شينحۋا اگەنتتىگىنىڭ 8 - ايدىڭ 10 - كۇنى بەيجيڭنەن بەرگەن حابارى. 8 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتى تايۋان قىزمەتى كەڭسەسىنىڭ مالىمدەمەشىسى بەرىلگەن ۇقىق بويىنشا «تايۋان ماسەلەسى جانە جاڭا داۋىردەگى جۇڭگونىڭ بىرلىككە كەلۋ ىستەرى» اق تىستى كىتابىنىڭ جاريالانۋى جونىندە پىكىر جاريالادى. تولىق مازمۇنى تومەندەگىدەي:
مەملەكەتتىك كەڭەس تايۋان ىستەرى كەڭسەسى، مەملەكەتتىك كەڭەس اقپارات كەڭسەسى بۇگىن «تايۋان ماسەلەسى جانە جاڭا داۋىردەگى جۇڭگونىڭ بىرلىككە كەلۋ ىستەرى» اق تىستى كىتابىن جاريالادى.
جۇڭگو ۇكىمەتى 1993 - جىلى 8 - ايدا، 2000 - جىلى 2 - ايدا جەكە - جەكە «تايۋان ماسەلەسى جانە جۇڭگونىڭ بىرلىككە كەلۋى»، «ءبىر جۇڭگو پرينسيبى جانە تايۋان ماسەلەسى» اق تىستى كىتاپتارىن جاريالاپ، تايۋان ماسەلەسىن شەشۋدىڭ نەگىزگى باعىتى مەن قاتىستى ساياساتتارىن جان - جاقتى، جۇيەلى بايانداعان. 20 نەشە جىلدان بەرى، اسىرەسە، جۇڭگو كوممۋنيستىك پارتياسىنىڭ 18 - قۇرىلتايىنان بەرى، مەملەكەتتىڭ بىرلىككە كەلۋ نازارياسى مەن تايۋانعا قاراتىلعان باعىت - ساياساتتارى ۇزدىكسىز بايىتىلدى، دامىتىلدى. باس شۋجي شي جينپيڭ تايۋان قىزمەتى جونىندە ءبىرسىپىرا ماڭىزدى ۇستانىمدار، كەلەلى ساياساتتىق دارىپتەمەلەر العا قويىپ، جاڭا داۋىردەگى جۇڭگو كوممۋنيستىك پارتياسىنىڭ تايۋان ماسەلەسىن شەشۋدەگى تۇلعالىق جالپى جوباسىن قالىپتاستىرىپ، تايۋان قىزمەتىنە ءتۇبىرلى بويسۇنۋ ولشەمى مەن ارەكەت تۇعىرناماسىن ازىرلەدى. الايدا ءبىر مەزگىلدەن بەرى تايۋانداعى دەموكراتيانى ىلگەرىلەتۋ پارتياسى بيلەۋشىلەرى ”تايۋاندى دەربەستەندىرۋدى“ كوزدەيتىن بولشەكتەۋشىلىك قيمىلدارىن اپتىعا جۇرگىزىپ، كەيبىر سىرتقى كۇشتەر ”تايۋان ارقىلى جۇڭگونى شاۋجايلاۋمەن“ جانتالاسا اينالىسىپ، جۇڭگونىڭ بۇكىلدەي بىرلىككە كەلۋىن جۇزەگە اسىرۋىنا جانە جۇڭحۋا ۇلتىنىڭ ۇلى گۇلدەنۋگە قادام تاستاۋىنا كەسە - كولدەنەڭ جاساۋعا ۇرىندى.
جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇزاق ۋاقىت كۇرەس جۇرگىزىپ، مەجەلى مەرزىمدە جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىن باستادى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە ءوتتى، وتاننىڭ بىرلىككە كەلۋ ۇلى ءىسىن ورىنداۋعا بىزدە اناعۇرلىم جاقسى شارت - جاعداي، اناعۇرلىم بەرىك سەنىم، اناعۇرلىم قارىمدى قابىلەت بار. قالىڭ كادر - بۇقارا بىرلىككە كەلۋ ۇلى ءىسىنىڭ ەرتەرەك ورىندالۋىن اسىعا كۇتۋدە، ەل ءىشى - سىرتىنداعى جۇڭحۋا پەرزەنتتەرى جانە حالىقارالىق قوعام جۇڭگونىڭ بىرلىككە كەلۋ ماسەلەسىنە ايرىقشا نازار اۋدارۋدا. جاڭا جورىققا اتتانعان جاڭا جاعداي الدىندا، مەملەكەتتىڭ بىرلىككە كەلۋى تۋرالى جاڭا اق تىستى كىتاپ جاريالاپ، تايۋاننىڭ جۇڭگونىڭ ءبىر بولىگى ەكەندىگى جايلى شىندىق پەن قازىرگى جاعدايدى ىشكەرىلەگەن تۇردە قايتالاي دارىپتەۋ، جۇڭگو كوممۋنيستىك پارتياسى مەن جۇڭگو حالقىنىڭ وتاننىڭ بىرلىككە كەلۋىنە تالپىنعان مىزعىماس ەرىك - جىگەرى مەن باتىل بەكىمىن كورسەتۋ، جۇڭگو كوممۋنيستىك پارتياسى مەن جۇڭگو ۇكىمەتىنىڭ جاڭا داۋىردە وتاننىڭ بىرلىككە كەلۋىن جۇزەگە اسىرۋدى ىلگەرىلەتەتىن تۇرعىسى مەن ساياساتىن بايانداۋ قاجەتتى بولىپ وتىر.
