ما شيڭرۇي، ەركىن تۇنياز ۇرىمجىدە ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى جانە جەتەكشىلىك ەتتى
ىندەتتەن ساقتانۋ - تىزگىندەۋ شارالارىن دالمە - ءدال، جوعارى ءونىمدى، قاتاڭ تياناقتاندىرىپ،ءتۇرلى قىزمەتتەردى پارمەندى، ءتارتىپتى، ءونىمدى تۇردە ويداعىداي ىستەۋ كەرەك
لي يفي، حى جۇڭيوۋ تەكسەرۋ - زەرتتەۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 10 - كۇنى ۇرىمجىدەن حابارلايدى. ىندەتتىڭ تارالۋىن، ءورشۋىن تەز ارادا توسىپ، ىندەت حاۋىپ - قاتەرىنىڭ سىرتقا جايىلۋىنان، تارالۋىنان ساقتانىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قامتاماسىزداندىرۋ ءۇشىن، ءۇرىمجى 8 - ايدىڭ 10 - كۇنى ساعات 8دەن باستاپ، بۇكىل قالاداعى 6 قالا رايونىندا ۋاقىتشا تىنىش كۇيدە باسقارۋ شاراسىن اتقاردى. تۇستەن بۇرىن اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز قاتارلىلار ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنا كەلىپ، بەينە ەكران ارقىلى ورنالاستىرىپ، جاعدايعا تالداۋ جاساپ، تۇجىرىمداپ، قولباسشىلىق جۇيەسىن ساپالىلاندىرۋ، ساقتانۋ - تىزگىندەۋ شارالارىن تياناقتاندىرۋ، اينالىمدى قامتاماسىز ەتۋدى ويداعىداي ىستەۋ، الدىن الۋدى، ەمدەۋدى كۇشەيتۋ، بۇقاراعا اناعۇرلىم ويداعىداي قىزمەت وتەۋ سياقتى قىزمەتتەر جونىندە تەكسەرۋ - زەرتتەۋ جۇرگىزدى جانە جەتەكشىلىك ەتتى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ تەكسەرۋ - زەرتتەۋگە قاتىناستى.
ما شيڭرۇي، ەركىن تۇنياز ءۇرىمجى قالاسىنىڭ ۋاقىتشا تىنىش كۇيدە باسقارۋ جۇرگىزگەننەن كەيىنگى ىندەتتەن ساقتانۋ قىزمەتتەرى جونىندە بەرىلگەن مالىمەتتى تىڭدادى، ىندەتتەن ساقتانۋ - تىزگىندەۋ قولباسشىلىق جۇيەسىنىڭ اينالىم جاعدايىن ۇعىستى، بەينە ەكران ارقىلى تەمىر جول، تاس جول، حالىقتىق اۆياتسيا جانە اۋىل شارۋاشىلىعى قوسىمشا ونىمدەرى بازارى سياقتى ءتۇيىندى قامتاماسىز ەتۋ ورىندارى اينالىمىنىڭ ناقتى جاعدايىن ورنالاستىرىپ، ۇرىمجىگە كىرۋگە جانە ۇرىمجىدەن شىعۋعا قىزمەت وتەۋ، باسقارۋ، حىسۋان تەكسەرۋ، زاتتىق ماتەريالدارمەن قامداۋ، زات اينالىمىنىڭ ىركىلىسسىزدىگىن قامتاماسىز ەتۋ، كاسىپورىنداردىڭ اينالىمى، بۇقاراعا قىزمەت وتەۋ، قوعامداعى جۇرت رايىن باقىلاۋ - تەكسەرۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: قولباسشىلىق شتابى ىندەتتەن ساقتانۋ - تىزگىندەۋدىڭ ءتۇيىنى جانە ۇلكەن ميى، جوعارى ءونىمدى، شوعىرلى، بىرلىككە كەلگەن قولباسشىلىق جۇيەسىن كەمەلدەندىرىپ، جاعدايعا تالداۋ جاساۋدى، تۇجىرىمداۋدى كۇشەيتىپ، عىلمي شەشىم جاساۋ قابىلەتىن جوعارىلاتىپ، بايلىقتى، كۇش - قۋاتتى ءبىر تۇتاس جوسپارلاپ، ساپالىلاندىرىپ، بۇيرىقتىڭ ايقىن، جۇيەنىڭ ءتارتىپتى، بولىكتەردىڭ ىركىلىسسىز، اتقارۋدىڭ پارمەندى بولۋىن ورىنداپ، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن تەز، پارمەندى ىلگەرىلەتۋ ءۇشىن مىعىم بىرىككەن كۇش ۇيىستىرۋ، كۇشتى كەپىلدىك ازىرلەۋ كەرەك.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن باتىل دايەكتىلەندىرىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ سىندى باس تاكتيكاعا جانە ”يكەمدى نولگە ءتۇسىرۋ“ باس باعىتىنا بۇلجىماستان تاباندى بولىپ، ىندەتتەن ساقتانۋ - تىزگىندەۋ شارالارىن دالمە - ءدال، جوعارى ءونىمدى، قاتاڭ تياناقتاندىرىپ، ۋاقىتتى ۇتىپ، ۋاقىتتى مەڭگەرە ءبىلىپ، ءتۇرلى قىزمەتتەردى ەگجەي - تەگجەيلى، ناقتى يگەرۋ كەرەك. ادامداردىڭ اعىلۋىن قاتاڭ مەڭگەرىپ، ورايدى قولدان جىبەرمەي جوعارى ساپالى حىسۋان تەكسەرۋىن ورىستەتىپ، ءمان - جايدى تەز ارادا انىقتاپ، حاۋىپ - قاتەرى بار ادامداردى بىرەۋىن دە قاعىس قالدىرماي سارالاپ تەكسەرۋ؛ الەۋمەتتىك اۋماقتىڭ بىرلەسىپ ساقتانۋ، بىرلەسىپ تىزگىندەۋ ءبىرىنشى شەپتىك رولىن ويداعىداي ساۋلەلەندىرىپ، ىندەتتەن ساقتانۋ كۇشىن تولىقتىرىپ، توركوزدەندىرىپ، ەگجەي - تەگجەيلىلەندىرىپ باسقارۋدى كۇشەيتىپ، ساقتانۋ - تىزگىندەۋ شارالارىن ەڭ كىشكەنە بولەككە، ءاربىر ادامعا دەيىن تياناقتاندىرۋ؛ تەمىر جولدىڭ، تاس جولدىڭ، حالىقتىق اۆياتسيانىڭ بىرلەسىپ قيمىلداۋىن كۇشەيتىپ، ۇرىمجىدەن شىعۋ ارنالارىن جاقسارتىپ، ىركىلىسسىزدەندىرىپ، ۇرىمجىگە كەلگەندەردى باسقارۋدى كۇشەيتىپ، قىزمەت وتەۋ، باسقارۋ، قامتاماسىز ەتۋ قىزمەتتەرىن ىقىلاسپەن جانە مەيىرىممەن ويداعىداي ىستەۋ؛ ماڭىزدى ءوندىرىس، تۇرمىس زاتتىق ماتەريالدارىن تاسىمالداۋدى ىركىلىسسىزدەندىرىپ، تولىق قامداۋعا، ىركىلىسسىز جەتكىزۋگە شىنايى كەپىلدىك ەتىپ، ”كوجە قاتىق“، ”ازىق - تۇلىك“ سياقتىلاردىڭ مولشەرىنىڭ جەتكىلىكتى، باعاسىنىڭ ورنىقتى بولۋىن بار كۇشپەن قامتاماسىز ەتۋ؛ بۇقارانىڭ اماندىعىن، مۇڭ - مۇقتاجىن كوڭىلدە ساقتاپ، تۇرمىستى قامتاماسىز ەتۋ، شيپاگەرگە كورىنۋ، ەمدەلۋ، پسيحيكالىق ءجون سىلتەۋ، كۇدىك - كۇماننان ارىلتۋ سياقتى قىزمەتتەردى دەن قويا، سۇيىسپەنشىلىكپەن ويداعىداي ىستەۋ، قىزمەت ءتاسىلىن جاقسارتۋ، قارابايىرلىقتان، دورەكىلىكتەن ساقتانىپ، تىلەك - تالاپتاردى بايسالدىلىقپەن تىڭداپ، ماسەلەلەردى شىن نيەتپەن ءبىر جاقتى ەتىپ، ەرەكشە قيىنشىلىعى بار قاۋىمعا قامقورلىق جاساۋدى كۇشەيتۋ؛ كاسىپورىنداردىڭ قالىپتى اينالىمىن قامتاماسىز ەتىپ، جابىق باسقارۋ شارالارىن تياناقتاندىرىپ، الدا ءجۇرىپ قىزمەت وتەپ، كاسىپورىندار ءدوپ كەلگەن قيىنشىلىقتار مەن ماسەلەلەردى شەشۋ؛ قۇزىرلى ينفورماتسيالاردى جاريالاۋدى جانە ينتەرنەتتەگى جۇرت رايىن دەر كەزىندە باقىلاۋ - تەكسەرۋدى كۇشەيتىپ، بۇقارا اڭىس ەتكەن قايشىلىقتار مەن ماسەلەلەرگە ءمان بەرىپ جانە ونى شەشىپ، ۇنامدى جاقتاعى ۇگىت جەتەكشىلىگىن كۇشەيتىپ، ءار جاقتىڭ كۇشىن ۇيىستىرىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار، ۇكىمەتتەر جانە ءار دارەجەلى پارتيالى كادرلار شىنايى جاۋاپكەرشىلىك ارقالاپ، سىننان ءوتىپ، ىندەتتى ءبىر جاقتى ەتۋدى قابىلەت پەن ورەنى سىناۋدىڭ ناقتى شايقاستاعى شىڭدالۋى ەتىپ، جاۋاپكەرشىلىك ارقالايتىن باتىلدىقتى، عىلمي ساقتاناتىن - تىزگىندەيتىن پاراساتتى، ءبىر تۇتاس جوسپارلاپ تەڭ ءمان بەرەتىن ويدى، ۇيىمداستىرىپ اتقاراتىن قابىلەتتى شىنىقتىرىپ، تاباندىلىقتى ساقتاپ، سەنىمدى بەكەمدەپ، وڭىرلەر سايكەسىپ، بيڭتۋان مەن جەرگىلىكتى ورىن بىرلەسىپ قيمىلداپ، قىزمەت قابىلەتى مەن ورەسىن ءوسىرىپ، ىندەت جاعدايىن تۇجىرىمداۋدى كۇشەيتىپ، قوعامدىق جاعدايدى، ەل رايىن ىشكەرىلەي ۇعىسىپ، فورماشىلدىقتى، تورەشىلدىكتى باتىل جويىپ، ءار ۇلت كادرلارى مەن بۇقاراسىنىڭ بەلسەندىلىگىن، جاسامپازدىعىن تولىق جۇمىلدىرىپ، زاڭ بويىنشا، عىلمي، دالمە - ءدال، جوعارى ءونىمدى تۇردە ءتۇرلى شارالاردى ناقتاپ تياناقتاندىرىپ، ىندەتتەن ساقتانۋ - تىزگىندەۋ سىندى قاتاڭ شايقاستا باتىلدىقپەن جەڭىسكە جەتۋ كەرەك.
چىن ۋيجۇن، ياڭ فاسىن، قادەن كابەن قاتارلىلار تەكسەرۋ - زەرتتەۋگە قاتىناستى.
