شينحۋا اگەنتتىگىنىڭ 8 - ايدىڭ 8 - كۇنى نانجيڭنەن بەرگەن حابارى (تىلشىلەر لي بيڭشۋان، حان شۋەياڭ). 8 - ايدىڭ 8 - كۇنى جۇڭگو حالىق ازاتتىق ارمياسىنىڭ شىعىس بولىك سوعىس رايونى جوسپار بويىنشا تايۋان ارالىنىڭ ماڭىنداعى تەڭىز ايدىنىندا، اۋە كەڭىستىگىندە ناقتى سوعىستىق بىرلەسكەن جاتتىعۋ جۇرگىزىپ، بىرلەسىپ سۇڭگۋىر كەمەگە قارسى تۇرۋ جانە تەڭىزدەگى نىسانالارعا تۇتقيىل سوققى بەرۋ ارەكەتىن ءتۇيىندى تۇردە ۇيىمداستىردى.
سوعىس رايونىنداعى تەڭىز ارمياسىنىڭ كوپتەگەن قۋعىنداۋشى - قورعاۋشى كەمەلەرى مەن كوپ تۇرپاتتى كوپتەگەن سوعىس ۇشاقتارى، كوپتەگەن جاعالىق جەتەكشى وت كۇشى بولەكتەرى سوعىس رايونىنىڭ ءبىر تۇتاس قولباسشىلىعىندا، ”سوعىس پەن جاتتىعۋ بىردەي بولۋ، جۇيە بويىنشا اسكەر ىستەتۋ“ تالابى بويىنشا، سۇڭگۋىر كەمەگە قارسى بىرلەسكەن جاتتىعۋدى ءتۇيىندى تۇردە ۇيىمداستىردى. سۇڭگۋىر كەمەگە قارسى جويعىش شارلاۋشى ۇشاق، سۋ ءۇستى كەمەسى، كەمەدەگى سۇڭگۋىر كەمەگە قارسى جويعىش تىك ۇشاقتان ۇيىمداسقان سۇڭگۋىر كەمەگە قارسى بىرلەسكەن سوعىس جۇرگىزۋ گرۋپپاسى نىسانالى وڭىردە تور تىزبەگىن قۇرىپ، سۇڭگۋىر كەمەنى ىزدەۋ، ەلىكتەمەلى شابۋىلداۋ، جان - جاقتى قورعانۋ، قارسى تۇرۋ سياقتى جاتتىعۋلاردى سەلبەسىپ ورىستەتتى.
شىعىس بولىك سوعىس رايونى تەڭىز ارمياسى اۆياتسيا اسكەرلەرى بەلگىلى شىسى بەلگىلى ۇشاق گرۋپپاسىنىڭ اۋە سوعىس تاكتيكاسى قولباسشىسى جاڭ شياۋشىن بىلاي دەدى: ”ءبىز كوپ اسكەر تۇرلەرىمەن بىرلەسىپ تەڭىز ايدىنى جانە اۋە كەڭىستىگى ءبىر تۇلعالى سۇڭگۋىر كەمەگە قارسى سوعىس جۇرگىزۋ جۇيەسىن ورناتىپ، ىزدەۋدىڭ كەڭدىگىن، تەرەڭدىگىن، دالدىگىن ءونىمدى كۇشەيتتىك“.
