تيانشان تورى
تيانشان تورى   ›   ۇيرەنۋ   ›   شولۋ

وتاننىڭ بۇكىلدەي بىرلىككە كەلۋ ءۇردىسى بوگەۋ بەرمەيدى

□ حالىق گازەتىنىڭ شولۋشىسى

  تايۋان ماسەلەسىن شەشىپ، وتاننىڭ بۇكىلدەي بىرلىككە كەلۋىن جۇزەگە اسىرۋ − بارلىق جۇڭحۋا پەرزەنتتەرىنىڭ ورتاق ءۇمىت - تىلەگى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قاجەتتى تالابى، جۇڭگو كوممۋنيستىك پارتياسىنىڭ اينىماس مۇرات ەتكەن تاريحي مىندەتى.

  دۇنيە جۇزىندە 100 جىلدا بولماعان زور وزگەرىس الدىندا، وتاننىڭ بۇكىلدەي بىرلىككە كەلۋىن ىلگەرىلەتۋ جاڭا جاعدايلارعا ءدوپ كەلدى. 8 - ايدىڭ 10 - كۇنى مەملەكەتتىك كەڭەس تايۋان ىستەرى كەڭسەسى، مەملەكەتتىك كەڭەس اقپارات كەڭسەسى «تايۋان ماسەلەسى جانە جاڭا داۋىردەگى جۇڭگونىڭ بىرلىككە كەلۋ ىستەرى» اق تىستى كىتابىن جاريالاپ، تايۋاننىڭ جۇڭگونىڭ ءبىر بولىگى ەكەندىگى سىندى شىندىق پەن قازىرگى جاعدايدى ىشكەرىلەگەن تۇردە قايتالاي دارىپتەپ، جۇڭگو كوممۋنيستىك پارتياسى مەن جۇڭگو حالقىنىڭ وتاننىڭ بىرلىككە كەلۋىنە ۇمتىلعان مىزعىماس ەرىك - جىگەرى مەن باتىل بەكىمىن كورسەتىپ، جۇڭگو كوممۋنيستىك پارتياسى مەن جۇڭگو ۇكىمەتىنىڭ جاڭا داۋىردە وتاننىڭ بىرلىككە كەلۋىن جۇزەگە اسىرۋدى ىلگەرىلەتەتىن تۇرعىسى مەن ساياساتىن، جۇڭگو كوممۋنيستىك پارتياسى مەن جۇڭگو ۇكىمەتىنىڭ كۇردەلى جاعدايدى مەڭگەرەتىن، حاۋىپ - قاتەرلەر مەن سىن - سايىستاردى جەڭەتىن جالپىلىق ناقتى قۋاتقا جانە، ءسوز جوق، جەڭىسكە جەتەتىن سەنىمگە يە ەكەندىگىن، وتاننىڭ بىرلىككە كەلۋ ۇلى ءىسىنىڭ ارشىندى قاداممەن ىلگەرىلەۋىن جەبەۋگە قابىلەتى قاپتال جەتەتىندىگىن ەگجەي - تەگجەيلى باياندادى.

  جۇڭگو كوممۋنيستىك پارتياسىنىڭ تايۋان ماسەلەسىن شەشۋ، وتاننىڭ بۇكىلدەي بىرلىككە كەلۋىن جۇزەگە اسىرۋ جولىندا قاجىماي - تالماي كۇرەس جۇرگىزگەن بەلەستەرى، تابىستارى مەن تاجىريبەلەرى جۇڭگو كوممۋنيستىك پارتياسىنىڭ قاي - قاشان دا جۇڭگو حالقى مەن جۇڭحۋا ۇلتىنىڭ تايانىش تىرەگى، ۇلتتىڭ گۇلدەنۋىنىڭ، وتاننىڭ بىرلىككە كەلۋىنىڭ پارمەندى باسشىلىق ۇيتقىسى ەكەندىگىن تولىق كورسەتتى. پارتيا 18 - قۇرىلتايىنان بەرى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە قادام تاستادى. بۇل جۇڭگونىڭ بىرلىككە كەلۋ ۇلى ءىسىنىڭ جاڭا تاريحي ورنى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگو كوممۋنيستىك پارتياسى مەن جۇڭگو ۇكىمەتى تايۋانعا قاراتىلعان قىزمەت نازارياسى مەن امالياتىندا جاڭالىق اشۋدى بەلسەندىلىكپەن ىلگەرىلەتىپ، ەكى جاعالاۋ قارىم - قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتاپ يگەرىپ، تايۋان بۇعازىنىڭ بەيبىتشىلىگىن، ورنىقتىلىعىن پارمەندى قورعاپ، وتاننىڭ بىرلىككە كەلۋ ءۇردىسىن تىڭعىلىقتى ىلگەرىلەتتى.

