اۆتونوميالى رايوندىق پارتكوم ارناۋلى تاقىرىپتىق قىزمەت ءماجىلىسىن اشتى
سۋ بايلىعىن جوعارى ءونىمدى ۇلەستىرۋ، ۇيلەسىمدى پايدالانۋ دەڭگەيىن ءبىر تۇتاس جوسپارلاپ جوعارىلاتىپ، كورىكتى شينجياڭ قۇرۋعا سۋ حاۋىپسىزدىگىن، سۋ قامتاماسىزدىعىن، سۋ تىرەگىن ازىرلەۋ كەرەك
ما شيڭرۇي باسقاردى، ەركىن تۇنياز، لي يفي، حى جۇڭيوۋ قاتىناستى
گازەتىمىزدىڭ 8 - ايدىڭ 11 - كۇنى ۇرىمجىدەن بەرگەن حابارى. جۋىقتا اۆتونوميالى رايوندىق پارتكوم ارناۋلى تاقىرىپتىق قىزمەت ءماجىلىسىن اشىپ، باس شۋجي شي جينپيڭنىڭ سۋ تىزگىندەۋ، سۋ يگىلىگىن گۇلدەندىرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوننىڭ سۋ يگىلىگىنىڭ دامۋى، سۋ حاۋىپسىزدىگى ستراتەگيالىق جوباسىن اقىلداسىپ، سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن ءبىر تۇتاس جوسپارلاپ، ويداعىداي ىستەپ، شينجياڭنىڭ باياندى تىنىشتىعىنا ساياتىن ءتۇبىرلى، نەگىزدىك، ۇزاق بولاشاقتىق ماسەلەلەردى شەشۋدى ىلگەرىلەتىپ، شينجياڭ قىزمەتى باس نىساناسىنا قىزمەت وتەۋگە، كورىكتى شينجياڭ قۇرۋعا سۋ حاۋىپسىزدىگىن، سۋ قامتاماسىزدىعىن، سۋ تىرەگىن ازىرلەدى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار ماجىلىسكە قاتىناستى.
سۋ يگىلىگى مينيسترلىگى سۋ يگىلىگى، سۋ ەلەكتر جوباسى - جوسپارى باس مەكەمەسىندەگى قاتىستى جاۋاپتى جولداس اۆتونوميالى رايوننىڭ سۋ يگىلىگىنىڭ دامۋى، سۋ حاۋىپسىزدىگى ستراتەگيالىق جوباسىنىڭ كەزەڭدىك زەرتتەۋ جەتىستىكتەرى جونىندە ەگجەي - تەگجەيلى مالىمەت بەردى، شينجياڭنىڭ سۋ بايلىعىنىڭ قازىرگى جاعدايى جانە اۋقىمى، سۋ بايلىعىمەن قامتاماسىز ەتۋدىڭ جالپى تۇلعالىق تالابى، سۋ بايلىعىن عىلمي ۇلەستىرۋ، ەكولوگيانى قورعاۋ جانە ونى قالپىنا كەلتىرۋ، سۋ تورابى ينجەنەرياسىن ورنالاستىرۋ، سۋ يگىلىگىن باسقارۋ، رەفورما جاساۋ سياقتى ماسەلەلەردى توڭىرەكتەي وتىرىپ تەرەڭدەي تۇسىنىك جاسادى. ەركىن تۇنياز، لي يفي، حى جۇڭيوۋ، قادەن كابەن، ماڭلىك سەيىت، ياڭ شيۋلي قاتارلىلار باس شۋجي شي جينپيڭنىڭ سۋ تىزگىندەۋ، سۋ يگىلىگىن گۇلدەندىرۋ جونىندەگى ماڭىزدى بايىمداۋلارىن ۇيرەنۋدى، دايەكتىلەندىرۋدى، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، سۋ بايلىعىنىڭ شينجياڭنىڭ ستراتەگيالىق بايلىعى رەتىندەگى شەشۋشى رولىن تەرەڭ تانۋ، سۋ بايلىعىن جوعارى ءونىمدى ۇلەستىرۋ مەن ۇيلەسىمدى پايدالانۋ دەڭگەيىن ءبىر تۇتاس جوسپارلاپ جوعارىلاتۋ، شىت جاڭا سۋ حاۋىپسىزدىگى ستراتەگيالىق جۇلگەسىن قالىپتاستىرۋ سياقتىلار جونىندە ىشكەرىلەي پىكىر اۋىستىرىپ، تالقى جۇرگىزدى.
