□ شينحۋا اگەنتتىگىنىڭ تىلشىلەرى لي دادۇڭ، ساۋ جىحىڭ، يۇي تاۋ
الاتاۋ بەكەتىندە توقتاپ تۇرعان جۇڭگو − ەۆروپا كەزەكشى پويەزىنا كەڭىستىكتەن كوز جىبەرگەندە (7 - ايدىڭ 21 - كۇنى ۇشقىش اپپاراتپەن تۇسىرىلگەن). بيىل الدىڭعى جارتى جىلدا الاتاۋ شەكارا وتكەلى ارقىلى شەكارادان كىرىپ - شىققان جۇڭگو − ەۆروپا كەزەكشى پويەزىنىڭ جۇك تاسىمال مولشەرى سايكەس مەزگىلدەگىدەن ％11.25 ارتتى.
□ سۋرەتتى چىن چيان تۇسىرگەن
پارتيا 18 - قۇرىلتايىنان بەرى باس شۋجي شي جينپيڭ شينجياڭعا 2 رەت كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، 12 - كەزەكتى مەملەكەتتىك حالىق قۇرىلتايى 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسىپ، 2 رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ماڭىزدى ءسوز سويلەپ، ”جاڭا داۋىردەگى جاڭا جورىقتا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا قۇلشىنۋدى“ تالاپ ەتتى.
باس شۋجي شي جينپيڭ كورسەتكەن بەتالىستى بويلاپ، شينجياڭداعى 25 ميلليوننان استام ءار ۇلت پەرزەنتى ءبىر نيەتپەن ىنتىماقتاسىپ، قايراتتانا، ەكپىندەي ىلگەرىلەپ، كوكىرەك تولى سەنىممەن اناعۇرلىم كوركەم بولاشاققا ۇمتىلۋدا.
ۇلتتاردىڭ ۇلى ىنتىماعىن ۇزدىكسىز بەكەمدەدى
2020 - جىلى باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ءار ۇلت حالقىنىڭ ۇلى ىنتىماعىن ۇزدىكسىز بەكەمدەۋ كەرەك. شينجياڭ ەجەلدەن كوپ ۇلت شوعىرلى قونىستانعان ءوڭىر، شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس مۇشەسى.
باس شۋجي شي جينپيڭنىڭ كوڭىل ءبولۋى مەن قامقورلىعىندا، شينجياڭداعى ءار ۇلت بۇقاراسى ەتەنە تۋىستاسىپ، ءوزارا قارايلاستى، ”اناردىڭ دانىندەي تىعىز ۇيىسۋ“ شينجياڭداعى ۇلتتار ىنتىماعىنىڭ جاندى امالياتى مەن شىنايى كورىنىسىنە اينالدى.
شينجياڭ ۇلتتار ىنتىماعىن ەڭ ۇلكەن بۇقارالىق قىزمەت ەتۋگە تاباندى بولىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىنا ۇزاق ۋاقىت تاباندى بولىپ جانە ونى ۇزدىكسىز تەرەڭدەتىپ، ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى رايوندى بەلسەنە قۇرىپ، ءار ۇلت ءوزارا كىرىكپەلى قوعامدىق قۇرىلىم جانە الەۋمەتتىك اۋماق ورتاسىن بەلسەنە قالىپتاستىردى... ميلليون كادر - قىزمەتشى جۇپ قۇراپ، تۋىس بولىپ، ءوزارا بارىس - كەلىس جاساسقان، ارالاسىپ، سىرلاسقان، قامقورلىق جاساپ، كومەكتەسىپ - سۇيەمەلدەگەن اسا تاماشا جاعداي قالىپتاستى.
2014 - جىلدان باستاپ، شينجياڭ قاتارىنان 9 جىل ”حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ“ قىزمەتىن ورىستەتىپ، قىستاقتا تۇرۋعا جىبەرىلگەن نەشە 100 مىڭ كادر قىستاقتارعا بارىپ، وتباسىلاردى ارالاپ، بۇقارانىڭ تالاپ - تىلەگىن ۇعىسىپ، بۇقارانىڭ جۇرەك ۇنىنە قۇلاق ءتۇرىپ، بۇقارانىڭ تۇرمىسىنداعى قيىنشىلىقتى شەشىپ، ءار ۇلت بۇقاراسى ءۇشىن شىن نيەت، شىنايى كوڭىلمەن قىزمەت ەتىپ، اۋەلگى ماقساتتى ۇمىتپاۋدىڭ، جاۋاپكەرشىلىك ارقالاپ، ىسكەرلىك كورسەتۋدىڭ جاۋاپناماسىن بۇقاراعا قىزمەت ەتۋ، اۋىل - قىستاقتى گۇلدەندىرۋ بارىسىنا جازدى.
