مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى قىزمەت گرۋپپاسىن شينجياڭعا جىبەرىپ، جەتەكشىلىك ەتتى ءارى قىزمەتتەردى ۇشتاستىرۋ ءماجىلىسىن اشتى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ءماجىلىسىن اشىپ، كەلەسى قادامداعى قىزمەتتەردى تياناقتاندىردى، ورنالاستىردى
ىندەتتەن ساقتانۋ قىزمەتىن قاجىرلى، پارمەندى تۇردە دالمە - ءدال، جوعارى ونىمدىلىكپەن ويداعىداي ىستەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىلدىقپەن قول جەتكىزۋ كەرەك
ما شيڭرۇي، ەركىن تۇنياز، لي يفي، لەي حايچاۋ، جاڭ چۇنلين، حى جۇڭيوۋ قاتىستى ماجىلىستەرگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 12 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى 8 - ايدىڭ 12 - كۇنى قىزمەت گرۋپپاسىن شينجياڭعا جىبەرىپ، ىندەتتەن ساقتانۋ - تىزگىندەۋ قىزمەتىنە جەتەكشىلىك ەتتى، قىزمەت گرۋپپاسى سول كۇنى ۇرىمجىگە جەتكەننەن كەيىن اۆتونوميالى رايونمەن قىزمەتتەردى ۇشتاستىردى. سول كۇنى كەشتە، اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي دەرەۋ اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ءماجىلىسىن باسقارىپ اشىپ، قاتىستى تالاپتاردى جەتكىزىپ، بۇكىل رايوننىڭ ىندەتتەن ساقتانۋ - تىزگىندەۋ قىزمەتىنە ورنالاستىرۋ جاساپ، قوعامدىق جاقتا يكەمدى نولگە ءتۇسىرۋدى ەرتەرەك جۇزەگە اسىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىلدىقپەن قول جەتكىزۋدى ىلگەرىلەتتى.
قىزمەت گرۋپپاسىنىڭ باستىعى، مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى لەي حايچاۋ مەن قىزمەت گرۋپپاسىنىڭ مۇشەلەرى ۇشتاستىرۋ ماجىلىسىنە قاتىناستى.
اۆتونوميالى رايوننىڭ ءتوراعاسى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتارلىلار قاتىستى ماجىلىستەرگە قاتىناستى.
ۇشتاستىرۋ ماجىلىسىندە، قىزمەت گرۋپپاسى اۆتونوميالى رايوننىڭ جانە ءۇرىمجى قالاسىنىڭ، ىلە قازاق اۆتونوميالى وبلىسىنىڭ ىندەتتەن ساقتانۋ - تىزگىندەۋ بويىنشا ءبىر جاقتى ەتۋ احۋالىنان بەرگەن مالىمەتتەرىن تىڭدادى. قاتىستى ماماندار حاۋىپتى اۋماقتاردى ءبىر - بىرلەپ تەكسەرىپ باسقارۋ - تىزگىندەۋ، تۇيىق اينالىمدا باسقارۋ، ەپيدەميولوگيالىق تەكسەرۋ بويىنشا ىزىنە ءتۇسۋ، قورشاعان ورتانى باقىلاۋ - ولشەۋ، ءتۇيىندى قاۋىم بويىنشا ساقتانۋ - تىزگىندەۋ، اۋرۋحانادا جۇعىمدالۋدان ساقتانۋ سياقتىلار توڭىرەگىندە ىشكەرىلەي تالداۋ جاساپ، تۇجىرىمداپ، پىكىر، ۇسىنىستارىن ورتاعا قويدى. ءتۇيىندى وڭىرلەرگە بارىپ ىندەتتەن ساقتانۋ - تىزگىندەۋگە جەتەكشىلىك ەتكەن اۆتونوميالى رايوننىڭ جانە بيڭتۋاننىڭ قاتىستى باسشىلارى جەر - جەردىڭ ىندەتتەن ساقتانۋ - تىزگىندەۋ قىزمەتى جاعدايىنان مالىمدەت بەردى.