ما شيڭرۇي بىلاي دەپ اتاپ كورسەتتى: سۋ − شينجياڭنىڭ ەكونوميكالىق، قوعامدىق دامۋىنىڭ جان تامىرى، نەگىزدىك تابيعي بايلىق جانە ستراتەگيالىق ەكونوميكالىق بايلىق، سۋ بايلىعىنان پايدالانۋ ونىمدىلىگى نەعۇرلىم جوعارى بولعان سايىن، شينجياڭنىڭ دامۋ ءورىسى سولعۇرلىم كەڭەيە تۇسەدى. سۋ يگىلىگى قىزمەتىن ويداعىداي ىستەۋ سۋ حاۋىپسىزدىگىمەن قامتاماسىز ەتۋ، ەكولوگيانىڭ ورنىقتىلىعىن ساقتاۋ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ سياقتىلار جونىنەن توتەنشە كەلەلى رەال مانگە جانە تەرەڭ تاريحي مانگە يە.
ما شيڭرۇي بىلاي دەپ باسا دارىپتەدى: ساياسي دەڭگەيدى شىن مانىندە جوعارىلاتىپ، سۋ يگىلىگىنىڭ دامۋى، سۋ حاۋىپسىزدىگى ماسەلەسىن ساياسي، ستراتەگيالىق، جالپى جاعداي تۇرعىسىنان تانىپ، مەملەكەت حاۋىپسىزدىگى مەن كەلەلى ستراتەگياعا قىزمەت وتەۋدى جانە ونى قامتاماسىز ەتۋدى كوزدە ۇستاپ، جاڭا ءداۋىردىڭ جاڭا جورىعىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋدى كوزدە ۇستاپ، سۋ بايلىعىنان پايدالانۋدى عىلمي جوسپارلاپ، سۋ حاۋىپسىزدىگى، قامتاماسىزدىعى قۋاتىن ۇزدىكسىز جوعارىلاتۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرۋ ساياسي بيىگىندە تۇرىپ، شينجياڭنىڭ سۋ يگىلىگىنىڭ دامۋىن، سۋ حاۋىپسىزدىگىن جوسپارلاپ، سۋ ىستەرى دامۋىنىڭ، سۋ ىستەرى حاۋىپسىزدىگىنىڭ شينجياڭ قىزمەتى جالپى جاعدايىنداعى ەرەكشە ماڭىزدى ورنىن تەرەڭ تانىپ، سۋ بايلىعى حاۋىپسىزدىگىن قامتاماسىز ەتۋدى ەڭ ماڭىزدى ورىنعا قويىپ، مەملەكەت حاۋىپسىزدىگى كەلەلى جاعدايىنا قويىپ وي جۇگىرتۋگە تاباندى بولىپ، سۋ بايلىعىن جوعارى ءونىمدى ۇلەستىرۋ مەن ۇيلەسىمدى پايدالانۋ قابىلەتىن، دەڭگەيىن ءبىر تۇتاس جوسپارلاپ جوعارىلاتىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن بەرىك سۋ يگىلىگى قامتاماسىزدىعىن ازىرلەۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ ساياسي بيىگىندە تۇرىپ، شينجياڭنىڭ سۋ يگىلىگى دامۋىن، سۋ حاۋىپسىزدىگىن جوسپارلاپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، سۋ يگىلىگى دامۋى، سۋ حاۋىپسىزدىگى ماسەلەسىن شەشۋدى اۆتونوميالى رايوندىق پارتكوم مەن ۇكىمەتتىڭ ۇزاق ۋاقىت يگەرەتىن ماڭىزدى