شىلىڭگىر جاز، جاڭاءشار اۋدانى قامسارىق اۋىلى اياقلاڭقالىق قىستاعىندا قىستاق تۇرعىندارى جاڭا پىسكەن جۇگەرىنى جيناۋمەن قاربالاس. شينجياڭ اۋىل شارۋاشىلىعى عىلىم اكادەمياسىنىڭ قىزمەت اترەتى قىستاقتا كوپ جىل تۇرىپ، قىستاق تۇرعىندارىن عىلىم - تەحنيكا ارقىلى اۋىل شارۋاشىلىعىن كوركەيتۋگە باستاۋمەن بىرگە، قىستاق تۇرعىندارىمەن بىرگە ەڭبەك ەتۋ بارىسىندا ءوزارا سۇيىسپەنشىلىكتى تەرەڭدەتتى.
”10 جىلدىڭ الدىندا، قىستاقتاعىلار نەگىزىنەن ’تابيعاتقا سۇيەنىپ تىرشىلىك ەتەتىن‘، قازىر قىستاق تۇرعىندارىنىڭ بارلىعى كوكونىس، استىق ەگۋدىڭ جاڭا تەحنيكالارىن يگەرىپ الدى“، - دەيدى قىستاقتا تۇراتىن قىزمەت اترەتىنىڭ باستىعى ياۋ يانليڭ.
پارتيا 18 - قۇرىلتايىنان بەرى، شينجياڭ باستان - اياق ۇلتتار ىنتىماعىن مەكتەپ تاربيەسى، وتباسى تاربيەسى سياقتى ءارقايسى بۋىندارعا ءسىڭىرىپ، مەكتەپ اۋلاسىندا ”كلاسقا كىرۋ، جاتاقحاناعا كىرۋ، اسحاناعا كىرۋ، وقۋشىلارمەن بايلانىس ورناتۋ، اتا - انالارمەن بايلانىس ورناتۋ، وقۋشىلارمەن دوستاسۋ“ قيمىلىن ۇدايىلاندىرىپ ورىستەتىپ، ءار ۇلت بالالارىنىڭ بىرگە وقۋىنا، بىرگە ويناۋىنا، بىرگە ەسەيىپ - ەرجەتۋىنە مۇمكىندىك جاسادى. ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنە كىرسەڭىز، ءار ۇلت وقۋشىلارىنىڭ ەسكىشە ولەڭدەردى جاتتاپ، بەل بارابان سوعىپ، قاعاز قيما ۇيرەنىپ جاتقانىن كورەسىز... مەكتەپ باستىعى قۇربان نياز بىلاي دەيدى: جۇڭحۋا وركەنيەتى − شينجياڭداعى ءار ۇلت مادەنيەتىنىڭ ءتۇپ تامىرى، ءار ۇلت تەك وتاننىڭ ۇلى شاڭىراعىنا ىنتىماقپەن توعىسقاندا عانا ماڭگىلىك باياندى دامۋعا قول جەتكىزە الادى.
بۇگىنگى تاڭدا، شينجياڭداعى ءار ۇلت بۇقاراسى كەڭىستىك، مادەنيەت، ەكونوميكا، قوعام، ىشكى سەزىم سياقتى جاقتاردان جان - جاقتى كىرىگۋدى بىرتىندەپ جۇزەگە اسىرىپ، جۇڭحۋا ۇلتى ورتاق تۇلعا تانىمى ءار ۇلت حالقىنىڭ جۇرەگىنە تەرەڭ تامىر تارتىپ، ءبىر نيەتپەن جۇڭگو ارمانىن جۇزەگە اسىرۋدىڭ قۋاتتى كۇشىن قاۋلاتۋدا.
