تيانشان تورى
تيانشان تورى   ›   جاڭالىقتار   ›   سۋرەتتى حابار

ىندەتتى ءبىر جاقتى ەتۋ قىزمەتىن قاباعات تەزدىكپەن جەدەلدەتە ويداعىداي ىستەپ، ىندەتتەن ساقتانۋ - تىزگىندەۋ قابىلەتى مەن دەڭگەيىن شىن مانىندە جوعارىلاتۋ كەرەك

ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ ماجىلىسىندە بىلاي دەپ باسا دارىپتەدى

ىندەتتى ءبىر جاقتى ەتۋ قىزمەتىن قاباعات تەزدىكپەن جەدەلدەتە ويداعىداي ىستەپ، ىندەتتەن ساقتانۋ - تىزگىندەۋ قابىلەتى مەن دەڭگەيىن شىن مانىندە جوعارىلاتۋ كەرەك

ەركىن تۇنياز، لي يفي قاتىناستى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي 8 - ايدىڭ 9 - كۇنى كەشتە اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىندا بەينە ەكران ءماجىلىسىن باسقارىپ اشتى، ءماجىلىس باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، رايونىمىزدىڭ ىندەتتەن ساقتانۋ - تىزگىندەۋ جاعدايىنا ىشكەرىلەي تالداۋ جاساپ، تۇجىرىم جاساپ، كەلەسى قادامداعى قىزمەتتەردى ورنالاستىرىپ، جايعاستىرىپ، ىندەتتەن ساقتانۋ - تىزگىندەۋ سىندى قاتاڭ شايقاستىڭ جەڭىسىنە باتىل قول جەتكىزۋدى تالاپ ەتتى.

  اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ماجىلىسكە قاتىناستى.

  ما شيڭرۇي بىلاي دەپ اتاپ كورسەتتى: قازىر رايونىمىزدىڭ ىندەتتەن ساقتانۋ - تىزگىندەۋ جاعدايى كۇردەلى دە قاتاڭ، ساقتانۋ - تىزگىندەۋ مىندەتى ماشاقاتتى بولىپ وتىر. جەر - جەر، تاراۋلار باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن باتىل دايەكتىلەندىرىپ، كەزەكتەگى ىندەتتەن ساقتانۋ - تىزگىندەۋدىڭ قاتاڭدىعىن، كۇردەلىلىگىن، ماشاقاتتىلىعىن جىعا تانىپ، ساياسي سانالىلىقتى، يدەيالىق سانالىلىقتى جانە ارەكەت سانالىلىعىن شىنايى كۇشەيتىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى مەن 9 - نۇسقاداعى ساقتانۋ - تىزگىندەۋ جوباسىنىڭ تالابى بويىنشا، ساقتانۋ - تىزگىندەۋ شارالارىن ونان ارى قاتاڭ، ونان ارى ناقتى، ونان ارى ەگجەي - تەگجەيلى تياناقتاندىرىپ، اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ارقالاۋدى، اركىم ءوز جاۋاپكەرشىلىگىن ادا ەتۋدى ورىنداپ، ىندەتتەن ساقتانۋ - تىزگىندەۋ سىندى وسى قاتاڭ شايقاستىڭ جەڭىسىنە باتىل قول جەتكىزۋ كەرەك.

