تيانشان تورى
تيانشان تورى   ›   ۇيرەنۋ   ›   شولۋ

پارتيانىڭ باستان - اياق جۇڭگوشا سوتسياليزم ىستەرىنىڭ قۋاتتى باسشىلىق ۇيتقىسى بولۋىنا شىنايى كەپىلدىك ەتتى

− جاڭا داۋىردە پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ جونىندە شولۋ

□ شينحۋا اگەنتتىگىنىڭ تىلشىلەرى ديڭ شياۋشي، گاۋ لەي، فان سىشياڭ

  ”جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى − جۇڭگو كوممۋنيستىك پارتياسىنىڭ باسشىلىعى، جۇڭگو كوممۋنيستىك پارتياسى − ەڭ جوعارى ساياسي باسشىلىق كۇش“.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر قىدىرۋ كەلەلى ستراتەگيالىق شارالاردى قولدانىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، كەلەلى ساياسي جەتىستىكتەرگە، نازاريالىق جەتىستىكتەرگە، تۇزىمدىك جەتىستىكتەرگە، امالياتتىق جەتىستىكتەرگە قول جەتكىزدى.

  پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى پارمەندى كەپىلدىككە يە بولىپ، پارتيانىڭ باسشىلىق ءتۇزىمى جۇيەسى ۇزدىكسىز كەمەلدەنىپ، پارتيانىڭ باسشىلىق ەتۋ ءتاسىلى اناعۇرلىم عىلمي بولىپ، بۇكىل پارتيا يدەيالىق جاقتا اناعۇرلىم بىرلىككە كەلىپ، ساياسي جاقتا اناعۇرلىم ىنتىماقتاسىپ، ارەكەت جاقتا اناعۇرلىم بىركەلكى بولىپ، پارتيانىڭ ساياسي باسشىلىق قۋاتى، يدەيالىق جەتەكشىلىك قۋاتى، بۇقارانى ۇيىمداستىرۋ قۋاتى، قوعامدىق ۇندەۋ قۋاتى كورنەكتى كۇشەيدى.

تۋ ايقىندالىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى پارمەندى كەپىلدىككە يە بولدى

  2021 - جىلى 11 - ايدا پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ ءۇشىنشى تاريحي قارارىن قابىلداپ، كەلەلى ساياسي تۇجىرىم جاسادى:

  ” پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، ول جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋ جونىنەن شەشۋشى ماڭىزعا يە“.

  ”ەكىنى تۇراقتاندىرۋ“ پارتيانىڭ 18 - قۇرىلتايىنان بەرگى ەڭ ماڭىزدى ساياسي جەتىستىك، ءداۋىردىڭ ءۇنى، تاريحتىڭ تالعامى، حالىقتىڭ تىلەگى.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى ىستەردىڭ جاڭا جاعدايىن اشۋداعى ماڭىزدىنىڭ ماڭىزدىسى ەتىپ، پارتيانىڭ جاپپاي باسشىلىعىنا تاباندى بولۋدىڭ توتەنشە ماڭىزدىلىعىن جانە عىلمي ءمانىن تەرەڭدەي بايىمدادى −

  ”پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى، ول ەڭ جوعارى ساياسي باسشىلىق كۇش“.

  ”جۇڭگونىڭ ەڭ زور مەملەكەت جاعدايى − جۇڭگو كوممۋنيستىك پارتياسىنىڭ باسشىلىعى“، ”پارتيانىڭ باسشىلىعى پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنىڭ دايەگى، تاعدىرىنىڭ دايەگى“؛

  ”ءبىزدىڭ ەل باسقارۋىمىزدىڭ ءتۇبىرلى نەگىزى − جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمى“، ”پارتيانىڭ جاپپاي باسشىلىعىنا تاباندى بولۋ − جۇڭگوشا سوتسياليزمگە تاباندى بولۋدا جانە ونى دامىتۋدا، ءسوزسىز، باسىپ وتەتىن جول“؛

  ”جۇڭگو كوممۋنيستىك پارتياسى جۇڭگوشا سوتسياليزم ىستەرىنىڭ باسشىلىق ۇيتقىسى، سوندىقتان، ءسوز جوق، پارتيانىڭ باسشىلىعىن كۇشەيتىپ جانە جاقسارتىپ، پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋ كەرەك“؛

  ...