ستراتەگيالىق مىندەتى ەتىپ، شينجياڭنىڭ باياندى تىنىشتىعىنا ساياتىن ءتۇبىرلى، نەگىزدىك، ۇزاق بولاشاقتىق قىزمەت ەتىپ، سۋ سىندى وسى ”بۇيدانى“ مىقتاپ يگەرىپ، سۋ ۇنەمدەۋ، سۋ ساقتاۋ، سۋ جەتكىزۋ سىندى وسى ۇلكەن ءىستى كۇش سالا ويداعىداي ىستەۋ كەرەك. جاڭا دامۋ ۇستانىمىن دايەكتىلەندىرۋ ساياسي بيىگىندە تۇرىپ، شينجياڭنىڭ سۋ يگىلىگى دامۋىن، سۋ حاۋىپسىزدىگىن جوسپارلاپ، پارتيا ورتالىق كوميتەتىنىڭ شينجياڭنىڭ دامۋى جونىندەگى ستراتەگيالىق تۇراقتاندىرعان ورنىن مىقتاپ يگەرىپ، ەكونوميكالىق، قوعامدىق دامۋعا اناعۇرلىم كوپ ساياسي ءمان ۇستەپ، رايون جاعدايىن، سۋ جاعدايىن، حالىق جاعدايىن تياناق ەتىپ، ەكونوميكالىق، قوعامدىق دامۋ مەن سۋ بايلىعىن ۇلەستىرۋ قاتىناسىن ويداعىداي ءبىر جاقتى ەتىپ، سۋ بايلىعىنان شوعىرلى، ۇنەمدى پايدالانۋ دەڭگەيىن جوعارىلاتىپ، رايونىمىزدىڭ ەكونوميكاسىنىڭ، قوعامىنىڭ اناعۇرلىم جوعارى ساپالى، اناعۇرلىم باياندى، اناعۇرلىم حاۋىپسىز دامۋىنا تىرەك بولىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن قامتاماسىز ەتىپ، مۇناي - تابيعي گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى ەرەكشە ابزال بايلىقتارى مەن كاسىپ سالاسىنىڭ دامۋىن جەبەپ، وڭتۇستىك شينجياڭنىڭ دامۋىنا تۇساۋ بولىپ وتىرعان كەدەرگىلەردى، تەجەمدەردى الاستاپ، ءار ۇلت حالقىن اناعۇرلىم ويداعىداي باقىتقا كەنەلتۋ كەرەك. شي جينپيڭنىڭ ەكولوگيالىق وركەنيەت يدەياسىن دايەكتىلەندىرۋ ساياسي بيىگىندە تۇرىپ، شينجياڭنىڭ سۋ يگىلىگى دامۋىن، سۋ حاۋىپسىزدىگىن جوسپارلاپ، سۋ بايلىعىن اشۋدىڭ، ۇلەستىرۋدىڭ ەكونوميكالىق دامۋمەن، ەكولوگيالىق ورتانى قورعاۋمەن بولعان قاتىناسىن دۇرىس ءبىر جاقتى ەتىپ، ەكولوگيالىق جۇيەنىڭ تۇتاس تۇلعالىق سيپاتىن شىعار ءتۇيىن ەتىپ، تاۋ، سۋ، ورمان، ەگىنجاي، كول، جايلىم، قۇمدى ءشولدى ءبىر تۇلعالاندىرا قورعاۋ مەن جۇيەلى جونگە سالۋدى ىلگەرىلەتىپ، وزەن - كول باستىعى ءتۇزىمىن جالپى بەتتىك تياناقتاندىرىپ، وزەن - كول ەكولوگياسىن قورعاۋدى، قالپىنا كەلتىرۋدى جانە جالپىلىق جونگە سالۋدى تەزدەتىپ، ەكونوميكالىق ونىمدىلىكتىڭ، قوعامدىق ونىمدىلىكتىڭ، ەكولوگيالىق ونىمدىلىكتىڭ، حاۋىپسىزدىك ونىمدىلىگىنىڭ ءوزارا