اۆتونوميالى رايون تەلەۆيزور - تەلەفون ءماجىلىسىن اشتى
زات اينالىمىنىڭ ىركىلىسسىزدىگىن قامتاماسىز ەتۋ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن جەبەۋ قىزمەتىن ورنالاستىردى
ما شيڭرۇي ءسوز سويلەدى، ەركىن تۇنياز باسقاردى، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 15 - كۇنى ۇرىمجىدەن حابارلايدى. 8 - ايدىڭ 15 - كۇنى تۇستەن بۇرىن بۇكىل رايوننىڭ زات اينالىمىنىڭ ىركىلىسسىزدىگىن قامتاماسىز ەتۋ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن جەبەۋ جونىندەگى تەلەۆيزور - تەلەفون ءماجىلىسى اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەپ بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ شارالارىن ناقتى، ەگجەي - تەگجەيلى تياناقتاندىرىپ، قوعامدىق جاقتا نولگە ءتۇسىرۋدى تەز ارادا جۇزەگە اسىرىپ، زات اينالىمىنىڭ ىركىلىسسىزدىگىن، تىزبەكتى ورنىقتىرىپ قامداۋدى، اۋىل شارۋاشىلىق ءوندىرىسىن، نەگىزگى حالىق تۇرمىسىن، قيىنشىلىقتى شەشۋدى بار كۇشپەن قامتاماسىز ەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعاۋ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتىناستى.
ما شيڭرۇي بىلاي دەپ اتاپ كورسەتتى: جەر - جەر ساياسي دەڭگەيدى شىنايى جوعارىلاتىپ، قوعامدىق جاقتا نولگە ءتۇسىرۋ نىساناسىنان كوز جازباي، سەنىمدى بەكەمدەپ، قيىندىقتاردان قامال الىپ، ءتۇرلى ساقتانۋ - تىزگىندەۋ شارالارىن زاڭ بويىنشا عىلمي، دالمە - ءدال، جوعارى ونىمدىلىكپەن تىڭعىلىقتى تياناقتاندىرۋ كەرەك. ىندەتتەن ساقتانۋ - تىزگىندەۋدەگى ءتۇيىندى وڭىرلەر باسىمدىققا يە بايلىقتى، باسىمدىققا يە كۇشتەردى الدىڭعى شەپكە ونان ارى شوعىرلاندىرىپ، باسقارۋ - تىزگىندەۋ، اۋاشالاۋ، جوعارى جيىلىكتە حىسۋان تەكسەرۋ سياقتى ءونىمدى شارالاردى قاتاڭ تياناقتاندىرىپ، جاپپاي ءبىر - بىرلەپ تەكسەرىپ، دالمە - ءدال انىقتاپ، شاپشاڭ ءبىر جاقتى ەتىپ، تەكسەرۋگە تيىستىلەرىن تۇگەل تەكسەرۋدى، جيناپ الۋعا تيىستىلەرىن تۇگەل جيناپ الۋدى، اۋاشالاۋعا تيىستىلەرىن تۇگەل اۋاشالاۋدى، ەمدەۋگە تيىستىلەرىن تۇگەل ەمدەۋدى جەدەل ىلگەرىلەتىپ، بەلدى بەكەم بايلاي وتىرىپ، حاۋىپ - قاتەرى بار ادامداردىڭ بىردە - بىرەۋىن قالدىرماي ءدال تەكسەرىپ، تولىق تاۋىپ، ناقتى تىزگىندەپ، جۇعىمدالۋشىلاردى عىلمي، جوعارى ونىمدىلىكپەن تۇرگە ءبولىپ قۇتقارىپ - ەمدەپ، جەرگىلىكتى ىندەتتى تاباندىلىقپەن ”توسىپ، تازالاپ، جويىپ“، يكەمدى نولگە ءتۇسىرۋدى ەرتەرەك جۇزەگە اسىرۋ كەرەك. باسقا وڭىرلەر ىندەتتەن ساقتانۋدىڭ تۇتاس تىزبەگىن، ءارقايسى بۋىندارىن ءجىتى قاداعالاپ، ”ءتورت ەرتە بولۋ“ تالابىن قاتاڭ تياناقتاندىرىپ، كوپ تۇيىندە قوزعاپ الدىن الا ساقتاندىرۋعا تاباندى بولىپ، ءتۇرلى دايىندىقتاردى جاپپاي