  ءبىر قىدىرۋ ماڭىزدى بايىمداۋلار پارتيانىڭ جاپپاي باسشىلىعىنا تاباندى بولۋدىڭ جانە ونى كۇشەيتۋدىڭ توتەنشە ماڭىزدىلىعىن جانە عىلمي ءمانىن تەرەڭ ءتۇسىندىرىپ، بۇكىل پارتيانىڭ، بۇكىل ەل حالقىنىڭ يدەياسىن بىرلىككە كەلتىرۋگە نازاريالىق جەتەكشىلىك ازىرلەدى.

  2017 - جىلى التىن كۇز، پارتيانىڭ 19 - قۇرىلتايىندا باس شۋجي شي جينپيڭ جاڭا داۋىردەگى پارتيا قۇرىلىسىنىڭ باس تالابىن ورتاعا قويىپ، پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى ىشكەرىلەي باسا دارىپتەدى.

  ءدال وسى پارتيا 19 - قۇرىلتايىندا ”جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى − جۇڭگو كوممۋنيستىك پارتياسىنىڭ باسشىلىعى“ ەكەندىگى پارتيا ۋستاۆىنا كىرگىزىلدى؛ كەلەسى جىلى 3 - ايدا وتكىزىلگەن 13 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە نەگىزگى زاڭعا وزگەرىس ەنگىزۋ جوباسى داۋىسقا سالىنىپ ماقۇلدانىپ، ”جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى ەكەنى“ نەگىزگى زاڭنىڭ 1 - تاراۋىنداعى «جالپى پروگراممانىڭ» 1 - تارماعىنا كىرگىزىلدى.

  شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ”10دى ايقىنداۋ “ وزەكتى مازمۇنىنان ەلىمىزدىڭ مەملەكەت ءتۇزىمى مەن مەملەكەتتى باسقارۋ جۇيەسىنىڭ 13 جاقتاعى كورنەكتى ارتىقشىلىعىنا دەيىن، ونان جۇڭگو كوممۋنيستىك پارتياسىنىڭ 100 جىلدىق كۇرەسىندە ”10عا تاباندى بولۋ“ تاريحي تاجىريبەسىنە دەيىن... ءبىر قىدىرۋ كەلەلى نازاريالىق قورىتىندىلاردا، ماڭىزدى تاجىريبەلىك ويلاردا پارتيانىڭ باسشىلىعى بارلىعىندا ماڭداي الدى ورىندا تۇردى.

  ءىس شار تاراپتا بولعانىمەن، تەتىگى ورتالىقتا بولادى. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى پارتيا باسشىلىعىنىڭ ەڭ جوعارى پرينسيبى.

  پارتيا ورتالىق كوميتەتى بۇكىل پارتيانىڭ ۇلكەن ميى جانە وزەگى، جالپى قۇرمەت تۇتاتىن، بۇلجىماس كەسىم جاسايتىن بەدەلگە يە؛ پارتيانىڭ جەرگىلىكتى ۇيىمدارى پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ءوز وڭىرىندە دايەكتىلەنۋىنە، تياناقتانۋىنا شىنايى كەپىلدىك ەتىپ، بۇيرىق تۇسكەن زامان جەدەل ارەكەتتەنىپ، تيىم بولعان زامان دەرەۋ توقتايدى؛ پارتيا باسشىلىق گرۋپپاسى پارتيا ورتالىق كوميتەتى مەن جوعارى دارەجەلى پارتيا ۇيىمىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، بەتالىستى يگەرۋ، كەلەلى جاعدايدى مەڭگەرۋ، تياناقتاندىرۋعا كەپىلدىك ەتۋ ماڭىزدى رولىن اتقارادى؛ پارتيانىڭ نەگىزگى ساتى ۇيىمدارى پارتيا ورتالىق كوميتەتى مەن جوعارى دارەجەلى پارتيا ۇيىمىنىڭ شەشىمدەرىن، ورنالاستىرۋلارىن نەگىزگى ساتىدا دايەكتىلەندىرۋگە، تياناقتاندىرۋعا جاۋاپتى.

