− پارتيا 18 - قۇرىلتايىنان بەرگى شيزاڭعا باعىتتامالى كومەكتەسۋ قىزمەتىنىڭ تابىستارى جونىندە جالپى شولۋ
□ شينحۋا اگەنتتىگىنىڭ تىلشىلەرى
شيزاڭعا باعىتتامالى كومەكتەسۋ قىزمەتى پارتيا ورتالىق كوميتەتىنىڭ پارتيا مەن مەملەكەت قىزمەتىنىڭ جالپى جاعدايىن نەگىزگە الا وتىرىپ جاساعان ماڭىزدى ستراتەگيالىق شەشىمى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعى مەن پارمەندى باسشىلىعىندا، جاڭا داۋىردەگى پارتيانىڭ شيزاڭدى باسقارۋ جالپى جوباسىنىڭ جەتەكشىلىگىندە، مەملەكەت شيزاڭعا كومەكتەسۋ تەبىنىن ارتتىردى، ورتالىقتاعى مينيسترلىكتەر مەن كوميتەتتەر جانە بۇكىل ەلدەگى قاتىستى ولكەلەر شيزاڭعا باعىتتامالى كومەكتەسۋدە ارتىقشىلىقتى ساۋلەلەندىرىپ، ”ۇيىرمە قۇراۋ ۇلگىسىندە“ شيزاڭعا كومەكتەسۋدى جاسامپازدىقپەن ورىستەتىپ، شيزاڭنىڭ ەكونوميكالىق، قوعامدىق دامۋىن بارىنشا جەبەدى. شيزاڭعا كومەكتەسۋشى قالىڭ كادر - دارىندىلار شيزاڭداعى ءار ۇلت پەرزەنتتەرىمەن بىرگە قارلى ءۇستىرتتىڭ باياندى تىنىشتىعى مەن جوعارى ساپالى دامۋىنىڭ جاڭا تاراۋىن قۇلشىنا جازۋدا.
ىقىلاستى تاپسىرما ەكپىندەي ىلگەرىلەۋگە شابىتتاندىردى
شيزاڭنىڭ قامىن بۇكىل جۇڭگو ويلادى.
پارتيا ورتالىق كوميتەتى شيزاڭ قىزمەتىنە باستان - اياق وسكەلەڭ ءمان بەردى، 1994 - جىلى ورتالىقتىڭ 3 - رەتكى شيزاڭ قىزمەتى جونىندەگى اڭگىمە ءماجىلىسى شيزاڭعا باعىتتامالى كومەكتەسۋدىڭ شىمىلدىعىن اشتى. قازىر، شيزاڭنىڭ ايماق دارەجەلى قالالارىنىڭ كوشەلەرىن ارالاساڭىز، باسقا تۋىسقان ولكەلەردىڭ اتىمەن اتالعان جولداردى ۇنەمى كەزدەستىرەسىز: لاسا قالاسىندا ”بەيجيڭ جولى“ بار، شاننان قالاسىندا ”حۋنان جولى“ بار، رىكازى قالاسىندا ”شاندۇڭ جولى“ بار... وسى جول اتتارى شيزاڭ حالقىنىڭ تۋىسقان ولكەلەرگە دەگەن مول سۇيىسپەنشىلىگىنىڭ كۋاسى.
جاڭا داۋىرگە وتكەندە، شي جينپيڭ جولداستى ۇيتقى ەتكەن پارتيا ورتالىق كوميتەتى شيزاڭنىڭ دامۋى مەن شيزاڭعا كومەكتەسۋ قىزمەتىنە كوپ قاجىر - قايراتىن ارنادى.
2013 - جىلى 3 - ايدا، باس شۋجي شي جينپيڭ 12 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناسىپ جاتقان شيزاڭ ۋاكىلدەرى ۇيىرمەسىنىڭ باياندامانى قاراۋىنا قاتىناسقاندا: ”شيزاڭنىڭ قارىشتاپ دامۋىن جانە باياندى تىنىشتىعىن جەدەل ىلگەرىلەتۋ كەرەك“ دەپ باسا دارىپتەدى.
