تيانشان تورى
تيانشان تورى   ›   جاڭالىقتار   ›   شينجياڭ حابارلارى

شايار اۋدانى ماقتاسىنىڭ تۇتاس كاسىپ سالاسى تىزبەگى العاشقى ادىمدا قالىپتاستى

ءبىر تال ماقتا تۇقىمىنان ءبىر پار كيىمگە دەيىن

شايار اۋدانى ماقتاسىنىڭ تۇتاس كاسىپ سالاسى تىزبەگى العاشقى ادىمدا قالىپتاستى

  انار بۇلت \ شينجياڭ گازەتىنىڭ ءتىلشىسى رىن جياڭ 8 - ايدىڭ 8 - كۇنى شاياردان حابارلايدى. 8 - ايداعى شىجىعان كۇندەگى شەكسىز دە شەتسىز ماقتا اتىزىندا جاپ - جاسىل جاپىراقتار اراسىندا گۇلدەر قۇلپىرا اشىلىپ تۇر، وسى 2400 مۋلىق ماقتا اتىزى شايار اۋدانى گۇلباق قالاشىعى قۇمتوعاي قىستاعىنىڭ جيفىڭ اۋىل شارۋاشىلىق قىزمەت وتەۋ كاسىپتىك سەلبەستىك كووپەراتيۆىنە تاۋەلدى. ”قاۋاشاق كەزىندە جەتكىلىكتى سۋ قاجەت“، - دەدى وسى سەلبەستىك كووپەراتيۆىنىڭ مۇشەسى جاۋ كۇنيۇڭ ءبىر ۋىس دىمقىل توپىراقتى ۇستاپ تۇرىپ.

  وسى ماقتا اتىزى سۋ ۇنەمدەپ، تامشىلاتىپ سۋارۋ تەحنيكاسىن قولدانعان جوعارى ولشەمدى ەگىس اتىزى. بۇرىنعىمەن سالىستىرعاندا، ماقتا اتىزىنا پايدالانىلاتىن سۋ جارتىسىنداي ازايتىلعانىمەن، مۋ باسىندىق ءتۇسىمى ەسەلەپ ارتتى. ”سۋدان پايدالانۋ مولشەرى ازايتىلسا، سۋارۋ رەتىنە كەپىلدىك ەتۋگە بولادى، شەشۋشى كەزدە كوبىرەك سۋارىلسا، مۋ باسىندىق ءتۇسىمى جوعارىلايدى“، - دەدى شايار اۋدانى اۋىل شارۋاشىلىق تەحنيكاسىن جالپىلاستىرۋ ورتالىعىنىڭ مەڭگەرۋشىسى مۇسا قاسىم.

  ”تاماق مولشەرىن ازايتىپ، رەت سانىن كوبەيتۋ“ ماقتا ەگىمشىلىگىندەگى سۋدان پايدالانۋ قيىن بولۋ ماسەلەسىن شەشىپ، ساپاسى جاقسى، ءتۇسىم مولشەرى جوعارى شايار ماقتاسىنىڭ اناعۇرلىم زور باسەكەلىك قۋاتقا يە بولۋىنا مۇمكىندىك بەرىپ، شايار اۋدانى ماقتاسىنىڭ تۇتاس كاسىپ سالاسى تىزبەگىن تۇلعالاۋدىڭ قادامىن اناعۇرلىم شاپشاڭداتتى.

  شايار اۋدانى شينجياڭداعى ماقتا ەگىمشىلىگىندەگى ءىرى اۋدان، بيىل ءبىر ميلليون 868 مىڭ مۋ جەرگە ماقتا ەگىلدى. سوڭعى جىلدارى وسى اۋدان ماقتا كاسىپ سالاسىن زور كۇشپەن دامىتىپ، ەگۋ، ءوندىرۋ جانە جىنتىكتەي وڭدەۋ ءبىر تۇلعالاندىرىلعان ماقتانىڭ تۇتاس كاسىپ سالاسى تىزبەگىن تۇلعالادى. قازىر بۇكىل اۋداندا 33 ماقتا وڭدەيتىن كاسىپورىن، 150دەن استام توقىماشىلىق، كيىم - كەشەك كاسىپورنى (سەلبەستىك كووپەراتيۆى)، 3 ماقتا ۇرىعىن وڭدەۋ كاسىپورنى بار.

