شينحۋا اگەنتتىگىنىڭ 8 - ايدىڭ 12 - كۇنى بەيجيڭنەن بەرگەن حابارى. 8 - ايدىڭ 12 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىقارالىق ازاماتتىق قاۋىمداستىقتىڭ الەمدىك دامۋ باستاماسىن بىرگە تياناقتاندىرۋ جونىندەگى اۋىس - كۇيىس جينالىسىنا قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: دامۋ − ادامزات قوعامىنىڭ ماڭگىلىك تاقىرىبى، ءار ەل حالقى دامۋ ارقىلى تاماشا تۇرمىسقا دەگەن تالپىنىستى جۇزەگە اسىرۋدى ىنتىزارلىقپەن كوكسەيدى. قازىر الەم ەكونوميكاسىنىڭ دامۋى كوپ ءتۇرلى فاكتوردىڭ ىقپالىنا ۇشىراپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىنىڭ تياناقتانۋ بارىسى كەدەرگىگە ۇشىراپ وتىر. قيىنشىلىق پەن سىن - سايىس الدىندا ءبىز تەك سەنىمدى بەكەمدەپ، قيىنشىلىقتى بىلەك بىرىكتىرە جەڭىپ، ىندەتكە بۇلجىماس تاباندىلىقپەن قارسى اتتانىپ، ءبىر نيەتپەن سەلبەسە وتىرىپ دامۋدى جەبەپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن شىنايى تياناقتاندىرساق بولعانى، ءار ەل حالقى تاماشا تۇرمىس كەشىرە الادى، ادامزات قوعامى اناعۇرلىم كوركەم بولاشاقتى قارسى الاتىن بولادى.
شي جينپيڭ مىنالاردى ءبىلدىردى: حالىقارالىق قوعام دامۋدى جەبەيتىن قۋاتتى ورتاق تانىمدى ۇزدىكسىز ۇيىستىرىپ، دامۋعا ءتيىمدى حالىقارالىق ورتانى قۇلشىنا قالىپتاستىرىپ، الەمدىك دامۋدىڭ جاڭا قوزعاۋشى قۋاتىن بەلسەنە جەتىلدىرىپ، الەمدىك دامۋدىڭ سەرىكتەستىك قاتىناسىن قول ۇستاسا ورناتۋ كەرەك. مەن حالىقارالىق ازاماتتىق قاۋىمداستىقتىڭ الەمدىك دامۋ باستاماسىنىڭ ناقتاپ تياناقتانۋىن ىلگەرىلەتۋگە اناعۇرلىم بەرىك حالىق رايى نەگىزىن قالاپ، اناعۇرلىم پارمەندى حالىق تىلەگى تىرەگىن ازىرلەيتىندىگىنە سەنەمىن. جۇڭگو جاق ءار جاقپەن قول ۇستاسا قۇلشىنىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جەدەل ىلگەرىلەتىپ، ادامزاتتىڭ تاعدىرلاس ورتاق تۇلعاسىن بىرگە قۇرۋعا، گۇلدەنۋدىڭ، دامۋدىڭ جاڭا ءداۋىرىن بىرگە جاراتۋعا اناعۇرلىم زور ۇلەس قوسۋدى قالايدى.
