تيانشان تورى
تيانشان تورى   ›   جاڭالىقتار   ›   وقۋ-اعارتۋ

الدىڭعى جارتى جىلدا رايونىمىزدا وقۋشىلاردان 6 ميلليون 400 مىڭنان استام ادام - رەت قارجىلاي كومەككە يە بولدى

  انار بۇلت \ شينجياڭ گازەتىنىڭ ءتىلشىسى جاۋ شييا 8 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىمىزشا، الدىڭعى جارتى جىلدا رايونىمىز ءار دارەجەلى، ءار ءتۇرلى مەكتەپتەردەگى وقۋشىلارعا 8 ميلليارد 131 ميلليون يۋان قارجىلاي كومەك بەرگەن، وقۋشىلاردان 6 ميلليون 433 مىڭ 200 ادام - رەت يگىلىكتەنگەن.

  بىردە - ءبىر وقۋشىنىڭ وتباسىنىڭ ەكونوميكالىق قيىنشىلىعى سەبەبىنەن وقۋدان قول ۇزبەۋىنە شىنايى كەپىلدىك ەتۋ ءۇشىن، بيىل جىل باسىنان بەرى رايونىمىز وقۋشىلارعا قارجىلاي كومەكتەسۋدى ينفورماتسيالاندىرۋ ورەسىن ۇزدىكسىز جوعارىلاتىپ، جەر - جەردىڭ، مەكتەپتەردىڭ بۇكىل ەلدەگى وقۋشىلارعا قارجىلاي كومەكتەسۋدى باسقارۋ ينفورماتسيا جۇيەسىنە ساندى مالىمەتتەردى ەنگىزۋ جانە تەكسەرۋ قىزمەتىن ورىنداۋىن ىلگەرىلەتىپ، مەكتەپ قۇرىلىمدارىنىڭ، قارجىلاي كومەك بەرۋ نىساندارىن جۇيەگە %100 كىرگىزىپ باسقارۋعا، قارجىلاي كومەك بەرۋ ينفورماتسياسىن كەستەگە %100 تولتىرۋعا شىنايى كەپىلدىك ەتتى. سونىمەن بىرگە جەر - جەردىڭ، ءارقايسى مەكتەپتەردىڭ وقۋشىلارعا قارجىلاي كومەكتەسۋ قارجىسىنىڭ تولەنۋىنىڭ جانە شىعىسىنىڭ اياق الىسىن باقىلاپ، باسقارىپ، قارجىلاي كومەكتەسۋ قارجىسىنىڭ دەر كەزىندە، دالمە - ءدال تولەنۋىنە شىنايى كەپىلدىك ەتتى.

  بۇكىل رايونداعى جەر - جەر، مەكتەپتەر جاڭا مەديالار، راديو سياقتى تۇعىرلار ارقىلى قارجىلاي كومەك بەرۋ ۇگىتىن جانە قارجىلاي كومەك بەرىپ ادام تاربيەلەۋ قىزمەتىن كەڭىنەن ورىستەتتى. ورتا مەكتەپ ەمتيحانى، جوعارى مەكتەپ ەمتيحانى قارساڭىندا، رايونىمىز ءارقايسى ايماق، وبلىس، قالالاردى ۇيىمداستىرىپ، ورتالاۋ مەكتەپ، ورتا مەكتەپ بىتىرگەن وقۋشىلارعا ”ەكى حات“ جاريالاپ، قالىڭ ورتالاۋ، ورتا مەكتەپ بىتىرگەن وقۋشىلاردىڭ كەلەسى وقۋ كەزەڭىندەگى مەملەكەتتىڭ وقۋشىلارعا قارجىلاي كومەكتەسۋ ساياساتىن الدىن الا ۇعىسۋىنا كومەكتەستى، جەتەكشىلىك جانە كومەك ازىرلەدى.

  سوڭعى جارتى جىلدا رايونىمىز ءتۇرلى قارجىلاي كومەك بەرۋ ساياساتتارىن دالمە - ءدال تياناقتاندىرىپ، وتباسىندا ەكونوميكالىق قيىنشىلىعى بار وقۋشىلاردىڭ كومەككە يە بولۋ جاعدايىن ۇزدىكسىز قاداعالاپ، ءارقايسى وقۋ كەزەڭىندەگى وقۋشىلارعا قارجىلاي كومەك بەرۋدى باسقارۋ قولدانباسىن ۇزدىكسىز كەمەلدەندىرىپ، وقۋشىلارعا قارجىلاي كومەك بەرۋ قىزمەتىنىڭ جۇمىس ءتارتىبىن ارناعا ءتۇسىرىپ، پارتيا مەن مەملەكەتتىڭ وتباسىندا ەكونوميكالىق قيىنشىلىعى بار وقۋشىلارعا دەگەن قامقورلىعىن ناقتى، ەگجەي - تەگجەيلى تياناقتاندىرادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.