تالاپ - تىلەكتەر شينجياڭنىڭ ءار دارەجەلى ىندەتتەن ساقتانۋ - تىزگىندەۋ قىزمەتى قولباسشىلىق شتاپتارىنا تىكە جەتكىزىلەدى
انار بۇلت \ شينجياڭ گازەتىنىڭ ءتىلشىسى ليۋ يميڭ 8 - ايدىڭ 16 - كۇنى ۇرىمجىدەن حابارلايدى. 8 - ايدىڭ 16 - كۇنى ”انار بۇلت 12345 كەڭەس سۇراۋ“ تۇعىرىندا ىندەت جونىندە كومەك سۇراۋ ارناۋلى اۋماعى اشىلدى، بۇكىل شينجياڭنىڭ جەر - جەرىندەگى سايتتاستاردىڭ ىندەت كەزىندە جولىققان ءتۇرلى ماسەلەلەردى وسىندا اڭىس ەتۋىنە بولادى. وسى ارناۋلى اۋماق سايتتاستاردىڭ تالاپ - تىلەكتەرىن شينجياڭنىڭ ءار دارەجەلى ىندەتتەن ساقتانۋ - تىزگىندەۋ قىزمەتى قولباسشىلىق شتاپتارىنا تىكە جەتكىزىپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن شەشۋىنە قولايلى ارنا ازىرلەيدى.
ىندەت جونىندە كومەك سۇراۋ ارناۋلى اۋماعى ”انار بۇلت 12345 كەڭەس سۇراۋ“ تۇعىرىنىڭ باسقى بەتىنىڭ جوعارعى جاعىنا ورنالاسقان. سايتتاستار ”ىندەت جونىندە كومەك سۇراۋ“ تۇيمەشەگىن باسسا بولعانى، كەلەسى بەتكە كىرگەننەن كەيىن قاتىستى جەكەلىك ينفورماتسيالارىن، سونداي - اق ناقتى ماسەلەنى بايانداپ تولتىرىپ تاپسىرۋىنا بولادى.
وسى رەت شينجياڭدا ىندەت تۋىلعاننان بەرى، ”انار بۇلت 12345 كەڭەس سۇراۋ“ لەبىز تاقتاسى سايتتاستاردىڭ نازارىنا مولىنان ءىلىنىپ، 8 - ايدىڭ 10 - كۇنىنەن بۇگىنگە دەيىن ءار ءتۇرلى لەبىزدەردەن جيىنى مىڭنان استامىن تاپسىرىپ الدى. بۇكىل شينجياڭنىڭ جەر - جەرىندەگى سايتتاستار تۇعىر ارقىلى ىندەت كەزىندەگى ءجۇرىس - تۇرىس، قامداۋدى قامتاماسىز ەتۋ، باعانى ورنىقتىرۋ، ەمدەلۋ سياقتى ماسەلەلەردى اڭىس ەتتى. انار بۇلت \ شينجياڭ گازەتىنىڭ تىلشىلەرى قاتىستى تاراۋلارمەن، مەكەمە - ورىندارمەن بەلسەندىلىكپەن ۇشتاسىپ، بۇقارا اڭىس ەتكەن ءبىر توپ قيىنشىلىقتار مەن ماسەلەلەردىڭ شەشىلۋىن جەبەدى.
8 - ايدىڭ 14 - كۇنى، ءۇرىمجى قالاسىنداعى جۇكتى بولعانىنا 4 جارىم اي بولعان تۇرعىن جاۋ حانىم ”انار بۇلت 12345 كەڭەس سۇراۋ“ تۇعىرىندا ەمدەۋ جونىندەگى كومەك سۇراۋ ينفورماتسياسىن جاريالاعان بولاتىن. انار بۇلت \ شينجياڭ گازەتى تىلشىلەرىنىڭ كوپ جاقتان قۇلشىنۋىمەن، جاۋ حانىم سول كۇنى تۇستەن كەيىن شيپاحاناعا بارىپ ءساتتى ەمدەلدى. جاۋ حانىم: ”انار بۇلت 12345 كەڭەس سۇراۋ“ تۇعىرى بۇقارا ءۇشىن ناقتى ءىس تىندىراتىن وتە جاقسى تۇعىر ەكەن. تۇعىرعا ايرىقشا العىس ايتامىن، تىلشىلەردىڭ كومەگىنە دە العىس ايتامىن، - دەدى.
”انار بۇلت 12345 كەڭەس سۇراۋ“ تۇعىرىندا ىندەت جونىندە كومەك سۇراۋ ارناۋلى اۋماعىن قۇرۋىمىزداعى سەبەپ − بۇقارانىڭ ارىزدانۋ ارناسىن ونان ارى ىركىلىسسىزدەندىرىپ، ماسەلەنى شەشۋ ونىمدىلىگىن جوعارىلاتىپ، بۇكىل شينجياڭداعى ءار ۇلت بۇقاراسىن اناعۇرلىم جاقسى قىزمەت وتەۋمەن قامداۋ ءۇشىن.
”انار بۇلت 12345 كەڭەس سۇراۋ“ تۇعىرى شينجياڭ گازەتى مەكەمەسىنىڭ (شينجياڭ گازەتشىلىك مەديا تاراتۋ <توبى> شەكتى سەرىكتەستىگى) ينتەرنەتتىڭ ”حالىقتان اقىل سۇراۋ، حالىقتىڭ قاجەتىن ءبىلۋ، حالىقتان ونىمدىلىك قابىلداۋ“ رولىن ىشكەرىلەي ساۋلەلەندىرىپ، جاڭا داۋىردەگى ينتەرنەتتەگى بۇقارالىق لۋشيانمەن ويداعىداي ءجۇرۋ ءۇشىن جاڭا تەحنيكادان، جاڭا مەحانيزمنەن، جاڭا ۇلگىدەن پايدالانىپ، اۆتونوميالى رايوندىق ۇكىمەت ىستەرىنەن قىزمەت وتەۋ جانە الەۋمەتتىك بايلىقتى ايىرباسقا سالۋ ورتالىعىمەن (اۆتونوميالى رايون ”12345“ ۇكىمەت ىستەرىنەن قىزمەت وتەۋ حالىققا قولايلى ىستىق لەنياسى) بىرلەسىپ جاساعان ينتەرنەتتەگى حالىققا قولايلى كەڭەس سۇراۋ تۇعىرى، بۇقارامەن بايلانىس ورناتاتىن، بۇقاراعا قىزمەت وتەيتىن ينتەرنەتتەگى تىلەكتەستىك كوپىرى.
”انار بۇلت 12345 كەڭەس سۇراۋ“ تۇعىرى 5 - ايدىڭ 9 - كۇنى اشىلعان، 100 كۇن ۋاقىتتا سايتتاستاردىڭ ون مىڭنان استام لەبىزىن تاپسىرىپ الدى، ％70تەن استام لەبىز ءونىمدى جاۋاپقا يە بولىپ جانە ءبىر جاقتى ەتىلىپ، بۇقارانىڭ ءبىر توپ ”شۇعىل، قيىن، ۋايىمداعان، ءزارۋ“ ماسەلەسى شەشىلدى.
ەكى ولشەمدى كودتى جايمالاپ، انار بۇلت كليەنتىن ءتۇسىرىپ نەمەسە تيانشان تورابىنا شىعىپ، لەبىز تاقتاسىنا كىرىڭىز
