ءۇرىمجى:
قالانى كورىكتەندىرىپ، سالتاناتتى جينالىستى قارسى الدى
□ انار بۇلت \ شينجياڭ گازەتىنىڭ ءتىلشىسى حي حۇڭۋي
7 - كەزەكتى جۇڭگو − ازيا − ەۆروپا كورمەسىنىڭ جاقىنداۋىنا بايلانىستى، ءۇرىمجى قالاسى قالا ورتاسىن جاقسارتىپ، تاماشا بەينە قالىپتاستىرۋدان باستاپ ىسكە كىرىسىپ، قورشاعان ورتانى جالپىلىق جونگە سالۋ ينجەنەرياسىن جەدەل اتقارىپ، مەرەكەلى دە جاراسىمدى راي قالىپتاستىرىپ، ەل ءىشى - سىرتىنداعى قوناقتاردى قارسى الۋعا كۇش سالدى.
8 - ايدىڭ 9 - كۇنى ءۇرىمجى قالاسىنىڭ حالىق الاڭىنداعى 7 - كەزەكتى جۇڭگو − ازيا − ەۆروپا كورمەسىنىڭ نەگىزگى تاقىرىپتىق گۇل تەكشەسى الدىندا كوپتەگەن قالا تۇرعىندارى سۋرەتكە ءتۇسىپ جاتتى. ”4 جىل كۇتتىك، جۇڭگو − ازيا − ەۆروپا كورمەسىنىڭ سالتاناتىن اقىرى تاعى دا ءوز كوزىمىزبەن كورەتىن بولدىق، قازىر راي بارعان سايىن قويۋ بولا ءتۇستى“. سول ماڭدا قىزمەت ىستەپ جاتقان ۋ بيڭشين تاماشا ءساتتى قول تەلەفونىمەن ەستەلىككە الىپ جاتتى، ”ءبىز شار تاراپتان كەلگەن قوناقتاردى بارىنشا ىستىق ىقىلاسپەن قارسى الىپ، تاماشا وتاعاسى بولامىز“.
ءتىلشى ءۇرىمجى قالاسىن كەسىپ وتەتىن نەگىزگى جول − حىتان تەز جىلدامدىقتى جولىنىڭ تۇتاس جەلىسى گۇلدەرمەن قورشالىپ، ”ءبىر جولدا ءبىر ەرەكشەلىك“، ”ءبىر كوپىردە ءبىر كورىنىس“ بولۋداي مىڭ مۋلىق جاسىل كورىنىس ءدالىزىنىڭ قالىپتاسقاندىعىن كوردى. اۋە جاي جوعارى جىلدامدىقتى تاس جولىنىڭ بويىندا ۇزىنشاق گۇل ساندىقشالار، ءتورتبۇرىش جاسىل وسىمدىك گۇل ساندىقشالارى رەتتى ءتىزىلىپ قويىلعان.
7 - كەزەكتى جۇڭگو − ازيا − ەۆروپا كورمەسىنىڭ نەگىزگى ءماجىلىس ورنى − شينجياڭ حالىقارالىق ءماجىلىس - كورمە ورتالىعىنىڭ ماڭايىنداعى جاسىلداندىرۋ قۇرىلىسى دا قاۋىرت ىلگەرىلەۋدە. كەزەكتە ءماجىلىس - كورمە ورتالىعىنىڭ ماڭايىنا ءبىر ميلليون 330 مىڭ ءتۇپ شوپتەسىن گۇل ەگىلدى، 6 گرۋپپا گۇل شوعىرىن قويۋ مەن كوپىردى اشەكەيلەۋ قۇرىلىسى اياقتادى، بىر ميلليون 400 مىڭ تۇبەك شوپتەسىن گۇل، 914 تۇبەك جاسىل وسىمدىكتەر قويىلدى. ءماجىلىس - كورمە باسپالداعىنا جيىنى 400 مىڭ تۇبەك شوپتەسىن گۇل، 187 تۇبەك جاسىل وسىمدىكتەر قويىلدى.
