تيانشان تورى
تيانشان تورى   ›   جاڭالىقتار   ›   شينجياڭ حابارلارى

وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى

  ءۇرىمجى قالاسىنداعى حۇڭگۋاڭشاننىڭ ماڭىنا قويىلعان 7 - كەزەكتى جۇڭگو − ازيا - ەۆروپا كورمەسىنىڭ نەگىزگى تاقىرىپتىق گۇلدىگى (8 - ايدىڭ 7 - كۇنى تۇسىرىلگەن). 7 - كەزەكتى جۇڭگو − ازيا - ەۆروپا كورمەسىنىڭ جاقىنداۋىنا بايلانىستى ءۇرىمجى قالاسىنىڭ نەگىزگى كوشە اۋىزدارىنا قويىلعان نەگىزگى تاقىرىپتىق گۇلدىكتەر كوركەم كورىنىسكە اينالدى.

  □ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن

  انار بۇلت \ شينجياڭ گازەتىنىڭ ءتىلشىسى حي حۇڭۋي 8 - ايدىڭ 7 - كۇنى ۇرىمجىدەن حابارلايدى. 7 - كەزەكتى جۇڭگو − ازيا - ەۆروپا كورمەسى جۋىق ارادا اشىلادى، وتكەن كەزەكتەگىلەرمەن ۇقسامايتىنى، وسى كەزەكتى كورمە تۇڭعىش رەت نەگىزگى قوناق ولكەلەردى بەلگىلەدى، گۋاڭدۇڭ ولكەسى، جىجياڭ ولكەسى نەگىزگى قوناق ولكەلەرى رەتىندە كورمەگە قاتىناسادى.

  نەگىزگى قوناق ولكە مەحانيزمى كەزەكتە ەل ىشىندەگى ۇكىمەت جەتەكشىلىك ەتەتىن كورمە - ماجىلىستەردە قولدانىلاتىن جاڭاشا ۇيىمدىق فورما. نەگىزگى قوناق ولكە ”ءارى قوناق، ءارى وتاعاسى“ بولۋداي ەرەكشە سالاۋاتقا يە، باستىسى، اتالعان ولكەنىڭ ەكونوميكاسىن، مادەنيەتىن، ەكولوگياسىن، ت.ب ۇگىتتەپ، سەلبەستىك پەن اۋىس - كۇيىستى نىعايتادى. بيىل 3 - ايدا اۆتونوميالى رايوندىق ساۋدا ىستەرى مەڭگەرمەسى گۋاڭدۇڭ ولكەسىنە، جىجياڭ ولكەسىنە بارىپ ساۋداگەر شاقىرعاندا، گۋاڭدۇڭ ولكەسىن، جىجياڭ ولكەسىن 7 - كەزەكتى جۇڭگو − ازيا - ەۆروپا كورمەسىنىڭ نەگىزگى قوناق ولكەسى بولۋعا ۇسىنىس ەتتى.

  ”وسى بىرنەشە جىلدا گۋاڭدۇڭنىڭ، جىجياڭنىڭ شينجياڭعا كومەكتەسۋىندە كورنەكتى ناتيجەگە قول جەتىپ، ەكى ولكە قاشقار ايماعىنىڭ، اقسۋ ايماعىنىڭ، شينجياڭ ءوندىرىس - قۇرىلىس بيڭتۋانى 1 - شىسىنىڭ، 3 - شىسىنىڭ، ت.ب ەكونوميكالىق، قوعامدىق دامۋىنا، سونداي - اق نەگىزدىك قۇرىلعىلار قۇرىلىسىنا كورنەكتى ۇلەس قوستى، وسى جاقتاردى ويلاسۋ نەگىزىندە ءبىز گۋاڭدۇڭ مەن جىجياڭدى 7 - كەزەكتى جۇڭگو − ازيا - ەۆروپا كورمەسىنىڭ نەگىزگى قوناق ولكەسى ەتىپ بەلگىلەدىك“، - دەدى شينجياڭ حالىقارالىق كورمە ىستەرى مەكەمەسى ساۋداگەر شاقىرۋ، كورمەگە شاقىرۋ ءبولىمىنىڭ باستىعى جۋ ديچياڭ تانىستىرىپ.

  گۋاڭدۇڭ ولكەسى، جىجياڭ ولكەسى وسى كەزەكتى جۇڭگو − ازيا - ەۆروپا كورمەسىنىڭ قارجى قوسىپ سەلبەستىك جاساۋ كورمە اۋماعىندا جەكە - جەكە 396 شارشى مەتر كەلەتىن ەرەكشە ورنالاستىرىلعان كورمە ورنىن قۇرىپ، ءوز جەرىنىڭ ەكونوميكالىق، قوعامدىق دامۋىن جانە شينجياڭعا باعىتتامالى كومەكتەسۋ قىزمەتىنىڭ جەتىستىكتەرىن جان - جاقتى ايگىلەيدى. جىجياڭ ولكەسى توقىماشىلىق، كيىم - كەشەك، اۋىل شارۋاشىلىق ونىمدەرى، ازىق - تۇلىك سياقتى سالالارعا ساياتىن 40تان استام كاسىپورىندى دا كورمەگە قاتىناسۋعا ۇيىمداستىردى.

  كورمە كەزىندە ەكى ولكە كوپ مايدان قارجى قوسىپ سەلبەستىك جاساۋ توقتامىنا قول قويۋ قيمىلىن دا وتكىزەدى. ”توقتام جاساسقان نىساندار ەكى ولكەنىڭ سارالانعان تاڭداۋلى نىساندارى، شينجياڭنىڭ ەكونوميكالىق دامۋىنا كورنەكتى جەبەۋ رولىن اتقاراتىندىعى داۋسىز“، - دەدى جۋ ديچياڭ تانىستىرىپ.

  قازىرگە دەيىن ۇيىمداستىرۋ كوميسسياسى 4000نان استام كورمە ورنىنا ساۋداگەر شاقىرۋ، كورمەگە شاقىرۋ قىزمەتىن اياقتاتتى، ەرەكشە ورنالاستىرىلعان كورمە ورنىنىڭ اۋماعى جالپى كورمە اۋماعىنىڭ %63ىن يەلەيدى. وسى كەزەكتى جۇڭگو − ازيا - ەۆروپا كورمەسىنە شەكارا ىشىنەن قاتىناسۋعا تىزىمدەلگەن كاسىپورىن 1600 نەشەگە جەتتى، دۇنيە جۇزىندەگى جانە جۇڭگوداعى 500 قۋاتتى كاسىپورىنعا جاتاتىن، ەل ارالىق نەشە ونداعان كاسىپورىن كورمەگە، جينالىسقا قاتىناسادى، كاسىپ سالاسىنداعى 110 باستاماشى كاسىپورىن كورمەگە قاتىناسادى. وتكەن كەزەكتەرمەن سالىستىرعاندا، ءارقايسى ولكەلەردىڭ (رايون، قالا) كورمەگە قاتىناسۋ اۋماعى، قارجى قوسىپ سەلبەستىك جاساۋ كورمە اۋماعى كورنەكتى ۇلكەيگەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.