لەي حايچاۋ سوزىندە بىلاي دەپ اتاپ كورسەتتى: اۆتونوميالى رايون مەن بيڭتۋان پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ”يكەمدى نولگە ءتۇسىرۋ“ باس باعىتىنا تاباندى بولىپ، جەرگىلىكتى ءار دارەجەدەگىلەر جاۋاپكەرشىلىگىن ناقتىلاندىرىپ، ايماق، وبلىس، قالالاردى نەگىز، تاراۋلاردى ارالاستىرا ۇيىمداستىرعان بىرلەستىرۋ، سايكەستىرۋ قىزمەت جۇيەسىن اقاۋسىزداندىرىپ، بيڭتۋان مەن جەرگىلىكتى ورىننىڭ ءبىر تۇتاس جوسپارلاپ ورنالاستىرۋىن كۇشەيتۋ؛ باتىل دا كەسىمدى بولىپ، قاباعات تەزدىكپەن جەدەلدەتە ىستەۋ ارقىلى قىزمەتتەردى ىلگەرىلەتىپ، حاۋىپتى وڭىرلەردى قاتاڭ باسقارۋ - تىزگىندەۋ مەن ءبىرىنشى شەپتەگى قىزمەتكەرلەردى تۇيىق اينالىمدا نەمەسە جابىق باسقارۋدى تىڭعىلىقتى تۇردە ويداعىداي ىستەپ، شىن مانىندە ىشكى - سىرتقى ادامداردىڭ قاجەتسىز ءجۇرىس - تۇرىسىن ازايتۋ؛ حىسۋان تەكسەرۋ بويىنشا سارالاپ تەكسەرۋ قابىلەتى باسىمدىعىن ساۋلەلەندىرىپ، حاۋىپ - قاتەرى بار ادامدار شوعىرىن ءبىر كۇندە ءبىر رەت جاپپاي تەكسەرۋدى ورىنداپ، تەكسەرۋگە تيىستىلەرىن مۇمكىندىگىنشە تەكسەرۋ، ەرتەرەك بايقاۋ؛ حاۋىپ - قاتەرى بار ادامدار مەن ورىنداردى ىشكەرىلەي، ىجداعاتتىلىقپەن ءبىر - بىرلەي تەكسەرىپ، قۇرىلىس ورنى، بازار، قارتتار ءۇيى سياقتى ادامدار شوعىرلانعان ورىندار مەن ءتۇيىندى بولىكتەردى باسقارۋ - تىزگىندەۋدى كۇشەيتىپ، ىندەتتىڭ ءورشىپ كەتۋىنەن ساقتانۋ؛ جەر - جەر شۇعىل جاعدايعا توتەپ بەرۋ، ءبىر جاقتى ەتۋ دايىندىق قىزمەتىن ويداعىداي ىستەپ، ىندەت جوق وڭىرلەردى قاداعالاۋ، الدىن الا ساقتاندىرۋ مەن حاۋىپ - قاتەردى ءبىر - بىرلەي تەكسەرۋدى قاتايتىپ، ىندەتتىڭ شارپيتىن اۋماعىن كەڭەيتپەۋگە قۇلشىنۋ ءارى اۋماعىن مۇمكىندىكتىڭ بارىنشا جەدەل تارايتۋعا كۇش سالۋ؛ بۇقارانىڭ نەگىزگى تۇرمىستىق زاتتىق ماتەريالدارمەن قامدالۋىن جانە اۋرۋ كورسەتۋ، ءدارى ساتىپ الۋ قاجەتىن شىن مانىندە قامتاماسىزداندىرۋ، بوگەلىپ قالعان ساياحاتشىلاردى حاۋىپسىز، ءتارتىپتى تۇردە شينجياڭنان اتتاندىرۋ جوباسىن ورنالاستىرۋ؛ ءارقايسى بۋىنداردىڭ بارىندە ۋاقىت ۇتىپ، ءبىر جاقتى ەتۋ ونىمدىلىگىن جوعارىلاتىپ، قوعامدىق جاقتا نولگە ءتۇسىرۋ نىساناسىن جەدەل جۇزەگە اسىرۋ كەرەك.
