شينحۋا اگەنتتىگىنىڭ 8 - ايدىڭ 10 - كۇنى بەيجيڭنەن بەرگەن حابارى. مەملەكەتتىك كەڭەس تايۋان ىستەرى كەڭسەسى، مەملەكەتتىك كەڭەس اقپارات كەڭسەسى 8 - ايدىڭ 10 - كۇنى «تايۋان ماسەلەسى جانە جاڭا داۋىردەگى جۇڭگونىڭ بىرلىككە كەلۋ ىستەرى» اق تىستى كىتابىن جاريالاپ، تايۋاننىڭ جۇڭگونىڭ ءبىر بولىگى ەكەندىگى سىندى شىندىق پەن قازىرگى جاعدايدى ىشكەرىلەگەن تۇردە قايتالاي دارىپتەپ، جۇڭگو كوممۋنيستىك پارتياسى مەن جۇڭگو حالقىنىڭ وتاننىڭ بىرلىككە كەلۋىنە تالپىنعان مىزعىماس ەرىك - جىگەرى مەن باتىل بەكىمىن كورسەتىپ، جۇڭگو كوممۋنيستىك پارتياسى مەن جۇڭگو ۇكىمەتىنىڭ جاڭا داۋىردە وتاننىڭ بىرلىككە كەلۋىن جۇزەگە اسىرۋدى ىلگەرىلەتەتىن تۇرعىسى مەن ساياساتىن ەگجەي - تەگجەيلى باياندادى.
اق تىستى كىتاپتا مىنالار اتاپ كورسەتىلدى: تايۋاننىڭ ەجەلدەن جۇڭگوعا ءتان بولۋىنىڭ تاريحي جاي - جاپسارى ايدان انىق، زاڭدىق فاكتى ايقىن. بىرلەسكەن مەملەكەتتەر ۇيىمى جينالىسىنىڭ 2758 - ءنومىرلى قارارى ءبىر جۇڭگو پرينسيبىن ايگىلەيتىن ساياسي حۇجات، حالىقارالىق اماليات ونىڭ زاڭدىق كۇشكە يە ەكەندىگىن، بۇرمالاۋعا بولمايتىندىعىن تولىق دالەلدەگەن. ءبىر جۇڭگو پرينسيبى حالىقارالىق قوعامنىڭ جالپى بەتتىك ورتاق تانىمى، حالىقارالىق قارىم - قاتىناستاردىڭ نەگىزگى ولشەمىنە بويسۇنۋدا بولۋعا ءتيىستى ءمان. دۇنيە جۇزىندە تەك ءبىر عانا جۇڭگو بار، تايۋان جۇڭگونىڭ ءبىر بولىگى سىندى تاريحي شىندىق پەن زاڭدىق فاكتكە ءشۇبالانۋعا كەلمەيدى، تايۋاننىڭ ەشقاشان دا ءبىر مەملەكەت ەمەس، قايتا جۇڭگونىڭ ءبىر بولىگى سىندى مارتەبەسىن وزگەرتۋگە جول قويىلمايدى.
اق تىستى كىتاپتا بىلاي دەلىندى: جۇڭگو كوممۋنيستىك پارتياسى تايۋان ماسەلەسىن شەشىپ، وتاننىڭ بۇكىلدەي بىرلىككە كەلۋىن جۇزەگە اسىرۋدى قاشاندا اينىماس تاريحي مىندەت ەتىپ، ەكى جاعالاۋداعى باۋىرلاستاردى ىنتىماقتاستىرىپ جانە باستاپ، تايۋان بۇعازىنداعى جاعدايدىڭ شيەلەنىستى، تىرەسكەن كۇيدەن باسەڭدەۋگە، جاقسارۋعا بەت الۋىن، ونان ارى بەيبىت دامۋ جولىنا قادام تاستاۋىن ىلگەرىلەتىپ، ەكى جاعالاۋ قارىم - قاتىناسىندا ۇزدىكسىز سەرپىلىستى ىلگەرىلەۋشىلىكتەرگە قول جەتكىزدى. جۇڭگو كوممۋنيستىك پارتياسىنىڭ جەتەكشىلىگىندە جانە ىلگەرىلەتۋىندە، 70 نەشە جىلدان بەرى، اسىرەسە، ەكى جاعالاۋدىڭ ءبىر - بىرىنەن وقشاۋلانۋ كۇيى اياقتالعاننان بەرى، ەكى جاعالاۋ قارىم - قاتىناسى ارشىندى دامۋشىلىققا قول جەتكىزدى. ەكى جاعالاۋدىڭ اۋىس - كۇيىسى، سەلبەستىگى كۇن سايىن كەڭەيىپ، ءوزارا ىقپالداستىق پەن بارىس - كەلىس كۇن ساناپ جيىلەپ، ەكى جاعالاۋداعى باۋىرلاستارعا، اسىرەسە، تايۋاندىق باۋىرلاستارعا ناقتى پايدا اكەلدى، بۇل ەكى جاعالاۋ تاتۋ بولسا ەكى جاققا دا پايدالى بولاتىندىعىن، سەلبەسسە تەڭ يگىلىككە كەنەلەتىندىگىن تولىق تۇسىندىرەدى.
