ما شيڭرۇي اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ماجىلىسىندە جانە اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ ماجىلىسىندە بىلاي دەپ باسا دارىپتەدى
ماسەلەنى باعدار ەتۋدى كۇشەيتىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، اناعۇرلىم جوعارى ساياسي دەڭگەيمەن، اناعۇرلىم ناقتى ستيلمەن، اناعۇرلىم زور تەبىنمەن ىندەتتەن ساقتانۋ - تىزگىندەۋ قىزمەتىن ويداعىداي ىستەۋ كەرەك
ەركىن تۇنياز، لي يفي، جاڭ چۇنلين، حى جۇڭيوۋ ماجىلىسكە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي 8 - ايدىڭ 10 - كۇنى كەشتە اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ءماجىلىسىن جانە اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ ءماجىلىسىن باسقارىپ اشىپ، بۇكىل رايوننىڭ ىندەتتەن ساقتانۋ - تىزگىندەۋ جاعدايىن ىشكەرىلەي تۇجىرىمداپ، ولقىلىقتار مەن ماسەلەلەرگە تالداۋ جاساپ، كەلەسى قادامداعى توتەپ بەرۋ شارالارىن اقىلداستى، ىندەتتەن ساقتانۋ - تىزگىندەۋ قىزمەتتەرىن ۇزدىكسىز كۇش سالا مىقتاپ، ناقتاپ يگەردى.
اۆتونوميالى رايوننىڭ ءتوراعاسى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: رايونىمىزداعى وسى رەتكى ىندەتتىڭ تارالعىشتىعى اناعۇرلىم كۇشتى، تارالۋ قارقىنى اناعۇرلىم تەز، ساقتانۋ - تىزگىندەۋ جاعدايى توتەنشە كۇردەلى دە قاتاڭ، مىندەت ەرەكشە جاپالى. جەر - جەر، تاراۋلار باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ جانە 9 - نۇسقاداعى ىندەتتەن ساقتانۋ - تىزگىندەۋ جوباسىنىڭ تالابى بويىنشا، ماسەلەنى باعدار ەتۋگە، نىسانانى باعدار ەتۋگە، ونىمدىلىكتى باعدار ەتۋگە تاباندى بولىپ، جاعدايدى، مىندەتتى جىعا تانىپ، باستى قايشىلىقتى يگەرىپ، اناعۇرلىم جوعارى ساياسي دەڭگەيمەن، اناعۇرلىم ناقتى قىزمەت ستيلىمەن، اناعۇرلىم زور قىزمەت سەرپىنىمەن ءارقايسى ءتۇيىندى قىزمەتتەردى ۇزدىكسىز كەمەلدەندىرىپ جانە كۇشەيتىپ، تيتتەي دە بوساڭسىماستان ساقتانۋ - تىزگىندەۋدىڭ ءتۇرلى شارالارىن مىقتاپ، ناقتاپ، ەگجەي - تەگجەيلى يگەرىپ، ىندەتتەن ساقتانۋ - تىزگىندەۋ سىندى وسى قاتاڭ شايقاستا باتىلدىقپەن جەڭىسكە قول جەتكىزۋ كەرەك.
ءبىرىنشى، تانىمدى ونان ارى جوعارىلاتۋ كەرەك. تومەنگى شەكتە ويلاۋدى كۇشەيتىپ، كەزەكتەگى ىندەتتەن ساقتانۋ - تىزگىندەۋ جاعدايىنىڭ قاتاڭدىعىن، كۇردەلىلىگىن، ماشاقاتتىلىعىن جەتە تانىپ، نەمقۇرايدى قاراۋ، كاپەرىنە الماۋ، وزىنىكىن ءجون ساناۋ سياقتى پيعىلدى باتىل جويىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ جاۋاپكەرشىلىك سەزىمىن جانە كوكەي تەستىلىك سەزىمىن ۇزدىكسىز كۇشەيتىپ، ىندەتتەن ساقتانۋ - تىزگىندەۋدى كەزەكتەگى قىزمەتتەگى ماڭداي الدى ءىرى ءىس جانە ءسوزسىز ارقالاۋعا ءتيىستى ساياسي جاۋاپكەرشىلىك ەتىپ، سەنىمدى بەكەمدەپ، تاباندىلىقتى ساقتاپ، قيىنشىلىقتان تايسالماي، ءتۇرلى قىزمەتتى بايىپتىلىقپەن ىلگەرىلەتۋ كەرەك.