ويداعىداي ىستەپ، ىندەت تۋىلا قالعان زامان دەرەۋ ءبىر جاقتى ەتۋگە شىنايى كەپىلدىك ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا شارت - جاعداي ازىرلەپ، رەفورما، دامۋ، ورنىقتىلىق قىزمەتتەرىن تىڭعىلىقتى ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: ىندەتتەن ساقتانۋ - تىزگىندەۋدى بار كۇشپەن ويداعىداي يگەرۋمەن بىرگە، جەر - جەر، تاراۋلار زات اينالىمىنىڭ اشىق، ىركىلىسسىز بولۋىن ساقتاۋ جانە كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعى قىزمەتىنە ايرىقشا ءمان بەرىپ، ءار جاقتىڭ جاۋاپكەرشىلىگىن قاتايتىپ، ناقتىلاندىرىپ، تارماق - تارماق، ءتۇر - ءتۇر بويىنشا ماسەلەلەردى زەرتتەپ، شارالاردى جوسپارلاپ، حالىق تۇرمىسىن تومەنگى شەكتەن تۇسىرمەۋگە، زات تاسىمالىنىڭ ىركىلىسسىزدىگىنە، كاسىپ سالاسىنىڭ اينالىمىنا بار كۇشپەن شىنايى كەپىلدىك ەتۋ كەرەك. ءبىرىنشى، بۇكىل شينجياڭ بويىنشا ءبىر تۇتاس جوسپارلاپ ورنالاستىرۋعا تاباندى بولىپ، زات اينالىمىنىڭ ىركىلىسسىزدىگىنە كەپىلدىك ەتۋ كەرەك. بۇكىل شينجياڭ ”ءبىر تۇتاس جۇيە“، بيڭتۋان مەن جەرگىلىكتى ورىن ”ءبىر تۇتاس جۇيە“ دەگەنگە تاباندى بولىپ، يكەمدى ورنالاستىرۋدى جانە ماسەلەلەردى قاداعالاي وتىرىپ قۋزاپ ءبىتىرۋدى كۇشەيتىپ، قاتىناس نەگىزدىك قۇرىلعىلارىن ءوز بەتىمەن جابۋدى، توقتاتۋدى، ىندەتتەن ساقتانۋ بويىنشا تەكسەرۋ پۋنكتتەرىن ءوز بەتىمەن قۇرۋدى باتىل تيىپ، ءجۇرىس - تۇرىستى باسقارۋ - مەڭگەرۋدە ساتى - ساتى بويىنشا اۋىرتپالىق قوسۋدان، ”ءبارىن ءبىر تاياقپەن ايداۋدان“ قاتاڭ ساقتانىپ، اۋەجايلار، تەمىر جول جۇك ستانسيالارى، زات اينالىمى باقشا رايوندارى سياقتى توراپتىق الاڭ - پۋنكتتەردىڭ قالىپتى جۇمىس جۇرگىزۋىن، جيناۋ، تاراتۋ، تاسىمالداۋ جۇمىسىنىڭ جوعارى ءونىمدى، ىركىلىسسىز بولۋىن بار كۇشپەن قامتاماسىز ەتۋ كەرەك. ەكىنشى، ءتۇرلى بازار تۇلعالارىن ورنىقتىرۋ، تىزبەكتى ورنىقتىرىپ، قامداۋدى قامتاماسىز ەتۋ كەرەك. كاسىپ سالاسى تىزبەگى مەن قامداۋ تىزبەگىن قامتاماسىز ەتۋ تۇرعىنداردىڭ جۇمىستانۋىن قامتاماسىز ەتۋدىڭ، نەگىزگى حالىق تۇرمىسىن قامتاماسىز ەتۋدىڭ، بازار تۇلعالارىن قامتاماسىز ەتۋدىڭ نەگىزى ەكەنىن جەتە تانىپ، ءتۇيىندى كاسىپ سالاسى تىزبەگىندەگى، قامداۋ تىزبەگىندەگى ”اق تىزىمدىككە“ ەنگەن كاسىپورىنداردىڭ، سىرتقى ساۋدا كاسىپورىندارىنىڭ جانە جوعارى، تومەنگى بۋىنداعى قاتىستى كاسىپورىنداردىڭ ءوندىرىس قاجەتىن تىعىز ارقاۋ ەتىپ، قاتىستى تاراۋلارمەن بىرلەسە وتىرىپ، ”ءبىر تىزبەككە ءبىر شارا، ءبىر كاسىپورىنعا ءبىر شارا“ پرينسيبى بويىنشا، الدا ءجۇرىپ قىزمەت وتەپ، ىرىقتىلىقپەن ۇشتاستىرىپ، كوپ ءتۇرلى شارانى قاتار قولدانىپ، كاسىپورىنداردىڭ ءوندىرىس، تيجارات بارىسىنداعى ءىس جۇزىندىك