شينجياڭنىڭ اناعۇرلىم جاقسى، اناعۇرلىم شاپشاڭ دامۋىن ىلگەرىلەتتى
2014 - جىلى باس شۋجي شي جينپيڭ 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ اتاپ كورسەتتى: شينجياڭنىڭ اناعۇرلىم جاقسى، اناعۇرلىم تەز دامۋىن بۇلجىماي ىلگەرىلەتۋمەن بىرگە، دامۋدى حالىق تۇرمىسىن جاقسارتۋدا تياناقتاندىرۋ، جەرگىلىكتى ورىنعا تيىمدىلىك جاساۋدا تياناقتاندىرۋ، ىنتىماقتى كۇشەيتۋدە تياناقتاندىرۋ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ جىلۋىن شىنايى سەزىندىرۋ كەرەك.
پارتيا 18 - قۇرىلتايىنان بەرى، شينجياڭ باستان - اياق نەگىزدىك قۇرىلعىلار قۇرىلىسىنىڭ قاۋىرت مەزگىلىندە تۇردى. تۇرپان − قۇمىل ويپاتىندا كۇن ەنەرگياسىندىق ەلەكتر ستانسيالارى مول جارىق - جىلۋ بايلىعىن ەلەكتر قۋاتىنا اينالدىرۋدا؛ ىلە وزەنى اڭعارىندا سۋ يگىلىگى ينجەنەريالارى 10 مىڭ مۋلىق قۇنارلى ەگىن القاپتارىن سۋلاندىرۋدا. 2021 - جىلى، شينجياڭدا وڭىرلىك ءوندىرىستىڭ جالپى ءونىم قۇنى ءبىر تريلليون 600 ميلليارد يۋانعا جەتىپ، تۇراقتى مۇلىككە قوسىلعان قارجى 820 ميلليارد يۋاننان اسىپ، باستى كورسەتكىشتەردە تۇتاس جىلدىق نىسانا - مىندەتتەر اسىرا ورىندالىپ، ”14 - بەسجىلدىقتى“ تاماشا باستامامەن باستاۋ جۇزەگە استى.
بيىل 6 - ايدا، حوتان − چارقىلىق تەمىر جولىندا پويەز قاتىناپ، ىسكە قوسىلۋعا مەڭزەس، قۇمدى ءشولدى اينالاتىن دۇنيە ءجۇزى بويىنشا تۇڭعىش تەمىر جولدىڭ ”ەڭ سوڭعى ءبىر كيلومەترى“ جالعانىپ، تاكلاماكان ءشولىنىڭ اينالاسىندا شاشىراپ جاتقان شۇراتتار تەمىر جولمەن جالعاسىپ، جەلى بويىنداعى ماقتا، جاڭعاق، شىلان، كەن ونىمدەرى سياقتىلاردىڭ بارلىعى تەمىر جول ارقىلى شينجياڭنىڭ ءىشى - سىرتىنا توتە جەتكىزىلەتىن بولدى، بۇل ۇلتتار ىنتىماعىن جەبەۋ جانە جەلى بويىنداعى ەكونوميكالىق، قوعامدىق دامۋدى جەدەلدەتۋدە ماڭىزدى مانگە يە.
كەدەيلىكتەن ارىلتۋدان قامال الۋدىڭ دابىلى قاعىلعان سوڭ، شينجياڭداعى ءار ۇلت كادر - بۇقاراسى جۇدىرىقتاي جۇمىلىپ، مىعىم قايراتقا ءمىنىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە مەجەلى مەرزىمدە جەتىپ، اۋىل - قىستاقتاعى 3 ميلليوننان استام كەدەي حالىق تۇگەلدەي كەدەيلىكتەن ارىلىپ، 35 كەدەي اۋدان كەدەيلىك قالپاعىن تۇگەلدەي الىپ تاستاپ، مۇلدە كەدەيلىك ماسەلەسى تاريحي شەشىم تاپتى.
ەكونوميكانىڭ دامۋى بۇقارانىڭ تابىس سەزىمىن ۇزدىكسىز كۇشەيتتى. 10 جىلدىڭ الدىندا، التاي ايماعى قابا اۋدانىنىڭ تۇرعىنى قۋات ايتقان ءوز كۇشىنە سۇيەنىپ جۇمىستانعان جاس ەدى، تابىسى تۇراقسىز بولىپ كەلگەن بولاتىن. قازىرگى تاڭدا، اۋىلىندا اۋىل - قىستاق ساياحاتىن دامىتىپ، شارۋالار شاتتىعى ساياجايىن اشىپ، جىلدىق تازا كىرىسىن 150 مىڭ يۋانعا جەتكىزىپ وتىر.
