تيانشان تورى
تيانشان تورى   ›   جاڭالىقتار   ›   ەل ءىشى حابارى

شىعىس بولىك سوعىس رايونى ءۇرتىس بىرلەسكەن جاتتىعۋ وتكىزىپ، دالمە - ءدال سوققى بەرۋ قابىلەتىن تەكسەردى

  شينحۋا اگەنتتىگىنىڭ 8 - ايدىڭ 7 - كۇنى نانجيڭنەن بەرگەن حابارى (تىلشىلەر لي بيڭشۋان، حان شۋەياڭ). 8 - ايدىڭ 7 - كۇنى جۇڭگو حالىق ازاتتىق ارمياسىنىڭ شىعىس بولىك سوعىس رايونى جوسپار بويىنشا تايۋان ارالىنىڭ ماڭايىنداعى تەڭىز ايدىنىندا، اۋە كەڭىستىگىندە ءۇرتىس ناقتى سوعىستىق بىرلەسكەن جاتتىعۋ وتكىزىپ، وت كۇشىن بىرلەستىرۋ ارقىلى جەر بەتىنە سوققى بەرۋ جانە الىس ارالىقتان اۋە كەڭىستىگىنە سوققى بەرۋ قۋاتىن ءتۇيىندى تەكسەردى.

  شىعىس بولىك سوعىس رايونىنداعى اۋە ارمياسى ساقتىق سيگنال بەرەتىن ۇشاق، بومبىلاۋشى ۇشاق، كەدەرگى جاساۋشى ۇشاق، جويعىش بومبىلاۋشى ۇشاق، جويعىش ۇشاق سياقتى كوپ تۇرپاتتى، كوپ توپتاعى سوعىس ۇشاقتارىن ارت - ارتىنان ىسكە قوسىپ، تايۋان ارالىنىڭ ماڭىنداعى اۋە كەڭىستىگىندە جۇيە قالىپتاستىرىپ، بىرلەسىپ بارلاۋ جۇرگىزۋ، اۋە كەڭىستىگىن مەڭگەرىپ سوعىس جۇرگىزۋ، جەر بەتىنە تۇتقيىل شابۋىلداۋ، كومەك بەرۋ، قورعاۋ سياقتى ناقتى سوعىستىق جاتتىعۋدى ءۇرتىس وتكىزدى. تەڭىز - اۋە جۇيەسىنىڭ كومەگىندە، اۋە كەڭىستىگىندە سوققى بەرۋ اسكەري كۇشى الىس ارالىقتى ساندىقشا راكەتا ميناموتى، داعدىلى باسقارىلمالى بومبى قوسىندارىمەن سايكەسىپ، كوپ باعىتقا ءبولىنىپ، بەلگىلەنگەن نىساناعا بىرلەسىپ، دالمە - ءدال سوققى بەرۋ جاتتىعۋىن وتكىزدى؛ كوپتەگەن بومبىلاۋشى ۇشاق قۇرامالارى الدىن الا بەلگىلەنگەن اۋە لەنياسى بويىنشا، وڭتۇستىك - سولتۇستىك ەكى باعىتتا تايۋان بۇعازىنان كەسىپ ءوتتى؛ بىرنەشە جويعىش ۇشاق تەڭىزدەگى قۋعىنداۋشى كەمەلەرمەن بىرلەسىپ، بىرلەسكەن جاتتىعۋ وتكىزدى.

  شىعىس بولىك سوعىس رايونى اۋە ارمياسى شتابى بەلگىلى باسقارماسىنىڭ باستىعى جاڭ جى بىلاي دەدى: ”وسى رەتكى ارەكەتتە ينفورماتسيالانۋ شارت - جاعدايىنداعى جۇيەلىك شابۋىلداۋ شايقاسى سوعىس ءادىسى جۇيەلى تەكسەرىلىپ، ارالداعى تالماۋ جەر نىسانالارىن دالمە - ءدال كۇيرەتۋ قابىلەتى شىڭدالىپ، دەڭگەيىن كوتەرىپ، اۋە كۇشتەرىنىڭ تەز سوققى بەرۋىنە، دالمە - ءدال سوققى بەرۋىنە، سىلەيتە سوققى بەرۋىنە شىنايى كەپىلدىك ەتىلدى“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.