اق تىستى كىتاپتا مىنالار اتاپ كورسەتىلدى: وتاننىڭ بۇكىلدەي بىرلىككە كەلۋىن جۇزەگە اسىرۋدى جۇڭحۋا ۇلتىنىڭ تاريحى مەن مادەنيەتى بەلگىلەگەن، سونداي - اق جۇڭحۋا ۇلتىنىڭ ۇلى گۇلدەنۋىنىڭ ورايى مەن اۋقىمى بەلگىلەگەن. ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل جانە قابىلەتىمىز قاپتال جەتەدى، سونداي - اق وتاننىڭ بۇكىلدەي بىرلىككە كەلۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل جانە قابىلەتىمىز قاپتال جەتەدى. مەملەكەتتىڭ دامۋىندا، العا باسۋىندا، اسىرەسە، 40 نەشە جىلدان بەرگى رەفورما جاساۋ، ەسىك اشۋ جانە وسىزامانداندىرۋ قۇرىلىسىندا قول جەتكەن ۇلى تابىستار تايۋان ماسەلەسىن شەشۋدىڭ، وتاننىڭ بۇكىلدەي بىرلىككە كەلۋىن جۇزەگە اسىرۋدىڭ تاريحي ۇردىسىنە تەرەڭ ىقپال ەتۋدە.
اق تىستى كىتاپتا مىنالار باسا دارىپتەلدى: دەموكراتيانى ىلگەرىلەتۋ پارتياسى بيلەۋشىلەرىنىڭ ”دەربەستەنۋدى“ كوزدەگەن ءىس - ارەكەتى ەكى جاعالاۋ قارىم - قاتىناسىنىڭ شيەلەنىسۋىنە اپارىپ سوعىپ، تايۋان بۇعازىنىڭ بەيبىتشىلىگى مەن ورنىقتىلىعىن زيانداپ، بەيبىت بىرلىككە كەلۋدىڭ بولاشاعىن ويرانداپ، بەيبىت بىرلىككە كەلۋدىڭ كەڭىستىگىن تارىلتتى، ول بەيبىت بىرلىككە كەلۋگە قول جەتكىزۋ ۇردىسىندە، ءسوز جوق، جويۋعا ءتيىستى بوگەت سانالادى. سىرتقى كۇشتەر ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردى سويقان شىعارۋعا، ارانداتۋعا ىرقىنا جىبەرىپ، جەلىكتىرىپ، ەكى جاعالاۋدىڭ تىرەسۋى مەن تايۋان بۇعازىنداعى جاعدايدىڭ شيەلەنىسۋىن ۋشىقتىرىپ، ازيا − تىنىق مۇحيت ءوڭىرىنىڭ بەيبىتشىلىگى مەن ورنىقتىلىعىن ءبۇلدىردى، بۇل بەيبىتشىلىككە ۇمتىلاتىن، دامۋدى جەبەيتىن، بىرگە يگىلىكتەنۋدى كوزدەيتىن ءداۋىر اعىمىنا كەرەعار بولۋمەن قويماي، حالىقارالىق قوعامنىڭ ءۇمىتى مەن دۇنيە ءجۇزى حالقىنىڭ تىلەك - قالاۋىنا قايشى. ”شەتەلگە ارقا سۇيەپ دەربەستەنۋدى كوزدەۋدىڭ“ شىعار جولى جوق، ”تايۋان ارقىلى جۇڭگونى شاۋجايلاۋدىڭ“ جەڭىلىسپەن تىنارى داۋسىز. وتاننىڭ بىرلىككە كەلۋىنىڭ تاريح تەگەرشىگى توقتاۋسىز العا جىلجيدى، ءارقانداي ادامنىڭ، ءارقانداي كۇشتىڭ ونى بوگەۋى مۇمكىن ەمەس.