  باس شۋجي شي جينپيڭ بىلاي دەپ اتاپ كورسەتتى: ”تايۋان ماسەلەسى ۇلتتىڭ دارمەنسىزدىگىنەن، بەرەكەسىزدىگىنەن تۋىلعان، ول، ءسوز جوق، ۇلتتىڭ گۇلدەنۋىنە ىلەسە شەشىلەدى“. وتاننىڭ بۇكىلدەي بىرلىككە كەلۋىن جۇزەگە اسىرۋدى جۇڭحۋا ۇلتىنىڭ تاريحى مەن مادەنيەتى بەلگىلەگەن، سونداي - اق جۇڭحۋا ۇلتىنىڭ ۇلى گۇلدەنۋىنىڭ ورايى مەن اۋقىمى بەلگىلەگەن. مەملەكەتتىڭ دامۋى، العا باسۋى، اسىرەسە، ەكونوميكالىق ناقتى قۋاتىنىڭ، عىلىم - تەحنيكا ناقتى قۋاتىنىڭ، مەملەكەت قورعانىسى ناقتى قۋاتىنىڭ ۇزدىكسىز نىعايۋى ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتتەردى جانە سىرتقى كۇشتەردىڭ كيلىگۋىن ءونىمدى شاۋجايلاپ قانا قويماي، ونان دا ماڭىزدىسى، ەكى جاعالاۋدىڭ اۋىس - كۇيىسىنە، سەلبەستىگىنە كەڭ ءورىس ازىرلەدى، وراسان زور وراي اكەلدى. كەزەكتە جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا اتتاندى، ءبىزدىڭ تايۋان ماسەلەسىن شەشۋ نەگىزىمىز اناعۇرلىم مىعىم، قابىلەتىمىز اناعۇرلىم كۇشتى، مۇنىڭ وتاننىڭ بىرلىككە كەلۋ ءۇردىسىن پارمەندى ىلگەرىلەتەتىندىگى داۋسىز. ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن اناعۇرلىم جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن سەنىمىمىز اناعۇرلىم كامىل جانە قابىلەتىمىز دە قاپتال جەتەدى، وتاننىڭ بۇكىلدەي بىرلىككە كەلۋىن جۇزەگە اسىرۋ نىساناسىنا دا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز اناعۇرلىم كامىل جانە قابىلەتىمىز دە قاپتال جەتەدى.

  دۇنيە جۇزىندە تەك ءبىر عانا جۇڭگو بار، تايۋان جۇڭگونىڭ ءبىر بولىگى ەكەندىگى سىندى تاريحي شىندىق پەن زاڭدىق نەگىزگە ءشۇبالانۋعا كەلمەيدى، تايۋاننىڭ ەجەلدەن ءبىر مەملەكەت ەمەس، قايتا جۇڭگونىڭ ءبىر بولىگى سىندى ورنىن وزگەرتۋگە جول قويىلمايدى. الايدا، ءبىر مەزگىلدەن بەرى، تايۋان دەموكراتيانى ىلگەرىلەتۋ پارتياسى بيلەۋشىلەرى ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتىن جەدەلدەتە جۇرگىزدى، ءىشىنارا سىرتقى كۇشتەر ”تايۋان ارقىلى جۇڭگونى شاۋجايلاۋدى“ ورشەلەنە جۇرگىزىپ، جۇڭگونىڭ بۇكىلدەي بىرلىككە كەلۋىن جۇزەگە اسىرۋىنا جانە جۇڭحۋا ۇلتىنىڭ ۇلى گۇلدەنۋگە بەتتەۋىنە كەسە - كولدەنەڭ بولۋعا ۇرىندى. جاقىندا، امەريكا پارلامەنتى قاۋىم پالاتاسىنىڭ باستىعى پەلوسي جۇڭگو جاقتىڭ قاتاڭ قارسىلىق كورسەتۋى مەن قاتاڭ تىلدەسۋىنە قاراماستان، امەريكا ۇكىمەتىنىڭ ەركىنە جىبەرۋىمەن جۇڭگونىڭ تايۋان وڭىرىنە اشىقتان - اشىق تىمىسكىلەپ باردى. بۇل كەرباقپا ارەكەت جۇڭگونىڭ يەلىك ۇقىعىنا اۋىر سۇعاناقتىق جاسادى، جۇڭگونىڭ ىشكى ىسىنە اۋىر كيلىكتى، امەريكا جاقتىڭ بەرگەن ۋادەسىنە اۋىر قايشىلىق جاسادى، تايۋان بۇعازىنىڭ بەيبىتشىلىگىنە، ورنىقتىلىعىنا اۋىر زيان سالدى. جۇڭگو ۇكىمەتى بۇعان قاراتا، ءبىر قىدىرۋ قۋاتتى دا پارمەندى قارسى تۇرۋ شارالارىن جولعا قويىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاپ، سىرتقى كۇشتەردىڭ كيلىگۋىنە جانە ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتكە پارمەندى سوققى بەرىپ، حالىقارالىق قوعامداعى ادىلەتتى كۇشتەردىڭ كەڭ كولەمدى قولداۋىنا يە بولدى. اماليات حالىق تىلەگىنە قايشى كەلۋگە بولمايتىندىعىن، وتپەن ويناعاننىڭ ءوزى ورتەنىپ ولەتىندىگىن، وتاننىڭ بىرلىككە كەلۋ تاريح تەگەرشىگىنىڭ توقتاۋسىز العا باساتىندىعىن، ءارقانداي ادامنىڭ، ءارقانداي كۇشتىڭ مۇنى بوگەي المايتىندىعىن تاعى ءبىر رەت دالەلدەدى. ”شەتەلگە ارقا سۇيەپ، دەربەستەنۋدى كوزدەۋدىڭ“ شىعار جولى جوق، ”تايۋان ارقىلى جۇڭگونى شاۋجايلاۋدىڭ“ جەڭىلىسپەن تىنارى ءسوزسىز.