«تايۋان ماسەلەسى جانە جاڭا داۋىردەگى جۇڭگونىڭ بىرلىككە كەلۋ ىستەرى» اق تىستى كىتابى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى تياناق ەتىپ، جاڭا داۋىردەگى جۇڭگو كوممۋنيستىك پارتياسىنىڭ تايۋان ماسەلەسىن شەشۋ تۋرالى تۇلعالىق جالپى جوباسىن ىشكەرىلەي دايەكتىلەندىرىپ، قىرۋار تاريحي جانە زاڭدىق شىندىقتار ارقىلى تايۋاننىڭ جۇڭگونىڭ ءبىر بولىگى ەكەندىگىنە ءشۇبالانۋعا بولمايتىندىعىن جانە ونى وزگەرتۋگە جول بەرىلمەيتىندىگىن ايگىلەپ، جۇڭگو كوممۋنيستىك پارتياسىنىڭ وتاننىڭ بۇكىلدەي بىرلىككە كەلۋىن مىزعىماس تاباندىلىقپەن ىلگەرىلەتكەن كۇرەس بارىسىن، كەلەلى تابىستارى مەن باعالى تاجىريبەلەرىن جان - جاقتى قورىتىندىلاپ، دەموكراتيانى ىلگەرىلەتۋ پارتياسى بيلەۋشىلەرىنىڭ ”دەربەستەندىرۋدى“ اپتىعا كوزدەيتىن ارانداتۋشىلىعىن جانە امەريكانىڭ ”تايۋان كوزىرىن“ قۇتىرىنا كوتەرگەن ءىس - ارەكەتى مەن ساندىراعىن تەرەڭىنەن پاش ەتىپ، جۇڭگو كوممۋنيستىك پارتياسى مەن جۇڭگو ۇكىمەتىنىڭ جاڭا داۋىردەگى جاڭا جورىقتا وتاننىڭ بىرلىككە كەلۋىن ىلگەرىلەتۋ جونىندەگى كەلەلى باعىت - ساياساتتارى مەن ساياساتتىق دارىپتەمەلەرىن جۇيەلى بايانداپ، ”ءبىر ەل، ەكى ءتۇزىم“ بويىنشا بەيبىت بىرلىككە كەلۋدى جۇزەگە اسىرۋدىڭ نۇرلى بولاشاعىن ايقىن بايىمداپ، ءبىزدىڭ وتاننىڭ بۇكىلدەي بىرلىككە كەلۋىن جۇزەگە اسىرۋدا، ءسوزسىز، جەڭىسكە جەتەتىن سەنىمىمىزدى، ”تايۋاندى دەربەستەندىرۋدى“ كوزدەيتىن بولشەكتەۋشىلىككە جانە سىرتتان كەلگەن كيلىگۋگە قارسى تۇراتىن باتىل بەكىمىمىزدى، ەكى جاعالاۋداعى باۋىرلاستاردىڭ قۇت - ىرىسىن كوزدەيتىن وزگەرمەس اۋەلگى ماقساتىمىزدى تولىق بەينەلەدى.