اق تىستى كىتاپتا بىلاي دەلىندى: ”بەيبىت بىرلىككە كەلۋ، ءبىر ەل، ەكى ءتۇزىم“ − ءبىزدىڭ تايۋان ماسەلەسىن شەشۋدەگى نەگىزگى باعىتىمىز، سونداي - اق مەملەكەتتىڭ بىرلىككە كەلۋىن جۇزەگە اسىرۋدىڭ ەڭ ابزال ءتاسىلى، وندا دارقان كوڭىل، كەڭ قۇشاققا بارلىعىن سيعىزعان جۇڭحۋا پاراساتى ايگىلەنگەن، تايۋاننىڭ قازىرگى جاعدايى تولىق ويلاستىرىلعان، سونىمەن بىرگە ول بىرلىككە كەلگەننەن كەيىنگى تايۋاننىڭ باياندى تىنىشتىعىنا دا پايدالى. ەكى جاعالاۋدىڭ بەيبىت بىرلىككە كەلۋىن جۇزەگە اسىرۋدا، ءسوز جوق، ۇلى قۇرلىق پەن تايۋاننىڭ قوعامدىق ءتۇزىمى مەن يدەولوگياسىنىڭ ۇقسامايتىندىعى سىندى نەگىزگى ماسەلەمەن بەتپە - بەت كەلۋ كەرەك. ”ءبىر ەل، ەكى ءتۇزىم“ ءدال وسى ماسەلەنى شەشۋ ءۇشىن العا قويىلعان ەڭ سيىسىمدى جوبا. بۇل بەيبىتشىلىكتىڭ جوباسى، دەموكراتيانىڭ جوباسى، ىزگى جوبا، تەڭ يگىلىككە كەنەلەتىن جوبا. ەكى جاعالاۋداعى ءتۇزىم ۇقساماستىعى بىرلىككە كەلۋدىڭ كەدەرگىسى ەمەس، ونان دا ماڭىزدىسى، ول بولشەكتەنۋدىڭ جەلەۋى ەمەس.
اق تىستى كىتاپتا مىنالار باسا دارىپتەلدى: ءبىز بەيبىت بىرلىككە كەلۋگە كەڭ ءورىس ازىرلەۋدى قالايمىز، دەسەدە ءتۇرلى فورماداعى ”تايۋاندى دەربەستەندىرۋدى“ كوزدەيتىن بولشەكتەۋشىلىك قيمىلدارعا استە ەشقانداي مۇمكىندىك قالدىرمايمىز. ءبىز ۇزدىكسىز تۇردە بەيبىت بىرلىككە كەلۋگە ەڭ ادال نيەتپەن، ەڭ زور قۇلشىنىسپەن قول جەتكىزۋدى قالايمىز. ءبىز قارۋلى كۇش قولدانۋدان باس تارتۋ تۋرالى ۋادە بەرمەيمىز، بارلىق قاجەتتى شارالاردى قولدانۋ تاڭداۋىن ساقتايمىز، بۇل سىرتقى كۇشتەردىڭ كيلىگۋى مەن توتەنشە از ساندى ”تايۋاندى دەربەستەندىرۋدى“ كوزدەيتىن بولشەكتەۋشى ەلەمەنتتەرگە جانە ولاردىڭ بولشەكتەۋشىلىك قيمىلدارىنا باعىتتالعان، استە تايۋاندىق باۋىرلاستارعا قاراتىلماعان، بەيبىت ەمەس ءتاسىل امالسىز قالعان جاعدايدا جاسالاتىن ەڭ سوڭعى تاڭداۋ. تايۋاننىڭ بولاشاعى مەملەكەتتىڭ بىرلىككە كەلۋىندە، تايۋاندىق باۋىرلاستاردىڭ قۇت - ىرىسى ۇلتتىڭ گۇلدەنۋىنە بايلانىستى. ءبىز قالىڭ تايۋاندىق باۋىرلاستاردى ىنتىماقتاستىرىپ، وتاننىڭ بىرلىككە كەلۋىنىڭ، ۇلتتىڭ گۇلدەنۋىنىڭ داڭقتى ۇلى ىستەرىن بىرگە جاراتامىز.
اق تىستى كىتاپتا مىنالار اتاپ كورسەتىلدى: ”ءبىر ەل، ەكى ءتۇزىم“ بويىنشا ەكى جاعالاۋدىڭ بەيبىت بىرلىككە كەلۋىن جۇزەگە اسىرۋ جۇڭگونىڭ دامۋى مەن العا باسۋىنا جانە جۇڭحۋا ۇلتىنىڭ ۇلى گۇلدەنۋىنە جاڭا نەگىز قالايدى، تايۋاننىڭ ەكونوميكالىق، قوعامدىق دامۋىنا وراسان زور وراي ازىرلەيدى، قالىڭ تايۋاندىق باۋىرلاستارعا ناقتى پايدا اكەلەدى. ەكى جاعالاۋدىڭ بەيبىت بىرلىككە كەلۋىن جۇزەگە اسىرۋ تەك جۇڭحۋا ۇلتى مەن جۇڭگو حالقىنىڭ باقىتى عانا ەمەس، حالىقارالىق قوعام مەن دۇنيە ءجۇزى حالقىنىڭ دا باقىتى سانالادى.