شينجياڭ ءوز دارەجەسىندەگى قازىنالىق شىعىستىڭ ％70تەن استامىن حالىق تۇرمىسىن قامتاماسىز ەتۋگە جۇمساۋعا تاباندى بولىپ، وقۋ - اعارتۋ، تۇرعىن ءۇي، ەمدەۋ سياقتى جاقتاردا ۇزدىكسىز تىڭ ىلگەرىلەۋشىلىكتەرگە قول جەتكىزدى. 10 جىلدان بەرى، شينجياڭ بارلىق وقۋ كەزەڭىندەگى وقۋشىلاردى تۇگەل قامتيتىن قارجىلاي جاردەم ساياساتى جۇيەسىن جاپپاي ورناتىپ، بالالار كەدەيلىك سەبەبىنەن وقۋعا تۇسە المايتىن، وقۋدان شەگىنەتىن جايت ءۇزىلدى - كەسىلدى كەلمەسكە كەتىپ، قالا مەن اۋىلداعى مىندەتتى وقۋ - اعارتۋدى ءبىر تۇلعالاندىرىپ دامىتۋ تىڭ بەلەسكە كوتەرىلدى. اۋىل - قىستاقتاعى بەيقۇت ءۇي ينجەنەرياسى ۇزدىكسىز ىلگەرىلەپ، شينجياڭ اۋىل - قىستاقتاعى كەدەي حالىقتىڭ قاتەرلى ۇيلەردە تۇرۋ تاريحىنا تۇبەگەيلى نۇكتە قويىپ، 5 ميلليونعا جۋىق ەگىنشى - مالشى بەيقۇت ۇيگە كوشىپ كىردى. ”ەمدەۋ جاعىنان حالىققا تيىمدىلىك جاساۋ“ ساياساتى تىڭعىلىقتى تياناقتانىپ، 2016 - جىلدان باستاپ، شينجياڭ جالپى حالىقتىڭ دەنساۋلىعىن تەگىن تەكسەرۋ قىزمەتىن جىل سايىن ورىستەتىپ تۇرۋعا تاباندى بولىپ، سوزىلمالى اۋرۋلاردىڭ، جۇقپالى اۋرۋلاردىڭ، جەرگىلىكتى اۋرۋلاردىڭ الدىن الاتىن قورعانىس شەبىن قۇرىپ، ”سالاماتتى شينجياڭنىڭ“ ىرگە تاسىن بەكەمدەدى.
شينجياڭنىڭ دامۋى، وزگەرىسى ۇلى وتان شاڭىراعىنىڭ قالتقىسىز قولداۋىنان قول ۇزە المايدى. پارتيا 18 - قۇرىلتايىنان بەرى، ورتالىقتاعى مينيسترلىك - كوميتەتتەر، 19 ولكە - قالا جانە ءارقايسى ءىرى ورتالىق كاسىپورىندارى شينجياڭنىڭ قوعام ورنىقتىلىعى مەن باياندى تىنىشتىعىنا سارقىلماس قوزعاۋشى كۇش ۇستەدى. ساناققا نەگىزدەلگەندە، شينجياڭعا بەرىلگەن كومەك قارجىلاردىڭ ％80تەن كوبى حالىق تۇرمىسى سالاسىنا جانە نەگىزگى ساتىعا جۇمسالىپ، سۋ يگىلىگى نىساندارى سالىنىپ، بەيقۇت ءۇي ينجەنەرياسىنا قولداۋ كورسەتىلىپ، قىستاق كەلبەتى جاقسارتىلىپ، ەمدەۋ ساپاسى جوعارىلاعان... تەك ”13 - بەسجىلدىق“ مەزگىلدىڭ وزىندە، شينجياڭعا كومەكتەسەتىن 19 ولكە - قالا جالپى 76 ميلليارد يۋاننان استام شينجياڭعا كومەك قارجىسىن قوسىپ، شينجياڭعا كومەك نىساندارىنان 8540ىن اتقارعان.
جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتتى
بيىل 7 - ايدىڭ 12 - كۇنىنەن 15 - كۇنىنە دەيىن، باس شۋجي شي جينپيڭ شينجياڭدا قىزمەت تەكسەرگەن كەزدە بىلاي دەپ باسا دارىپتەدى: ”ەلىمىزدىڭ سىرتقا ەسىك اشۋدى كەڭەيتۋ، باتىس بولىكتى قاۋىرت اشۋ، ’ءبىر بەلدەۋ، ءبىر جولدى‘ بىرگە قۇرۋ سياقتىلارىنىڭ ىشكەرىلەي ىلگەرىلەۋىنە ىلەسە، شينجياڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتىپ، شينجياڭنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋىنىڭ جالپى تۇلعالىق ورنالاستىرۋىنا ەنگىزۋ كەرەك“.
شينجياڭ بايىرعى جىبەك جولىنىڭ وزەكتى اۋماعىنا ورنالاسقان. جاڭا داۋىرگە وتكەندە، ”ءبىر بەلدەۋ، ءبىر جولدى“ بىرگە قۇرۋ ەلىمىزدىڭ سىرتقا ەسىك اشۋىنىڭ جاڭا جاعدايىن اشۋمەن قاتار، شينجياڭ ءۇشىن دە بۇرىن بولماعان تىڭ وراي ازىرلەدى. قۇرىلىسى قاۋىرت جۇرگىزىلىپ جاتقان قورعاس، قاشقار ەكونوميكالىق اشۋ رايونى سياقتىلار اناعۇرلىم كوپ ادامدى كەلىپ قارجى قوسۋعا، شارۋاشىلىق قۇرۋعا تارتۋدا.
وڭتۇستىك شينجياڭداعى قاشقار ەكونوميكالىق اشۋ رايونى ماشينا - ەلەكتر عىلىم - تەحنيكا كاسىپ سالاسى باقشاسى، كەشەندى باجىسىز اۋماعى، وڭدەۋ، كادەگە جاراتۋ اۋماعى سياقتى دانەكەر تۇعىرلارعا سۇيەنىپ، ءبىر توپ جوعارى، جاڭا تەحنيكالىق كاسىپورىنداردى باۋرادى. قاشقار كەشەندى باجىسىز اۋماعىنىڭ باقشا اۋماعى قىزمەت وتەۋ ورتالىعىنىڭ جاۋاپتىسىنىڭ تانىستىرۋىنشا، قاشقار كەشەندى باجىسىز اۋماعى جوعارى دەڭگەيدە ەسىك اشۋ ساياساتتارىن توعىستىرىپ، اۆياتسيالىق جۇك تاسىمالى مەن كەشەندى باجىسىز ىستەرى ساياساتتارىنىڭ قاباتتاسۋىن، ءوزارا توعىسۋىن جۇزەگە اسىرىپ، ”ارنا ەكونوميكاسىنان“ ”كاسىپ سالاسى ەكونوميكاسىنا“، ”شەكارا وتكەلى ەكونوميكاسىنا“ بۇرىلىس جاساۋىن تىڭعىلىقتى ىلگەرىلەتكەن.
جىبەك جولى ەكونوميكالىق بەلدەۋى وزەكتى رايونى قۇرىلىسىنداعى نىشاندىق ينجەنەريانىڭ ءبىرى رەتىندە، ءۇرىمجىنىڭ باتىس سولتۇستىگىنە ورنالاسقان حالىقارالىق قۇرلىقتىق پورت رايونىندا حالىقارالىق ساۋدانىڭ قارقىنى ۇزدىكسىز ۇدەي ءتۇستى. جاقىنعى جىلداردان بەرى، تاۋارلار باستاپقى كەزدەگى كۇندەلىكتى تۇرمىستىق بۇيىمداردان، كيىم - كەشەك ونىمدەرىنەن بۇگىنگى تاڭداعى ماشينا جابدىقتار، سۋ، جىلۋ، قۇرىلىس ماتەريالدارى سياقتى 200دەن استام تۇرگە كوبەيىپ، ەۆروپا مەن ازياداعى 19 مەملەكەت پەن وڭىردەگى 26 قالاعا جەتكىزىلۋدە.
ءۇرىمجى كەدەنىنىڭ قاتىستى جاۋاپتىسىنىڭ تانىستىرۋىنشا، الدىڭعى جارتى جىلدا شينجياڭنىڭ سىرتقى ساۋداسى جوعارى دەڭگەيدە باستالىپ، ورنىقتى قاداممەن ىلگەرىلەۋدى جۇزەگە اسىرىپ، سىرتقى ساۋداداعى يمپورت - ەكسپورت جالپى قۇنى 91 ميلليارد 510 ميلليون يۋانعا جەتىپ، سايكەس مەزگىلدەگىدەن ％39.1 ارتقان.