قازىرگى كۇردەلى، قىم - قۋىت حالىقارالىق جاعداي مەن تايۋان بۇعازى جاعدايىندا، اتالعان اق تىستى كىتاپتىڭ جاريالانۋى ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەر مەن سىرتقى كۇشتەردىڭ استاسىپ، ارانداتىپ، جۇڭگونىڭ يەلىك ۇقىعى مەن تەرريتوريا تۇتاستىعىنا زالال كەلتىرۋگە، جۇڭگونىڭ بىرلىككە كەلۋ ۇردىسىنە كەدەرگىلىك جاساۋعا ۇرىنعان سۇمپايى ءسوز - ارەكەتىن پاش ەتۋگە، سىن تەزىنە الۋعا پايدالى، ولاردىڭ ساياسي ءمانى مەن سۇرقيا نيەتىن پاش ەتىپ، جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعايتىن بەكىمىنىڭ مىزعىمايتىندىعىن، ەرىك - جىگەرىنىڭ قۇرىشتاي بەرىك ەكەندىگىن ايگىلەۋگە پايدالى؛ جۇڭگو كوممۋنيستىك پارتياسى مەن جۇڭگو ۇكىمەتىنىڭ ۇزدىكسىز تۇردە بەيبىت بىرلىككە كەلۋگە ەڭ ادال نيەتپەن، ەڭ زور قۇلشىنىسپەن قول جەتكىزەتىن تۇرعىسى مەن پوزيتسياسىن ايگىلەۋگە، ەكى جاعالاۋداعى باۋىرلاستاردىڭ، اسىرەسە، تايۋاندىق باۋىرلاستاردىڭ جانە حالىقارالىق قوعامنىڭ ءتۇسىنۋى مەن قولداۋىنا ەڭ جوعارى شەكتە قول جەتكىزۋگە پايدالى؛ بۇكىل پارتيانىڭ، بۇكىل ەلدەگى ءار ۇلت حالقىنىڭ مەملەكەتتىڭ بىرلىككە كەلۋىنە تالپىنۋدى مۇرات ەتكەن جىگەرىن، جالىنىن، ارىنىن سەرپىلتىپ، ارالداعى جانە شەتەلدەگى ”دەربەستەندىرۋگە“ قارسى تۇراتىن، بىرلىككە كەلۋدى جەبەيتىن كۇشتەردىڭ سەنىمى مەن باتىلدىعىن كۇشەيتىپ، وتاننىڭ بىرلىككە كەلۋىن قولدايتىن جانە جەبەيتىن تەلەگەي كۇش ۇيىستىرۋعا پايدالى.
ەكى جاعالاۋدىڭ بەيبىت بىرلىككە كەلۋىن جۇزەگە اسىرۋ تەك جۇڭحۋا ۇلتى مەن جۇڭگو حالقىنىڭ باقىتى عانا ەمەس، حالىقارالىق قوعام مەن دۇنيە ءجۇزى حالقىنىڭ دا باقىتى سانالادى. قالىڭ تايۋاندىق باۋىرلاستاردىڭ تاباندىلىقپەن تاريحتىڭ دۇرىس جاعىندا تۇرىپ، تۋراشىل، ادىلەتشىل جۇڭگولىق بولىپ، تايۋاننىڭ ۇلتتىڭ گۇلدەنۋىندەگى ورنى مەن رولى جايلى مۇقيات وي جۇگىرتىپ، اۋقىمدى انىق اڭعارىپ، ادىلەت جولىمەن ءجۇرىپ، ”تايۋاندى دەربەستەندىرۋدى“ كوزدەيتىن بولشەكتەۋشىلىككە جانە سىرتقى كۇشتەردىڭ كيلىگۋىنە باتىل قارسى تۇرىپ، وتاننىڭ بەيبىت بىرلىككە كەلۋىن ىلگەرىلەتۋدىڭ ادىلەتتى ىسىنە بەلسەنە ات سالىسۋىن ءۇمىت ەتەمىز. شياڭگاڭدىق باۋىرلاستاردىڭ، اۋمىندىق باۋىرلاستاردىڭ جانە شەتەلدەگى چياۋمين باۋىرلاستاردىڭ اۋەلگىدەي ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتۋ، وتاننىڭ بەيبىت بىرلىككە كەلۋىن جۇزەگە اسىرۋ ءۇشىن تاعى دا تىڭ ەڭبەك ءسىڭىرۋىن ءۇمىت ەتەمىز. حالىقارالىق قوعامنىڭ جانە جۇڭگومەن ديپلوماتيالىق قارىم - قاتىناس ورناتقان بارلىق مەملەكەتتەردىڭ ءبىر جۇڭگو پرينسيبىنە بويسۇنىپ، تايۋانعا ساياتىن ماسەلەلەردى ۇيلەسىمدى ءبىرجاقتى ەتىپ، جۇڭگو حالقىنىڭ ”تايۋاندى دەربەستەندىرۋدى“ كوزدەيتىن بولشەكتەۋشىلىككە قارسى تۇراتىن، مەملەكەتتىڭ بىرلىككە كەلۋىن ورىنداۋعا قول جەتكىزەتىن ادىلەتتى ءىسىن ءتۇسىنۋىن جانە قولداۋىن ءۇمىت ەتەمىز.