ما شيڭرۇي قىزمەتتەردى ۇشتاستىرۋ ماجىلىسىندە پوزيتسيا ءبىلدىرىپ، ءسوز سويلەدى ءارى اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ماجىلىسىندە قىزمەت گرۋپپاسىنىڭ تالاپتارىن تياناقتاندىرۋ جونىندە ورنالاستىرۋ جاسادى. ول بىلاي دەپ اتاپ كورسەتتى: جەر - جەر، تاراۋلار، اسىرەسە، ءار دارەجەلى پارتيا، ۇكىمەت باسشىلارى اناعۇرلىم كۇشتى بورىش ارقالاۋ، اناعۇرلىم باتىل دا پارمەندى شارا قولدانۋ ارقىلى ىندەتتەن ساقتانۋ - تىزگىندەۋدى كەزەكتەگى بارلىعىن باسىپ تۇسەتىن ماڭداي الدى ءىرى ءىس رەتىندە قاراپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسى مەن ”يكەمدى نولگە ءتۇسىرۋ“ باس باعىتىنان اۋىتقىماۋعا تاباندى بولىپ، بار قايراتپەن شايقاسقا اتتانىپ، قاتاڭ دا بەكەم بولىپ، قامال الىپ، قيىندىقتاردى جەڭىپ، قوعامدىق جاقتا نولگە ءتۇسىرۋ نىساناسىنىڭ جۇزەگە اسۋىن قۇلشىنا ىلگەرىلەتۋ كەرەك. جاۋاپكەرشىلىكتى تياناقتاندىرۋدى كۇشەيتىپ، قۋاتتى بىرىككەن كۇش ۇيىستىرۋ كەرەك. ءار دارەجەلى نەگىزگى باسشىلار زەيىنى مەن كۇشىن شىن مانىندە ىندەتتەن ساقتانۋ - تىزگىندەۋگە شوعىرلاندىرىپ، ءوزى زەرتتەپ، الدا ءجۇرىپ قولباسشىلىق ەتىپ، باتىلدىقپەن اۋىر مىندەت ارقالاپ، ىندەتتىڭ كەڭەيۋ اۋقىمىنا جانە ساقتانۋ - تىزگىندەۋ بويىنشا ءبىر جاقتى ەتۋ ونىمدىلىگىنە تۇجىرىم جاساپ، جارامدى دا ءونىمدى ادىستەردى قاراستىرۋ؛ ءار دارەجەلى باسشىلىق گرۋپپاسى مەن قولباسشىلىق شتابى ءتۇيىندى رولدارىن ساۋلەلەندىرىپ، ينفورماتسيانىڭ، كۇش - قۋاتتىڭ، ارەكەتتىڭ سايكەستى بىرلىگىن كۇشەيتۋ؛ جەر - جەر، تاراۋلار مىندەتىن اتقارىپ، جاۋاپكەرشىلىگىن ادا ەتىپ، ءوز وڭىرىنىڭ، ءوز سالاسىنىڭ، ءوز جۇيەسىنىڭ ساقتانۋ - تىزگىندەۋىن ويداعىداي يگەرىپ، شارالاردىڭ ەگجەي - تەگجەيلى، ناقتى تياناقتانۋىن ىلگەرىلەتۋ كەرەك. جۇيەلى شايقاس جۇرگىزۋدى كۇشەيتىپ، جوعارى ونىممەن ءبىر تۇتاس جوسپارلاۋدى ورىنداۋ كەرەك. بۇكىل رايون ”ءبىر تۇتاس جۇيە“، بيڭتۋان مەن جەرگىلىكتى ورىن ”ءبىر تۇتاس جۇيە“ دەگەنگە تاباندى بولىپ، اۆتونوميالى رايوننىڭ، ايماقتاردىڭ، اۋدانداردىڭ بىرلەسىپ ساقتانۋ، بىرلەسىپ تىزگىندەۋ مەحانيزمدەرىنىڭ سايكەسىپ بىرلەسە ارەكەتتەنۋىن كۇشەيتىپ، ءوڭىردىڭ، بايلىقتىڭ، مىندەتتىڭ ءبىر تۇتاس جوسپارلانۋىن ويداعىداي يگەرىپ، پارىقتاندىرىپ، دالمە - ءدال ساقتانۋ - تىزگىندەۋدى تياناقتاندىرىپ، وڭىرگە بولىنگەن، دارەجەگە بولىنگەن، تۇرگە بولىنگەن، ۋاقىتقا بولىنگەن شەڭبەرلى، ساتىلى باسقارۋدى جولعا قويىپ، ءوڭىردىڭ جونگە سالۋىن، تاراۋدىڭ جونگە سالۋىن، سالانىڭ جونگە سالۋىن، نەگىزگى ساتىنىڭ جونگە سالۋىن، مەكەمە - ورىننىڭ جونگە سالۋىن ءبىر تۇتاس جوسپارلاپ، قىزمەتتەردى عىلمي، دالمە - ءدال، جوعارى ءونىمدى ىلگەرىلەتۋ كەرەك. شارالاردىڭ تياناقتانۋىن كۇشەيتىپ، پارمەندى، ءونىمدى بولۋىنا شىنايى كەپىلدىك ەتۋ كەرەك. حاۋىپتى وڭىرلەردەگى ادامدار اينالىسىن باتىل تيىپ، بارلىق ادامدارعا جوعارى جيلىكتە حىسۋان تەكسەرۋدى جوعارى ونىممەن ورىستەتىپ، حاۋىپ - قاتەرى بار ادامداردى تۇيىق اينالىمدا باسقارۋ مەن قوعامدىق جاقتا دالمە - ءدال باسقارۋ - تىزگىندەۋدى كۇشەيتىپ، اۋاشالانۋعا تيىستىلەرىن مۇمكىندىگىنشە اۋاشالاۋدى، بىردە ءبىر ادام قاعىس قالدىرماۋدى ورىنداۋ؛ ءتۇيىندى قاۋىم مەن شيپاحانا، اۋاشالاۋ ءتۇيىنى، قارتتاردى كۇتىمدەۋ يگىلىك قۇرىلىمى سياقتى ءتۇيىندى ورىندارداعى ساقتانۋ - تىزگىندەۋدى ويداعىداي يگەرىپ، بار كۇشتى سالىپ تۇيىندەردى قورعاۋ، تىزبەكتەردى ءۇزۋ، اۋماقتاردى باسقارۋ، بۇقارانىڭ نەگىزگى تۇرمىس، اۋرۋ كورسەتىپ ەمدەلۋ، قاجەتتى ءجۇرىس - تۇرىس سياقتى قاجەتىن ويداعىداي قامتاماسىزداندىرىپ، بىرلەسىپ ساقتانۋ، بىرلەسىپ تىزگىندەۋدىڭ مىعىم قالتقىسىن بەكەمدەۋ كەرەك. قابىلەتتى جوعارىلاتۋدى كۇشەيتىپ، توسەلگەن شەبەرلىككە شىڭدالۋ كەرەك. نەگىزگى ساتىنىڭ نەگىزىن بەكەمدەپ، ساقتانۋ - تىزگىندەۋ كۇشتەرىن تولىقتىرىپ، 9 - نۇسقاداعى ساقتانۋ - تىزگىندەۋ جوباسى بويىنشا ۇگىتتەۋدى، باۋلۋدى كۇشەيتىپ، بۇقارالىق ساقتانۋ مەن كاسىپتىك ساقتانۋدى ۇشتاستىرۋدى، بۇقارالىق ساقتانۋدى، بۇقارالىق تىزگىندەۋدى ىلگەرىلەتۋ؛ ”سىنامانى دەرەۋ الۋ، دەرەۋ جەتكىزۋ، دەرەۋ تەكسەرۋ“ تالابىن تياناقتاندىرىپ، حىسۋان تەكسەرۋدىڭ ساپاسى مەن ونىمدىلىگىن شىن مانىندە جوعارىلاتۋ؛ ساندى مالىمەت الۋ، جەتكىزۋ، تالداۋ سياقتى قابىلەتىن، دەڭگەيىن جوعارىلاتىپ، دالمە - ءدال تالداۋ جاساۋدى، عىلمي تۇجىرىمداۋدى، جوعارى ونىمدە ءبىر جايلى ەتۋدى ىلگەرىلەتۋ؛ ەپيدەميولوگيالىق تەكسەرۋ بويىنشا ىزىنە ءتۇسۋ، ساقتانۋ جانە قۇتقارۋ - ەمدەۋ، قىزمەت وتەۋ، قامتاماسىزداندىرۋ سياقتى ماماندانعان قوسىن قۇرىلىسىن كۇشەيتىپ، ىندەتتەن ساقتانۋ - تىزگىندەۋدىڭ عىلميلىعىن، باعىتتامالىلىعىن، ونىمدىلىگىن ۇزدىكسىز نىعايتۋ كەرەك.
چىن ۋيجۇن، ۋاڭ ميڭشان، ياڭ فاسىن، قادەن كابەن، ليۋ سۋشى، شۋە بين، ليۋ حۇيجۇن، جياۋ شياۋپيڭ، جاڭ ۋىنشىڭ، لي شۇي قاتارلىلار ماجىلىسكە قاتىناستى. اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنداعى قاتىستى جولداستار، ت. ب ماجىلىسكە قاتىستى. ءماجىلىس بەينە ەكران تاسىلىمەن ايماق، وبلىس، قالالارعا، اۋدان، قالا، رايوندارعا، بيتڭۋاننىڭ ءارقايسى شى - قالالارىنا، تۋان - الاڭدارىنا دەيىن اشىلدى.