  ما شيڭرۇي بىلاي دەپ باسا دارىپتەدى: جەر - جەر، تاراۋلار حالىقتى وزەك ەتكەن دامۋ يدەياسىن بەرىك ورناتىپ، ”ءار دايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، ىندەتتەن ساقتانۋ - تىزگىندەۋدى ويداعىداي يگەرۋدى كەزەكتەگى قىزمەتتىڭ ەڭ ماڭىزدى ءتۇيىنى ەتىپ، ونان ارى تانىمدى جوعارىلاتىپ، سەنىمدى بەكەمدەپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، باسىمدىققا يە كۇشتەردى شوعىرلاندىرىپ، اناعۇرلىم دالمە - ءدال، پارمەندى، شاپشاڭ، باتىل شارالار قولدانىپ، ”تەز بولۋ“ جاعىنا كۇش سالىپ، ”شىنايى بولۋ“ جاعىنا كۇش سالىپ، ەڭ زور قۇلشىنىسپەن، ەڭ قىسقا ۋاقىت ىشىندە ىندەتتى جويۋ كەرەك. زاڭ بويىنشا عىلمي، دالمە - ءدال، جوعارى ءونىمدى ىستەۋگە تاباندى بولىپ، ىندەتتى ءبىر جاقتى ەتۋ قىزمەتىن قاباعات تەزدىكپەن جەدەلدەتە ويداعىداي ىستەۋ كەرەك. پارمەندى قولباسشىلىق جۇيە مەن اتقارۋ جۇيەسىن ساپالىلاندىرىپ جانە كەمەلدەندىرىپ، جوعارى، ورتا، تومەن حاۋىپ - قاتەرلى اۋماقتاردى عىلمي ايىرىپ، ۋاقىتقا، جاعدايعا قاراي وتىرىپ، ساقتانۋ - تىزگىندەۋ ولشەمىن جوعارىلاتىپ، ساقتانۋ - تىزگىندەۋ شارالارىن رەتتەۋ؛ حىسۋان تەكسەرۋدىڭ ساپا ونىمدىلىگىن جاپپاي جوعارىلاتىپ، حاۋىپ - قاتەرى بار ادامداردى شاپشاڭ، جوعارى ونىمدىلىكپەن انىقتاپ تەكسەرىپ شىعۋ، باسقارۋ - تىزگىندەۋ؛ تاس جول، ازاماتتىق اۆياتسيا، تەمىر جول سياقتىلارداعى بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، توپتالۋ سيپاتتى قيمىلداردى قاتاڭ باسقارىپ، قوعامدىق جاقتاعى باسقارۋ - تىزگىندەۋدى ناقتى، ەگجەي - تەگجەيلى يگەرۋ كەرەك. قاتاڭ، ەگجەي - تەگجەيلى، تەرەڭ، ناقتى بولۋعا تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋ شارالارىن تياناقتاندىرۋ كەرەك. ”ءتورت ەرتە بولۋ“ شارالارىن كۇشەيتىپ، وتكەلدى الدىعا جىلجىتۋعا تاباندى بولىپ، قاداعالاۋدىڭ، الدىن الا ساقتاندىرۋدىڭ ۋاقىت ونىمدىلىگىن، سەزگىرلىگىن ۇزدىكسىز كۇشەيتۋ؛ ءتۇيىندى بۋىنداردا، ءتۇيىندى ورىنداردا، ءتۇيىندى ادامدار شوعىرىندا دالمە - ءدال ساقتانۋ - تىزگىندەۋدى ۇزدىكسىز كۇشەيتىپ، ادام، زات، قورشاعان ورتا جاعىندا بىردەي ساقتانۋعا تاباندى بولىپ، شەكارا وتكەلدەرىنىڭ جابىق باسقارۋىن قاتايتىپ، بەرىك قورعانىس شەبىن بەكەمدەۋ؛ الەۋمەتتىك اۋماقتى توركوزدەندىرىپ باسقارۋ جۇيەسىن كەمەلدەندىرىپ، ادامداردىڭ اعىلۋىن دالمە - ءدال، ەگجەي - تەگجەيلى تىزگىندەپ، ويداعىداي باسقارىپ، قارابايىرلىقپەن ىستەۋدەن، ءبارىن ءبىر تاياقپەن ايداۋدان قاتاڭ ساقتانىپ، عىلمي، دالمە - ءدال، جوعارى ءونىمدى ساقتانۋ - تىزگىندەۋ شارالارىنىڭ تىڭعىلىقتى تياناقتانۋىنا شىنايى كەپىلدىك ەتۋ كەرەك. دەر كەزىندە اشىق جاريالاۋعا تاباندى بولىپ، ينفورماتسيا جاريالاۋ مەن ۇگىت تاربيەنى كۇشەيتۋ كەرەك. ىندەت جاعدايى ينفورماتسيالارىن دەر كەزىندە، دۇرىس جاريالاپ، كۇدىك - كۇماننان بەلسەنە ارىلتىپ، قوعام ءجىتى قاداعالاپ وتىرعان ىستەرگە جاۋاپ قايتارىپ، قوعامدىق پىكىرگە دۇرىس جەتەكشىلىك ەتىپ، ءار ۇلت بۇقاراسىن ىندەتتەن ساقتانۋ قىزمەتىن قولداۋعا، وعان سايكەسۋگە، جەكە ساقتانۋ - قورعانۋدى عىلمي تۇردە ويداعىداي ىستەۋگە جەتەكتەۋ؛ بۇقارا مەن ساياحاتشىلارعا قىزمەت وتەۋدى قامتاماسىزداندىرۋ قىزمەتىن سۇيىسپەنشىلىكپەن جانە جاۋاپكەرشىلىكپەن ويداعىداي ىستەپ، بۇقارالىق ساقتانۋ، بۇقارالىق تىزگىندەۋ نەگىزىن بەكەمدەۋ كەرەك. ەرتە باستان قامدانۋعا تاباندى بولىپ، شۇعىل جاعدايعا توتەپ بەرۋ، ءبىر جاقتى ەتۋ قابىلەتى مەن دەڭگەيىن شىنايى جوعارىلاتۋ كەرەك. ىندەتتىڭ تارالۋ جاعدايىن ءجىتى قاداعالاپ، كەز كەلگەن ۋاقىتتا توتەپ بەرۋدىڭ ءتۇرلى دايىندىعىن ويداعىداي ىستەپ، ءبىر تۇتاس جوسپارلاۋدى، سايكەستىرۋدى، جوعارى ونىمدىلىكپەن بىرلەسىپ قيمىلداۋدى كۇشەيتىپ، پوزيتسيانىڭ اناعۇرلىم باتىل، ارەكەتتىڭ اناعۇرلىم شاپشاڭ، شارانىڭ اناعۇرلىم تۇبەگەيلى بولۋىن ورىنداپ، ىندەت بايقالىسىمەن جەدەل ارەكەت ەتۋگە، باتىل ءبىر جاقتى ەتۋگە شىنايى كەپىلدىك ەتىپ، ىندەتتى تاباندا، ءونىمدى تۇردە ءۇزۋ كەرەك.

