ەركىن تۇنياز قىزىلسۋ وبلىسىنا، قاشقارعا، حوتانعا بارىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن جوعارى ونىمدىلىكپەن ءبىر تۇتاس جوسپارلاۋعا تۇرلەر بويىنشا جەتەكشىلىك ەتتى
قوعامدىق جاقتا نولگە ءتۇسىرۋ نىساناسىنان كوز جازباي، ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ، ەرىكتى تىلشىلەر چىن جاۋلين، جاي رۋزىڭ، سۇن يوۋجۇن، شۇي شياۋلۇڭ 8 - ايدىڭ 16 - كۇنى قاراقاشتان حابارلايدى. 8 - ايدىڭ 15 - كۇنىنەن 16 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ىلگەرىندى - كەيىندى قىزىلسۋ قىرعىز اۆتونوميالى وبلىسىندا، قاشقار ايماعىندا، حوتان ايماعىندا بولىپ، اتۇش قالاسىنا، قاشقار قالاسىنا، حوتان قالاسىنا، حوتان اۋدانىنا، قاراقاش اۋدانىنا بارىپ، بەلگىلەنگەن قۇتقارۋ - ەمدەۋ شيپاحانالارى، حىسۋان تەكسەرۋ تاجىريبەحانالارى، شوعىرلى اۋاشالاۋ تۇيىندەرى، اتىز باستارى، كاسىپ سالاسى باقشا رايوندارى، تۇرعىندار شاعىن اۋماعى، ساۋدا سارايلارى، ەرەن بازارلار سياقتى ىندەتتەن ساقتانۋدىڭ الدىڭعى شەبىن ىشكەرىلەي ارالاپ، ىندەتتەن ساقتانۋ - تىزگىندەۋ شارالارىنىڭ تياناقتانۋ جاعدايىن تەكسەردى، الدىڭعى شەپتەگى ىندەتتەن ساقتانۋ جانە قامتاماسىز ەتۋ قىزمەتكەرلەرىنە امانداسىپ، ولاردان حال سۇرادى، سول جەرلەردە، ىندەتتەن ساقتانۋ - تىزگىندەۋ قولباسشىلىق جۇيەسىنىڭ جۇمىس اينالىمى، ەمدەۋ - قۇتقارۋ، قامداۋعا، ىركىلىسسىزدىككە كەپىلدىك ەتۋ، اۋىل شارۋاشىلىق ءوندىرىسى، كاسىپورىنداردىڭ جۇمىس اينالىمى، قوعامدىق جاقتاعى اينالىم سياقتى جاعدايلاردى ۇعىستى، ءارقايسى اۋدان، قالالاردىڭ ىندەتتەن ساقتانۋ - تىزگىندەۋ جاعدايىنا بەينە ەكراندا ورنالاستىرۋ جاسادى ءارى ماماندارمەن بىرگە حاۋىپ - قاتەرلەرگە، كومەسكى كىناراتتارعا تالداۋ جاساپ، توتەپ بەرۋ شارالارىن اقىلداستى، جەر - جەردىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن جوعارى ونىمدىلىكپەن ءبىر تۇتاس جوسپارلاۋىنا تۇرلەر بويىنشا جەتەكشىلىك ەتتى.
ەركىن تۇنياز مىنالاردى اتاپ كورسەتتى: باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى ماڭىزدى بايىمداۋلارىن، شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ورىنداپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ تالابىن تياناقتاندىرىپ، اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بارلىق ءادىس - امالدى قولدانىپ، بارلىق قيىنشىلىقتى جەڭىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جان - جاقتىلى، جوعارى ونىمدىلىكپەن ءبىر تۇتاس جوسپارلاپ، قوعامدىق جاقتا نولگە ءتۇسىرۋ نىساناسىنان مىقتاپ كوز جازباي، ىندەتتەن ساقتانۋ - تىزگىندەۋدەن قامال الۋ شايقاسىندا باتىلدىقپەن جەڭىسكە جەتۋ كەرەك.