  ”مەنىڭ شايارعا كەلگەنىمە 10 جىل بولدى، ماقتانىڭ تۇتاس كاسىپ سالاسى تىزبەگىنىڭ دامۋىنا كۋا بولدىم“، - دەدى گاۋ فىڭچين. بۇگىنگى تاڭدا گاۋ فىڭچين شينجياڭ شوۋشين تۇقىم شارۋاشىلىعى عىلىم - تەحنيكا شەكتى جاۋاپكەرشىلىك سەرىكتەستىگى، شايار اۋدانى شوۋشين ماقتا توقىماشىلىعى شەكتى جاۋاپكەرشىلىك سەرىكتەستىگى، شايار جينسۇڭ شارۋاشىلىق كيىم - كەشەك شەكتى جاۋاپكەرشىلىك سەرىكتەستىگى سىندى 3 سەرىكتەستىكتىڭ جاۋاپتىسى. ماقتا تۇقىمن جەتىلدىرۋدەن ماقتا ەگۋگە دەيىن، ءجىپ يىرۋدەن توقىماشىلىققا، ونان كيىم تىگۋگە دەيىن، جەرگىلىكتى ورىننىڭ ۇزدىكسىز ماقتا كاسىپ سالاسىنىڭ تىزبەگىن ۇزارتۋىنا، تىزبەگىن تولىقتاۋىنا، تىزبەگىن كۇشەيتۋىنە، تىزبەگىن كەڭەيتۋىنە ىلەسە، گاۋ فىڭچيننىڭ ىستەرى بارعان سايىن زورايدى − 2012 - جىلى تۇقىم جەتىلدىرۋ سەرىكتەستىگىن قۇردى، 2013 - جىلى شيتتەۋ زاۆودىن سالدى، 2018 - جىلى توقىماشىلىق زاۆودىن سالدى. قازىر 150 ميلليون يۋان قارجى قوسىلعان كەزدەمە توقۋ زاۆودى سالىنىپ بولدى، كەزدەمە توقۋدان سىرت، تاعى ءۇي توقىما ونىمدەرى، كيىم - كەشەك سياقتىلاردى ءوندىرىپ، ءبىر تال ماقتا تۇقىمىنان ءبىر كيىمگە دەيىنگى كاسىپ سالاسى تىزبەگىنىڭ تۇيىق اينالىمىن اياقتادى.

  گاۋ فىڭچيننىڭ شارۋاشىلىق قۇرۋ كەشىرمەسى شايار اۋدانى ماقتاسى تۇتاس كاسىپ سالاسى تىزبەگى دامۋىنىڭ ىقشام كورىنىسى. قازىر وسى اۋداننىڭ توقىماشىلىق، كيىم - كەشەك كاسىپورىندارى (سەلبەستىك كووپەراتيۆى) ماقتا ءجىپ ءوندىرۋ، كەزدەمە توقۋ، كيىم - كەشەك، كىلەم، كەستە سياقتىلاردى شارپىپ، ءجىپ ءيىرۋ كولەمى ءبىر ميلليون 640 مىڭ ۇرشىققا جەتىپ، ءجىپ يىرۋگە جۇمسالاتىن جىلدىق تازا ماقتا مولشەرى 150 مىڭ توننادان استى؛ 9784 توقۋ ماشيناسى قۇرىلىپ، 1414ى وندىرىسكە قوسىلدى. كولەمنەن جوعارى 11 توقىماشىلىق، كيىم - كەشەك كاسىپورنى بيىل الدىڭعى جارتى جىلدا 50 مىڭ 900 توننا يىرىلگەن ءجىپ، 26 ميلليون 170 مىڭ مەتر وڭدەلمەگەن كەزدەمە ءوندىرىپ، ءبىر ميلليارد 870 ميلليون يۋان ونەركاسىپ جالپى ءونىم قۇنىن جۇزەگە اسىرىپ، ونەركاسىپتەگى ارتقان قۇندى 276 ميلليون يۋانعا جەتكىزىپ، سايكەس مەزگىلدەگىدەن %5. 51 ارتتىردى. بيىل وسى اۋدان ليحۋا توقىماشىلىعى، جياحۇي توقىماشىلىعى سياقتى 12 كاسىپ سالاسى تىزبەگى نىسانىن اتقارىپ، جيىنى 954 ميلليون يۋان قارجى قوسادى.

  شايار اۋدانىنىڭ ماقتانىڭ كاسىپ سالاسى تىزبەگىن ۇزارتۋى، تىزبەگىن تولىقتاۋى، تىزبەگىن كەڭەيتۋى، تىزبەگىن كۇشەيتۋى ءالى دە ۇزدىكسىز تەرەڭدەتىلۋدە. بيىل ماقتانىڭ سابانىنا مەڭزەس، شايار اۋدانى شاڭحاي كاڭباي قورشاعان ورتانى قورعاۋ جابدىقتارى شەكتى سەرىكتەستىگىنىڭ ماقتا سابانىنان جوعارى ساپالى ەكولوگيالىق جاساندى تاقتا جاساۋ قۇرىلىسى نىسانىن ەنگىزىپ، جيىنى ءبىر ميلليارد 300 ميلليون يۋان قارجى قوسادى، 250 ميلليون يۋان قارجى قوسىلعان شايار اۋدانى شانشۇي قورشاعان ورتانى قورعاۋ عىلىم - تەحنيكاسى شەكتى سەرىكتەستىگىنىڭ جىلدىق ءونىم مولشەرى 200 مىڭ توننالىق وسىمدىك تالشىعى قۇرىلىسى نىسانى ىلگەرىلەتىلۋدە؛ ماقتا مايىن جىنتىكتەي وڭدەۋگە مەڭزەس، اقسۋ جيارۇن عىلىم - تەحنيكا جارنا شەكتى سەرىكتەستىگىنىڭ 100 مىڭ توننالىق ماي قىشقىلى قۇرىلىس نىسانىن ەنگىزەدى.

  قازىر شايار اۋدانىنىڭ %50كە جۋىق ماقتاسى سول جەردىڭ وزىندە توقىما ونىمدەرىنە اينالدىرىلىپ، كولەمدەندىرىلە تيجارات جۇرگىزىلىپ، ولشەمدەندىرىلە ءوندىرىلىپ، ماشينالاندىرىلا جۇمىس ىستەلىپ، ماقتانىڭ تۇتاس كاسىپ سالاسى تىزبەگىنىڭ دامۋ كولەمى العاشقى ادىمدا قالىپتاستىرىلدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.