شينحۋا اگەنتتىگى كولەمدى شولۋ تاراتتى
«”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ − باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋعا جەتەكشىلىك ەتكەندىگى جونىندە شولۋ»
شينحۋا اگەنتتىگىنىڭ 8 - ايدىڭ 8 - كۇنى بەيجيڭنەن بەرگەن حابارى. شينحۋا اگەنتتىگى 8 - ايدىڭ 8 - كۇنى «”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ − باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋعا جەتەكشىلىك ەتكەندىگى جونىندە شولۋ» اتتى كولەمدى شولۋ تاراتتى.
ماقالادا بىلاي دەلىندى: بيىل جىل باسىنان بەرى ىندەت جاعدايى سوزىلىپ، قايتالانىپ، حالىقارالىق ورتا كۇردەلى، قاتاڭ، ەل ىشىندەگى رەفورما، دامۋ، ورنىقتىلىق مىندەتى اناعۇرلىم ماشاقاتتى، اۋىر بولا ءتۇستى.
”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ كەرەك، بۇل پارتيا ورتالىق كوميتەتىنىڭ ايقىن تالابى“.
ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتى ميلليارد حالىقتى باستاپ، ءبىر نيەتپەن كۇش شىعارىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدە بەلسەندى ناتيجەگە قول جەتكىزىپ، ەكونوميكالىق، قوعامدىق دامۋدا تىڭ ناتيجەگە قول جەتكىزىپ، جوعارى ساپالى دامۋ بارىسىندا تاريحي ىرىقتىلىقتى يگەردى.
ماقالا ءتورت بولىككە ءبولىندى: ”حالىقتىڭ ءومىرى مەن دەنساۋلىعىن ەڭ جوعارى شەكتە قورعاۋمەن بىرگە، ەكونوميكالىق، قوعامدىق دامۋدىڭ نەگىزگى اۋقىمىن ەڭ جوعارى شەكتە ورنىقتىردى“؛ ”جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ءتيىمدى ىقپالداستىعىن جۇزەگە اسىردى“؛ ”قانداي قيىندىققا جولىقساق تا، ءبىز حالىقتى وزەك ەتكەن دامۋ يدەياسىنا تاباندى بولۋىمىز كەرەك“؛ ”ستراتەگيالىق تاباندىلىقتى ساقتاپ، ءوز ءىسىمىزدى تاباندىلىقپەن ويداعىداي ىستەۋىمىز كەرەك“.
ماقالادا بىلاي دەلىندى: ەلىمىزدىڭ دامۋى ءالى دە ۇلكەن ىستەر تىندىرۋعا بولاتىن ماڭىزدى ستراتەگيالىق وراي مەزگىلىندە تۇر. باس شۋجي شي جينپيڭ بىلاي دەپ اتاپ كورسەتتى: ”جالپىلىق تۇجىرىم جاساعاندا، ەلىمىزدىڭ دامۋى ءالى دە كوپتەگەن ستراتەگيالىق ءتيىمدى شارت - جاعدايلارعا يە، ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى جەتكىلىكتى، ۇزاق ۋاقىت جاقسارۋعا بەت العان نەگىزگى جاعى وزگەرمەيدى“.
قازىر دۇنيە ءجۇزى 100 جىلدا بولماعان ۇلكەن وزگەرىستى باستان وتكەرۋدە، ءبىراق، وراي مەن اۋقىم ءبىز جاقتا، بۇل ءبىزدىڭ تاباندىلىعىمىز بەن قايراتىمىزدىڭ تياناعى، سونداي - اق بەكىمىمىز بەن سەنىمىمىزدىڭ تياناعى.
ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ءوز ءىسىمىزدى مىزعىماس تاباندىلىقپەن ويداعىداي ىستەپ، اسقاق جىگەرمەن قايراتتانا ۇمتىلىپ، قايسارلىقپەن العا باسىپ، ىنتىماقتاسا كۇرەس جۇرگىزىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الساق، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن، ءسوز جوق، جازىپ شىعا الامىز!