ءۇرىمجى قالالىق ورمان شارۋاشىلىعى جانە جايلىم مەكەمەسى (ءۇرىمجى قالالىق باۋ - باقشا باسقارۋ مەكەمەسى) پارتيا باسشىلىق گرۋپپاسىنىڭ مۇشەسى لي كۋانجۇڭ بىلاي دەپ تانىستىردى: 7 - كەزەكتى جۇڭگو − ازيا − ەۆروپا كورمەسىن قارسى الۋ ءۇشىن، ءۇرىمجى قالاسىندا جيىنى 107 اشەكەيلەنگەن گۇل شوعىرى قويىلدى. كەزەكتە تىڭعىلىقتى باپتاۋ كەزەڭىنە ءوتتى، ەرەكشەلىگى − ءتۇرى، ءتۇسى، ءپىشىنى ءار الۋان، شوق - شوق گۇلدەر جايناعان ونىمدىلىككە قول جەتكىزۋگە قۇلشىندىق.
ءۇرىمجى قالاسىنىڭ نەگىزگى جولدارىندا جۇرسەڭىز، قىزمەتكەرلەردىڭ جولداردى جوندەۋ، جارىقتاندىرعىش شامداردى تەكسەرۋ - جوندەۋ سياقتى قىزمەتتەردى ىستەپ جاتقاندىعىن بارلىق جەردەن كورۋگە بولادى. كورمە ۋاقىتى تاياعاندا ءۇرىمجى قالالىق قالا باسقارۋ مەكەمەسى (اكىمشىلىك زاڭ اتقارۋ مەكەمەسى) ورتا تازالىعىن قامتاماسىز ەتۋدى ويداعىداي ىستەۋ، جولداردى اسىراۋدى، جوندەۋدى، قالانى جارىقتاندىرۋدى، راي قالىپتاستىرۋدى مىقتى يگەرۋ سياقتى 6 جاقتان سەرپىندى ارتتىرىپ، قالانى كورىكتەندىردى.
اتالعان مەكەمەنىڭ قورشاعان ورتانى جالپىلىق جونگە سالۋ ءبولىمىنىڭ ورىنباسار باستىعى دۇڭ گو - ي بىلاي دەپ تانىستىردى: كەزەكتە ءتۇرلى قىزمەتتەر تارتىپپەن ىلگەرىلەۋدە، قالانىڭ ورتا تازالىعى، قالا كوركى، الەۋمەتتىك قۇرىعىلار جۇمىسى، قورشاعان ورتا ءتارتىبى توڭىرەگىندە بارلىق جاعدايدا بىردەي، بارلىق ۋاقىتتا باقىلاۋ - تەكسەرۋ، تەكسەرۋ قىزمەتىن ورىستەتىپ، باقىلاۋ - تەكسەرۋدە، تەكسەرۋدە بايقالعان ماسەلەلەردى دەر كەزىندە ويداعىداي شەشىپ، كورىكتى قالا ورتاسىن قالىپتاستىرۋعا قۇلشىنىپ، قوناقتارعا تاماشا اسەر قالدىرامىز.
قابىلداۋ قىزمەتىن ويداعىداي ىستەۋ ءۇشىن، وسى كەزەكتى كورمە شينجياڭ كۇنلۇن قوناق ءۇيى مەن شينجياڭ يىڭبين قوناق ءۇيىن، ءۇرىمجى ميڭيۋان جاڭا ءداۋىر قوناق سارايى سياقتى 15 قوناق سارايدى (قوناق ءۇي) قوناق قابىلدايتىن قوناق ساراي (قوناق ءۇي) ەتىپ بەلگىلەدى.