  ما شيڭرۇي بىلاي دەپ باسا دارىپتەدى: جەر - جەر، تاراۋلار، ءار دارەجەلى پارتيا ۇيىمدارى جانە قالىڭ پارتيا مۇشەلەرى مەن كادرلار ىندەتكە قارسى اتتانۋ ۇلى رۋحىن ساۋلەلەندىرىپ، ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن ارقالاپ، ءارى اسىعىپ - اپتىقپاي، داڭعويلىق ىستەمەي، ءارى جاسقانباي، شىندىقتى ءىس جۇزىنەن ىزدەپ، شىنايى يگەرىپ، ناقتى ىستەپ، ىندەتتەن ساقتانۋ - تىزگىندەۋ قىزمەتىن شىنايى، ويداعىداي ىستەۋ كەرەك. ءار دارەجەلى باسشى كادرلار، اسىرەسە، ءبىرىنشى باسشىلار الدىدا تۇرىپ قولباسشىلىق ەتۋ، قولباسشىلىق شتاپتار ءبىر تۇتاس جوسپارلاپ سايكەستىرۋ، بىرىككەن كۇش ۇيىستىرۋ، دەنساۋلىق ساقتاۋ جانە سالاماتتىق، اۋرۋدىڭ الدىن الۋ جانە ونى تىزگىندەۋ سياقتى تاراۋلار تىعىز، جوعارى ونىمدىلىكپەن سايكەسىپ، ساقتانۋ - تىزگىندەۋدىڭ دالدىگى مەن عىلميلىعىن جوعارىلاتىپ، ىندەتتەن ساقتانۋ - تىزگىندەۋ شارالارىنىڭ تياناقتانۋىنا، ناتيجە بەرۋىنە شىنايى كەپىلدىك ەتۋ كەرەك. جۇيە كوزقاراسىنا تاباندى بولىپ، باستى قايشىلىقتى يگەرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، ءتۇرلى اپاتتار بويىنشا شۇعىل تۇردە الدىن الۋ، اپاتتان ساقتانۋ، اپات زيانىن ازايتۋ سياقتى قىزمەتتەردى ويداعىداي يگەرىپ، ىندەتكە توسقاۋىل قويۋعا، ەكونوميكانى ورنىقتىرۋعا، دامۋدىڭ حاۋىپسىز بولۋىنا شىنايى كەپىلدىك ەتۋ كەرەك.

  چىن ۋيجۇن، ياڭ فاسىن، ليۋ سۋشى، جياۋ شياۋپيڭ، لي شۇي، ءارقايسى ايماق، وبلىس، قالالارداعى، اۋدان، قالا، رايوندارداعى جانە بيڭتۋاننىڭ ءارقايسى شى، قالا، تۋان - الاڭدارىنداعى جاۋاپتى جولداستار، ت. ب ماجىلىسكە قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.