ارنا ىركىلىسسىز بولسا، ساۋدا دا ىركىلىسسىز بولادى. جۇڭگو − ەۆروپا كەزەكشى پويەزدارى قاتىناي باستاعاننان بەرى، شينجياڭنىڭ قورعاس، الاتاۋ سىندى 2 ۇلكەن شەكارا وتكەلى ارقىلى شەكارادان كىرگەن - شىققان جالپى كەزەكشى پويەزدار 50 مىڭنان استى. قورعاس شەكارا وتكەلىندە، شامامەن 5. 1 ساعاتتا ءبىر جۇڭگو − ەۆروپا كەزەكشى پويەزى مەملەكەت قاقپاسىنان شىعىپ، باتىسقا جول تارتادى. قورعاس قالاسىنىڭ يمپورت - ەكسپورت ساۋدا سوماسى 2012 - جىلعى 11 ميلليارد امەريكا دوللارىنان 2021 - جىلى 42 ميلليارد 500 ميلليون امەريكا دوللارىنا ءوستى، كاسىپورىندار سانى 2012 - جىلعى 713تەن 2022 - جىلدىڭ الدىڭعى جارتىسىنداعى 8158گە كوبەيدى.
”جىبەك جولى“ ەكونوميكالىق بەلدەۋى وزەكتى رايونىنىڭ ماڭىزدى مادەنيەت، عىلىم - تەحنيكا، وقۋ - اعارتۋ ورتالىعىنىڭ، وڭىرلىك مەديتسينالىق ورتالىقتىڭ قۇرىلىسى جەدەل جۇرگىزىلۋدە. كەزەكتە، شينجياڭدا جۇڭگو مەن شەتەل سەلبەسىپ ءبىلىم بەرۋ نىسانىنىڭ جالپى سانى 7گە جەتىپ، قاتىناس - تاسىمال، قۇرىلىس ينجەنەرياسى، ەلەكترلەندىرۋ جانە اۆتوماتتاندىرۋ سياقتى ماماندىقتاردى قامتىدى. شينجياڭدا جۇڭگو − رەسەي − قازاقستان − موڭعۇليا التاي ءوڭىرى جوعارى مەكتەپ باستىقتارىنىڭ بىرلەستىگى، جاڭا ءسىبىر − شينجياڭ ورىس ءتىلى ورتالىعى، جۇڭگو ورتا ازيا مەملەكەتتەرى جوعارى مەكتەپ وقۋشىلارىنىڭ مادەنيەت اۋىس - كۇيىس بازاسى سياقتى حالىقارالىق اۋىس - كۇيىس تۇعىرلارى ىلگەرىندى - كەيىندى قۇرىلدى.
بۇدان سىرت، شينجياڭ شەتەلدەگى 24 ءىرى شيپاحانامەن شەكارا اتتاعان الىس ارالىقتى مەديتسينالىق قىزمەت وتەۋ تۇعىرىن قۇرىپ، توڭىرەككە ىقپال جاسايتىن ”بۇلتتىق شيپاحانا“ قۇردى؛ جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونى قۇرىلىسى جەدەل ىلگەرىلەتىلىپ، عىلىم - تەحنيكا سەلبەستىگى 45 مەملەكەت پەن ءوڭىردى (ۇيىمدى)، 400دەن استام عىلمي زەرتتەۋ قۇرىلىمىن قامتىدى.
باس شۋجي شي جينپيڭ كورسەتكەن باعىتتى بويلاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرگەن شينجياڭداعى ءار ۇلت پەرزەنتتەرى تىلەك توعىستىرىپ، بىلەك بىرىكتىرىپ، اسقاق جىگەرمەن قايراتتانا ۇمتىلىپ، جاڭا داۋىردەگى جاڭا جورىقتا كورىكتى شينجياڭ قۇرۋدىڭ شىت جاڭا تاراۋىن ۇزدىكسىز جازۋدا.
(شينحۋا اگەنتتىگىنىڭ 8 - ايدىڭ 9 - كۇنى ۇرىمجىدەن بەرگەن حابارى)
