تيانشان تورى
تيانشان تورى   ›   جاڭالىقتار   ›   سۋرەتتى حابار

ىندەتتەن ساقتانۋ شارالارىن قاباعات تەزدىكپەن جەدەلدەتە، ناقتى، ەگجەي - تەگجەيلى تياناقتاندىرۋ ارقىلى نولگە ءتۇسىرۋ نىساناسىن جۇزەگە اسىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى جاپپاي، جوعارى ونىمدىلىكپەن ءبىر تۇتاس جوسپارلاۋ كەرەك

ما شيڭرۇي ءىشىنارا ايماق، وبلىس، قالالاردا تەكسەرۋ - زەرتتەۋ جۇرگىزگەندە، جەتەكشىلىك ەتكەندە بىلاي دەپ باسا دارىپتەدى

ىندەتتەن ساقتانۋ شارالارىن قاباعات تەزدىكپەن جەدەلدەتە، ناقتى، ەگجەي - تەگجەيلى تياناقتاندىرۋ ارقىلى نولگە ءتۇسىرۋ نىساناسىن جۇزەگە اسىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى جاپپاي، جوعارى ونىمدىلىكپەن ءبىر تۇتاس جوسپارلاۋ كەرەك

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، ەرىكتى تىلشىلەر جاۋ جىندۇڭ، دۋ حۋ، جاڭ يوۋشىڭ 8 - ايدىڭ 16 - كۇنى باركولدەن حابارلايدى. باس شۋجي شي جينپيڭنىڭ ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋ ءۇشىن، 8 - ايدىڭ 13 - كۇنىنەن 16 - كۇنىنە دەيىن، اۆتونوميالى رايوندىق پارتكومنىڭ شۋجيى ما شيڭرۇي ىلە، تارباعاتاي، بۇراتالا، سانجى، تۇرپان، قۇمىل سياقتى جەرلەرگە بارىپ، ىندەتتەن ساقتانۋ - تىزگىندەۋ قولباسشىلىق جۇيەسىنىڭ جۇمىس جۇرگىزۋى، اۋاشالاپ باقىلاۋ جانە مەديتسينالىق قۇتقارۋ - ەمدەۋ جۇرگىزەتىن ورىنداردىڭ اينالىسى، قاتىناس توراپتارىندا اينالىمعا، ىركىلىسسىزدىككە كەپىلدىك ەتۋ، تىزبەكتى ورنىقتىرىپ، قامداۋعا كەپىلدىك ەتەتىن كاسىپورىنداردىڭ ءوندىرىسى، جازعى جيىن - تەرىن، جازعى تۇقىم سەبۋ، جازعى باپتاۋ قىزمەتى مەن تۇرعىنداردىڭ تۇرمىسىن قامتاماسىزداندىرۋ سياقتى احۋالدارعا سول جەرلەردە تەكسەرۋ - زەرتتەۋ جۇرگىزدى، جەر - جەردەگى قاتىستى جاۋاپتى جولداستارمەن، سونداي - اق ىندەتتەن ساقتانۋ سالاسىنداعى ماماندار قاتارلىلارمەن ءماجىلىس اشىپ اقىلداسىپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ ءتۇيىندى قىزمەتتەرىن ىشكەرىلەي ءبىر تۇتاس جوسپارلادى.