ەكىنشى، شارالاردى ونان ارى كۇشەيتۋ كەرەك. ۋاقىتقا، جاعدايعا، ءار جەردىڭ احۋالىنا قاراي ىستەۋگە تاباندى بولىپ، ىندەتتەن ساقتانۋ - تىزگىندەۋدىڭ ەرەكشەلىگى مەن وزگەرىسىن ءدال يگەرىپ، قىزمەتتىڭ كۇش سالۋ ءتۇيىنى مەن توتەپ بەرۋ شارالارىن يكەمدى رەتتەپ، ءتۇرلى شارالاردىڭ ەڭ زور ونىمدىلىككە قول جەتكىزۋىنە شىنايى كەپىلدىك ەتۋ؛ ”تەز بولۋعا“ كۇش سالىپ، تەز تەكسەرىپ، تەز ساراپتاپ، تەز كوشىرىپ، تەز اۋاشالاپ، بارلىق حاۋىپ - قاتەرى بار ادامداردى ەڭ تەز قارقىنمەن سارالاپ تەكسەرىپ، تارالۋ تىزبەگىن ءۇزىپ، ىندەتتىڭ ءورشۋىن تىزگىندەۋ؛ وتكەلدى الدىعا جىلىجىتۋعا، عىلمي قۇتقارىپ ەمدەۋگە، يكەمدى باقىلاپ - تەكسەرۋگە جانە اۋرۋ جاعدايىنىڭ وزگەرىسىن باعالاۋعا تاباندى بولىپ، 9 - نۇسقاداعى دياگنوز قويۋ - ەمدەۋ جوباسىنىڭ تالابى بويىنشا، جۇڭگوشا جانە باتىسشا شيپاگەرلىكتى ۇشتاستىرعا، جۇڭگوشا جانە باتىسشا ءدارى - دارمەكتەردى تەڭ پايدالانۋعا تاباندى بولىپ، ناۋقاستاردىڭ دەنساۋلىعىنىڭ جان - جاقتى قالپىنا كەلۋىن ەڭ زور قۇلشىنىسپەن جەبەۋ؛ دالمە - ءدال، جوعارى ءونىمدى بولۋدى كۇشەيتىپ، ءار جاقتىڭ كۇشىن تولىق ورنالاستىرىپ، حىسۋان تەكسەرۋ، ەپيدەميولوگيالىق سارالاپ تەكسەرۋ، اۋاشالاپ كوشىرۋ، قوعامدىق جاقتا باسقارۋ - تىزگىندەۋ سياقتى تۇتاس تىزبەكتىڭ مۇلتىكسىز ءتۇيىلىسۋىن، تۇتاس بۋىننىڭ دالمە - ءدال ساقتانۋ - تىزگىندەۋىن ىلگەرىلەتىپ، ادامداردىڭ جىلجۋىن ەڭ جوعارى شەكتە ازايتىپ، ىندەتتى زاڭ بويىنشا، عىلمي، دالمە - ءدال، جوعارى ءونىمدى ءبىر جاقتى ەتۋدىڭ بەرىك قورعانىس شەبىن مىقتاپ ورناتۋ كەرەك.
ءۇشىنشى، قابىلەتتى ونان ارى ءوسىرۋ كەرەك. جالپى جاعداي كوزقاراسىن ورناتىپ، ماسەلەلەردى ىشكەرىلەي زەرتتەپ، ماسەلەلەردى شەبەرلىكپەن بايقاپ، ماسەلەلەردى قۇلشىنا شەشىپ، اماليات بارىسىندا پارىقتاردى تاۋىپ، ولقىلىقتاردى تولىقتاپ، تاجىريبەلەردى قورىتىندىلاپ، قابىلەتتى ءوسىرىپ، قىزمەتتىڭ عىلميلىعىن، بولجامپازدىعىن، ونىمدىلىگىن ۇزدىكسىز كۇشەيتىپ، ءبىر تۇتاس جوسپارلاۋ قابىلەتىن، شۇعىل جاعدايعا توتەپ بەرۋ قابىلەتىن، باسقارۋ قابىلەتىن، اتقارۋ قابىلەتىن شىنايى جوعارىلاتىپ، ىندەتتەن ساقتانۋ - تىزگىندەۋدىڭ پارمەندى جانە قارقىندى بولۋىنا، ونان دا ماڭىزدىسى، ءدال جانە جىلى شۋاقتى بولۋىنا شىنايى كەپىلدىك ەتىپ، ”ءبىر ماسەلەنى شەشەمىن دەپ ون وكىنىش قالدىرۋدان“ ساقتانۋ كەرەك.
