□ انار بۇلت \ شينجياڭ گازەتىنىڭ ءتىلشىسى حۋ دامين
جۋىقتا، ”انار بۇلت 12345 كەڭەس سۇراۋ“ لەبىز تاقتاسىنداعى تالاپ - تىلەكتەردىڭ سانى كورنەكتى ارتىپ، بۇكىل شينجياڭنىڭ جەر - جەرىندەگى توراپتاستار لەبىز تاقتاسى ارقىلى ىندەت كەزىندەگى ءجۇرىس - تۇرىس، قامداۋدى قامتاماسىز ەتۋ، باعانى ورنىقتىرۋ، ەمدەلۋ سياقتى جاقتارداعى ماسەلەلەردى اڭىس ەتتى، 8 - ايدىڭ 10 - كۇنىنەن بۇگىنگە دەيىن جيىنى 450دەن استام تالاپ - تىلەك تىڭنان قوسىلدى. انار بۇلت \ شينجياڭ گازەتىنىڭ تىلشىلەرى بەلسەندى تۇردە قاتىستى تاراۋلارمەن، ورىندارمەن بايلانىس جاساپ، ۇشتاستىرىپ، بۇقارانىڭ ءبىر قىدىرۋ تالاپ - تىلەگىنىڭ شەشىلۋىن ىلگەرىلەتتى.
”قايتكەندە شينجياڭنان اتتانۋعا بولادى، قانداي انىقتاما دايىنداۋ قاجەت“، ”حىسۋان ناتيجەسىنىڭ شىعۋى باياۋ بولىپ، 48 ساعات ىشىندەگى 2 رەتكى بولىمسىزدىق انىقتاماسىن الۋعا امال بولماي، ۇشاقپەن شينجياڭنان اتتانۋ قيىن ماسەلەگە اينالدى“، ”نەلىكتەن نوپوسى سىرتتاعىلاردىڭ اتتانۋىنا بولادى، ال شينجياڭ نوپوسىنداعىلاردىڭ ۇيىندەگىلەرىمەن بىرگە كەتۋىنە بولمايدى“، ”اقى الۋ پۋنكتتەرى قانداي انىقتامانى كورگەندە قويا بەرەدى“... ىندەت تۇتقيىلدان كەلىپ، اۋىلعا كەلىپ تۋىسشىلاعان، شينجياڭعا كەلىپ ساياحاتتاعان كوپتەگەن ادامدار جانە مەكتەپگە قايتپاقشى بولعان داشۋە وقۋشىلارى شينجياڭنان اتتانۋى قيىن بولۋ ماسەلەسىنە ءدوپ كەلدى.
”انار بۇلت 12345 كەڭەس سۇراۋ“ لەبىز تاقتاسىنداعى شاعىم ايتۋ، كومەك سۇراۋ ينفورماتسيالارىن جيناقتاۋدان ءارى قاتىستى ىندەتتەن ساقتانۋ - تىزگىندەۋ تاراۋلارىنا شوعىرلى اڭىس ەتۋدەن كەيىن، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى ادامداردىڭ شينجياڭنان اتتانۋىن جانە زات اينالىمىنىڭ ىركىلىسسىزدىگىن قامتاماسىزداندىرۋعا قاتىستى ساياساتتاردى ونان ارى ايقىندادى ءارى انار بۇلت كليەنتى ارقىلى قوعامعا اشىق جاريالادى. قازىر ىندەت جوق اۋدان، قالا، رايونداعى ادامداردىڭ، تومەن دارەجەلى قاتەرلى اۋماقتارداعى ادامداردىڭ قاتىستى انىقتامانى الىپ شينجياڭنان اتتانۋىنا بولادى، داشۋەنىڭ جاڭا وقۋشىلارىنىڭ تىزىمدەلۋىنە قاجەت راسمياتتاردى ءبىتىرۋ ءتارتىبى ايقىندالدى، ىلگەرىلەتىپ تياناقتاندىرىلۋدا.