قيىنشىلىقتارىن شەشۋىنە كومەكتەسىپ، كاسىپ سالاسى تىزبەگىنىڭ، قامداۋ تىزبەگىنىڭ جوعارى ءونىمدى اينالىمىن جەبەۋ كەرەك. ءۇشىنشى، ”جازعى جيىن - تەرىن، جازعى تۇقىم سەبۋ، جازعى باپتاۋداعى“ ءتۇرلى قىزمەتتەردى ويداعىداي يگەرىپ، اۋىل شارۋاشىلىق وندىرىسىنە كەپىلدىك ەتۋ كەرەك. قازىر ءالى دە اۋىل شارۋاشىلىعىنداعى ”جازعى جيىن - تەرىن، جازعى تۇقىم سەبۋ، جازعى باپتاۋ“ قاربالاس مەزگىلىندە تۇرمىز، جەر - جەردىڭ ەگىس ۋاقىتىن اقساتپاۋ تالابى بويىنشا، بوگەتتى تۇيىندەردى اشىپ، اۋىل شارۋاشىلىق ءوندىرىس ماتەريالدارىمەن قامداۋدى قامتاماسىز ەتىپ، ولارعا قاتىناۋ كۋالىگىن الدىمەن تاراتىپ، ولاردى الدىمەن تەكسەرىپ، وتكىزۋگە جەتەكشىلىك ەتۋ؛ جەر - جەردى ”تۇيىننەن - تۇيىنگە دەيىن“ اۆتوكولىك جالداپ تاسىمالداۋ سياقتى تاسىلدەر ارقىلى شارۋالاردىڭ اۋىلىنا قايتىپ ەگىس جۇمىستارىمەن شۇعىلدانۋىنا قامتاماسىزدىق ۇسىنۋعا ۇيىمداستىرىپ، اۋىل شارۋاشىلىعىنىڭ قالىپتى ءوندىرىس ءتارتىبىن ساقتاۋ كەرەك. ءتورتىنشى، ءاردايىم تومەنگى شەكتى تۇسىرمەي مىقتى يگەرىپ، نەگىزگى حالىق تۇرمىسىن قامتاماسىز ەتۋ كەرەك. ەمدەۋ جانە ساقتانۋ - تىزگىندەۋ زاتتىق ماتەريالدارى مەن تۇرمىستىق قاجەتتى بۇيىمدار، ”استىق“، ”كوجە قاتىق“ سياقتى ءتۇيىندى حالىق تۇرمىسى زاتتىق ماتەريالدارىمەن جەتكىلىكتى قامداۋدى بار كۇشپەن قامتاماسىز ەتۋ؛ ەرەكشە قيىنشىلىعى بار قاۋىمعا كوڭىل ءبولۋدى، قامقورلىق جاساۋدى جانە كومەكتەسۋ - سۇيەمەلدەۋ، قۇتقارۋ جاردەمىن بەرۋدى كۇشەيتىپ، نەگىزگى تۇرمىستارى مەن قاجەتتى سۇرانىستارىن باتىل قامتاماسىز ەتىپ، ولارعا پارتيا مەن ۇكىمەتتىڭ قامقورلىعىن، مەيىرىن سەزىندىرۋ كەرەك. بەسىنشى، عىلمي، دالمە - ءدال، جوعارى ءونىمدى شارا قولدانىپ، قيىنشىلىقتى شەشۋدى قامتاماسىز ەتۋ كەرەك. كاسىپورىندارعا كومەكتەسىپ، ولاردىڭ قيىنشىلىقتارىن شەشۋىنە دەم بەرۋ جانە زات اينالىمى بويىنشا ارناۋلى قولداۋ كورسەتۋ ساياساتىن جاپپاي تياناقتاندىرىپ، ورتا، شاعىن كاسىپورىنداردىڭ قيىنشىلىقتارىن امالدىڭ بارىنشا شەشىپ، كاسىپ سالاسى ارقىلى سۇيەمەلدەۋ، فينانستىق امانات - قارىز سياقتى جاقتارداعى قولداۋدى كۇشەيتۋ؛ ساياسات - شارالاردى كەمەلدەندىرىپ، بوگەلىپ قالعان ساياحاتشىلار مەن سىرتقا شىعىپ ەمدەلەتىندەر، جۇمىس ىستەيتىندەر، وقيتىندار، قىزمەت ىستەيتىندەر سياقتى ادامداردىڭ شينجياڭنان ءساتتى شىعا الۋىن دالمە - ءدال قامتاماسىز ەتۋ؛ تاماشا شارت - جاعداي ازىرلەپ، ىندەتتەن ساقتانۋ، زات اينالىمى، قامداۋدى قامتاماسىز ەتۋ سياقتى الدىڭعى شەپتەگى ادامداردىڭ مۇڭ - مۇقتاجىن شەشىپ، ولاردىڭ ىندەتتەن ساقتانۋ - تىزگىندەۋ جانە قىزمەت وتەۋ، قامتاماسىز ەتۋ قىزمەتىنە بار ىنتا - پەيىلىمەن ات سالىسۋىنا مۇمكىندىك جاساۋ كەرەك.
