تيانجيننىڭ شينجياڭعا كومەكتەسۋى:
قۇربان تۇلىمنىڭ مەكەنى جاڭا تۇسكە ەندى
انار بۇلت \ شينجياڭ گازەتىنىڭ ءتىلشىسى ءپاريزات ابدۇل
”800 مۋلىق ’مايلى كۇرىش‘ كورىنىس تاماشالاۋ كۇرىش اتىزى، 28 ولشەمدەندىرىلگەن قوي قورا، تاعى قۇربان تۇلىم ساياحات كەشكى بازارى، جۇڭحۋا فاكتورى كوشەسى، قۇربان تۇلىم قاعاز قيما قول شەبەرحاناسى بار، قىستاعىمىزدىڭ وزگەرىسى وراسان زور“. 8 - ايدىڭ 1 - كۇنى كەريا اۋدانى توعراعاز اۋىلى توعراعاز قىستاعى پارتيا ياچەيكاسىنىڭ شۋجيى توحتىسۇلايمان بايدۇللا قىستاقتاعى جاڭا وزگەرىستەردى قۋانا تىلگە تيەك ەتتى.
جاڭا وزگەرىستەردىڭ استارىندا تيانجين قالاسىنىڭ كوپ جىل شينجياڭعا كومەكتەسۋ قىزمەتىندە قول جەتكىزگەن سۇبەلى تابىستارى جاتىر.
”ءبىز قۇربان تۇلىم ەسكەرتكىش سارايىنىڭ قىزىل ساياحات بايلىعىن سۇيەنىش ەتىپ، ’باسىمدىقتى كۇشەيتۋ، ولقىلىقتاردى تولىقتاۋ‘ قۇرىلىسى وي جەلىسىمەن ’بەس ۇلكەن گۇلدەنۋدى‘ كوزدەپ، توعراعاز قىستاعىنىڭ ۇلگى كورسەتۋ قىستاعى قۇرىلىسىن جان - جاقتى ىلگەرىلەتتىك“. 2021 - جىلدان بەرى جيىنى 37 ميلليون يۋاننان استام قارجى قوسىپ، 14 نىسان سالدىق، - دەدى تيانجين قالاسىنان شينجياڭعا كومەككە كەلگەن كادر، كەريا اۋداندىق پارتكومنىڭ ورىنباسار شۋجيى شۋە جۇن تانىستىرىپ.
توعراعاز قىستاعى وتكەن عاسىردىڭ 50 - جىلدارىندا ”ەسەكپەن بەيجيڭگە بارىپ ءتوراعا ماۋ زىدۇڭعا امانداسۋدى“ كوپ رەت ويلاعان قۇربان تۇلىمنىڭ مەكەنى، 2016 - جىلى كەڭەيتىپ سالىنعان قۇربان تۇلىم ەسكەرتكىش سارايىنىڭ بەدەلى اناعۇرلىم جوعارىلادى. ”جايشىلىقتا ءار كۇنى 300 − 500 ادام ەكسكۋرسيالاۋعا كەلەدى“، - دەدى وسى ەسكەرتكىش سارايىنىڭ ءتۇسىندىرۋشىسى امانگۇل ءالي تىلشىگە. ساياحاتشىلاردىڭ كوبەيۋى توعراعاز قىستاعىنىڭ ساياحاتىنىڭ دامۋىنا زور وراي اكەلدى.
2021 - جىلى تيانجين قالاسى شيچيڭ رايونى ءبىر ميلليون يۋان قارجى قوسىپ، توعراعاز قىستاعىندا جۇڭحۋا فاكتورى كوشەسىن قۇرىپ، 53 وتباسىنداعى شارۋانىڭ اۋلاسىن جاڭالاپ، ءتۇرلى دۇكەندەردەن بەسەۋىنىڭ دەڭگەيىن جوعارىلاتتى جانە جاڭادان سالدى، 12 ادامدى ورنىقتى جۇمىسقا ورنالاستىردى؛ بيىل تيانجين قالاسى شيچيڭ رايونى ءبىر ميلليون يۋان قارجى قوسىپ، قۇربان تۇلىم قاعاز قيما قول شەبەرحاناسىن قۇرىپ، ياڭ ليۋچيڭ قاعاز قيما ونەرىن ەنگىزۋ ارقىلى 12 ادامدى ورنىقتى جۇمىستاندىردى، سونىمەن بىرگە ”قول شەبەرحانا + بىتىراندى وتباسى“ ۇلگىسىندە جاڭالىق اشىپ، قاعاز قيما جۇمىسىن ۇيلەرىندە بىتىرۋگە جول قويىپ، بۇقارانىڭ كىرىسىن ارتتىرۋىنا كومەكتەستى.
