انار بۇلت \ شينجياڭ گازەتىنىڭ حابارى (ءتىلشى ۋي حۇڭپيڭ حابارلايدى) 8 - ايدىڭ 12 - كۇنى، شينجياڭ ۋىنحاۋ ۋىنشۋان زەردەلى عىلىم - تەحنيكا شەكتى سەرىكتەستىگىنىڭ جاۋاپتىسى حۋاي شياۋلۋ: ”وسى ەكى كۇندە شاعىن رايونىمىزدا ەرىكتى بولىپ، ىندەتتەن ساقتانۋدىڭ العى شەبىندە تاباندىلىقپەن جۇمىس جۇرگىزۋدىڭ توتەنشە ماشاقاتتى ەكەنىن ءبىلدىم، ىندەتكە قارسى شايقاس ءار ادامنىڭ قۇلشىنىسىن قاجەت ەتەدى، بىز دە از بولسا دا ءوز ۇلەسىمىزدى قوسۋعا پەيىلمىز“،- دەدى.
8 - ايدىڭ 12 - كۇنى، مەيىر باعىشتاعان كاسىپورىننىڭ حال سۇراۋ بۇيىمدارى ءۇرىمجى قالاسى سايباق رايونى پيڭديڭشان ءمالىسى حۇينان الەۋمەتتىك اۋماعىنا جەتكىزىلدى. سۋرەتتى ەرىكتى ءتىلشى باي شۋەچيڭ تۇسىرگەن
سول كۇنى، شينجياڭ ۋىنحاۋ ۋىنشۋان زەردەلى عىلىم - تەحنيكا شەكتى سەرىكتەستىگى قۇنى 13 مىڭ يۋاننان اساتىن 200 جاشىك ۋاحاحا مينەرال سۋى مەن 100 جاشىك دايىن كەسپەنى جەكە - جەكە ءۇرىمجى قالاسى سايباق رايونى پيڭديڭشان ءمالىسى باسقارماسىنا، ءۇرىمجى قالالىق قوعام حاۋىپسىزدىگى مەكەمەسى پيڭديڭشان ساقشى بولىمشەسىنە، پيڭديڭشان ءمالىسى حۇينان الەۋمەتتىك اۋماعىنا جەتكىزىپ، ىندەتكە قارسى شايقاستىڭ ءبىرىنشى شەبىندە ەرلىكپەن كۇرەسىپ جاتقان ءمالى، الەۋمەتتىك اۋماق قىزمەتكەرلەرىنەن جانە حالىق ساقشىلارىنان ىقىلاستى حال سۇرادى.
ءۇرىمجى سايباق رايونى پيڭديڭشان ءمالىسى باسقارماسىنىڭ مەڭگەرۋشىسى زوۋ جۇن بىلاي دەپ تانىستىردى، شينجياڭ ۋىنحاۋ ۋىنشۋەن زەردەلى عىلىم - تەحنيكا شەكتى سەرىكتەستىگى قاراستى رايونداعى كاسىپورىن ەدى، ءار رەت ىندەت تۋىلعاندا، الەۋمەتتىك اۋماقتىڭ ىندەتتەن ساقتانۋىنا بەلسەندى سايكەسەدى، ءارى العى شەپكە مەيىر باعىشتاپ كەلەدى، كاسىپورىن قىزمەتكەرلەرى دە وزدەرى تۇرعان جەردەگى ءارقايسى الەۋمەتتىك اۋماقتا ەرىكتى بولدى، كوپشىلىك جابال العى شەپتەگى ىندەتتەن ساقتانۋعا ۇلەس قوسىپ، ءبىر - بىرىنە كومەكتەسىپ، قيىن وتكەلدى بىرگە وتكىزدى.
حۋاي شياۋلۋ: ”ىندەتكە قارسى شايقاستىڭ العى شەبىندە ەرلىكپەن كۇرەسپ جاتقان حالىق ساقشىلارى، الەۋمەتتىك اۋماق قىزمەتكەرلەرى ايرىقشا جاپا شەكتى، ولاردىڭ قاجىرلى ەڭبەگى ءبىزدى توتەنشە اسەرلەندىردى؛ كاسىپورىن اتىنان مەيىر باعىشتاۋىمىز، ولارعا قولداۋ كورسەتۋىمىز سانالادى، ءبارىمىز قۇلشىنىپ، تىزە قوسا قيىن وتكەلدەردەن بىرگە وتەمىز“،- دەدى.
