«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
بۇكىل پارتيا جاڭا دامۋ ۇستانىمىن، ءسوز جوق، تولىق، دالمە - ءدال، جاپپاي دايەكتىلەندىرۋ كەرەك
شينحۋا اگەنتتىگىنىڭ 8 - ايدىڭ 15 - كۇنى بەيجيڭنەن بەرگەن حابارى. 8 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 16 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ « بۇكىل پارتيا جاڭا دامۋ ۇستانىمىن، ءسوز جوق، تولىق، دالمە - ءدال، جاپپاي دايەكتىلەندىرۋ كەرەك» دەگەن ماڭىزدى ماقالاسىن جاريالايدى.
ماقالادا مىنالار باسا دارىپتەلدى: جاڭا دامۋ ۇستانىمى جۇيەگە تۇسكەن نازاريالىق جۇيە، ول دامۋ جونىندەگى ماقسات، قوزعاۋشى كۇش، ءتاسىل، جول سياقتى ءبىرسىپىرا نازاريالىق جانە امالياتتىق ماسەلەلەرگە جاۋاپ بەرىپ، پارتيامىزدىڭ دامۋ جونىندەگى ساياسي تۇرعىسى، قۇن بەتالىسى، دامۋ ۇلگىسى، دامۋ جولى سياقتى كەلەلى ساياسي ماسەلەلەردى ايقىن ءتۇسىندىردى، بۇكىل پارتيا جاڭا دامۋ ۇستانىمىن، ءسوز جوق، تولىق، دالمە - ءدال، جاپپاي دايەكتىلەندىرۋ كەرەك. ماقالادا مىنالار اتاپ كورسەتىلدى: جاڭا دامۋ ۇستانىمىن تىڭعىلىقتى دايەكتىلەندىرۋ كەرەك. جاڭا دامۋ ۇستانىمى ءبىر تۇتاس تۇلعا، مەيلى ورتالىق دەڭگەيىندە، الدە تاراۋلار دەڭگەيىندە بولسىن، مەيلى ولكە دارەجەلى دەڭگەيدە، الدە ولكەدەن تومەن ءار دارەجەلى دەڭگەيدە بولسىن، دايەكتىلەندىرۋ، تياناقتاندىرۋ بارىسىندا تۇگەلدەي تولىق يگەرىپ، دالمە - ءدال ءتۇسىنىپ، جاپپاي تياناقتاندىرىپ، جاڭا دامۋ ۇستانىمىن ەكونوميكالىق، قوعامدىق دامۋدىڭ تۇتاس بارىسىندا جانە ءار سالاسىندا دايەكتىلەندىرۋ كەرەك. باستى قايشىلىق پەن قايشىلىقتىڭ باستى جاعىن مىقتى ۇستاپ، جاڭا دامۋ ارناسىن قالىپتاستىرۋعا، جوعارى ساپالى دامۋدى جۇزەگە اسىرۋعا ىقپال جاسايتىن كورنەكتى ماسەلەلەردى شىن مانىندە شەشۋ، حالىق بۇقاراسىنىڭ وندىرىسىنە، تۇرمىسىنا ىقپال جاسايتىن كورنەكتى ماسەلەلەردى شىن مانىندە شەشۋ كەرەك. جاڭالىق اشا دامۋعا، سايكەستى دامۋعا، جاسىل دامۋعا، اشىق دامۋعا، بىرگە يگىلىكتەنەتىن دامۋعا، قىزمەت بارىسىندا تۇگەلدەي نازار اۋدارىپ، سايكەسە كۇش سالۋىنا، بىرىككەن كۇش قالىپتاستىرۋىنا مۇمكىندىك جاساۋ كەرەك، بىرىنە نەمقۇرايدى قاراپ، ەندى بىرىنە باسا ءمان بەرۋگە، ءىشىنارالىقتى جالپىعا بالاۋعا بولمايدى.
ماقالادا مىنالار اتاپ كورسەتىلدى: حالىقتى وزەك ەتكەن دامۋ يدەياسىن تياناقتاندىرۋ كەرەك. جاڭا دامۋ كەزەڭىنە قادام باسىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋدە بىرگە بايۋ ماسەلەسىنە، ءسوز جوق، اناعۇرلىم ءمان بەرۋ كەرەك. بىرگە بايۋدىڭ ءوزى سوتسياليستىك وسىزامانداندىرۋدىڭ ءبىر ماڭىزدى نىساناسى. باستان - اياق حالىقتىڭ تاماشا تۇرمىسقا دەگەن جاڭا تالپىنىسىن قاناعاتتاندىرۋدى دامۋدىڭ شىعار ءتۇيىنى جانە تابان تىرەر تياناعى ەتىپ، وسىزامانداندىرۋدى جۇزەگە اسىرۋ بارىسىندا بۇل ماسەلەنى ۇزدىكسىز، بىرتىندەپ ويداعىداي شەشۋ كەرەك. جالپى حالىقتىڭ بىرگە بايۋىن ىلگەرىلەتۋ ۇزاق ۋاقىتتىق مىندەت ءارى رەال مىندەت، اسىعۋعا دا، كۇتىپ وتىرۋعا دا بولمايدى، ءسوز جوق، اناعۇرلىم ماڭىزدى ورىنعا قويىپ، ىجداعاتتى بولىپ، تاباندىلىقپەن ەڭبەك كورسەتىپ، وسى نىساناعا قاراي اناعۇرلىم بەلسەندىلىكپەن ءىس تىندىرا قۇلشىنىس جاساۋ كەرەك.