مۇنان سىرت، تيانجين قالاسىنىڭ شينجياڭعا كومەكتەسۋ الدىڭعى جاق قولباسشىلىق شتابى تاعى 16 ميلليون يۋاننان استام قارجى قوسىپ، قۇربان تۇلىم مادەنيەت - ساياحات كاسىپ باقشاسىن قۇرىپ، تيانجين مەن حوتاننىڭ ەرەكشە مادەنيەت كاسىپ سالاسىن ايگىلەپ، مادەنيەت - ساياحات قىستاعىنىڭ ماركا اسەرىن كەڭەيتىپ، ”ءبىر قىستاقتان حوتان مادەنيەتىن ايگىلەۋدى“، ”ءبىر قىستاقتان حوتاننىڭ ەرەكشە ءونىمىن جاپا - تارماعاي ساتىپ الۋدى“، ”ءبىر قىستاقتان حوتاننىڭ ءدامدى تاعامىنان اۋىز ءتيۋدى“ جۇزەگە اسىرۋدى جوسپارلادى.
جۇڭحۋا فاكتورى كوشەسىنە كىرە بەرىستەگى ءبىرىنشى ءۇي ابدۇرىشيت ءماتتۇرسۇننىڭ ءۇيى، ونىڭ ۇيىنە كىرگەنىمىزدە، قىزىل ءتۇستى قابىرعاعا ”قىزىل مەكەن“ دەگەن ارناۋ تاقتايشالىق ءىلىنىپتى، ونىڭ ءۇستى جاعىنا ءۇيى جاڭالانۋدىڭ الدى - ارتىنداعى سالىستىرمالى سۋرەتتەر قويىلعان، ”اۋلا جاڭالانعاننان كەيىن، ءۇيىمىزدىڭ ءىشى - سىرتىندا زور وزگەرىستەر تۋىلىپ، قورشاعان ورتا كورىكتەندى، ەكسكۋرسيالاۋعا كەلەتىندەر دە كوبەيدى“. بۇگىنگى تاڭدا ابدۇرىشيت ءۇيىنىڭ جانىنان ۋنيۆەرسال ەرەن بازار اشىپ، جىلدىق كىرىسىن 100 مىڭ يۋانعا جەتكىزدى.
شۋە جۇن تىلشىگە بىلاي دەدى: ساياحاتشىلاردىڭ كوپ نەگىزدى قاجەتىن قاناعاتتاندىرۋ ءۇشىن، 2021 - جىلى تيانجين قالاسىنىڭ شينجياڭعا كومەكتەسۋ الدىڭعى جاق قولباسشىلىق شتابى جۇڭحۋا فاكتورى كوشەسىنىڭ ەكى جاعالاۋىنداعى نەگىزدىك شارت - جاعدايى جاقسى، جاڭالاپ بەرۋگە ىنتالى شارۋالاردىڭ اۋلاسى مەن ۇيلەرىنىڭ دەڭگەيىن جوعارىلاتىپ، جاڭالاپ، ساياحاتشىلاردى جاتاق، اس - سۋ، كوڭىل اشۋ سياقتى قىزمەت وتەۋمەن قامداپ، ەرەكشە شارۋالار شاعىن اۋلاسىنا حايۋاناتتاردى تاماشالاۋ اۋماعى، بايىرعى ۇلگىدەگى سامالدىق سياقتى قۇرىلعىلاردى كوبەيتتى. مۇنان سىرت، قۇربان تۇلىم ساياحات كەشكى بازارىن اشىپ، ساياحات كەشكى بازارى جۇڭحۋا فاكتورى كوشەسىنىڭ ەكى جاعىنداعى ەرەكشە شارۋالار اۋلاسىمەن ەرەكشە ءدامدى تاعامدار مادەنيەت شەڭبەرىن قالىپتاستىرىپ، جەرگىلىكتى بۇقارانىڭ شارۋاشىلىق قۇرىپ، بايۋ ىنتاسىن قوزعادى.