2015 - جىلى 8 - ايدا، 2020 - جىلى 8 - ايدا، باس شۋجي شي جينپيڭ ورتالىقتىڭ شيزاڭ قىزمەتى جونىندەگى اڭگىمە ماجىلىسىنە 2 رەت قاتىناستى ءارى ماڭىزدى ءسوز سويلەدى. ورتالىقتىڭ 6 - رەتكى شيزاڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ: شيزاڭعا باعىتتامالى كومەكتەسۋ قىزمەتىن جاقسى ىستەپ، شيزاڭعا كومەكتەسۋشى كادر - دارىندىلاردىڭ قۇرىلىمىن جاقسارتۋ كەرەك، - دەپ اتاپ كورسەتتى. ورتالىقتىڭ 7 - رەتكى شيزاڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ جاڭا داۋىردەگى پارتيانىڭ شيزاڭدى باسقارۋ جالپى جوباسىن جۇيەلى ءتۇسىندىردى ءارى شيزاڭعا كومەكتەسۋ قىزمەتى جونىندە ايقىن تالاپتاردى ورتاعا قويدى: ”ورتالىقتىڭ شيزاڭعا قولداۋ كورسەتۋى، بۇكىل ەلدىڭ شيزاڭعا كومەكتەسۋى پارتيا ورتالىق كوميتەتىنىڭ دايەكتى ساياساتى، وعان، ءسوز جوق، ۇزاق ۋاقىت تاباندى بولىپ، تاجىريبەلەردى مۇقيات قورىتىندىلاپ، شيزاڭعا كومەكتەسۋ قىزمەتىنىڭ جاڭا جاعدايىن اشۋ كەرەك“.
2021 - جىلى 7 - ايدا، شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتاۋ ساتىندە، باس شۋجي شي جينپيڭ شيزاڭعا بارىپ، شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتاپ، شيزاڭداعى ءار ۇلت كادر - بۇقاراسىنا امانداسىپ، ولاردان حال سۇراپ، ءار ۇلت كادر - بۇقاراسىنا پارتيا ورتالىق كوميتەتىنىڭ قامقورلىعىن جەتكىزدى. شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەتتىڭ ءتوراعاسى، ورتالىق اسكەري ىستەر كوميتەتىنىڭ ءتوراعاسى رەتىندە، شيزاڭعا بارىپ شيزاڭنىڭ بەيبىت ازات بولعاندىعىن قۇتتىقتاۋى پارتيا مەن مەملەكەت تاريحىندا تۇڭعىش رەت بولدى، بۇل پارتيا ورتالىق كوميتەتىنىڭ شيزاڭ قىزمەتىنە دەگەن قولداۋىن، شيزاڭداعى ءار ۇلت كادر - بۇقاراسىنا دەگەن قامقورلىعىن تولىق بەينەلەدى.
مەملەكەت شيزاڭعا كومەكتەسۋدىڭ زور توپتاعى ءتۇيىندى قۇرىلىس نىساندارىن تۇراقتاندىرىپ، شيزاڭداعى ءار ۇلت حالقىن يگىلىككە كەنەلتەتىن ءبىر قىدىرۋ ەرەكشە ءتيىمدى ساياساتتاردى جاسادى. شيزاڭداعى ءار ۇلت كادر - بۇقاراسى ورنىقتىلىق، دامۋ، ەكولوگيا، شەكارانى كۇشەيتۋ سىندى 4 ءىرى ءىستى ويداعىداي يگەرىپ، ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزىپ، ىستەردە جان - جاقتى ىلگەرىلەۋشىلىككە، تاريحي تابىستارعا قول جەتكىزدى.
بىلتىر 7 - ايدا، شيزاڭدا قىزمەت تەكسەرگەن كەزدە، باس شۋجي شي جينپيڭ شيزاڭعا كومەكتەسۋشى كادرلاردىڭ ۋاكىلدەرىمەن ىقىلاسپەن كەزدەستى. باس شۋجي شي جينپيڭ بىلاي دەدى: ”شيزاڭعا كومەكتەسۋ رۋحى جۇڭگو كوممۋنيستىك پارتياسىنىڭ قاستەرلى رۋحى، جۇڭگوشا سوتسياليزمنىڭ كورنەكتى ارتىقشىلىعى. وتتەگى كەمشىل بولعانىمەن، رۋح كەمشىل بولمايدى، بۇل رۋح توڭكەرىستىك مۇراتتى بارىنەن جوعارى قويۋ بولىپ تابىلادى. سىزدەردىڭ ۇستىرتتەگى رۋحتارىڭىز ۇستىرتتەن دە بيىك. بۇل ءىستى، ءسوز جوق، بىرىنەن - بىرىنە، ۇرپاقتان - ۇرپاققا جالعاستىرا ىستەۋ كەرەك“.
