انار بۇلت \ شينجياڭ گازەتىنىڭ حابارى (ءتىلشى سۋ لۋپيڭ حابارلايدى) 8 - ايدىڭ 11 - كۇنى، اۆتونوميالى رايوندىق حالىق ۇكىمەتى اقپارات كەڭسەسى جاڭا تيپتى ايدارشا ۆيرۋس وكپە قابىنۋ ىندەتى جانە ىندەتتەن ساقتانۋ - تىزگىندەۋ قىزمەتى جاعدايى جونىندە اقپار جاريالاۋ ءماجىلىسىن اشتى. ماجىلىستە، ءۇرىمجى قالاسىنىڭ ورىنباسار باستىعى حوۋ يۇڭ ءۇرىمجى قالاسىن تىنىش كۇيدە باسقارۋ كەزىندەگى بۇقاراعا قىزمەت وتەۋ جاعدايىن مالىمدەدى.
ءۇرىمجى قالاسىنىڭ ءارقايسى مەكەمە، ءىس ورىندارىنداعى ىندەتتەن ساقتانۋ قىزمەت مىندەتى جوق 8113 قىزمەتكەر تۇگەلدەي بۇقاراعا قىزمەت وتەۋدىڭ العى شەبىنە باردى. قالا تۇرعىندارى، بۇقارا دا ەرىكتىلەر قاتارىنا قوسىلدى، ءىشىنارا الەۋمەتتىك اۋماقتا ينتەرنەت جەلىسىندە ەرىكتى بولۋعا ءوتىنىش بەرۋدە، كەزەك كۇتىپ، زاپاس مۇشە بولعان جاعدايلار بولدى. قازىرگە دەيىن، جالپى 88 مىڭ 653 ەرىكتى العى شەپتە كۇرەس جۇرگىزدى، ولار ءبىر تۇتاس ورنالاستىرۋ بويىنشا، قالىڭ قالا تۇرعىندارىن ءتۇرلى ەرىكتىلەر قىزمەت وتەۋىمەن قامدادى.