  شيحۋ قالاسى، قۇتىبي اۋدانى جانە تۇرپان قالاسىنىڭ ءىدىقۇت رايونى، قۇمىل قالاسىنىڭ ىندەتتەن ساقتانۋ - تىزگىندەۋ قولباسشىلىق شتابى سياقتى جەرلەردە ما شيڭرۇي ىندەتتەن ساقتانۋ - تىزگىندەۋ جاعدايىن ەگجەي - تەگجەيلى ۇعىسىپ، ىندەتتەن ساقتانۋ - تىزگىندەۋ شارالارى جونىندە ىشكەرىلەي پىكىرلەسىپ، تالقى جۇرگىزىپ، بىلاي دەپ باسا دارىپتەدى: قازىرگى ۋاقىتتاعى ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن تەرەڭ تانىپ، ۇزدىكسىز تۇردە ىندەتتەن ساقتانۋ - تىزگىندەۋدى قازىرگى ۋاقىتتاعى ەڭ ماڭىزدى مىندەت ەتىپ، قاتاڭدىقتى ماڭداي الدى ورىنعا قويۋعا، قاباعات تەزدىكپەن جەدەلدەتە ىستەۋگە تاباندى بولىپ، ماسەلەنى باعدار ەتۋگە تاباندى بولىپ، ۇزدىكسىز ساڭلاۋدى تاۋىپ، ساڭلاۋدى بىتەپ، زەيىن - زەردەنى شوعىرلاندىرىپ، اقىل - پاراساتتى شوعىرلاندىرىپ، ءار ءتۇرلى جاڭا احۋالداردى، جاڭا ماسەلەلەردى زاڭ بويىنشا، عىلمي، دالمە - ءدال، جوعارى ونىمدىلىكپەن ءبىر جاقتى ەتىپ، ىندەتتەن ساقتانۋ - تىزگىندەۋ شارالارىن قاتاڭ، ناقتى تۇردە، ويداعىداي يگەرىپ، قوعامدىق جاقتا نولگە ءتۇسىرۋ نىساناسىن ەرتەرەك جۇزەگە اسىرۋعا شىنايى كەپىلدىك ەتۋ كەرەك. حاۋىپ - قاتەرى بار ادامدار شوعىرىنىڭ تۇگەلدەي باسقارۋ - تىزگىندەۋ كولەمى ىشىندە بولۋىنا شىنايى كەپىلدىك ەتىپ، جىلدام ”توسىپ، تازالاپ، جويىپ“، ”ءۇش اۋماقتى“ عىلمي، دالمە - ءدال، ۇيلەسىمدى ءبولىپ، جالپى تۇلعالىق قاجەتتى شىعار ءتۇيىن ەتىپ، ساقتانۋ - تىزگىندەۋ شارالارىن قاتاڭ اتقارىپ، بەكىتكەنمەن تىزگىندەمەيتىن، باسقارعانمەن قاتاڭ بولمايتىن جايتتەردى تيۋ كەرەك. حىسۋاندى سارالاپ تەكسەرۋ جانە ەپيدەميولوگيالىق تەكسەرۋ قىزمەتىن مۇقيات ۇيىمداستىرىپ، نازاردى ءتۇيىندى، قيىن وڭىرلەرگە شوعىرلاندىرىپ، بارلىق ادامنىڭ حىسۋانىن تەكسەرۋدى جۇيەلى، جوعارى ءونىمدى ورىستەتىپ، تەكسەرۋگە تيىستىلەرىن تۇگەل تەكسەرۋگە، بىردە - ءبىر وتباسىن قالدىرماۋعا، بىردە - ءبىر ادامدى دا قالدىرماۋعا شىنايى كەپىلدىك ەتۋ؛ ەپيدەميولوگيالىق تەكسەرۋ بويىنشا ءبىر - بىرلەي تەكسەرۋ قارقىنىن جەدەلدەتىپ، ”بولىمدى بولعانداردى قاداعالاۋ“ ارناۋلى ءبانىنىڭ كۇشىن تولىقتىرىپ، قوعام حاۋىپسىزدىگىنىڭ، الەۋمەتتىك دەنساۋلىق ساقتاۋدىڭ، ونەركاسىپ جانە ينفورماتسيالاندىرۋدىڭ (قىزمەتى) سايكەسۋىن كۇشەيتىپ، بارلىق حاۋىپ - قاتەرلى تۇيىندەردى، ورىنداردى جانە ادامداردى ءبىر - بىرلەي تەكسەرىپ، دەر كەزىندە تىڭعىلىقتى تۇردە باسقارۋ - تىزگىندەۋ كەرەك. مەديتسينالىق قۇتقارۋ - ەمدەۋ سەرپىنىن ونان ارى ارتتىرىپ، 9 - نۇسقاداعى دياگنوز قويۋ - ەمدەۋ جوباسىن تياناقتاندىرىپ، بولىمدى بولعان ناۋقاستار مەن اۋرۋ بەلگىسى جوق جۇعىمدالۋشىلارعا تۇرگە ءبولىپ شارا قولدانىپ، ءدال ەمدەپ، ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، اۋرۋحانادا جۇعىمدالۋ مەن ەمدەۋ قىزمەتكەرلەرىنىڭ اراسىندا ايقاسپالى جۇعىمدالۋدان قاتاڭ ساقتانۋ كەرەك. ءتۇيىندى ورىنداردا دالمە - ءدال ساقتانۋ - تىزگىندەۋدى كۇشەيتىپ، ءتۇيىندى سالالارداعى، ءتۇيىندى ورىندارداعى، ءتۇيىندى بۋىندارداعى ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، ءارقايسى ورىن، تاراۋ، كاسىپورىن سياقتىلاردىڭ نەگىزگى تۇلعالىق جاۋاپكەرشىلىگىن ناقتىلاندىرىپ، ساقتانۋ تورىن شىن مانىندە ءجيى توقىپ، ەڭ زور قۇلشىنىسپەن ىندەتتى ەڭ كىشى كولەمدە تىزگىندەۋ كەرەك.

