ٴتورت ازامات ەرلىكپەن ادام قۇتقارىپ، كولىك شىرعالاڭىنىڭ لاۋلاعان ٴورتى ىشىنەن 2 ادامدى قۇتقارىپ شىقتى، مۇنىڭ ىشىندە ادىلەت جولىندا ايانباعان 3 ازامات ليۋجوۋدا اس - سۋ ساۋداسىمەن شۇعىلداناتىن ۇيعۇر جاستارى ٴانۋار ٴومار، مامەتجان ٴومارجان جانە مامەتروزى احات ەدى. تاياۋدا ولاردىڭ ىزگى ىستەرى شينجياڭ مەن گۋاڭشيدە مەيىرباندىققا تولى ونەگەلى اڭگىمە قالدىردى.
اليبابا تيانتيان وڭ ەنەرگيا الەۋمەتتىك يگىلىك نىسانى انار بۇلت \ شينجياڭ گازەتى، نانگوجينباۋ گازەتىمەن بىرلەسىپ، ەرلىكپەن ادام قۇتقارعان 4 ازاماتقا تيانتيان وڭ ەنەرگياسىنىڭ ەرەكشە سيلىعىن بەرگەننەن كەيىن، 8 - ايدىڭ 9 ـ كۇنى كەشتە نانگوجينباۋ گازەتى مەن ليۋجوۋ قالالىق ۇلت، ٴدىن ىستەرى تاراۋىنىڭ قاتىستى باسشىلارى بىرگە ولارعا سيلىق تاراتتى، ليۋجوۋ قالاسىنىڭ تۇرعىندارى ءدام تاتۋ ارقىلى ولارعا دەگەن قۇرمەتىن ٴبىلدىردى.
شىنايى سوزدەر بارلىق ادامدى اسەرلەندىردى!
ٴانۋار ٴومار، مامەتجان ٴومارجان، مامەتروزى احات جانە شۇي جاۋلياڭدار تۇگەل اس ـ سۋ ساۋداسىمەن شۇعىلدانادى، جەكە ـ جەكە ليۋجوۋدا وزدەرىنىڭ شاعىن اسحانالارىن اشادى.
سول كۇنى كەشتە، ٴتىلشى الدىمەن مامەتجاننىڭ ليۋجوۋ قالاسى بەيچۋە جولى جياڭجيڭ ٴدامدى تاعامدار قالاشىعىنداعى اسحاناسىنا كەلدى، ول كاۋاپ پىسىرۋمەن قاربالاستاۋدا، سول كەزدە اسحانادا حاباردى كورگەننەن كەيىن، اتىن ەستىپ كەلىپ كاۋاپ جەگەن توراپتاستار بار ەدى.
سول كۇنگى ادام قۇتقارۋ ٴىسىن ەسىنە العاندا، مامەتجان بىلاي دەدى: ”كوپ ويلانۋعا ۇلگىرمەدىم، تايساقتاۋعا تىپتەن بولمايتىن ەدى، تەك ادامدى قۇتقارۋدى عانا ويلادىم“. باسقا ەكى ادامدى قۇتقارا الماعانىنا ول كۇنى بۇگىنگە دەيىن قاتتى اشىنىپ: ”ەگەر تاعى بىرنەشە ادام بولسا، ولاردى بىرگە قۇتقارىپ شىعا الار ما ەدىك؟“ ـ دەدى.
مامەتجاننىڭ ايەلى بىلاي دەدى: كۇيەۋىمنەن قاتتى الاڭداعانىممەن، ونىڭ ادىلەت جولىندا ايانباعانىن ايرىقشا قولدايمىن.
ليۋجوۋ قالاسى ليۋبەي رايوندىق ۇلت، ٴدىن ىستەرى مەكەمەسى وعان بىرگە اليبابا وڭ ەنەرگيا ەرەكشە سيلىعىن بەردى. ۇلت، ٴدىن ىستەرى مەكەمەسىنىڭ جاۋاپتىسى بىلاي دەدى: مامەتجاننىڭ اسحاناسى − جۇڭحۋا ۇلتى ورتاق تۇلعا تانىمىن بەرىك ورناتۋدىڭ بايلانىس قىزمەت وتەۋ پۋنكتى، ول وتە جاقسى ازامات، تالاي جىلدان بەرى ىزگى ىستەردى ىستەپ كەلەدى.