ماقالادا مىنالار اتاپ كورسەتىلدى: رەفورما جاساۋدى، ەسىك اشۋدى ۇزدىكسىز تەرەڭدەتۋ كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋدە جاڭا دامۋ ۇستانىمى ارقىلى رەفورمانى جاپپاي تەرەڭدەتۋگە جەتەكشىلىك ەتۋمەن، باستاۋمەن بىرگە، رەفورمانى تەرەڭدەتۋ ارقىلى جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋگە ءتۇزىلىس - مەحانيزم قامتاماسىزدىعىن ازىرلەۋ كەرەك. قازىرگى رەفورما نەگىزىندە جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى تياناق ەتىپ، ماسەلەنى باعدار ەتۋگە تاباندى بولىپ، جاڭالىق اشۋ قابىلەتىن كۇشەيتۋ، تەپە - تەڭ دامۋدى ىلگەرىلەتۋ، ەكولوگيالىق ورتانى جاقسارتۋ، ەسىك اشۋ دەڭگەيىن جوعارىلاتۋ، بىرگە يگىلىكتەنەتىن دامۋدى جەبەۋ سياقتى ءتۇيىندى سالالار مەن شەشۋشى بۋىنداردى ارقاۋ ەتە وتىرىپ، رەفورمانى ۇزدىكسىز تەرەڭدەتىپ، رەفورما جوبالارىن اناعۇرلىم دالمە - ءدال شىعارىپ، ءتۇزىم جۇيەسىن اناعۇرلىم جالپى بەتتىك كەمەلدەندىرۋ كەرەك.
ماقالادا مىنالار اتاپ كورسەتىلدى: جۇيە كوزقاراسىنا تاباندى بولۋ كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋدە ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاۋ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋى مەن ”ءتورتتى جاپپاي ورىنداۋ“ ستراتەگيالىق ورنالاستىرۋىن ءبىر تۇتاس جوسپارلاۋ، كورەگەندىكپەن ويلاۋدى، جالپى جاعدايلىق جوسپارلاۋدى، ستراتەگيالىق ورنالاستىرۋدى، جالپى تۇلعالىق ىلگەرىلەتۋدى كۇشەيتۋ كەرەك. جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ كەرەك.
ماقالادا مىنالار اتاپ كورسەتىلدى: ساياسي جاقتان ماسەلەنى كورە بىلۋگە شەبەر بولۋ كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋ ەكونوميكالىق، قوعامدىق دامۋ قىزمەتىنىڭ تالابى ءارى ايرىقشا ماڭىزدى ساياسي تالاپ. رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ، قاي - قايسىسى دا ساياسي، قاي - قايسىسى دا ساياسيدان ايرىلا المايدى. پارتيا حالىققا باسشىلىق ەتىپ ەل باسقارۋدا، ەڭ ماڭىزدىسى، ءار الۋان، كۇردەلى ساياسي قارىم - قاتىناستاردى ويداعىداي ءبىر جاقتى ەتىپ، باستان - اياق پارتيا مەن مەملەكەت ىستەرى دامۋىنىڭ دۇرىس ساياسي بەتالىسىن ساقتاۋ كەرەك. اۋقىم نەعۇرلىم كۇردەلى، مىندەت نەعۇرلىم ماشاقاتتى بولعان سايىن، پارتيانىڭ جاپپاي باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا سولعۇرلىم تاباندى بولۋ، پارتيا ورتالىق كوميتەتىنىڭ جاڭا دامۋ ۇستانىمىن دايەكتىلەندىرۋ جونىندەگى تالاپتارىن قىزمەتتەردە سولعۇرلىم تياناقتاندىرۋ كەرەك. ءار دارەجەلى باسشى كادرلار، اسىرەسە، جوعارى دارەجەلى كادرلار ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”مەملەكەتتىڭ زور ءىسىن“ جادىندا ساقتاپ، پارتيا ورتالىق كوميتەتىنىڭ رۋحىن دايەكتىلەندىرۋدى ەلەۋلى ستراتەگيالاردى جوسپارلاۋ، ەلەۋلى ساياساتتاردى بەلگىلەۋ، ەلەۋلى مىندەتتەردى ورنالاستىرۋ، ەلەۋلى قىزمەتتەردى ىلگەرىلەتۋ امالياتىندا ايگىلەپ، ۇنەمى ۇلگىگە، ولشەمگە تۋرالانىپ، اۋىتقۋشىلىقتاردى دەر كەزىندە تۇزەتىپ وتىرۋ كەرەك.