ما شيڭرۇي مىنالاردى باسا دارىپتەدى: جەر - جەر، تاراۋلار ماسەلەنى باعدار ەتۋدەن جازباي، كەزەكتەگى زات اينالىمىنىڭ ىركىلىسسىزدىگىن قامتاماسىز ەتۋدە ورىن تەۋىپ وتىرعان ماسەلەلەرگە ايرىقشا ءمان بەرىپ، بارىنشا ساق بولۋ، ايرىقشا جاۋاپكەرشىلىك تانىتۋ كەرەك. اۆتونوميالى رايون مەن بيڭتۋانداعى ءار دارەجەلى ورىندار، ءارقايسى قاتىستى تاراۋلار ماسەلەلەردى جاپپاي ءبىر - بىرلەپ تەكسەرىپ، دەر كەزىندە بايقاپ، ۇيلەسىمدى شەشۋ، اسىرەسە، بەلگىلەمەگە قايشىلىق جاساپ، ىندەتتەن ساقتانۋ بويىنشا تەكسەرۋ تۇيىندەرىن قۇرۋ، قاتىناستى ۇزاق ۋاقىت تىزگىندەۋ سەبەبىنەن كەپتەلىسكە، بوگەلىسكە اپارىپ سوعۋ، شارۋالاردىڭ اتىز باسىنا بارۋىن جانە اۋىل شارۋاشىلىق ونىمدەرىن تاسىمالداۋىن شەكتەۋ، حاۋىپ - قاتەرى تومەن وڭىرلەردەگى جۇك اۆتوموبيلدەرىنىڭ شوفەرلارىن اۋاشالاپ تاستاپ قويۋ، قۇرىلىس ورىندارىنان جۇمىس توقتاتۋدى زورلىقپەن تالاپ ەتۋ سياقتى ماسەلەلەردى، ءسوز جوق، تاباندا رەتتەۋ - تۇزەتۋ، تۇبەگەيلى رەتتەۋ - تۇزەتۋ كەرەك. اشكەرەلەۋ، شاعىم ايتۋ مەحانيزمىن كەمەلدەندىرىپ، قاتىناس - تاسىمالعا قىزمەت وتەۋ، باقىلاۋ جانە ۇكىمەت ىستەرى بويىنشا حالىققا قولايلى قىزمەت وتەۋ ىستىق لەنياسىنان ويداعىداي پايدالانىپ، حالىق سايتىنىڭ لەبىز تاقتاسى، انار بۇلت 12345 كەڭەس سۇراۋ سياقتى نەگىزگى اعىمدىق مەديالاردىڭ ينتەرنەت تۇعىرلارىنىڭ دانەكەرلىك رولىن ساۋلەلەندىرىپ، بۇقارانىڭ شاعىمىن دەر كەزىندە جيناقتاپ، ماسەلەلەردى سايكەستىرىپ شەشۋ كەرەك.
جاڭ جۋ، چىن ۋيجۇن، ۋاڭ ميڭشان، قادەن كابەن، جاروللا يسامدين، چىن ميڭگو، ليۋ سۋشى، شۋە بين، ليۋ حۇيجۇن، لي جىنگو، ليۋ شينجيان، جياۋ شياۋپيڭ، جاڭ ۋىنشىڭ، لي شۇي قاتارلىلار قاتىناستى. اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى قىزمەت گرۋپپالارىنىڭ باستىقتارى، ءارقايسى ايماق، وبلىس، قالالارداعى، اۋدان، قالا، رايوندارداعى جانە بيڭتۋاننىڭ ءارقايسى شى، قالالارىنداعى، تۋان - الاڭدارىنداعى نەگىزگى جاۋاپتى جولداستار جانە قاتىستى سالاعا جاۋاپتى جولداستار، ىندەتتەن ساقتانۋ جانە زات اينالىمىن قامتاماسىز ەتۋگە قاتىستى جاۋاپتى جولداستار، ت.ب ماجىلىسكە قاتىناستى.