باسقا 2 ۇيعۇر ازاماتى ٴانۋار ٴومار مەن مامەتروزى احاتتىڭ اسحاناسى يۇيفىڭ رايونى حۋارۇن جولىندا، ٴتىلشى اسحاناعا كەلگەندە ولار دا قاربالاس جۇمىس ىستەپ جاتقان ەدى.
نانگوجينباۋ گازەتىنىڭ باسشىلارى سيلىق قاعازىن ولارعا بەرگەن كەزدە، ولار: ”مۇنىڭ بارلىعى ٴبىز ىستەۋگە ٴتيىستى ٴىس، مەيلى قايدان كەلسەك تە، ٴار ۇلت حالقى ءبىر تۋعانداي ەتەنە، ٴبىر جاقتا قيىنشىلىق بولسا، كومەك قولىن سوزۋ −ٴاربىر ازامات ىستەۋگە ٴتيىستى ٴىس!“ ـ دەستى.
ولاردىڭ اعىنان اقتارىلعان سوزدەرى سول اراداعى بارلىق ادامدى اسەرلەندىردى
ليۋ جوۋ قالاسىنىڭ تۇرعىندارى ”ءدام تاتۋ“ ارقىلى قۇرمەت ٴبىلدىردى.
كوپتەگەن توراپتاستار، وقىرماندار شينجياڭدىق ازاماتتاردىڭ ادىلەت جولىندا ايانباعان ىزگى ىستەرىن كورگەننەن كەيىن، وڭتۇستىك نانگوجينباۋ گازەتىنىڭ رەسمي ٴۇنحات تۇعىرىندا لەبىز قالدىرىپ، وزدىكتەرىنەن كەلىپ كاۋاپ جەدى، ولار ريزاشىلىقپەن بىلاي دەستى: ”ٴىس جۇزىندىك ارەكەت − ’ءدام تاتۋ‘ ارقىلى ولاردى قولدايتىندىعىمىزدى ٴبىلدىرۋىمىز كەرەك!“.
سول ماڭدا تۇراتىن ٴبىر قالا تۇرعىنى جينباۋ گازەتىنىڭ حابارىن كورگەننەن كەيىن، دەرەۋ اسحاناعا كەلىپ، شينجياڭدىق ازاماتتاردىڭ اسحاناسىن قولدادى، ول ولاردىڭ ادىلەت جولىندا ايانباعاندىعى ادامدى قاتتى اسەرلەندىرەتىندىگىن ٴارى وسىنداي ارەكەتكە ەرەكشە سۇيىنەتىندىگىن ٴبىلدىردى.
مامەتجاننىڭ شينجياڭدىق اۋىلداسى بىلاي دەدى: ينتەرنەتتەن مامەتجاننىڭ ادامدى قۇتقارۋ ىزگى ىستەرىن كوردىم، ول وتە ەرجۇرەك، حاۋىپ ـ قاتەر الدىندا، بارلىق ادامنىڭ ول سياقتى العا ۇمتىلۋعا باتىلدىق ەتە الۋى ەكىتالاي.
شاڭحايدان ليۋجوۋعا ٴىسساپارعا كەلگەن ٴبىر قاريدار مامەتجان قاتارلىلاردىڭ ەرلىكپەن ادام قۇتقارعان ىزگى ىستەرىن ەستىپ، ولارعا باس بارماعىن كورسەتىپ، ولاردى ۇلتتىڭ ونەگەسى دەدى.
سونىمەن بىرگە، سول كۇنى كەشتەگى تىكە تاراتۋ بولمەسى دە قىزىپ كەتتى. كوپتەگەن توراپتاستار لەبىز قالدىرىپ: ولاردان اسەرلەنىپ كوزىمىزگە جاس الدىق، وسىنداي ىزگى جانداردى، ٴسوز جوق، القاۋىمىز كەرەك! - دەدى.
تىكە تاراتىلىم اياقتاعان كەزدە، ٴبىر قالا تۇرعىنى ەلەكترلى ۆەلوسيپەدپەن ارنايى ٴانۋار ٴوماردىڭ دۇكەنىنە كەلدى. ول بىلاي دەدى: مەن حاباردى كورىپ شينجياڭدىق ازاماتتاردىڭ ٴورت ىشىندە ادام قۇتقارعان ارەكەتىنە ەرەكشە ٴسۇيىنىپ، اتىن ەستىپ دۇكەنگە كەلىپ تاماقتاندىم، ”شينجياڭدىق دوستارعا ايرىقشا العىس ايتامىن، ەڭ جاقسى العىس ايتۋ − دۇكەنگە كەلىپ كاۋاپ جەۋ“.
اۋدارعان: قادىر ماقان