كاسىپ سالاسى ارقىلى شينجياڭعا كومەكتەسۋ − كومەك قابىلداۋشى جەردىڭ دامۋ قۋاتى مەن ”قان جاساۋ“ يقۋاتىن كۇشەيتۋدەگى ەڭ ءونىمدى جول. كاسىپ سالاسى ارقىلى شينجياڭعا كومەكتەسۋدى ارقاۋ ەتە وتىرىپ، تيانجين قالاسىنىڭ شينجياڭعا كومەكتەسۋ الدىڭعى جاق قولباسشىلىق شتابى بيىل 6 ميلليون يۋان قارجى قوسىپ، 800 مۋلىق ”مايلى كۇرىش“ كورىنىس تاماشالاۋ كۇرىش اتىزىن قالىپتاستىردى، ”مايلى كۇرىشتىڭ“ مۋ باسىندىق ءتۇسىمى 260 كيلوگرام، قابىعىن ارشىپ جىنتىكتەي مانەرلەگەننەن كەيىنگى بازار باعاسى ءار كيلوگرامى 60 يۋانعا جەتىپ، جەردىڭ ءونىم پايداسىن جوعارىلاتتى؛ ءبىر ميلليون 800 مىڭ يۋان قارجى قوسىپ، ەكولوگيالىق كورىنىس تاماشالاۋ، جەمىس - جيدەك، كوكونىس جيناۋ باقشاسىن قۇرىپ، جەمىس - جيدەك، كوكونىس ەگۋ مەن ەرەكشە ساياحاتتى ۇشتاستىردى، سالىنىپ بولعاننان كەيىن، مەجەمەن جىلىنا قىستاق كوللەكتيۆىنىڭ كىرىسى 150 مىڭ يۋان ارتادى.
مۇنان سىرت، تيانجين قالاسىنىڭ شينجياڭعا كومەكتەسۋ الدىڭعى جاق قولباسشىلىق شتابى 710 مىڭ يۋان قارجى قوسىپ، قۇربان تۇلىم ورتالاۋ مەكتەبىنە VR ساباقحاناسىن قۇرىپ، 300 مىڭ يۋان قارجى قوسىپ، توعراعاز قىستاعىنداعى باستاۋىش مەكتەپكە كومپيۋتەر، كىتاپ ساتىپ الىپ، بانبانتۇڭ جابدىعىن ورناتتى؛ توعراعاز قىستاعى مەن تيانجين اۋىل شارۋاشىلىق شۋەيۋانى سەلبەسىپ، كومەكتەسۋ - سۇيەمەلدەۋ بايلانىس پۋنكتىن قۇرىپ، اۋىل شارۋاشىلىعىن كاسىپ سالالاندىرىپ جوعارىلاتۋ، اۋىل شارۋاشىلىق قوسىمشا ونىمدەرىن جىنتىكتەي مانەرلەۋ تەحنيكاسىن زەرتتەۋ - اشۋ، وڭىرلىك ماركا تۇلعالاۋ، ينتەرنەت + كەڭىستىك ساباقحانا وقىتۋى، ءوندىرۋ، وقىتۋ، زەرتتەۋ سەلبەستىك تۇعىرىن قۇرۋ سىندى 5 ۇلكەن سەلبەستىك كومەكتەسۋ - سۇيەمەلدەۋ شاراسى ارقىلى شينجياڭعا كومەكتەسۋ سەلبەستىگىن، كومەكتەسۋ - سۇيەمەلدەۋدى تەرەڭدەتتى.
تاڭەرتەڭ VR ساباقحاناسىندا بالالار VR سيلاعان عىلىم - تەحنيكانىڭ اسەرىن سەزىندى؛ تۇستەن كەيىن، مادەنيەت ءدالىزىنىڭ استىندا قارتتار سەيىلدەپ، اڭگىمە - دۇكەن قۇردى؛ كەشقۇرىم قۇربان تۇلىم ساياحات كەشكى بازارىندا ساياحاتشىلار ەرەكشە ءدامدى تاعامداردان بارىنشا ءدام تاتتى... تيانجين قالاسىنىڭ كومەكتەسۋ - سۇيەمەلدەۋىندە، توعراعاز قىستاعى تاسقىنداعان ومىرشەڭدىگىن قاۋلاتىپ، ادامدى وزىنە باۋرايتىن كورىكتى اۋىل - قىستاق كارتيناسىن سالدى.