توڭىرەكتىڭ ءتورت بۇرىشىنان كەلگەن توپ - توپ شيزاڭعا كومەكتەسۋشى كادر - دارىندىلار قارلى ۇستىرتتە ۇزدىكسىز كۇرەس جۇرگىزىپ، كورىكتى دە باقىتتى شيزاڭدى قۇرىپ، اسەرلى كۇرەس جىرلارىن جازدى.
10 جىلدان بەرى، شيزاڭعا كومەكتەسۋشى كادرلار قوعامنىڭ جاراسىمدىلىعىن، ورنىقتىلىعىن قورعاۋ جاعىندا ەرلىكپەن جاۋاپكەرشىلىك ارقالاپ، ءۇستىرت ەكونوميكاسىنىڭ جوعارى ساپالى دامۋىن ىلگەرىلەتۋ جاعىندا بەلسەندىلىكپەن ىسكەرلىك كورسەتىپ، حالىق تۇرمىسىن جاقسارتۋ، جۇرت تىلەگىن ۇيىستىرۋ جاعىندا قاجىرلىلىقپەن ناقتى ىستەر ىستەپ، ارالاسۋ، ىشتەسۋ، توعىسۋدى جەبەۋ جاعىندا ىنتا - ىقىلاس، سۇيىسپەنشىلىكتەرىن ارناپ، شيزاڭنىڭ مۇلدەم كەدەيلىككە تاريحي قوش ايتىپ، بۇكىل ەل حالقىمەن بىرگە جاپپاي دوڭگەلەك داۋلەتتىلىككە قادام تاستاپ، ەكىنشى 100 جىلدىق كۇرەس نىساناسىنا ارشىندى قادام تاستاۋىنا دەم بەردى.
جاڭا داۋىردەگى شيزاڭدا، بۇكىل رايوننىڭ قوعامدىق كەلەلى جاعدايى جاراسىمدى، ورنىقتى بولىپ، ەكونوميكا ۇزدىكسىز تەز دامىپ، حالىقتىڭ تۇرمىس ورەسى جالپى بەتتىك جوعارىلاپ، ەكولوگيالىق حاۋىپسىزدىك قالتقىسى شىنايى بەرىك ورناتىلىپ، ۇلتتار ىنتىماعى كۇن سايىن نىعايىپ، ءدىن سوتسياليستىك قوعامعا بارعان سايىن ۇيلەسىپ، شەكارا ءوڭىر بەكەمدەلىپ، شەكارا حاۋىپسىز بولىپ، جاندى دا جالىندى گۇلدەنگەن كورىنىس جارىققا شىقتى.
قول ۇستاسىپ، ءبىر نيەتپەن ىنتىماقتاسا ەكپىندەي ىلگەرىلەدى
يۇيماي ءبىر كەزدە ءبىر وتباسىنداعى 3 جان شاڭىراعىن كوتەرگەن ”3 ادامدىق اۋىل“ بولاتىن، ساڭجيەچۇيبا قاريا مەن قىزدارى جوگا، ياڭزۇڭدار وسى ارادا تاباندىلىقپەن تىرشىلىك كەشىرىپ، نەشە ونداعان جىلدى ءبىر كۇنگىدەي وتكىزىپ، مال باعىپ، شەكارا كۇزەتتى.قازىر، شيزاڭ لۇڭزى اۋدانى يۇيماي اۋىلى 67 وتباسى 240 ادامى بار كورىكتى مەكەنگە اينالدى.
”ءبىزدىڭ بۇل اراداعى كوپتەگەن نەگىزدىك قۇرىلعىلاردى حۋنان كومەكتەسىپ سالعان“. يۇيماي اۋىلىنىڭ ورىنباسار باستىعى باساڭسىرىن تانىستىرىپ بىلاي دەدى: 3 جىلدان بەرى، حۋنان 12 ميلليون يۋان قارجى سالىپ، يۇيماي اۋىلى تاريح سارايى، مادەنيەت الاڭى، ءورت ءسوندىرۋ، ورتتەن ساقتانۋ ماشيناسى ءۇيى، يۇيماي اۋىلدىق باستاۋىش مەكتەپتىڭ كىتاپحاناسى سياقتى قۇرىلعىلاردى جاڭادان سالدى، سونداي - اق ساڭجيەچۇيبا قاريانىڭ كونە تۇراعىن جوندەپ، 3 كيلومەتردەي جولدى قايتادان جوندەدى.