     جوعارى مەن تومەن ساباقتاسقان، اتقارۋى پارمەندى ۇيىمدىق جۇيە پارتيا ورتالىق كوميتەتىنىڭ ”بۇكىل دەنەنىڭ كۇشىن بىلەككە، بۇكىل بىلەكتىڭ كۇشىن ساۋساققا شوعىرلاندىرۋىنا“ مۇمكىندىك جاساپ، تەڭدەسسىز پارمەندى باسشىلىق قۋاتىن، ۇيىمدىق قۋاتىن، اتقارۋ قۋاتىن قالىپتاستىردى.

  بۇكىل پارتيادا ۇيتقى بولعاندا عانا، پارتيا ورتالىق كوميتەتى بەدەلگە يە بولادى، پارتيا كۇش - قۋاتقا يە بولادى.

  ”ەكىنى قورعاۋدى“ باتىلدىقپەن ورىنداۋ پارتيامىزدىڭ ەڭ ماڭىزدى ساياسي ءتارتىبى جانە ساياسي قاعيداسى. بۇكىل پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ”بەرىك قۇرىش قورعان“ بولىپ ىنتىماقتاسىپ، بىركەلكى قاداممەن العا ىلگەرىلەدى.

  ەرەجە - ءتۇزىم ورناتىپ، پارتيانىڭ جاپپاي باسشىلىعىن مەملەكەتتى باسقارۋدىڭ ءارقايسى سالالارىندا، ءارقايسى جاقتارىندا، ءارقايسى بۋىندارىندا تياناقتاندىردى

  باس شۋجي شي جينپيڭ بىلاي دەپ اتاپ كورسەتتى: ”پارتيانىڭ بارلىق قىزمەتكە باسشىلىعىن كۇشەيتۋ تالابى مانەرسىز، ابستراكتتى بولماۋى، ءار جاقتا، ءار بۋىندا تياناقتانۋى جانە ايگىلەنۋى كەرەك“.

  پارتيا 18 - قۇرىلتايىنان بەرى پارتيا ورتالىق كوميتەتى ءبىرسىپىرا شارا قولدانىپ، پارتيانىڭ جاپپاي باسشىلىعىن مەملەكەتتى باسقارۋدىڭ ءارقايسى سالالارىندا، ءارقايسى جاقتارىندا، ءارقايسى بۋىندارىندا تياناقتاندىرىپ، پارتيانىڭ گۇلدەنۋدىڭ الىپ كەمەسىن دۇرىس بەتالىسپەن تولقىن جارا العا ىلگەرىلەۋگە باستاۋىنا شىنايى كەپىلدىك ەتتى.

  پارتيانىڭ باسشىلىق ءتۇزىم جۇيەسى ۇزدىكسىز كەمەلدەندىرىلدى −

  2015 - جىلى 1 - ايدىڭ 16 - كۇنى، جۇڭنانحاي حۋايرىنتاڭ، ءبىر ماڭىزدى ءماجىلىس تۇپ - تۋرا ءبىر كۇن اشىلدى.

  باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەتتەن جاساعان مالىمەتىن تىڭدادى.

  سونان باستاپ ءار جىلى جىل باسىندا وسىنداي مالىمەت بەرۋ ءبىر رەت وتكىزىلىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋداعى ماڭىزدى تۇزىمدىك ورنالاستىرۋعا اينالدى.

  ءتۇزىم ورنىقتى بولسا، مەملەكەت ورنىقتى بولادى، ءتۇزىم بەرىك بولسا، مەملەكەت كۇشتى بولادى.

  پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى پارتيانىڭ باسشىلىعى تۇزىمىنە تاباندى بولۋدى جانە ونى كەمەلدەندىرۋدى كورنەكتىلەندىرىپ، مەملەكەتتى باسقارۋدىڭ تەتىگى مەن ءتۇبىرلى نەگىزىن يگەردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى قورعاۋ جونىندەگى ءبىرقانشا بەلگىلەمەسى، جۇڭگو كوممۋنيستىك پارتياسىنىڭ ەلەۋلى ىستەردەن نۇسقاۋ سۇراۋ، مالىمدەۋ ەرەجەسى سياقتى پارتيا ىشىندەگى زاڭدىق ەرەجەلەردى شىعارىپ، پارتيانىڭ جاپپاي باسشىلىعىن اناعۇرلىم تۇزىمدەندىردى، جۇيەلىلەندىردى؛

  ورتالىقتىڭ رەفورمانى جاپپاي تەرەڭدەتۋ كوميتەتى، ورتالىق مەملەكەت حاۋىپسىزدىگى كوميتەتى، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى، ورتالىق قازىنا - ەكونوميكا كوميتەتى، ورتالىقتىڭ مەملەكەتتى جاپپاي زاڭمەن باسقارۋ كوميتەتى سياقتىلاردى قۇرىپ، پارتيا ورتالىق كوميتەتىنىڭ شەشىم جاساۋ، ءىس قاراۋ، سايكەستىرۋ قۇرىلىمىندىق فۋنكتسياسىن، رولىن كۇشەيتتى؛

  پارتيا مەن مەملەكەت قۇرىلىمدارى رەفورماسىن جاپپاي تەرەڭدەتىپ، پارتيا مەن مەملەكەت قۇرىلىمدارىنىڭ فۋنكتسياسىندا جۇيەلىك، تۇتاس تۇلعالىق قايتا قۇرىلىمداۋدى جۇزەگە اسىردى؛

  مەملەكەت مەنشىگىندەگى كاسىپورىندار پارتكومدارى (پارتيا باسشىلىق گرۋپپالارى) باسشىلىق رولدارىن ساۋلەلەندىردى، جوعارى مەكتەپتەر پارتكوم باسشىلىعىنداعى مەكتەپ باستىعى جاۋاپتى بولۋ ءتۇزىمىن جۇرگىزۋگە تاباندى بولدى، ۇكىمەتتىك ورتا، باستاۋىش مەكتەپتەر، شيپاحانالار، عىلمي زەرتتەۋ ورىندارى پارتيا ۇيىمى باسشىلىعىنداعى مەكتەپ (شيپاحانا، ورىن) باستىعى جاۋاپتى بولۋ ءتۇزىمىن بىرتىندەپ اتقاردى؛

  ...

  پارتيانىڭ جاپپاي باسشىلىعىنا تاباندى بولۋدىڭ بارلىق جاق تەگىس قامتىلعان ءتۇزىم جۇيەسى اناعۇرلىم تولىسىپ، اناعۇرلىم تۇلعالانىپ، جاڭا داۋىردەگى جۇڭگوشا سوتسياليزم ىستەرىن ىلگەرىلەتۋگە پارمەندى كەپىلدىك ازىرلەدى.

  پارتيانىڭ باسشىلىق ءتاسىلى اناعۇرلىم عىلمي بولدى −

  ءارى پارتيانىڭ جاپپاي باسشىلىعىنا تاباندى بولۋ، ءارى پارتيانىڭ باسشىلىعىن ۇزدىكسىز كەمەلدەندىرۋ كەرەك.

  پارتيا 19 - قۇرىلتايى پارتيانىڭ بيلىك جۇرگىزۋ قابىلەتىن جاپپاي كۇشەيتۋدى تالاپ ەتىپ، ۇيرەنۋ قابىلەتىن، ساياسي باسشىلىق قابىلەتىن، رەفورما جاساۋ، جاڭالىق اشۋ قابىلەتىن، عىلمي دامۋ قابىلەتىن، زاڭ بويىنشا بيلىك جۇرگىزۋ قابىلەتىن، بۇقارالىق قىزمەت قابىلەتىن، تياناقتاندىرۋدى مىقتى يگەرۋ قابىلەتىن، حاۋىپ - قاتەردى باعىندىرۋ قابىلەتىن كۇشەيتۋ توڭىرەگىندە ايقىن تالاپ قويدى.

  2022 - جىلى 4 - ايدا پارتيا 20 - قۇرىلتايىنا قاتىستى قىزمەتتەرگە ينتەرنەتتەن پىكىر قابىلداۋ باستالدى. قىسقا عانا ءبىر اي ۋاقىتتا قيمىل ينتەرنەت پايدالانۋشىلاردىڭ جيىنى 8 ميلليون 542 مىڭنان استام پىكىرىن قابىلدادى. وسىنىڭ الدىندا، 2020 - جىلى 8 - ايدا ”14 - بەسجىلدىق“ جوبا ۇسىنىسىن جاساۋ بارىسىندا پارتيامىز بەسجىلدىق جوبا جاساۋ تاريحىندا العاش رەت ”ينتەرنەتتە كەڭەس سۇراۋ“ ورىستەتتى.

  دەموكراتيالىق ورتالىقتاندىرۋ تۇزىمىنە تاباندى بولىپ، عىلمي بيلىك جۇرگىزۋگە، دەموكراتيالى بيلىك جۇرگىزۋگە، زاڭ بويىنشا بيلىك جۇرگىزۋگە تاباندى بولىپ، پارتيانىڭ بەتالىستى يگەرۋ، كەلەلى جاعدايدى كوزدەۋ، ساياسات بەلگىلەۋ، رەفورمانى جەبەۋ قابىلەتى مەن تاباندىلىعىن ۇزدىكسىز جوعارىلاتتى، پارتيانىڭ باسشىلىعى امالياتتىڭ، ءداۋىردىڭ، حالىقتىڭ تالابىنا اناعۇرلىم ۇيلەسە ءتۇستى.

قۇرىشتاي شىڭاپ، پارتيانىڭ جاپپاي باسشىلىعىنىڭ ناقتى تياناقتانۋىن پارمەندى ىلگەرىلەتتى

  بۇيرىق بەرىلىسىمەن بار قايراتپەن شايقاسقا شىقتى، 3 ميلليوننان استام ءبىرىنشى شۋجي مەن قىستاقتا تۇراتىن كادرلار كەدەيلىكتەن ارىلتۋدان قامال الۋدىڭ الدىڭعى شەبىندە ەرلىكپەن شايقاس جاسادى؛ قاسقايا قارسى اتتانىپ، العا قاراي اتويلاپ، پارتيا تۋىن ىندەتتەن ساقتانۋ - تىزگىندەۋدىڭ الدىڭعى شەبىندە بيىك جەلبىرەتتى...

  پارتيا 18 - قۇرىلتايىنان بەرى سان رەتكى زور شايقاس، زور سىناق حالىق بۇقاراسىنا جۇڭگو كوممۋنيستىك پارتياسىنىڭ شەكسىز قۇدىرەتتى باسشىلىق قۋاتىن، بوران - شاشىنداعى جۇڭگو حالقىنىڭ ەڭ سەنىمدى سۇيەنىشى ەكەندىگىن شىن مانىندە سەزىندىردى.

  باس شۋجي شي جينپيڭ بىلاي دەپ اتاپ كورسەتتى: ”جاپپاي سوتسياليستىك وسىزاماندانعان مەملەكەت قۇرىپ، جاڭا داۋىردەگى، جاڭا جورىقتاعى نىسانا - مىندەتتەردى جۇزەگە اسىرۋدىڭ تەتىگى پارتيادا“.

  جاڭا جورىقتا، ءسوز جوق، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ باستان - اياق جۇڭگوشا سوتسياليزم ۇلى ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋ كەرەك.

  ”زور قورعاۋدى بىرگە يگەرۋ، قاۋىرت اشۋمەن اينالىسپاۋ“ ۇستانىمىن دايەكتىلەندىرىپ، چاڭجياڭ جاعالاۋىنداعى وڭىرلەر سەلبەسە بىرگە باسقارىپ، انا وزەننىڭ تىڭ تىرشىلىك تىنىسىن قاۋلاتتى؛ ”بىرگە بايۋدى تىڭعىلىقتى ىلگەرىلەتۋ“ ورنالاستىرۋىن تياناقتاندىرىپ، جىجياڭ دالاسىندا ورنىقتى قاداممەن جەدەلدەتە ىستەپ، جاڭا مەحانيزمگە ىزدەنىس جاسادى؛ ”قارا توپىراقتى جەردى بىرگە ويداعىداي قورعاۋ، ويداعىداي پايدالانۋ“ تالابى بويىنشا، حيلۇڭجياڭ قارا توپىراقتى جەرى ءۇشىن زاڭ شىعارىپ، ءىرى استىق قامباسىنىڭ ”جان تامىرىن“ ويداعىداي قورعادى... جەر - جەر، تاراۋلار ءىس جۇزىندىك ارەكەتتەرى ارقىلى پارتيانىڭ ءىرى ساياسات، باعىتتارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىردى.