  ما شيڭرۇي كۇيتۇن، ساۋان، اراتۇرىك، باركول سياقتى اۋدان، قالالارعا كەلىپ، حىرۇنجينلان بيوعىلىم - تەحنيكاسى، حىشانجۇيلي حيميا ونەركاسىبى، جياڭنا جاڭا ماتەريالدارى، گۋاڭحۇي قورشاعان ورتانى قورعاۋ عىلىم - تەحنيكاسى سياقتى كاسىپورىندار مەن جۇڭگو ەنەرگيا قۇرىلىسى قۇمىل جارىق، جىلۋ ارقىلى ەلەكتر تاراتۋ نىسانى سياقتىلاردى ىشكەرىلەي ارالاپ، تۇيىق اينالىمدا باسقارۋ، وندىرىستىك جۇمىس جۇرگىزۋ، ءتۇيىندى نىساندار قۇرىلىسى، ەنەرگيا بايلىعىن اشۋ، پايدالانۋ سياقتى احۋالداردى ۇعىسىپ، ۇستىندە جۇمىس جۇرگىزۋ ارقىلى، كاسىپورىنداردىڭ وندىرىسىنە ىقپال جاساپ وتىرعان بوگەتتى تۇيىندەردى، قيىن تۇيىندەردى شەشىپ، بىلاي دەپ باسا دارىپتەدى: پارتيا ورتالىق كوميتەتى تۇراقتاندىرعان ىندەتتەن ساقتانۋ - تىزگىندەۋ باعىت - ساياساتتارىن ىشكەرىلەي، تولىق، جان - جاقتىلى تانىپ، جۇيە كوزقاراسىنا تاباندى بولىپ، ءبىر تۇتاس جوسپارلاپ، تەڭ ءمان بەرۋگە دەن قويىپ، ىندەتتەن ساقتانۋ - تىزگىندەۋدى شىن مانىندە ويداعىداي يگەرۋمەن بىرگە، ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ويداعىداي ىستەپ، ساقتانۋ - تىزگىندەۋ ساياساتىن ۋاقىتقا، جاعدايعا قاراي رەتتەپ، ەكونوميكانىڭ، قوعامنىڭ اقاۋسىز دامۋىن پارمەندى، ءتارتىپتى ىلگەرىلەتۋ كەرەك. تىزبەكتى ورنىقتىرىپ، قامداۋعا كەپىلدىك ەتۋدى ىلگەرىلەتىپ، زات اينالىمنىڭ ىركىلىسسىزدىگىنە كەپىلدىك ەتۋ، تىزبەكتى ورنىقتىرىپ قامداۋ، اۋىل شارۋاشىلىعى ءوندىرىسى، نەگىزگى حالىق تۇرمىسى، قيىندىقتان قۇتقارىپ، قيىنشىلىقتى شەشۋ قىزمەتتەرىن بار كۇشپەن ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ ىركىلىسسىزدىگىنە، ەكونوميكالىق، قوعامدىق دامۋدىڭ ورنىقتى دا ءتارتىپتى بولۋىنا شىنايى كەپىلدىك ەتۋ كەرەك. نىسان قۇرىلىسىن ويداعىداي يگەرىپ، كومىر، كومىر ەلەكتر، كومىر حيميا ونەركاسىبى، مۇناي - تابيعي گاز، ەلەكتر قۋاتى، جاڭا ەنەرگيا، جاڭا ماتەريال سياقتى ءتۇيىندى كاسىپورىنداردىڭ، ءتۇيىندى سالالاردىڭ ءوندىرىسى مەن نىسان قۇرىلىسىن كىدىرىسسىز ىلگەرىلەتىپ، ەكونوميكالىق، قوعامدىق دامۋعا بولعان تىرەكتىلىك رولىن اناعۇرلىم ويداعىداي ساۋلەلەندىرۋ؛ ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، حاۋىپ - قاتەرلەردى، كومەسكى اپاتتاردى جاپپاي ءبىر - بىرلەپ تەكسەرىپ، وڭاپ، اپاتتان ساقتانۋ، اپات زيانىن ازايتۋ، اپاتتان قۇتقارۋ دايىندىعىن كۇشەيتىپ، ءتۇرلى شىرعالاڭداردىڭ تۋىلۋىنان ءونىمدى ساقتانۋ جانە تەجەۋ كەرەك. كۇش سالا قيىندىقتان قۇتقارىپ، قيىنشىلىقتى شەشىپ، ەكونوميكانى ورنىقتىرۋ جونىندەگى ءبىر قىدىرۋ ساياسات - شارالاردان تولىق، ويداعىداي پايدالانىپ، كاسىپورىندارعا تيىمدىلىك جاساۋ، قيىندىقتان قۇتقارۋ ساياساتتارىن ناقتى، ەگجەي - تەگجەيلى تياناقتاندىرىپ، قىزمەت وتەۋدى، ۇشتاستىرۋدى، قامتاماسىزداندىرۋدى كۇشەيتىپ، قيىن ماسەلەلەردى كۇش سالا شەشىپ، ەكونوميكانىڭ ۇيلەسىمدى ارالىقتا اينالىس جاساۋىن قۇلشىنا ساقتاۋ كەرەك. حالىقتى وزەك ەتۋگە تاباندى بولىپ، ءار ۇلت بۇقاراسىنىڭ ازىق - تۇلىكپەن قامداۋ، ەمدەلۋ، ءدارى پايدالانۋ سياقتى نەگىزگى تۇرمىستىق جانە كوكەي تەستى قاجەتىن سۇيىسپەنشىلىكپەن ويداعىداي قامتاماسىزداندىرىپ، حالىق تۇرمىسىنداعى ناقتى ىستەردى، جاقسى ىستەردى تىڭعىلىقتى تۇردە ويداعىداي ىستەپ، قيىنشىلىعى بار بۇقاراعا كوڭىل ءبولۋدى، قامقورلىق جاساۋدى كۇشەيتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋدىڭ، ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ويداعىداي ىستەۋدىڭ قۋاتتى بىرىككەن كۇشىن ۇيىستىرۋ كەرەك.

