ءۇرىمجى:
قامداۋدى، قاتىناستىڭ ىركىلىسسىزدىگىن، حالىق تۇرمىسىن بار كۇشپەن قامتاماسىز ەتتى
□ انار بۇلت \ شينجياڭ گازەتىنىڭ تىلشىلەرى ۋاڭ يۇڭفي، گان شيڭحۋا، سۋ رۇڭجى
8 - ايدىڭ 10 - كۇنى، ساياحاتشىلار ءۇرىمجى جوعارى جىلدامدىقتى تەمىر جول حالىقارالىق اۆتوكولىك جولاۋشى تاسىمال بەكەتىندە تارتىپپەن قاتارعا تۇرىپ بەلەت ساتىپ الۋدا.
8 - ايدىڭ 10 - كۇنى، قىزمەتكەرلەر ءۇرىمجى قالاسى سايباق رايونى چيماشان ءمالىسى چيماشان جولى باتىس الەۋمەتتىك اۋماعىنداعى كوكونىس، قوسىمشا ازىق - تۇلىكتەردى تىكە ساتۋ تۇيىنىنەن تۇرعىندار ءۇشىن كوكونىستەردى وكىلەتتى ساتىپ الۋدا.
□ سۋرەتتەردى انار بۇلت \ شينجياڭ گازەتىنىڭ ءتىلشىسى ساي زىڭلى تۇسىرگەن
8 - ايدىڭ 10 - كۇنى، ءۇرىمجى قالاسىنداعى ءتۇيىندى قالا رايوندارىن ۋاقىتتىق تىنىش كۇيدە باسقارعان ءبىرىنشى كۇن.
بەييۋانچۇن بازارىندا، يانحۋا كوكونىس تولايىم تاراتۋ، جەتكىزۋ دۇكەنىنىڭ جاۋاپتىسى ما يانحۋا تاڭ سارىمەن الەۋمەتتىك اۋماق تاپسىرىس بەرىپ ساتىپ العان كوكونىس دورباشاسىن ءبىر جايلى ەتۋمەن قاربالاس بولدى.
”بۇگىن بازارداعى كوپتەگەن ساۋداگەر الەۋمەتتىك اۋماقتىڭ تۇراقتى ءتۇيىندى تاپسىرىس جۇمىسىن تاپسىرىپ الدى، بازار ساۋداگەرلەرگە ويداعىداي سايكەسىپ، سەلبەسىپ، تاپسىرىس بەرگەن الەۋمەتتىك اۋماقتى ساپالى جەتكىزۋ قىزمەت وتەۋىمەن قامداپ، تۇرعىنداردى زاتتىق ماتەريالدارمەن تولىق قامداۋعا شىنايى كەپىلدىك ەتەدى“، - دەدى ءۇرىمجى بەييۋانچۇن جەمىس - جيدەك شارۋاشىلىعى تيجاراتىن باسقارۋ شەكتى جاۋاپكەرشىلىك سەرىكتەستىگى كوكونىس، قاۋىن - قاربىز بازارىنىڭ ديرەكتورى چىن جيانمين.
ۋاقىتشا توقتاتۋ تەتىگى توسىن باسىلعانىمەن، الايدا ءۇرىمجى قالاسىنداعى ءار جاق بەلسەنە توتەپ بەردى، زاتتىق ماتەريالدارمەن قامداۋ جەتكىلىكتى، قاتىناس ىركىلىسسىز، ءتارتىپتى، الەۋمەتتىك اۋماقتىڭ قىزمەت وتەۋى تىڭعىلىقتى، قالا تۇرعىندارىنىڭ تۇرمىسى ءتارتىپتى بولدى.
زاتتىق ماتەريالدارمەن قامداۋ مولشەرى جەتكىلىكتى، باعا ورنىقتى بولدى
8 - ايدىڭ 10 - كۇنى تۇستە، ءتىلشى بەييۋانچۇن بازارىندا ساۋداگەرلەردىڭ قالىپتى تيجارات جۇرگىزىپ جاتقانىن كوردى. شينجياڭ شيندى رۇنزى ساۋدا شەكتى سەرىكتەستىگى دۇكەنىندە سول كۇنى سيىر ەتى تۇگەلدەي ساتىلىپ بولدى. ”ءبىز، باستىسى، ءارقايسى كاسىپورىن، ءىسورىندارىنا سيىر، قوي ەتىن جەتكىزىپ بەرەمىز. بۇگىن تاڭعى ساعات 2دە زات كىرگىزدىم، ءبىر توننا سيىر ەتى تۇستەن بۇرىن جەتكىزىلىپ بولدى“، - دەدى دۇكەن قوجايىنى چىڭ ۋىنجىن.
بەييۋانچۇن بازارىنىڭ كوكونىس جانە ەت ءتۇرى ونىمدەرىمەن قامداۋ مولشەرى ءۇرىمجى بازارىنىڭ قاجەتسىنۋ جالپى مولشەرىنىڭ ۇشتەن ءبىرىن ۇستايدى، ءۇرىمجى بەييۋانچۇن جەمىس - جيدەك شارۋاشىلىعى تيجاراتىن باسقارۋ شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى لۋ فىڭ: ساۋداگەرلەردىڭ قالىپتى تيجاراتىنا كەپىلدىك ەتىپ، زاتتىق ماتەريالدارمەن ورنىقتى قامداۋ ءۇشىن، سەرىكتەستىگىمىز ساۋداگەرلەرگە مەيمانحانا مەن قوناق سارايدى سايكەستىرىپ، ساۋداگەرلەردىڭ تاماق، جاتىن ورىن ماسەلەسىن ويداعىداي شەشتى، - دەدى.
الەۋمەتتىك اۋماقتىڭ جەتكىزۋ بۋىنى تۇرعىندارعا قىزمەت وتەۋدىڭ ەڭ سوڭعى ءبىر كيلومەترى. ءۇرىمجى قالاسى سايباق رايونى كوكونىس قوسىمشا ازىق - تۇلىك تىكە ساتۋ ءتۇيىنى سايباق − 006 نومىرگە بارعانىمىزدا قيار، دابايساي، قىزاناق سياقتى جاڭا كوكونىستەر زات سورەسىنە تولتىرا قويىلىپتى، كەيبىر كوكونىستەردىڭ بەتىندە شىق جىلتىراپ تۇر. دۇكەن باستىعى لي حاڭ تىلشىگە: ”شاعىن اۋماق تۇرعىندارى قاجەتتى كوكونىس تۇرلەرىن بىرىنەن سوڭ ءبىرى ۋيشين توبىندا تىزىمگە الدىرادى، ونان كەيىن ەرىكتىلەر تاپسىرىس بەرەدى، سونىمەن ءبىز كوكونىستەردى دايىنداي باستايمىز“، - دەدى.
لي حاڭ بىلاي دەپ تانىستىردى: كەزەكتە كوكونىستىڭ ءتۇرى مول جانە سانى جەتكىلىكتى، تۇرعىنداردىڭ قالىپتى تۇرمىسىن بۇكىلدەي قاناعاتتاندىرا الادى. وسى كۇنى ساعات 20عا دەيىن دۇكەندەگى ءبىر توننادان استام كوكونىس ساتىلىپ ءبىتتى.
كۇندەلىكتى ونىمدەرمەن قامداۋدان سىرت، ءدارى - دارمەكپەن قامداۋ دا ءۇزىلىس جاسامادى. شۇيموگوۋ رايونى ءماجىلىس - كورمە الەۋمەتتىك اۋماعىنا ورنالاسقان كاڭشىڭتاڭ ءدارى دۇكەنىندە ءتۇرلى ءدارى - دارمەكتەر نومىرىمەن رەتتى قويىلعان، دۇكەن قىزمەتكەرى لي شۋچين كەزەكشىلىك ىستەپ جاتىپتى، ول: ”ءبىزدىڭ ءار كۇنگى تيجارات ۋاقىتىمىز 9دان نولگە دەيىن جالعاسادى، ىندەت سەبەبىنەن باعانى استە وسىرمەيمىز“، - دەدى.
قاتىناس - تاسىمال ىركىلسسىز، ءتارتىپتى بولدى
8 - ايدىڭ 10 - كۇنى ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتى قالىپتى جۇمىس جۇرگىزىپ، ساقتانۋ - تىزگىندەۋ شارالارىن زاڭ بويىنشا، عىلمي، دالمە - ءدال تياناقتاندىرۋمەن بىرگە، جولاۋشىلاردى ساپالى قىزمەت وتەۋمەن قامداۋعا قۇلشىندى. سول كۇنى ساعات 18گە دەيىن بۇل جولاۋشى تاسىمال بەكەتىنەن 15 كەزەك اۆتوكولىك قاتىناپ، 351 جولاۋشىنى تاسىدى.
سول كۇنى شونجى، موري، جەمسارى جاققا اتتانعان جولاۋشىلار ءبىرشاما كوپ بولدى، تۇستەن كەيىن شونجى جاققا قاتىنايتىن كەزەكشى جەلى تاعى كوبەيتىلدى، تاعى التاي جاققا، كۇيتۇن جاققا قاتىنايتىن كەزەكشى جەلى اشىلدى.
