سىرتقى ىستەر مينيسترلىگىنىڭ مالىمدەمەشىسى:
ءبىر جۇڭگو پرينسيبىنىڭ ۇيلەسىمدى بولۋى جالپىعا بىردەي، شارتسىز، ودان كۇدىكتەنۋگە بولمايدى
شينحۋا اگەنتتىگىنىڭ 8 - ايدىڭ 8 - كۇنى بەيجيڭنەن بەرگەن حابارى (ءتىلشى ۋىن شين). سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 8 - ايدىڭ 8 - كۇنى مىنانى اتاپ كورسەتتى: ءبىر جۇڭگو پرينسيبىنىڭ ماعىناسى انىق، ايقىن، ونىڭ ۇيلەسىمدى بولۋى جالپىعا بىردەي، شارتسىز، ودان كۇدىكتەنۋگە بولمايدى. ءبىر جۇڭگو پرينسيبىنە، حالىقارالىق زاڭمەن باسقارۋعا جانە حالىقارالىق تارتىپكە سايىس جاريالاۋعا ۇرىنۋ قاسكۇنەمدىگىنىڭ حالىقارالىق قوعامنىڭ بىرگە قارسى تۇرۋىنا ۇشىرايتىندىعى، ىسكە اسپايتىندىعى داۋسىز.
امەريكا، اۆستراليا، جاپونيا سىرتقى ىستەر مينيسترلەرىنىڭ جۋىقتا جاريالاعان بىرلەسكەن مالىمدەمەسىندەگى ءۇش ەلدىڭ ”ءبىر جۇڭگو ساياساتىنا“ ساياتىن بايانداۋىنا قاراتا، ۋاڭ ۋىنبين داعدىلى تىلشىلەر ماجىلىسىندە سۇراۋعا جاۋاپ بەرگەندە جوعارىداعىنى ايتتى.
ۋاڭ ۋىنبين بىلاي دەدى: ءبىر جۇڭگو پرينسيبى − حالىقارالىق قوعامنىڭ جالپى بەتتىك ورتاق تانىمى، جالپى مويىنداعان حالىقارالىق قارىم - قاتىناستاردىڭ نەگىزگى ولشەمى، دۇنيە جۇزىلىك ەكىنشى سوعىستان كەيىنگى حالىقارالىق ءتارتىپتى قالىپتاستىرۋدىڭ قۇرامداس بولىگى، بىرلەسكەن مەملەكەتتەر ۇيىمى جينالىسىنىڭ 2758 - ءنومىرلى قارارىندا تۇراقتاندىرىلعان، سونداي - اق جۇڭگو مەن قاتىستى مەملەكەتتەردىڭ ديپلوماتيالىق قارىم - قاتىناس ورناتۋىنىڭ جانە دامىتۋىنىڭ ساياسي نەگىزى. بىرلەسكەن مەملەكەتتەر ۇيىمى حاتشىلار باسقارماسىنىڭ رەسمي زاڭدىق پىكىرىندە دە ”جۇڭگونىڭ ءبىر ولكەسى بولعان تايۋاننىڭ دەربەس ورنى جوق“ دەپ ايقىن اتاپ كورسەتىلگەن.
”ءىشىنارا ەلدەر ءبىر جۇڭگو پرينسيبىنىڭ الدى - ارتىنا ءتۇرلى قوسىمشىلار قوسىپ، ءبىر جۇڭگو پرينسيبىن بۇرمالاۋعا، فورماعا اينالدىرۋعا، ۇڭعىلاۋعا ۇرىندى، بۇل زاڭسىز، كۇشكە يە ەمەس. جۇڭگو جاق بۇعان باتىل قارسى تۇرادى“، - دەدى ول.
ۋاڭ ۋىنبين بىلاي دەپ باسا دارىپتەدى: ءبىر جۇڭگو پرينسيبىنىڭ ماعىناسى انىق، ايقىن، ول دەگەنىمىز دۇنيە جۇزىندە تەك ءبىر عانا جۇڭگو بار، تايۋان − جۇڭگونىڭ ءبىر بولىگى، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت دەگەن ءسوز. ءبىر جۇڭگو پرينسيبىنىڭ ۇيلەسىمدىلىگى جالپىعا بىردەي، شارتسىز، ودان كۇدىكتەنۋگە بولمايدى، جۇڭگومەن ديپلوماتيالىق قارىم - قاتىناس ورناتقان بارلىق مەملەكەتتەر، بىرلەسكەن مەملەكەتتەر ۇيىمىنا مۇشە بارلىق مەملەكەتتەر تۇگەلدەي ءبىر جۇڭگو پرينسيبىنە شارتسىز بويسۇنۋى، بىرلەسكەن مەملەكەتتەر ۇيىمى جينالىسىنىڭ 2758 - ءنومىرلى قارارىنا بويسۇنۋى ءتيىس. ”ءىشىنارا مەملەكەتتەردىڭ ارەكەتى، ءىس جۇزىندە، ءبىر جۇڭگو پرينسيبىن بۇرمالاپ وقىپ، بۇرمالاپ ءتۇسىندىرۋ بولىپ تابىلادى، بۇل ماندىك جاقتان حالىقارالىق زاڭداردىڭ نەگىزگى پرينسيبى مەن حالىقارالىق قارىم - قاتىناستاردىڭ نەگىزگى ولشەمىنە سايىس جاريالاعاندىق، سونداي - اق دۇنيە جۇزىلىك ەكىنشى سوعىستان كەيىنگى حالىقارالىق تارتىپكە سايىس جاريالاعاندىق.
”ادامدا سەنىم بولماسا تابان تىرەپ تۇرا المايدى، مەملەكەتتە سەنىم بولماسا السىرەيدى“. ۋاڭ ۋىنبين بىلاي دەدى: ءىشىنارا ەلدەرگە تاريحتى جاقسىراق وقىپ، كەزىندە بەرگەن اق قاعازعا قارا سيامەن جازىلعان ايبىندى ۋادەسىن ورىنداپ، ۋادەسىنەن تايۋدىڭ، ”تايۋاندى دەربەستەندىرۋدى“ كوزدەيتىن كۇشتەردى جەلىكتىرۋدىڭ حاۋىپتىلىگى مەن زالالىن ىشكەرىلەي تانۋدى ەسكەرتەمىز. ”ءبىر جۇڭگو پرينسيبىنە، حالىقارالىق زاڭمەن باسقارۋعا جانە حالىقارالىق تارتىپكە سايىس جاريالاۋعا ۇرىنۋ قاسكۇنەمدىگىنىڭ حالىقارالىق قوعامنىڭ بىرگە قارسى تۇرۋىنا ۇشىرايتىندىعى، ىسكە اسپايتىندىعى داۋسىز“.