  ما شيڭرۇي بىلاي دەپ باسا دارىپتەدى: جەر - جەر، تاراۋلار باس شۋجي شي جينپيڭنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى ماڭىزدى بايىمداۋلارىن، شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، جاۋاپكەرشىلىك سەزىمدى، كوكەي تەستىلىك سەزىمدى ونان ارى كۇشەيتىپ، نازاردى وسى رەتكى ىندەتتى ءبىر جاقتى ەتۋدە اشىققا شىققان ماسەلەلەرگە، جەتەرسىزدىكتەرگە شوعىرلاندىرىپ، ولقىلىقتاردى جەدەلدەتە تولىقتاپ، جاۋاپكەرشىلىكتى قاتايتىپ، ناقتىلاندىرىپ، شايقاستان جالىعۋ كوڭىل كۇيىن، باق سىناۋ ويىن باتىل تيىپ، قارابايىرلىققا سالىنۋدان، الباتى ىستەۋدەن باتىل ساقتانىپ، جاۋاپكەرشىلىك ارقالاماۋعا، ىسكەرلىك كورسەتپەۋگە باتىل قارسى تۇرىپ، فورماشىلدىقتى، تورەشىلدىكتى باتىل جويىپ، تىنباي قۇلشىناتىن قايسارلىقپەن جانە شەگە قاعۋ رۋحىمەن شارالاردىڭ ناقتىلانۋىن، تياناقتانۋىن ىلگەرىلەتىپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە قول جەتكىزۋگە قۇلشىنىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن ەڭ جوعارى شەكتە ازايتۋ كەرەك.

  جەر - جەردە ىندەتتەن ساقتانۋ - تىزگىندەۋ قىزمەتىنە جەتەكشىلىك ەتىپ جۇرگەن اۆتونوميالى رايون باسشىلارىنان جاڭ چۇنلين، حى جۇڭيوۋ، جاڭ جۋ، ليۋ حۇيجۇن جانە اۆتونوميالى رايون قىزمەت گرۋپپاسىنىڭ مۇشەلەرى قاتارلىلار قاتىستى تەكسەرۋ - زەرتتەۋ جۇرگىزۋگە، جەتەكشىلىك ەتۋگە قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.