”ءبىز جولاۋشىلاردىڭ اعىم مولشەرى، اعىم بەتالىسىنا نەگىزدەلىپ كەزەكشى رەتتى دەر كەزىندە ارتتىرىپ، جولاۋشىلاردىڭ جولاۋشىلاۋ قاجەتىن قامتاماسىز ەتتىك“، - دەدى ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتى باستىعىنىڭ كومەكشىسى ليۋ حاييان.
”جولاۋشى تاسىمال بەكەتى جولاۋشىلارعا قىزمەت وتەيتىن تەرەزە رەتىندە، الداعى جەردە ساقتانۋ - تىزگىندەۋ شارالارىن زاڭ بويىنشا، عىلمي، دالمە - ءدال، جوعارى ءونىمدى تياناقتاندىرۋ جاعىندا ءۇرتىس كۇش سالىپ، جولاۋشىلارعا حاۋىپسىز، جايلى اۆتوكولىككە وتىرۋ ورتاسىن ازىرلەيدى“. ليۋ حاييان: جولاۋشى تاسىمال بەكەتى ءار كۇنى 3 رەت جالپى بەتتىك زارارسىزداندىرۋ جۇرگىزەدى ءارى ليفت، بەلەت ساتىپ الۋ زالى، اۆتوكولىك توسۋ زالى سياقتى ورىندارعا زارارسىزداندىرۋ رەت سانىن ءتۇيىندى تۇردە ارتتىردى، - دەدى.
ءبىر ايدىڭ الدىندا كوز وپەراتسياسىن جاساتقان ەدى، 8 - ايدىڭ 10 - كۇنى تاڭ اتىسمەن شاعانتوعاي اۋدانىنىڭ تۇرعىنى لي گۋاڭجين اۆتوبۋزعا وتىرىپ اۆتونوميالى رايوندىق جۇڭي شيپاحاناسىنا قايتا تەكسەرىلۋگە كەلدى. سول كۇنگى ساپارىنىڭ ءساتتى بولۋى ونى ەرەكشە قۋانتتى.
”مەن ساعات 7دەن 40 مينۋتتا ءۇرىمجى اۆتوبۋز بەكەتىنە جەتىپ، تاكسيگە وتىرىپ شيپاحاناعا بارىپ، قايتالاي تەكسەرتىپ بولعاننان سوڭ، تاكسيگە وتىرىپ ساعات 11دە بەكەتكە قايتا كەلىپ، كەشكى ساعات 8دەن 20 مينۋتتا شاعانتوعايعا قايتاتىن اۆتوكولىك بەلەتىن ءساتتى ساتىپ الدىم“، - دەدى ول.
ءۇرىمجى بەكەتى جولاۋشى تاسىمال سەحىنىڭ كەزەكشىسى چىن بين تىلشىگە كەزەكتە شينجياڭ تەمىر جول جولاۋشى تاسىمال پويەزى اينالىمىنىڭ قالىپتى ەكەندىگىن ايتتى.
ۋاقىتشا تىنىش كۇيدە باسقارۋ شاراسىن اتقارۋ حابارلاندىرۋى جاريالانعاننان كەيىن، شينجياڭ اۋەجاي توبى ءتۇرلى ىندەتتەن ساقتانۋ - تىزگىندەۋ تالابىن قاتاڭ تياناقتاندىردى، ءۇرىمجى حالىقارالىق اۋەجايدا كەزەكشى ۇشاقتىڭ ۇشىپ - قونۋى ءتارتىپتى بولدى، اۋەجايدىڭ تۇتاس تۇلعالىق اينالىمى جانە قىزمەت وتەۋ، قامتاماسىز ەتۋ قىزمەتى تۇگەلدەي قالىپتى بولدى.
8 - ايدىڭ 10 - كۇنى ساعات 11گە دەيىن ءۇرىمجى حالىقارالىق اۋەجايى 75 كەزەكشى ۇشاق - رەت ۇشۋىن، 10 مىڭ ادامنىڭ ۇشاققا وتىرۋىن قامتاماسىز ەتتى. جولاۋشىلاردىڭ جۇرىسىنە قولايلىلىق تۋدىرۋ ءۇشىن، ءۇرىمجى حالىقارالىق اۋەجايى 10 جىلدام جولاۋشىلار اۆتوبۋزىن، 12 الەۋمەتتىك اۆتوبۋزدى سايكەستىرە ورنالاستىرىپ، جولاۋشىلارعا بار كۇشپەن قىزمەت وتەدى.
