ارتۋى ءبىرشاما تەز بولىپ، جازعى استىق ەگىلگەن جەر اۋدانى 155 مىڭ 590 گەكتار بولىپ، بىلتىرعىدان 14 مىڭ 810 گەكتار ارتىپ، سايكەس مەزگىلدەگىدەن ％10.1 ارتىپ، جازعى استىق ءوندىرىسى نەگىزىنەن ورنىقتى بولعان.
بيڭتۋان ونەركاسىبى ورنىقتى، ۇيلەسىمدى ارتۋدى ساقتاپ، كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％6.2 ارتتى. مۇندا جاساۋ كاسىبىنىڭ ارتقان قۇنى سايكەس مەزگىلدەگىدەن ％6.6 ارتىپ، كولەمنەن جوعارى ونەركاسىپتىڭ ارتۋىنا قوسقان ۇلەسى ％78.9كە جەتكەن؛ ەلەكتر، جىلۋ، وتىندىق گاز، سۋ ءوندىرىسى مەن قامداۋ كاسىبىنىڭ ارتقان قۇنى سايكەس مەزگىلدەگىدەن ％7.1 ارتقان؛ جاڭادان قوسىلعان كاسىپورىنداردىڭ ارتقان قۇنى سايكەس مەزگىلدەگىدەن 3 ەسە ارتقان.
بيىلعى الدىڭعى 5 ايدا بيڭتۋاننىڭ كولەمنەن جوعارى قىزمەت وتەۋ كاسىپورىندارىنىڭ تيجارات كىرىسى 8 ميلليارد 659 ميلليون يۋان بولىپ، بىلتىرعى سول تۇستاعىدان ％12.8 ارتىپ، بيىل جىل باسىنان بەرى ەكى ورىندى سانمەن ارتۋدى ۇزدىكسىز ساقتاعان. كولەمنەن جوعارى قىزمەت وتەۋ كاسىپورىندارىنىڭ پايداسى 525 ميلليون يۋانعا جەتىپ، سايكەس مەزگىلدەگىدەن ％2.7 ارتىپ، ءبىرىنشى ماۋسىمداعى قۇلدىراۋدان وڭ ارتۋعا بۇرىلىس جاساعان.
بيڭتۋان جۇمىستاندىرۋدى ورنىقتىرۋ جونىندەگى ءبىر قىدىرۋ ساياسات - شارالاردى تياناقتاندىرىپ، الدىڭعى جارتى جىلدا قالا - قالاشىقتاردا جاڭادان جۇمىستانعاندار 49 مىڭ 700 ادام بولدى. ادەتتەگى الەۋمەتتىك مەجە ەسەپ شىعىسىندا وقۋ - اعارتۋ شىعىسى سايكەس مەزگىلدەگىدەن ％27.5 ارتقان، قوعامدىق قامتاماسىزداندىرۋ مەن جۇمىستاندىرۋ شىعىسى سايكەس مەزگىلدەگىدەن ％3.3 ارتقان، دەنساۋلىق ساقتاۋ - سالاماتتىق شىعىسى سايكەس مەزگىلدەگىدەن ％13.4 ارتىپ، حالىق تۇرمىسى ۇزدىكسىز جاقسارعان.