8 - ايدىڭ 9 - كۇنى، شينجياڭ كۇنلۇن قوناق ءۇيىنىڭ تيانشان زالىندا باس اسپاز اسپازداردى باستاپ قۋىرماشتاردى سارالاپ جاتتى. كورمەنى قارسى الۋ ءۇشىن، اتالعان قوناق ءۇي ناقتى قىزمەت شارالارىن شىعارىپ، قوناق ءۇي ليفتى، ”بالوۋ“ ەرەكشە تاعام جۇيەسى سياقتى جۇمساق بولشەكتەردىڭ دارەجەسىن جوعارىلاتىپ، جاڭالادى.
”ءبىز قىزمەت وتەۋ، قامتاماسىز ەتۋ ساپاسىن جاپپاي جوعارىلاتىپ، كورمەنىڭ قوناقتاردى قابىلداۋ، قىزمەت وتەۋدى قامتاماسىز ەتۋ قىزمەتىندە تىڭ ناتيجەگە قول جەتكىزۋگە قۇلشىنىپ، جۇڭگولىق، شەتەلدىك قوناقتاردىڭ تاڭداۋلى قىزمەت وتەۋ ساپاسىن شىنايى سەزىنۋىنە مۇمكىندىك جاسايمىز“، - دەدى اتالعان قوناق ءۇيدىڭ ورىنباسار باس مەڭگەرۋشىسى ما تيڭشياۋ.
قوناق سارايلاردىڭ قوناق قابىلداۋ قىزمەتىن ويداعىداي ىستەۋ ءۇشىن، جۇڭگو − ازيا − ەۆروپا كورمەسى حاتشىلار باسقارماسى قوناق قابىلدايدى دەپ بەلگىلەنگەن قوناق سارايلارعا (قوناق ءۇي) جەتەكشىلىك ەتىپ، باۋلىپ، قوناق قابىلدايتىن قوناق سارايلاردى (قوناق ءۇي) ساپاسى مەن وبرازىن ءوسىرۋ جاعىندا كۇش شىعارۋعا قۋزاپ، قوناق سارايلاردىڭ (قوناق ءۇي) قىزمەت وتەۋ دەڭگەيى مەن باسقارۋ جاعىندا كۇش سالۋىنا باقىلاۋ - جەتەكشىلىك ەتىپ، قوناقتاردىڭ ءوز ۇيىنە كەلگەندەي بولۋىنا شىنايى كەپىلدىك ەتتى.
قالا رايىن قالىپتاستىرۋ جاعىندا، ءۇرىمجى قالاسى قىزمەت جوباسىن جاساپ، بۇكىل قالانىڭ الەۋمەتتىك جارىقتاندىرۋ قۇرىلعىلارىن جاپپاي تەكسەرىپ، كۇتىپ، جوندەپ، ماڭىزدى مەرەكە جانە ماڭىزدى قيمىل كەزىندە قالا جولدارىنداعى جارىقتاندىرۋ قۇرىلعىلارى اقاۋسىزدىعىنىڭ ％100 بولۋىنا شىنايى كەپىلدىك ەتتى. قاتىستى تاراۋلار ءتۇيىندى وڭىرلەردەگى، ءتۇيىندى جولدارداعى جارىقتاندىرۋ قۇرىلعىلارىن، LED مەملەكەت تۋى شىراعىن كۇتىمدەپ، اسىرادى.
8 - ايدىڭ 1 - كۇنىنەن باستاپ ءۇرىمجى قالاسىنداعى 10 مىڭنان استام كىرە اۆتوكولىكتىڭ توبە شىراعى جانە الەۋمەتتىك اۆتوبۋستىڭ ارت جاعى، مەترو بەكەتىنىڭ ءىشى، الەۋمەتتىك اۋماق (قىستاق) ءبىر بەكەتتىك قىزمەت وتەۋ زالى، كوشە بويىنداعى ەسىك دۇكەندەر سياقتىلارعا LED جىلجىمالى جازۋ ەكرانىنان 12 مىڭى ورناتىلىپ، 7 - كەزەكتى جۇڭگو − ازيا − ەۆروپا كورمەسىنىڭ ۇگىت جارناماسى، ۇرانى توقتاۋسىز قويىلىپ، كورمەنىڭ قىزۋ رايىن قالىپتاستىردى.
