شينحۋا اگەنتتىگىنىڭ 8 - ايدىڭ 8 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ ورنى، ورتالىق ارحيۆ سارايى سەلبەسىپ قۇراستىرعان «جۇڭگو كوممۋنيستىك پارتياسىنىڭ ماڭىزدى حۇجاتتار توپتاماسىنىڭ» العاشقى توپتاعى حۇجاتتار جيناعى جۋىقتا حالىق باسپاسىنان باسپادان شىعىپ تاراتىلدى.
«جۇڭگو كوممۋنيستىك پارتياسىنىڭ ماڭىزدى حۇجاتتار توپتاماسى» پارتيا تاريحىن ۇيرەنۋدەگى، زەرتتەۋدەگى قۇزىرلى حۇجات ماتەريالدار جيناعى. بۇل جولى باسپادان شىققان العاشقى توپتاعى حۇجاتتار جيناعى نەگىزىنەن 1921 - جىلدان 1927 - جىلعا دەيىنگى مەزگىلدەگى پارتيانىڭ ماڭىزدى حۇجاتتارىن قامتيدى، جالپى 12 توم، 4 ميلليون 300 نەشە مىڭ ءارىپ، پارتيا قۇرىلۋدان ىلگەرى قالىپتاسقان ءىشىنارا ماڭىزدى حۇجاتتار ”قوسىمشا ءبولىم“ رەتىندە 1 - تومعا ەنگىزىلدى. العاشقى توپتا باسپادان شىققان وسى ماڭىزدى حۇجاتتار ماركسيزم جۇڭگودا تارالعاننان كەيىن جۇڭگو قوعامىنا تۋدىرعان زور ىقپالىن جان - جاقتى، جۇيەلى بەينەلەدى؛ العاباسار جۇڭگولىقتاردىڭ عىلمي نازاريانى تاڭداۋىنىڭ، ماركسيزمدىك سەنىم ورناتۋىنىڭ يدەيالىق جۇلگەسىن بەينەلەدى؛ باستاپقى كەزدەگى كوممۋنيستەردىڭ ماركسيزمنىڭ، لەنينيزمنىڭ جەتەكشىلىگىندە جۇڭگو توڭكەرىسىندەگى نەگىزگى ماسەلەلەر جونىندەگى جاسامپاز ىزدەنىستەرىن، سونداي - اق ۇلتتىڭ گۇلدەنۋىن جۇزەگە اسىرۋ جولىندا جۇرگىزگەن قاھارماندىق كۇرەسىن بەينەلەدى. وسى ماڭىزدى حۇجاتتار جۇڭگو كوممۋنيستىك پارتياسىن قۇرۋعا ازىرلەنۋدىڭ جانە قۇرۋدىڭ ماشاقاتتى بارىسىن انىق ەستەلىككە الدى، ماركسيزمدى جۇڭگوشالاندىرۋ بارىسىندا ءتۇرلى قاتە يدەيالىق اعىمدارمەن وتكىر سايىستى ەستەلىككە الدى، جۇڭگو كوممۋنيستەرىنىڭ اۋەلگى ماقساتتى ورناتۋ، بورىش ارقالاۋىنىڭ شۇعىلالى بارىسىن ەستەلىككە الدى، جۇڭگو كوممۋنيستىك پارتياسىنىڭ وزىنە - ءوزى ۇلى توڭكەرىس جۇرگىزۋ ارقىلى ۇلى قوعامدىق توڭكەرىسكە ۇزدىكسىز جەتەكشىلىك ەتۋىنىڭ ايبىندى تاريحىن ەستەلىككە الدى، سونىمەن بىرگە جۇڭگو كوممۋنيستىك پارتياسىنىڭ بىرتىندەپ قالىپتاستىرعان جانە امالياتتا باتىل ايگىلەگەن پارتيا قۇرۋ ۇلى رۋحىن دا ايگىلەدى.
«جۇڭگو كوممۋنيستىك پارتياسىنىڭ ماڭىزدى حۇجاتتار توپتاماسىنىڭ» قۇراستىرىلىپ باسپادان شىعۋى پارتيا تاريحىن ۇيرەنۋ تاربيەسىن تەرەڭدەتۋگە، كەڭەيتۋگە سەپتىگىن تيگىزەدى، قالىڭ پارتيا مۇشەلەرىنىڭ، كادرلاردىڭ، بۇقارانىڭ پارتيا تاريحىنان كۇش - قۋات الىپ، سەنىمدى بەكەمدەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن كۇش سالا جازۋىنا سەپتىگىن تيگىزەدى.