  تايۋاننىڭ بولاشاعى مەملەكەتتىڭ بىرلىككە كەلۋىندە، تايۋانداعى باۋىرلاستاردىڭ قۇت - ىرىسى ۇلتتىڭ گۇلدەنۋىمەن بايلانىستى. ۇلتتىڭ گۇلدەنۋىنىڭ جاڭا جورىعىندا، جۇڭگو كوممۋنيستىك پارتياسى مەن جۇڭگو ۇكىمەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، جاڭا داۋىردەگى جۇڭگو كوممۋنيستىك پارتياسىنىڭ تايۋان ماسەلەسىن شەشۋدەگى تۇلعالىق جالپى جوباسىن ىشكەرىلەي دايەكتىلەندىرىپ، ”بەيبىت بىرلىككە كەلۋ، ءبىر ەل، ەكى ءتۇزىم“ نەگىزگى باعىتىنا تاباندى بولىپ، ەكى جاعالاۋ قارىم - قاتىناسىنىڭ بەيبىت دامۋىن، توعىسا دامۋىن قۇلشىنا ىلگەرىلەتىپ، ”تايۋاندى دەربەستەندىرۋدى“ كوزدەيتىن بولشەكتەۋشىلىك پەن سىرتقى كيلىگۋدىڭ قاسكۇنەمدىكتەرىن باتىل تالقانداپ، تايۋانداعى باۋىرلاستارمەن ىنتىماقتاسىپ، ۇلتتىڭ گۇلدەنۋى مەن مەملەكەتتىڭ بىرلىككە كەلۋىن بىرگە كوزدەدى. ”ءبىر ەل، ەكى ءتۇزىم“ بويىنشا ەكى جاعالاۋدىڭ بەيبىت بىرلىككە كەلۋىن جۇزەگە اسىرۋ جۇڭگونىڭ دامىپ، العا باسۋىنا جانە جۇڭحۋا ۇلتىنىڭ ۇلى گۇلدەنۋىنە جاڭا نەگىز قالايدى، تايۋاننىڭ ەكونوميكالىق، قوعامدىق دامۋىنا وراسان زور وراي ازىرلەيدى، قالىڭ تايۋاندىق باۋىرلاستاردى ناقتى يگىلىككە كەنەلدىرەدى، ازيا - تىنىق مۇحيت ءوڭىرىنىڭ، سونداي - اق دۇنيە ءجۇزىنىڭ بەيبىتشىلىگى مەن دامۋىنا دا ءتيىمدى.

  مەملەكەتتىڭ بىرلىككە كەلۋى − جۇڭحۋا ۇلتىنىڭ ۇلى گۇلدەنۋگە بەتتەۋىنىڭ تاريحي سوزسىزدىگى. ءبىز بىرلىككە كەلۋگە كەڭ ءورىس جاراتۋدى قالايمىز، الايدا، ءتۇرلى فورماداعى ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتتەرىنە استە ەشقانداي مۇمكىندىك قالدىرمايمىز. تايۋان ماسەلەسى − جۇڭگونىڭ ىشكى ءىسى، جۇڭگونىڭ وزەكتى مۇددەسى مەن جۇڭگو حالقىنىڭ ۇلتتىق سەزىمىنە سايادى، ءارقانداي سىرتقى كيلىگۋگە جول قويىلمايدى. ءبىز ەكى جاعالاۋداعى باۋىرلاستاردى قامتىعان بارلىق جۇڭحۋا پەرزەنتتەرى ءبىر نيەت، ءبىر تىلەكپەن ىنتىماقتاسا كۇرەس جۇرگىزسە بولعانى، ءسوز جوق، ءارقانداي فورماداعى ”تايۋاندى دەربەستەندىرۋدى“ كوزدەيتىن بولشەكتەۋ جانە سىرتقى كيلىگۋ قاسكۇنەمدىكتەرىن تالقانداي الاتىندىعىنا، ءسوز جوق، وتاننىڭ بىرلىككە كەلۋى مەن ۇلتتىڭ گۇلدەنۋىن جەبەيتىن تەلەگەي ۇلى كۇشتى ۇيىستىرا الاتىندىعىنا سەنەمىز. وتاننىڭ بۇكىلدەي بىرلىككە كەلۋىنىڭ تاريحي مىندەتىن، ءسوز جوق، جۇزەگە اسىرۋ كەرەك، ءارى، ول، ءسوز جوق، جۇزەگە اسادى!

(شينحۋا اگەنتتىگىنىڭ 8 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.