بايىنبۇلاق قورىعى:
دەر كەزىندە باقىلاۋمەن تولىق قامتىدى، ”بۇلتتىق“ تەرمينال باسقارۋ - قورعاۋعا كۇش سالدى
انار بۇلت \ شينجياڭ گازەتىنىڭ ءتىلشىسى رىن جياڭ 8 - ايدىڭ 17 - كۇنى حىجيڭنەن حابارلايدى. ”الىس ارالىقتى زەردەلىلەنگەن باقىلاۋ تۇعىرىنىڭ جوعارى تۇنىقتىقتاعى 59 تەلەكامەراسىنا سۇيەنىپ، قورىقتىڭ ءارقايسى يقۋاتتىق وڭىرلەرىندەگى ماڭىزدى كىرىپ - شىعۋ اۋىزدارى، ارالىق وڭىرلەر، ادامزات قيمىلى ءجيى بولاتىن، ەكولوگيالىق ورتاسى ءالسىز وڭىرلەردى دەر كەزىندە باقىلاۋمەن تولىق قامتۋدى جۇزەگە اسىردىق“. 8 - ايدىڭ 6 - كۇنى شينجياڭ بايىنبۇلاق مەملەكەت دارەجەلى جاراتىلىستىق قورىق باسقارۋ مەكەمەسى ورتالىق باسقارۋ - قورعاۋ پۋنكتىنىڭ باستىعى ءيۇسۇپ راحمان بىلاي دەپ تانىستىردى: كەزەكتە باسقارۋ - قورعاۋدى اناعۇرلىم ويداعىداي، اناعۇرلىم تەز جۇرگىزۋ ءۇشىن، قورىق باقىلاۋ قۇرىلعىلارىنىڭ ورنىن كوبەيتىپ، جىلجىمالى تەرمينال قابىلداۋ جۇيەسىن قۇرۋدا.
بۇل 27 بولەك باقىلاۋ ەكرانىنان قۇرالعان ”الىپ قابىرعا“، قىزمەتكەرلەر ءتىنتۋىردى اقىرىن ءتۇرتىپ قالسا بولعانى، شينجياڭ بايىنبۇلاق مەملەكەت دارەجەلى جاراتىلىستىق قورىعىنىڭ كىرۋ - شىعۋ اۋزى، ءتۇيىندى وڭىرلەرى سياقتىلاردىڭ كەسكىنى وسى بولەك - بولەك ەكرانداردان كورىنەدى. ”وي! اناۋ اققۋ عوي“؟ بىرگە جۇرگەن قىزمەتتەستەر تاڭدانا ايعاي سالدى. اپپارات كوزىن جاقىنداتقاندا، 2 اققۋ انىق كورىندى، ولار بەيعام دا كەربەز، وزدەرىنىڭ ادامدار نازار اۋدارىپ وتىرعان تۇيىنگە اينالعاندارىن مۇلدە سەزگەن جوق.
تارىم وزەنىنىڭ ماڭىزدى قاينارى قايدۋ وزەنى بايىنبۇلاق ساحاراسىن نارلەندىرىپ كەلەدى. بايىنبۇلاق مەملەكەت دارەجەلى جاراتىلىستىق قورىعىندا 140 مىڭ گەكتارعا جۋىق كەلەتىن وڭىرگە كولشىكتەر تىعىز شوعىرلانعان بولىپ، جۇڭگوداعى ەڭ ۇلكەن جابايى اققۋ ءوسىپ - ءوربيتىن، دامىلدايتىن جەر. ءار جىلى كوكتەم كەلىپ گۇل - بايشەشەك جايقالعاندا، 10 مىڭعا جۋىق اققۋ سوناۋ الىستان وسى اراعا ۇشىپ كەلەدى.