2019 - جىلى 7 - ايدان بەرگى 3 جىلدا، 9 - توپتاعى شيزاڭعا كومەكتەسۋشى كادر - دارىندىلار تاماشا قىزمەت ناتيجە كەستەسىن تاپسىردى:
جيىنى 20 ميلليارد 631 ميلليون يۋان شيزاڭعا كومەكتەسۋ قارجىسىن تياناقتاندىرىپ، 2712 شيزاڭعا كومەكتەسۋ نىسانىن اتقارىپ، بۇكىل ەلدىڭ جەر - جەرىنەن 1141 كاسىپورىن ەنگىزىپ، اۋىل - قىستاقتى گۇلدەندىرۋدىڭ جيىنى 627 نىسانىن اتقاردى...
9 - توپتاعى تاڭداپ جىبەرىلگەندەردىڭ جاعدايىمەن سالىستىرعاندا، 10 - توپتاعى شيزاڭعا كومەكتەسۋشى كادر - دارىندىلاردىڭ قۇرىلىمى، يقۋاتى ۇزدىكسىز جاقسارىپ، شيزاڭعا كەلىپ قىزمەتتى جالعاستىرىپ ىستەدى. مۇنىڭ ىشىندە، ”ۇيىرمە قۇراۋ ۇلگىسىندە“ 292 ەمدەۋ دارىندىسى دالمە - ءدال تاڭداپ جىبەرىلدى، ”ۇيىرمە قۇراۋ ۇلگىسىندە“ 400 وقۋ - اعارتۋ دارىندىسى تاڭداپ جىبەرىلدى.
”ۇيىرمە قۇراۋ ۇلگىسىندە“ شيزاڭعا كومەكتەسۋ − پارتيا 18 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شيزاڭنىڭ ەمدەۋ، وقۋ - اعارتۋ سياقتى جاقتارداعى كاسىپتىك، تەحنيكالىق دارىندىلاردى قاجەت ەتىپ وتىرعان ءىس جۇزىندىگىنە ساي، جاسامپازدىقپەن اتقارعان شيزاڭعا كومەكتەسۋ شاراسى.
2015 - جىلى، ەمدەۋ دارىندىلارىنىڭ ”ۇيىرمە قۇراۋ ۇلگىسىندە“ شيزاڭعا كومەكتەسۋى باستالدى. شيزاڭعا باعىتتامالى كومەكتەسەتىن ولكە، قالالارداعى كوپتەگەن شيپاحانالار، سونداي - اق مەملەكەتتىك دەنساۋلىق ساقتاۋ، سالاماتتىق كوميتەتىنە توتە قاراستى شيپاحانالار تىرەكتى شيپاگەرلەردى شيزاڭعا كومەكتەسۋ قىزمەتىنە تاڭداپ جىبەرىپ، بۇرىنعى ەمدەۋ ارقىلى شيزاڭعا كومەكتەسۋدىڭ مەرزىمى قىسقا، بىتىراندى بولۋ جاعدايىن وزگەرتتى.
بيىل جىل باسىندا، شيزاڭ شاننان قالالىق ايەلدەر مەن بالالار دەنساۋلىعىن قورعاۋ شيپاحاناسى جۇكتىلىك مەزگىلى نە بارى 29 اپتا بولعاندا تولعاعى كەلگەن ايەل چۇي جىندى ەمدەۋگە قابىلدادى. ول كەزدە چۇي جىننىڭ جاعدايى توتەنشە قاتەرلى ەدى. تۋىت بولىمىندەگى شيزاڭعا كومەكتەسۋشى ماماندار مەن جەرگىلىكتى ەمدەۋ قىزمەتكەرلەرىنىڭ تىزە قوسا قۇلشىنۋىمەن، چۇي جىن اقىرىندا امان - ەسەن بوسانىپ، ۇل تاپتى. 47 تاۋلىك كاسىبي دياگنوزداۋ، ەمدەۋ مەن زەيىن قويا كۇتىمدەۋدىڭ ارقاسىندا، نارەستە بىرتىندەپ قاتەرلى كەزەڭنەن ءوتتى. ”شيزاڭعا كومەكتەسۋشى شيپاگەرلەردىڭ ارقاسىندا، قازىر بالامنىڭ دەنساۋلىعى كوپ جاقسارىپ قالدى“، - دەدى چۇي جىن اسەرلەنە.