ەركىن تۇنياز مىنالاردى باسا دارىپتەدى: ىندەتتەن زاڭ بويىنشا، عىلمي، دالمە - ءدال ساقتانۋعا تاباندى بولىپ، 9 - نۇسقاداعى ساقتانۋ - تىزگىندەۋ جوباسىن قاتاڭ تياناقتاندىرىپ، حىسۋان تەكسەرۋدى جانە ەپيدەميولوگيالىق تەكسەرۋدى، تەگىن انىقتاۋدى كۇشەيتىپ، شوعىرلى اۋاشالاۋ تۇيىندەرىن باسقارۋدى ۇزدىكسىز ساپالىلاندىرىپ، بەلگىلەنگەن قۇتقارۋ - ەمدەۋ شيپاحاناسى قۇرىلىسىن كۇشەيتىپ، ناقتى شايقاسقا جاناسىپ، شۇعىل جاعدايعا توتەپ بەرۋ جاتتىعۋىن ورىستەتىپ، جەدەل اڭىس قايتارۋ جانە شۇعىل ءبىر جاقتى ەتۋ قابىلەتىن جوعارىلاتۋ كەرەك. باستان - اياق مەيىرىمدىلىك تانىتىپ، شىن پەيىلمەن، سۇيىسپەنشىلىكپەن، بار كۇشپەن بۇقاراعا قىزمەت وتەپ، تۇرمىستىق زاتتىق ماتەريالدارمەن قامداۋعا كەپىلدىك ەتۋدى ويداعىداي ىستەپ، بازار باعاسىن ورنىقتىرىپ، بۇقارانىڭ قيىنشىلىعى مەن تالاپ - تىلەكتەرىن كۇش سالا شەشۋ كەرەك. زات اينالىمىنىڭ ىركىلىسسىزدىگىن باتىل ورىنداپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا شىنايى كەپىلدىك ەتۋ كەرەك. الدا ءجۇرىپ قىزمەت وتەپ، ىرىقتى تۇردە ۇشتاستىرىپ، كاسىپورىنداردىڭ ءوندىرىس، تيجارات بارىسىنداعى قيىنشىلىقتارىن امالدىڭ بارىنشا شەشۋگە كومەكتەسىپ، كاسىپورىنداردىڭ تىزبەكتى ۇزارتۋ، تىزبەكتى تولىقتىرۋ، تىزبەكتى كەڭەيتۋ، تىزبەكتى كۇشەيتۋ جاعىنا كۇش سالىپ، ءتىپتى دە كوپ ارتىق ەڭبەككۇشتەردى ورنىقتى جۇمىستاندىرۋعا باۋراۋعا شابىتتاندىرۋ، باستاۋ كەرەك.
ەركىن تۇنياز بىلاي دەپ باسا دارىپتەدى: قوعامدىق جاقتا نولگە ءتۇسىرۋ نىساناسىنان كوز جازباي، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسىنا جانە ”يكەمدى نولگە ءتۇسىرۋ“ باس باعىتىنا تاباندى بولىپ، ”بۇكىل شينجياڭ ءبىر تۇتاس جۇيە“، ”بيڭتۋان مەن جەرگىلىكتى ورىن ءبىر تۇتاس جۇيە“ دەگەنگە تاباندى بولىپ، ءار دارەجەلى پارتيا، ۇكىمەت ورىندارىنىڭ ءبىرىنشى باسشىلارىنىڭ جاۋاپكەرشىلىگىن ونان ارى ناقتىلاندىرىپ، قامتاماسىز ەتۋ، ءبىر تۇتاس جوسپارلاۋ قابىلەتىن، شۇعىل جاعدايعا توتەپ بەرۋ قابىلەتىن، باسقارۋ قابىلەتىن، اتقارۋ قابىلەتىن ۇزدىكسىز جوعارىلاتىپ، قارابايىرلىق ىستەۋ، ”ءبارىن ءبىر تاياقپەن ايداۋ“ جانە ”ساتى - ساتى بويىنشا اۋىرتپالىق قوسۋ“ سياقتى جايتتەردى باتىل تەجەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە بار كۇشپەن قول جەتكىزۋ كەرەك.