جۋىق جىلداردان بەرى، بايىنبۇلاق قورىعىن باسقارۋ مەكەمەسى شارلاۋ - قورعاۋ تەبىنىن كۇشەيتۋدەن سىرت، وسىزاماندانعان تەحنيكالىق تاسىلدەردەن تولىق پايدالانىپ باسقارۋ - قورعاۋ قابىلەتىن جوعارىلاتىپ، جايلىمدى سازدىققا قايتارۋ الىس ارالىقتى كەسكىندى باقىلاۋ جۇيەسى، سيفرلى ءبىر تۇلعالانعان بۇلت تۇعىرى سياقتى نىسان قۇرىلىستارىن ىركەس - تىركەس اتقاردى. 2020 - جىلى، ەكولوگيالىق ورتا ۇلكەن ساندى مالمەت تۇعىرىنىڭ دارەجەسىن جوعارىلاتىپ جاقسارتۋ ارقىلى، ءتۇيىندى وڭىرلەردى ناقتى ۋاقىتتا باقىلاپ - ولشەۋدى جۇزەگە اسىرىپ قالماستان، ەكولوگيالىق ورتا ۇلكەن ساندى مالمەت تۇعىرىنان پايدالانىپ، قورىقتىڭ سۋ ساپاسى، سۋ رايى، اۋا رايى، توپىراق ورتاسىنا ناقتى ۋاقىتتا باقىلاپ - ولشەۋ جۇرگىزىپ، بۇلتتىق ەسەپتەۋدەن پايدالانىپ ساندى مالىمەت جيناۋ، تالداۋ جاساۋ، ساقتاۋ، الدىن الا ساقتاندىرۋ سياقتى كوپ ءتۇرلى يقۋاتتى جۇزەگە اسىردى.
”ءتۇيىندى وڭىرلەرگە 24 ساعات ناقتى ۋاقىتتا باقىلاۋدى ىسكە اسىرا الامىز، باسقارۋ - قورعاۋ اناعۇرلىم دالمە - ءدال، اڭىس قايتارۋ اناعۇرلىم تەز ءارى قولايلى بولدى“، - دەدى ءيۇسۇپ، - باسقارۋ - قورعاۋ قىزمەتكەرلەرىمەن سايكەسە قيمىلداۋ ارقىلى، قورىقتىڭ زاڭعا، ەرەجەلەرگە قايشى ءتۇرلى ارەكەتتەردى بايقاۋ، ءبىر جايلى ەتۋ تەزدىگى زور مولشەردە جوعارىلاپ، كەيبىر تۇيىندەر زاڭعا، ەرەجەلەرگە قايشى ارەكەتتەردى جارتى ساعات ىشىندە ناق مايدانعا بارىپ ءبىر جايلى ەتە الاتىن بولدى.
قورعاۋ تەبىنىنىڭ ۇزدىكسىز كۇشەيۋىنە ىلەسە، قورىقتىڭ ەكولوگيالىق ورتاسى ۇزدىكسىز جاقسارىپ، جابايى اققۋدى قامتىعان كوپ ءتۇرلى جابايى جانۋارلاردىڭ ءتۇر - توپتارىنىڭ سانى جىل سايىن ارتۋدا.
ءيۇسۇپتىڭ اۆتوكولىگىنە ىلەسىپ قورىققا كىرىپ بىرنەشە مينۋت جۇرگەندە - اق ول اۆتوكولىگىن توقتاتتى. ”قاراڭدار، اناۋ قارا قۇتان“، - دەدى ءيۇسۇپ، - ”قارا قۇتاننىڭ سانى وتە از، تابيعاتىندا سەكەمشىل ءارى قورقاق، ورتاعا بولعان تالابى وتە جوعارى. بىلتىر، ون نەشە قارا قۇتاندى بايقادىق، بيىل ولاردىڭ سانى 40 نەشەگە كوبەيدى“.
ءيۇسۇپ بىلاي دەپ تانىستىردى: قازىر قورىقتا اققۋ، قارا قۇتاننان سىرت، تاعى سۇر لايلەك، قىزىل ۇيرەك، كوكمويىن ۇيرەك، قوڭىر قاز، شىبار باس قاز سياقتىلار بار، قاز - ۇيرەك تۇقىمداستارىنىڭ سانى ەڭ كوپ بولعاندا نەشە 100 مىڭعا جەتەدى. ”بۇل جەردىڭ قورشاعان ورتاسىن ويداعىداي قورعاۋ تارىم وزەنى اعارىنىڭ ەكولوگياسىن ويداعىداي قورعاعاندىق“، - دەدى ول.