شالا تۋىلعان بۇل نارەستەنى قۇتقارۋ - ەمدەۋدەي وسى مىسال شاننان قالالىق ايەلدەر مەن بالالار دەنساۋلىعىن قورعاۋ شيپاحاناسىنىڭ تومەن سالماقتا تۋىلعان نارەستەنى ءساتتى ەمدەۋ - قۇتقارۋ رەكوردىن جاڭالادى.
ەمدەۋ دارىندىلارىنىڭ ”ۇيىرمە قۇراۋ ۇلگىسىندە“ شيزاڭعا كومەكتەسۋى مەن شيزاڭداعى ەمدەۋ قىزمەتكەرلەرىنىڭ ۇزدىكسىز قۇلشىنۋىندا، شيزاڭنىڭ ەمدەۋ بويىنشا قىزمەت وتەۋ قابىلەتى زور دارەجەدە جوعارىلادى: 2021 - جىلدىڭ اياعىنا دەيىن، شيزاڭدا 400 نەشە ءتۇرلى ”سالماقتى اۋرۋعا“ اۆتونوميالى رايوننىڭ وزىندە دياگنوز قويۋ، ەمدەۋ، 2400 نەشە ءتۇرلى ”ورتاشا اۋرۋدى“ ايماق، قالانىڭ وزىندە ەمدەۋ جۇزەگە اسىرىلىپ، بۇكىل اۆتونوميالى رايونداعى حالىقتىڭ ورتاشا مەجەلى عۇمىرى 2015 - جىلعى 2. 68 جاستان 19. 72 جاسقا كوتەرىلدى.
عاسىرلىق ۇلى ءىس وقۋ - اعارتۋدى نەگىز ەتەدى. 2016 - جىلى، وقۋ - اعارتۋ دارىندىلارىنىڭ ”ۇيىرمە قۇراۋ ۇلگىسىندە“ شيزاڭعا كومەكتەسۋى باستالدى.
تيانجين قالاسىنىڭ ”ۇيىرمە قۇراۋ ۇلگىسىندە“ شيزاڭعا كومەكتەسۋشى وقىتۋشىلارى چاڭدۋ قالالىق تاجىريبە باستاۋىش مەكتەپكە كومەكتەسىپ، ۇشۋ اپپاراتىنىڭ پروگرامماسىن جازۋ، روبوت جۇرگىزۋ سياقتى عىلىم - تەحنيكادا جاڭالىق اشۋ ساباقتارىن اشتى؛ شانشي ولكەسى قاتارلى جەرلەردىڭ ”ۇيىرمە قۇراۋ ۇلگىسىندە“ شيزاڭعا كومەكتەسۋشى وقىتۋشىلارى كومەك بەرىلەتىن مەكتەپتەر مەن كومەك بەرەتىن مەكتەپتەردىڭ بۇلت كليەنتى ساباقحاناسى سياقتى قيمىلداردى ورىستەتۋىن جەبەدى... وقۋ - اعارتۋ دارىندىلارىنىڭ ”ۇيىرمە قۇراۋ ۇلگىسىندە“ شيزاڭعا كومەكتەسۋى ورىستەتىلگەننەن بەرى، شيزاڭداعى ورتا، باستاۋىش مەكتەپتەردىڭ وقىتۋ ۇستانىمىندا، ساباقحانا وقىتۋىندا، باسقارۋ تاسىلىندە تەرەڭ وزگەرىستەر تۋىلىپ، وقۋشىلاردىڭ جالپىلىق ساپاسى كورنەكتى جوعارىلادى.
ەمدەۋ، وقۋ - اعارتۋ عانا ەمەس، پارتيا 18 - قۇرىلتايىنان بەرى، شيزاڭنىڭ جوعارى ساپالى دامۋدا تىڭ جەتىستىكتەرگە قول جەتكىزۋىنە ىلەسە، ۇلتتار ىنتىماعى قىزمەتى دە تىڭعىلىقتى ورىستەدى − 9 - توپتاعى شاندۇڭ ولكەسىنىڭ شيزاڭعا كومەكتەسۋشى كادرلارى ”شوۋگۋاڭعا تۋرالانۋ. ءۇستىرتتىڭ جەمىس - جيدەك، كوكونىس كاسىپ سالاسىنىڭ دارەجەسىن جوعارىلاتۋ ارەكەتىن“ اتقارىپ، اۋىل شارۋاشىلىعى عىلىم - تەحنيكاسىندا جاڭالىق اشۋدان ۇلگى كورسەتۋ بازاسىن جاڭادان سالدى؛
فۋجيان ولكەسىنىڭ شيزاڭعا كومەكتەسۋشى قىزمەت اترەتى فۋجياننىڭ سىر سۋرەتى مەن چاڭدۋدىڭ تاڭكاسىن توعىستىرۋدى ىلگەرىلەتىپ، تاڭكا - سىر سۋرەت مادەنيەتى كاسىپ سالاسىن دامىتۋعا ىزدەنىس جاسادى؛
گۋاڭدۇڭ ولكەسى شىنجىن قالاسى قارجى قوسىپ قونىس جاڭالاپ كوشىرۋ نىسانىن سالىپ، ”سۋ، ەلەكتر، جول، حابارلاسۋ، ينتەرنەت، عىلىم، وقۋ - اعارتۋ، مادەنيەت، دەنساۋلىق ساقتاۋ، قورشاعان ورتانى قورعاۋ“ سياقتى نەگىزدىك قۇرىلعىلاردى تەڭ سايكەستىردى؛
...