ءتورتىنشى، ستيلگە ونان ارى بۇرىلىس جاساۋ كەرەك. دۇرىس ناتيجە كوزقاراسىن امالياتتا ايگىلەپ، شىندىقتى ءىس جۇزىنەن ىزدەۋگە، شىندىققا جۇگىنىپ، ناقتى ىستەۋگە تاباندى بولىپ، ماسەلەگە بەتپە - بەت كەلۋگە باتىلدىق ەتىپ، شىنداپ كىرىسىپ، قيىندىقتارمەن ايقاسۋعا باتىلدىق ەتۋ، قارابايىرلاندىرۋدان، بەتالدى ىستەۋدەن باتىل ساقتانىپ، جاۋاپكەرشىلىك ارقالاماۋعا، ىسكەرلىك كورسەتپەۋگە باتىل قارسى تۇرىپ، فورماشىلدىقتى، تورەشىلدىكتى باتىل تالقانداپ، ورىن تەپكەن ماسەلەلەر مەن ولقىلىقتارعا مەڭزەس، بىرەۋى ارقىلى وزگەسىن تۇسپالداپ، ءتۇيىن ارقىلى اۋماقتى جەتەكتەپ، بىلگەن زاماتتا وزگەرتىپ، قاتاڭ، ەگجەي - تەگجەيلى، تەرەڭ، ناقتى ستيلمەن ىندەتتەن ساقتانۋ - تىزگىندەۋدىڭ ءتۇرلى تالاپتارىن ناقتاپ تياناقتاندىرۋ كەرەك.
بەسىنشى، جاۋاپكەرشىلىكتى ونان ارى كۇشەيتۋ كەرەك. اۆتونوميالى رايون ولكە دارەجەلى باسشىلاردى ءتۇيىندى ايماق، وبلىستارعا جىبەرىپ، ءبىرىنشى شەپكە بارىپ، الدىڭعى شەپتە قولباسشىلىق ەتىپ، جەرگىلىكتى ورىننىڭ ىندەتتەن ساقتانۋ - تىزگىندەۋ قىزمەتىن ۇستىندە تەكسەرىپ جانە وعان جەتەكشىلىك ەتىپ، ىندەتتەن ساقتانۋ - تىزگىندەۋدىڭ ءتۇرلى شارالارىنىڭ ناقتى، ەگجەي - تەگجەيلى تياناقتانۋىنا شىنايى كەپىلدىك ەتتى. ءار دارەجەلى باسشى كادرلار ىندەتتەن ساقتانۋ - تىزگىندەۋدىڭ ساياسي جاۋاپكەرشىلىگىن باتىلدىقپەن ارقالاۋ، ءار دارەجەلى پارتيا مەن ۇكىمەتتىڭ نەگىزگى جاۋاپتى جولداستارى ءوزى باس بولىپ، بارىنە ءوزى كىرىسىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، شىنايى يگەرىپ، ناقتى ىستەپ، العان بەتىنەن قايتپايتىن قايسارلىقپەن جانە شەگە قاعۋ رۋحىمەن، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن كۇش سالا مىقتاپ يگەرىپ، ءاربىر ساقتانۋ - تىزگىندەۋ شاراسىنىڭ، ءاربىر بۋىننىڭ ناقتاپ تياناقتاندىرىلۋىنا شىنايى كەپىلدىك ەتۋ كەرەك.
چىن ۋيجۇن، ۋاڭ ميڭشان، ياڭ فاسىن، قادەن كابەن، چىن ميڭگو، ليۋ سۋشى، شۋە بين، جياۋ شياۋپيڭ، جاڭ ۋىنشىڭ، لي شۇي ماجىلىسكە قاتىناستى. اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنا مۇشە ورىنداردىڭ جاۋاپتى جولداستارى قاتارلىلار نەگىزگى ءماجىلىس الاڭىندا ماجىلىسكە قاتىناستى. ءماجىلىس بەينە ەكران تاسىلىندە ءارقايسى ايماق، وبلىس، قالادا، اۋدان، قالا، رايوندا، بيڭتۋاننىڭ ءارقايسى شى، قالا، تۋان - الاڭىندا اشىلدى.