بىرلىگىن جۇزەگە اسىرىپ، شينجياڭنىڭ ەكونوميكاسىنىڭ، قوعامىنىڭ باياندى دامۋىنا تىرەك بولۋ كەرەك. جاڭا داۋىردەگى سۋ تىزگىندەۋ باعىتىن دايەكتىلەندىرۋ ساياسي بيىگىندە تۇرىپ، شينجياڭنىڭ سۋ يگىلىگى دامۋىن، سۋ حاۋىپسىزدىگىن جوسپارلاپ، باس شۋجي شي جينپيڭنىڭ سۋ تىزگىندەۋ، سۋ ىستەرىن گۇلدەندىرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ”سۋ ۇنەمدەۋدى الدىڭعى ورىنعا قويۋعا، كەڭىستىك جاعىندا بىركەلكى بولۋعا، جۇيەلى جونگە سالۋعا، ەكى جاقتان كۇش سالۋعا“ تاباندى بولىپ، سۋ ۇنەمدەۋدى الدىڭعى ورىنعا قويۋ ءتۇبىرلى باعىتىن، كەڭىستىك جاعىندا بىركەلكى بولۋ كەلەلى پرينسيبىن، جۇيەلى جونگە سالۋ يدەياسىن - ءادىسىن، ەكى جاقتان كۇش سالۋ نەگىزگى تالابىن سۋ تىزگىندەۋدىڭ، سۋ ىستەرىن گۇلدەندىرۋدىڭ ءارقايسى بۋىندارىندا، تۇتاس بارىسىندا شىن مانىندە قاز - قالپىندا تياناقتاندىرۋ كەرەك.
ما شيڭرۇي مىنالاردى تالاپ ەتتى: ۇيىمدىق باسشىلىقتى كۇشەيتۋ كەرەك. اۆتونوميالى رايوننىڭ سۋ بايلىعىن باسقارۋ كوميتەتىن جەدەل ۇيىمداستىرىپ قۇرىپ، بۇكىل رايوندا ءبىر تۇتاس سۋ بايلىعىن ورنالاستىرۋ، باسقارۋ جۇيەسىن ورناتىپ، جالپى بەتتىك ويلاستىرۋ، باسقارۋ دەڭگەيىن جوعارىلاتۋ، ءبىر تۇتاس جوسپارلاپ ىلگەرىلەتۋ، ەگجەي - تەگجەيلى، جۇيەلىلەنگەن، زاڭمەن جونگە سالىناتىن باسقارۋ دەڭگەيىن جاپپاي جوعارىلاتۋ كەرەك. بيڭتۋان مەن جەرگىلىكتى ورىندى ءبىر تۇلعالاندىرۋعا، سايكەستى ىلگەرىلەتۋگە تاباندى بولىپ، دامۋ جانە رەفورما، قازىنا، جاراتىلىستىق بايلىق، اۋىل شارۋاشىلىعى، اۋىل - قىستاق، ورمان، جايلىم، سۋ يگىلىگى سياقتى تاراۋلاردىڭ سايكەسە بىرلەسىپ ارەكەتتەنۋىن كۇشەيتىپ، ينفورماتسيادان بىرگە يگىلىكتەنۋدى ىلگەرىلەتىپ، الاپتاردى جالپىلىق جوبالاۋ، تاسقىننان ساقتانۋدى ورنالاستىرۋ، سۋ بايلىعىن ۇلەستىرۋ سياقتى سالالارداعى سايكەستىكتى، سەلبەستىكتى كۇشەيتىپ، ءبىر تۇلعالى بىرلەسىپ ارەكەتتەنەتىن قۋاتتى قىزمەت بىرىككەن كۇشىن قالىپتاستىرۋ كەرەك. جۇيە كوزقاراسىن نىعايتۋ كەرەك. الاپ وڭىرلەردى عىلمي ءبىر تۇتاس جوسپارلاۋعا، قايناردى مولايتۋ مەن ۇنەمدەي بىلۋگە بىردەي قاراۋعا، قىسقا مەرزىم جانە ۇزاق مەرزىمگە تەڭ ءمان بەرۋگە تاباندى بولىپ، سۋ ۇنەمدەۋدى سۋ حاۋىپسىزدىگىن قامتاماسىز ەتۋدەگى ءتۇبىرلى شىعار جول ەتۋگە، سۋ ساقتاۋ ينجەنەرياسىن سۋ بايلىعىن رەتتەۋ - تىزگىندەۋدىڭ نەگىزى ەتۋگە، سۋ جەتكىزۋ ينجەنەرياسىن ستراتەگيالىق سۋ بايلىعى تولىقتاماسى ەتۋگە تاباندى بولىپ، كەلەلى سۋ بايلىعىن ۇلەستىرۋ ينجەنەرياسى مەن سۋ بايلىعىن جەتكىزۋ، ساقتاۋ قۋاتى قۇرىلىسىن جۇيەلى ىلگەرىلەتىپ، وڭىرلىك، ماۋسىمدىق، ينجەنەريالىق، قۇرىلىمدىق سۋ تاپشىلىعى ماسەلەسىن شىنايى شەشىپ، الاپتاردىڭ سۋ حاۋىپسىزدىگىن ءونىمدى قامتاماسىز ەتۋدى، سۋ بايلىعىنان جوعارى ءونىمدى پايدالانۋدى، سۋ ەكولوگياسىن كورنەكتى جاقسارتۋدى ىلگەرىلەتۋ كەرەك. باتىلدىقپەن رەفورما جاساۋ، جاڭالىق اشۋ كەرەك. يدەيانى ونان ارى ازات ەتىپ، وي ءورىستى كەڭەيتىپ، الاپتىق باسقارۋ، وڭىرلىك باسقارۋ، ءبولىپ باسقارۋ سىندى سۋ بايلىعىن باسقارۋ ءتۇزىلىسىن تالقانداپ، بازار مەحانيزمىنىڭ سۋ بايلىعىن ۇلەستىرۋدەگى شەشۋشى رولىن تولىق ساۋلەلەندىرۋ كەرەك. ۇكىمەتتىڭ ماكرولىق رەتتەۋ - تىزگىندەۋ ءتاسىلىن كەمەلدەندىرىپ، سۋ يگىلىگى ءتۇيىندى سالالارى جانە شەشۋشى بۋىندارى رەفورماسىنان قامال الۋدى كۇش سالا ىلگەرىلەتىپ، ۇكىمەت جەتەكشىلىگىندەگى تۇتاس قوعام سەلبەسە سۋ تىزگىندەۋ، سۋ ىستەرىن گۇلدەندىرۋ بىرىككەن كۇشىن قالىپتاستىرۋ كەرەك. سۋ ۇقىعى، سۋ بازارى مەحانيزمىن اقاۋسىزداندىرىپ، عىلمي، ۇيلەسىمدى سۋ باعاسىن قالىپتاستىرۋ مەحانيزمىن ورناتىپ، سۋ يگىلىگىن دامىتۋدىڭ قوزعاۋشى كۇشىن، ومىرشەڭدىك كۇشىن تولىق جارىققا شىعارۋ كەرەك. عىلىم - تەحنيكادا جاڭالىق اشۋ ارقىلى جەتەكتەۋگە تاباندى بولىپ، زەردەلى سۋ يگىلىگى قۇرىلىسىن ىلگەرىلەتىپ، جوعارى ساپالى ماماندانعان سۋ يگىلىگى كادر - دارىندىلارى قوسىنىن قۇرۋ كەرەك. شينجياڭنىڭ سۋ يگىلىگىن دامىتۋعا قارجى قوسۋ توبىنىڭ زورايىپ، كۇشەيىپ، سۋ ۇنەمدەۋ، سۋ ساقتاۋ، سۋ جەتكىزۋدى قالىپتاستىرۋ بارىسىندا باستاماشى بولۋ، جەتەكتەۋ رولدارىن ساۋلەلەندىرۋىنە قولداۋ كورسەتىپ، شينجياڭنىڭ سۋ يگىلىگى ىستەرىنىڭ جوعارى ساپالى دامۋىن ىلگەرىلەتىپ، كورىكتى شينجياڭ قۇرۋعا اناعۇرلىم زور ۇلەس قوسۋ كەرەك.
اۆتونوميالى رايون مەن بيڭتۋاننىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.