تولاسسىز كورسەتىلگەن قولداۋ كورىكتى دە باقىتتى شيزاڭ قۇرۋدىڭ، ۇلى گۇلدەنۋ ارمانىن بىرگە جۇزەگە اسىرۋدىڭ بىرىككەن كۇشىن ۇيىستىرۋدا.
ۇلتتار ىنتىماعى ءار ۇلت حالقىنىڭ جان تامىرى.
شيزاڭعا باعىتتامالى كومەكتەسۋ شيزاڭنىڭ دامۋىنا قۋاتتى ومىرشەڭدىك كۇش ۇستەپ قانا قويماي، اسىرەسە، ۇلتتار ىنتىماعىنىڭ قۋاتتى ءۇنىن شىعانداتتى.
3 جىلدىڭ الدىندا، شيزاڭ ناچۇي قالاسى اندو اۋدانى پانا قالاشىعىنان كەلگەن لوساڭ ەمتيحاننان ءوتىپ، لياۋنيڭ ولكەسى پانجين قالالىق دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ بويىنشا شۇعىل جاعدايعا توتەپ بەرۋ بولىمىنە قىزمەتكە ورنالاستى. ”بۇل ارادا مەن كوپتەگەن ەمدەۋ، دەنساۋلىق ساقتاۋ ولشەمدەرىن ۇيرەنىپ، بۇكىل ەلدىڭ جەر - جەرىنەن كەلگەن دوستارمەن تانىسىپ، جۇڭحۋا ۇلتى ۇلى شاڭىراعىنىڭ مەيىرىن سەزىندىم“، - دەدى لوساڭ.
جۇمىستاندىرۋ بويىنشا شيزاڭعا كومەكتەسۋ قىزمەتى ارقىلى، ءتىپتى دە كوپ شيزاڭدىق جوعارى مەكتەپ تۇلەكتەرى اۆتونوميالى رايوننان سىرت جەرلەرگە بارىپ جۇمىستانۋدى تاڭداپ، ءار ۇلت پەرزەنتتەرىنىڭ اناردىڭ دانىندەي تىعىز ۇيىسۋىن جەبەدى.
قازىر، شيزاڭعا كومەكتەسۋ قىزمەتى ۇلتتاردىڭ ارالاسۋىنىڭ، ىشتەسۋىنىڭ، توعىسۋىنىڭ تەرەڭدەۋىن، ناقتىلانۋىن جەبەيتىن ماڭىزدى دانەكەرگە اينالىپ، جۇڭحۋا ۇلتى ورتاق تۇلعا تانىمىن ىشكەرىلەي بەكەمدەۋدە.
رۋحتى جالعاپ، جاڭا تاراۋدى جالعاستىرىپ جازدى
2019 - جىلى، جۇڭگو باۋ - ۋ توبىنداعى شۇي پو شاڭحايداعى تاماشا تۇرمىس شارت - جاعدايىنان باس تارتىپ، شيزاڭعا كومەكتەسۋگە ءوتىنىش ەتىپ، ۇستىرتتەگى سۋىق تا جاپالى، شالعاي رىكازى قالاسى جۇڭبا اۋدانىنا كەلىپ، اۋداندىق پارتكومنىڭ ۇنەمىلىك ىستەرگە جاۋاپتى ورىنباسار شۋجيى بولدى.
