شي جينپيڭ ”جۇڭگوداعى جاقسى ادام“ لي پەيشىڭعا، حۋ شياۋچۇنگە جاۋاپ حات قايتارىپ، بىلاي دەپ باسا دارىپتەدى
شىنايىلىقتى، ىزگىلىكتى، كوركەمدىكتى بەلسەنە تاراتىپ، وڭ ەنەرگيا جەتكىزىپ، ماڭايلارىڭىزداعى ءتىپتى كوپ ادامدى العا باسۋعا، ىزگىلىككە ۇمتىلۋعا جەتەكتەڭىزدەر
جاۋاپ حات
لي پەيشىڭ، حۋ شياۋچۇن جولداس:
سالەمەتسىزدەر مە! حاتتارىڭىزدى تاپسىرىپ الدىم، سىزدەر ۇزاق جىلدار بويى قيا بەتتە قورشاعان ورتانى تازالاپ، ءار كۇنى مىڭ جىلدىق يىڭكىسۇڭ شىرشاسىن باپتاپ، كورىكتى حۋاڭشاندى دەن قويا، سۇيىسپەنشىلىكپەن قورعاپ، كاسىپتى ءسۇيىپ، ۇلەس قوسۋ رۋحىن تولىق ايگىلەدىڭىزدەر.
”جۇڭگوداعى جاقسى ادامنىڭ“ ەڭ قىمباتتى جەرى قاراپايىم قىزمەت بارىسىندا ەرەن ناتيجەلەر جاراتۋى. سىزدەردىڭ ۇلگىلىك رولدارىڭىزدى ۇزدىكسىز ويداعىداي ساۋلەلەندىرىپ، شىنايىلىقتى، ىزگىلىكتى، كوركەمدىكتى بەلسەنە تاراتىپ، وڭ ەنەرگيا جەتكىزىپ، ماڭايلارىڭىزداعى ءتىپتى كوپ ادامدى العا باسۋعا، ىزگىلىككە ۇمتىلۋعا جەتەكتەپ، سوتسياليستىك وزەكتى قۇن كوزقاراسىن اسقاقتاتىپ، قوعامنىڭ جاقسى ازاماتى، مەكەمە - ورىننىڭ جاقسى قىزمەتكەرى، وتباسىنىڭ جاقسى مۇشەسى بولۋعا تالپىنىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا شۋاقتارىڭىز بەن جىلۋلىقتارىڭىزدى شاشۋلارىڭىزدى ءۇمىت ەتەمىن.
شي جينپيڭ
2022 - جىلى 8 - ايدىڭ 13 - كۇنى
(شينحۋا اگەنتتىگىنىڭ 8 - ايدىڭ 14 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 8 - ايدىڭ 14 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 8 - ايدىڭ 13 - كۇنى انحۇيدىڭ حۋاڭشان كورىنىس وڭىرىندەگى قىزمەتكەرلەر لي پەيشىڭعا، حۋ شياۋچۇنگە جاۋاپ حات قايتارىپ، ولاردىڭ ”جۇڭگوداعى جاقسى ادام“ سىندى ۇلگىلىك رولدارىن ۇزدىكسىز ساۋلەلەندىرۋلەرىنە ىقىلاستى ءۇمىتىن ءبىلدىردى.
شي جينپيڭ جاۋاپ حاتىندا بىلاي دەدى: سىزدەر ۇزاق جىلدار بويى قيا بەتتە قورشاعان ورتانى تازالاپ، ءار كۇنى مىڭ جىلدىق يىڭكىسۇڭ شىرشاسىن باپتاپ، كورىكتى حۋاڭشاندى دەن قويا، سۇيىسپەنشىلىكپەن قورعاپ، كاسىپتى ءسۇيىپ، ۇلەس قوسۋ رۋحىن تولىق ايگىلەدىڭىزدەر.
شي جينپيڭ بىلاي دەپ باسا دارىپتەدى: ”جۇڭگوداعى جاقسى ادامنىڭ“ ەڭ قىمباتتى جەرى قاراپايىم قىزمەت بارىسىندا ەرەن ناتيجەلەر جاراتۋى. سىزدەردىڭ ۇلگىلىك رولدارىڭىزدى ۇزدىكسىز ويداعىداي ساۋلەلەندىرىپ، شىنايىلىقتى، ىزگىلىكتى، كوركەمدىكتى بەلسەنە تاراتىپ، وڭ ەنەرگيا جەتكىزىپ، ماڭايلارىڭىزداعى ءتىپتى كوپ ادامدى العا باسۋعا، ىزگىلىككە ۇمتىلۋعا جەتەكتەپ، سوتسياليستىك وزەكتى قۇن كوزقاراسىن اسقاقتاتىپ، قوعامنىڭ جاقسى ازاماتى، مەكەمە - ورىننىڭ جاقسى قىزمەتكەرى، وتباسىنىڭ جاقسى مۇشەسى بولۋعا تالپىنىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا شۋاقتارىڭىز بەن جىلۋلىقتارىڭىزدى شاشۋلارىڭىزدى ءۇمىت ەتەمىن.
2008 - جىلدان باستاپ ورتالىق كوميتەت وركەنيەت كەڭسەسى ينتەرنەتتە ”ماڭايىمداعى جاقسى ادامداردى كورسەتەمىن، باعالايمىن“ قيمىلىن ۇيىمداستىرىپ، ورىستەتكەننەن بەرى، قازىرگە دەيىن 150 كەزەك ”جۇڭگوداعى جاقسى ادام ءتىزىمى“ جاريالانىپ، 16 مىڭ 228 ادام (ۇيىم) ”جۇڭگوداعى جاقسى ادامعا“ تاڭدالدى. لي پەيشىڭ، حۋ شياۋچۇن حۋاڭشان كورىنىس وڭىرىندە جەكە - جەكە قورشاعان ورتانى تازالاۋ جانە يىڭكىسۋ شىرشاشىن باپتاۋ قىزمەتىمەن اينالىسادى، 2012 - جىلى جانە 2021 - جىلى ىلگەرىندى - كەيىندى كاسىپتى ءسۇيىپ، ۇلەس قوسۋ ءتۇرى بويىنشا ”جۇڭگوداعى جاقسى ادام“ بولىپ تاڭدالعان. تاياۋدا لي پەيشىڭ، حۋ شياۋچۇن باس شۋجي شي جينپيڭگە حات جازىپ، قىزمەت جاعدايىنان جانە العان اسەرلەرىنەن مالىمەت بەرىپ، كورىكتى حۋاڭشاندى قورعاپ، كورىكتى جۇڭگو قۇرۋعا كۇش - قۋاتتارىن ارنايتىن بەكىمدەرىن بەينەلەگەن بولاتىن.