  بەينە باس شۋجي شي جينپيڭ ايتقانداي: ”تەك ءار دارەجەلى پارتيا ۇيىمدارى قاتار تۇزەۋدى ۇنەمى دارىپتەگەندە عانا، قاي - قاشان دا سەرگەكتىكتى ساقتاپ، دەر كەزىندە اعاتتىقتى تۇزەتىپ، بۇكىل پارتيانىڭ باستان - اياق رەتتى دە اسقاق ەكپىندەي ىلگەرىلەۋ كۇيىن ساقتاۋىنا مۇمكىندىك جاساۋعا بولادى“.

  ”مەملەكەتتىڭ زور ىستەرىن“ كوكەيدە ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، سانالىلىقپەن يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاساق، بۇكىل پارتيا جوعارىدان تومەنگە دەيىن جۇدىرىقتاي جۇمىلىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساي الادى.

  2022 - جىلى 7 - ايدىڭ 13 - كۇنى باس شۋجي شي جينپيڭ شينجياڭ ءۇرىمجى قالاسى تيانشان رايونىنىڭ گۋيۋانشياڭ الەۋمەتتىك اۋماعىندا قىزمەت تەكسەرگەندە بىلاي دەدى: ”الەۋمەتتىك اۋماق نەگىزگى ساتى پارتيا ۇيىمدارىن ويداعىداي قۇرىپ، جاۋىنگەر قورعاندىق رولىن شىنداپ ساۋلەلەندىرىپ، الەۋمەتتىك اۋماقتىڭ ءارقايسى جاقتارداعى قىزمەت وتەۋ جۇمىستارىن جاقسى ىستەپ، ءار ۇلت بۇقاراسىنىڭ تۇرمىسىن بارعان سايىن باقىتتى ەتۋ كەرەك“.

  اعاش وسىرگىسى كەلگەن ادام الدىمەن، ءسوز جوق، تامىرىن بەكەمدەۋى كەرەك. پارتيانىڭ نەگىزگى ساتى ۇيىمى پارتيانىڭ بارلىق قىزمەتى مەن جاۋىنگەرلىك قۋاتىنىڭ نەگىزى.

  كەڭ - بايتاق اۋىل - قىستاقتا قىستاق ”ەكى كوميتەتى“ كادرلارى جاۋاپكەرشىلىك ارقالاپ، جاۋاپكەرشىلىكتەرىن ادا ەتىپ، اۋىل - قىستاقتى گۇلدەندىرۋدىڭ ”سەركەسى“ بولدى؛ ءار ءتۇرلى كاسىپورىنداردا نەگىزگى ساتى پارتيا ۇيىمدارى پارتيا قۇرىلىسى قىزمەتىن ىلگەرىلەتۋدى ءوندىرىستىڭ، تيجاراتتىڭ ءارقايسى بۋىندارىنا ءسىڭىرىپ، كاسىپورىنداردىڭ دامۋىنا ”قىزىل قوزعاۋشى قۋات“ ۇستەدى... پارتيانىڭ ۇيىمدىق جۇيەسىنىڭ ”جۇيكە ۇشى“ اناعۇرلىم جاندانىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى اناعۇرلىم تولىق ساۋلەلەندىرىلدى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيانىڭ جاپپاي باسشىلىعىنا تيتتەي دە بۇلجىماستان تاباندى بولىپ جانە ونى كۇشەيتىپ، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بۇكىل پارتيا، بۇكىل ارميا، بۇكىل ەلدەگى ءار ۇلت حالقى جۇدىرىقتاي جۇمىلىپ العا ىلگەرىلەگەندە، ءسوزسىز، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن جازا الادى.

(شينحۋا اگەنتتىگىنىڭ 8 - ايدىڭ 16 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.