شۇي پونىڭ ىشكەرىلەي تەكسەرۋ - زەرتتەۋ جۇرگىزۋىنەن كەيىن، جۇڭبا اۋدانى وقۋ - اعارتۋ نەگىزىن گۇلدەندىرۋ نىسانىن باستاپ، كەلەسى جىلى جەرگىلىكتى ورىنداعى 6 اۋىل، قالاشىق باستاۋىش مەكتەبىندە ولشەمدى سپورت الاڭىن سالىپ، 3 باستاۋىش مەكتەپتە اۋىز سۋدان ۇلگى كورسەتۋ ينجەنەرياسىن ورىندادى.
بىلتىر 7 - ايدا، باس شۋجي شي جينپيڭ شيزاڭدا قىزمەت تەكسەرگەندە، شيزاڭعا كومەكتەسۋشى كادرلاردىڭ ۋاكىلى رەتىندە، شۇي پو باس شۋجي شي جينپيڭنىڭ ماڭىزدى ءسوزىن سول جەردە تىڭدادى. ”كوڭىلىم شەكسىز مەيىرگە تولدى، قارلى القاپقا تامىر تارتىپ، ۇستىرتكە ءوزىمدى ارناۋ بەكىمىم ونان ارى نىعايدى، قىزمەتتە ۇزدىكسىز قايراتتانا، ەكپىندەي ىلگەرىلەۋىمە شابىت بولدى“، - دەدى شۇي پو.
بيىل، شيزاڭعا كومەكتەسۋ مىندەتىن ءساتتى ورىنداعان شۇي پو شيزاڭعا اۋىسىپ بارىپ قىزمەت ىستەۋدى ىرىقتىلىقپەن تاڭدادى. شۇي پو ءوزىنىڭ شيزاڭنىڭ دامۋىنا تاعى دا از دا بولسا ەسە قوسقىسى كەلەتىندىگىن ايتتى.
ءبىر ءىستى ءبىر ىسكە، ۇرپاقتان - ۇرپاققا جالعاپ ىستەدى. 20 نەشە جىلدا شيزاڭعا كومەكتەسۋشى كادر - دارىندىلار ”ىلگەرگى شيزاڭ رۋحىن“ ساۋلەلەندىرىپ، جەر - جەردىڭ اكسەنتىندە سويلەپ، تەرىلەرى توتىعىپ قوڭىرلانىپ، شيزاڭداعى ءار ۇلت پەرزەنتتەرىمەن بىرگە كۇرەس جۇرگىزىپ، ۇزاق جولدار باسىپ، پارتيانىڭ شيزاڭدا بيلىك جۇرگىزۋ نەگىزىن بەكەمدەدى.
شيزاڭعا كومەكتەسكەن 3 جىلدا، انحۇيدان كەلگەن شيزاڭعا كومەكتەسۋشى كادر پەي حانلۇڭنىڭ ءار كۇنى ۇيىندەگىلەرمەن تەلەفوندا سويلەسەتىن ادەتى ەشقاشان وزگەرگەن جوق.
”ۇيىمدەگىلەرگە دەگەن ساعىنىشىمدى ولارمەن تەلەفوندا سويلەسۋ ارقىلى باسامىن“. پەي حانلۇڭ بىلاي دەدى: سىرتتا قىزمەتتە جۇرگەندە، ادامنىڭ ەڭ تىڭداعىسى كەلەتىنى جان اشىر جاقىندارىنىڭ تەلەفونى، ەڭ الاڭدايتىنى دا جان اشىر جاقىندارىنىڭ تەلەفونى. 2020 - جىلى 12 - ايدا، ناعاشى اپاسىنىڭ دۇنيەدەن وتكەن حابارىن العان پەي حانلۇڭ قاتتى قايعىردى، الايدا ول شيزاڭ شاننان قالاسى سونا اۋدانىنداعى قىزمەت ورنىنان تاپجىلماۋدى تاڭدادى.
شيزاڭعا كومەكتەسۋ كەزىندە، پەي حانلۇڭ سونا اۋدانىنىڭ اۋىل شارۋاشىلىعى، اۋىل - قىستاق قىزمەتىن نەگىز ەتىپ يگەرىپ، اتىز باستارىندا تەكسەرۋ - زەرتتەۋ جۇرگىزىپ، ءتورت توڭىرەككە شاپقىلاپ بايلىققا بايلانىس جاساپ، بۇقاراعا جالىقپاستان يدەيالىق قىزمەت ىستەدى، ول كوپشىلىكتىڭ نازارىنداعى ”قىزمەتكە بار جانىن سالاتىن“ ادام.