الەۋمەتتىك اۋماقتىڭ قىزمەت وتەۋى جان - جاقتى، تىڭعىلىقتى بولدى
”چاڭحىيۋان شاعىن اۋماعىنداعى حان چيڭدى قاريا ءار اپتانىڭ دۇيسەنبى، سارسەنبى، جۇما كۇندەرى تۇستەن كەيىن ساعات 4تە اۆتونوميالى رايوندىق حالىق شيپاحاناسى سۋجوۋ جولى بولىمشە شيپاحاناسىنا بارىپ بۇيرەك تازارتادى“. ”ءبىر جۇكتى ايەلدىڭ جۇكتى بولعانىنا 38 اپتا بولدى، ول ءار كۇنى شيپاحاناعا بارىپ ۋكول سالدىرۋى كەرەك“، ”جاڭ اجەي ۋيشين ىستەتۋدى بىلمەيدى، كوكونىستى تاپسىرىسپەن ساتىپ الۋ ءۇشىن ەرىكتىلەردىڭ ونىڭ ۇيىنە بارۋىنا تۋرا كەلەدى“... ءۇرىمجى قالاسى سايباق رايونى چيماشان ءمالىسى چيماشان جولى باتىس الەۋمەتتىك اۋماعىندا مەيىر جەتكىزۋ ەسەپ داپتەرى ورناتىلىپ، تۇرعىنداردىڭ تۇرمىسىنا، ەمدەلۋىنە جاقىننان جاردەمشى بولدى.
8 - ايدىڭ 10 - كۇنى چيماشان جولى باتىس الەۋمەتتىك اۋماعىندا 67 ەرىكتى تۇرعىندارعا قىزمەت وتەۋ ءتىزىمىن سالالاپ جاتتى. ءاربىر ەرىكتىدە الەۋمەتتىك اۋماق قامداعان مەيىر باعىشتاۋ ەسەپ داپتەرى بار، ەرىكتىلەر ەسەپ داپتەرىنە نەگىزدەلىپ، قاراستى اۋماعىنداعى تۇرعىندارعا باعىتتامالى قىزمەت وتەيدى.
حان جانيىڭ وسى الەۋمەتتىك اۋماقتاعى چاڭحىيۋان شاعىن اۋماعىنىڭ تۇرعىنى ءارى ەرىكتى ونىڭ وسى رەت ۇستىنە العان ەرىكتى قىزمەت وتەيتىن ءبىر ءىسى حان چيڭدى قاريانى ءار اپتادا 3 رەت شيپاحاناعا اپارىپ، بۇيرەگىن تازارتۋ بولدى. ”الەۋمەتتىك اۋماق تۇسكى ساعات بىردە حان قارياعا سىرتقا شىعۋ ىسپاتىن اشادى، مەن ساعات 3تە ءدال كەزىندە حان اتايدى شيپاحاناعا جەتكىزەمىن، قاريا بۇعان قاباعات ريزا“.
”مەن ءار كۇنى شيپاحاناعا بارىپ تەكسەرىلۋىم كەرەك، الەۋمەتتىك اۋماققا جاعدايىمدى ايتقاننان كەيىن، مەن دە تەزدەن سىرتقا شىعۋ ىسپاتىن الدىم، كوڭىلىم جاي تاپقانداي بولدى“، - دەدى وسى الەۋمەتتىك اۋماقتىڭ تۇرعىنى چىن حانىم.
چيماشان جولى باتىس الەۋمەتتىك اۋماعىنا قاراستى جالپى 5 شاعىن اۋماقتا 2031 وتباسى، 5063 تۇرعىن بار. ”قاراستى اۋماقتا جالعىز باستى قاريالار ءبىرشاما كوپ، كۇندەلىكتى قىزمەت بارىسىندا ءبىز قارتتار ءۇشىن مەيىر جەتكىزۋ ەسەپ داپتەرىن ارناۋلى اشىپ، قارتتارعا اناعۇرلىم جوعارى ءونىمدى قىزمەت وتەۋگە قولايلىلىق جاسادىق“. وسى الەۋمەتتىك اۋماق پارتيا ياچەيكاسىنىڭ شۋجيى ءمۇياسسار مامەت تىلشىگە: بۇل رەتكى ۋاقىتشا تىنىش كۇيدە باسقارۋ جۇرگىزىلگەننەن كەيىن، الەۋمەتتىك اۋماق تاعى ەرەكشە قامقورلىقتى قاجەت ەتەتىن تۇرعىنداردى مەيىر باعىشتاۋ ەسەپ داپتەرىنە كىرگىزىپ، كوپشىلىكتىڭ تۇرمىستان الاڭداماۋىن قامتاماسىز ەتتىك“، - دەدى.