سونىمەن بىرگە كوپ ساندى بۇقارا اڭىس ەتكەن اۋىل شارۋاشىلىق قوسىمشا ونىمدەرىنىڭ باعاسى جوعارى، ساپاسى تومەن بولۋ ماسەلەسىنە مەڭزەس، انار بۇلت \ شينجياڭ گازەتى دە بەلسەندى دە ىرىقتى تۇردە بازاردى باقىلاۋ - باسقارۋ تاراۋلارىنا اڭىس ەتتى ءارى اشكەرەلەۋ تەلەفونىن دەر كەزىندە جاريالادى. زات باعاسىن قىمباتتاتقان ءبىر توپ ساۋداگەرلەر جازاعا ۇشىرادى. ”شينجياڭ گازەتى“، شينجياڭ حابارلارى، انار بۇلت كليەنتى سياقتى نەگىزگى مەديالار قاتىستى جازالاۋ احۋالدارىن جاريالاپ، ىندەت كەزىندە قامداۋدى قامتاماسىز ەتىپ وتىرعان بازارلاردىڭ نەگىزگى تۇلعالىق ارەكەتىن ءبىرشاما جاقسى جۇيەگە ءتۇسىردى.
توراپتاس ”جيەمونىڭ“ ماڭايداعى ساۋدا سارايلارىنىڭ، ەرەن بازارلاردىڭ زاتپەن قامداۋى جونىندە كومەك سۇراۋى، ”حۇيحۇي“ اڭىس ەتكەن بوسانۋ الدىنداعى تەكسەرۋگە بارۋدىڭ قيىن بولۋى، ”چيڭشۇي حانفىڭ“ كەڭەس سۇراعان جۇك كولىگىنىڭ ءجۇرۋى سياقتى ماسەلەلەر ءتىلشىنىڭ، نەگىزگى ساتى ورىندارىنىڭ، سالانى باسقارۋ تاراۋلارىنىڭ بىرگە قۇلشىنۋىندا ءساتتى شەشىم ەتىلدى. ءبىر - بىرلەگەن شاعىمداردىڭ، ءبىر - بىرلەگەن كومەك سۇراۋلاردىڭ ءونىمدى شەشىلۋىنە ساي، اۆتونوميالى رايوندىق پارتكوم ”انار بۇلت 12345 كەڭەس سۇراۋ“ لەبىز تاقتاسىنىڭ نەگىزگى مەديا رولىن ساۋلەلەندىرىپ، ءارقايسى جاقتارداعى ينفورماتسيالاردى كەڭىنەن جيناۋىن تالاپ ەتتى. ”ىندەتتەن ساقتانۋ ساياساتىن رەتتەۋگە بولا ما، شارۋالاردىڭ ەگىس مەزگىلىن مىقتى يگەرىپ، كۇزگى جين - تەرىنمەن شۇعىلدانۋىنا مۇمكىندى بەرىلسە“، ”كەيبىر سوزىلمالى اۋرۋلاردىڭ ەرەكشە دارىلەرىنىڭ قامدالۋ ارناسى ىركىلىسسىز ەمەس“، ”شۇعىل ەمدەلۋدى قاجەت ەتپەيتىن ادامدار، ورتا، جوعارى دارەجەلى قاتەرلى اۋماقتارداعى ناۋقاستار قالاي ەمدەلەدى“ سياقتى ماسەلەلەر جونىندە دە انار بۇلت \ شينجياڭ گازەتىنىڭ ءتىلشىسى قاتىستى تاراۋلارمەن تىلدەسىپ، اڭىس ەتىپ، شەشىم ەتىلۋىن جەبەدى.
”نەگىزگى مەديا، نەگىزگى جاۋاپكەرشىلىك“، ”جاڭا داۋىردەگى پارتيا مەدياسىنىڭ جاڭا ىسكەرلىگى“، ”مەديالاردىڭ توعىسپالى دامۋى اقپارات كليەنتىنىڭ اناعۇرلىم مەيىرلى بولۋىنا مۇمكىندىك بەردى“، ”پارتيا گازەتى الدا ءجۇرىپ قىزمەت ىستەپ، حالىق ءۇشىن قىزمەت ىستەۋ سىندى باس ماقساتتى ايگىلەدى“... كومەك سۇراۋ، شاعىم ايتۋ شەشىم ەتىلگەندە، توراپتاستار تولىق تۇراقتاندىردى. كەڭىستىكتى قالىڭ وقىرمان - كورەرمەندەرگە كوبىرەك قالدىرۋ ءۇشىن، انار بۇلت \ شينجياڭ گازەتى ينتەرنەت پايدالانۋشىلاردىڭ العىسى مەن ماداعىن ارتقى تۇعىرعا ورنالاستىرىپ، ءار ۇلت بۇقاراسىنىڭ ءسوز قالدىرۋىنا قولايلىلىق جاسادى.