تاۋعا شىعۋ تاياعى، جاۋىننان قورعاناتىن جاڭبىرلىق، سۋىقتان ساقتاناتىن ماقتالى ىشىك، اجالعا اراشاشى، جارالىعا مەدەت بولۋدان العان سيلىق تۋلار، داپتەر - داپتەر ولەڭ جولدارى، پاراق - پاراق حاتتار مەن ەستەلىكتەر... شيزاڭ لينجى قالاسى لۋلاڭ شاعىن قالاشىعىنداعى بۇكىل ەلدىڭ شيزاڭعا كومەكتەسۋ كورمە سارايىنداعى ناقتى زاتتار شيزاڭعا كومەكتەسۋشى كادر - دارىندىلاردىڭ جاپا شەككەن، شايقاس جاساعان، شىدامدىلىق كورسەتكەن، ىنتىماقتاسقان، وزدەرىن ارناعان شۇعىلالى جىلدارىنىڭ كۋاسى.
شيزاڭعا كومەكتەسۋ بارىسىندا، قالىڭ كادر - دارىندىلار دا شىنىقتى جانە ەسەيدى.
ياڭ حاۋ تيانجين قالاسى شيزاڭعا كومەكتەسۋ قىزمەت اترەتىنىڭ جەتەكشىسى بولعان. شيزاڭداعى كەزىندە، ول ەكونوميكا، حالىق تۇرمىسى، مادەنيەت سياقتى كوپ ءتۇرلى تاسىلدەر ارقىلى شيزاڭعا كومەكتەسۋ قىزمەتىن ىلگەرىلەتۋدى دارىپتەپ، جەرگىلىكتى كادر - بۇقارانىڭ مويىنداۋىنا يە بولدى.
ياڭ حاۋ: ”قارلى ۇستىرتتەگى قىزمەت، تۇرمىس كەشىرمەسى، ’ىلگەرگى شيزاڭ رۋحىنىڭ‘ ءنار بەرۋى مەنىڭ قيىنشىلىق الدىنداعى ەرىك - جىگەرىمدى ءتىپتى دە بەكەمدەپ، كۇردەلى ماسەلەلەرگە جولىققان كەزدە وي - سانامنىڭ ءتىپتى دە سەرگەك بولۋىنا مۇمكىندىك جاسادى. بۇل پارتيالىلىق پەن قابىلەت جونىنەن تاپتىرماس شىڭدالۋ، بۇل ۇستىرتكە عانا ءتان رۋحاني سيلىق“، - دەدى.
جوڭكىلە اققان داريا قارلى ءۇستىرتتىڭ سانداعان جويقىن وزگەرىستەرىنە كۋا بولدى؛ اسقار تاۋلارعا شيزاڭعا كومەكتەسۋشى كادر - دارىندىلاردىڭ وكىنىشسىز سەرتى ورنەكتەلدى.
الدىڭعىلاردىڭ ءىزىن كەيىنگىلەر باسىپ، قارلى ۇستىرتكە تامىر تارتقان، ۇلى ءىس ءۇشىن جەكە مۇددەدەن باز كەشكەن شيزاڭعا كومەكتەسۋشى كادر - دارىندىلار ناقتى ناتيجەلەرى ارقىلى جۇڭحۋا ۇلتىنىڭ ءبىر ءۇيلى جانداي ەتەنە بولىپ، ءبىر نيەتپەن جۇڭگو ارمانىن بىرگە سومداۋدىڭ جاڭا داۋىردەگى جاڭا تاراۋىن جازۋدا.
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قالىڭ شيزاڭعا كومەكتەسۋشى كادر - دارىندىلاردىڭ قاجىرلىلىقپەن كۇرەس جۇرگىزۋدى مۇرات ەتىپ، اۋەلگى ماقساتتى، بورىشتى ەرلىكپەن ارقالاپ، شيزاڭداعى ءار ۇلت پەرزەنتتەرىمەن بىرگە قارلى ءۇستىرتتىڭ باياندى تىنىشتىعى مەن جوعارى ساپالى دامۋىنىڭ جاڭا تاراۋىن، ءسوز جوق، جازىپ شىعاتىندىعىنا كامىل سەنەمىز.
(تىلشىلەر شىن حۇڭبيڭ، لوبۋسىرىن، ۋاڭ چي، جاي يۇڭگۋان، فان سىشياڭ، باي شاۋبو)
(شينحۋا اگەنتتىگىنىڭ 8 - ايدىڭ 17 - كۇنى لاسادان بەرگەن حابارى)
