ىندەت جونىندە كومەك سۇراۋ ارناۋلى اۋماعى اشىلعان 1 - كۇنى
796 تالاپ - تىلەك قابىلدانىپ، ءبىر توپ ماسەلەلەردىڭ شەشىم تابۋىن ىلگەرىلەتتى
انار بۇلت \ شينجياڭ گازەتىنىڭ ءتىلشىسى ليۋ يميڭ 8 - ايدىڭ 17 - كۇنى ۇرىمجىدەن حابارلايدى. ”8 - ايدىڭ 16 - كۇنى تۇستەن كەيىن مەن ’انار بۇلت 12345 كەڭەس سۇراۋ‘ تۇعىرى ىندەت جونىندە كومەك سۇراۋ ارناۋلى اۋماعىندا قاشقار قالاسىنان ماكىت اۋدانىنا قايتۋ تالاپ - تىلەگىن جاريالاعان ەدىم، سول كۇنى كەشتە - اق قاتىستى تاراۋلاردىڭ قىزمەتكەرلەرىنىڭ ماعان ەگجەي - تەگجەيلى تۇسىنىك بەرەرىن ويلاماپپىن“، - دەدى 8 - ايدىڭ 17 - كۇنى انار بۇلت پايدالانۋشىسى تاڭ مىرزا تەبىرەنە، - ”وسى تىكە ارناۋلى اۋماقتىڭ دەر كەزىندە قۇرىلعانى جاقسى بولدى، بۇقارانىڭ قيىن ماسەلەسىن لەزدە شەشىم ەتۋگە بولادى“.
كەزەكتەگى ىندەتتەن ساقتانۋ - تىزگىندەۋ قاجەتىنە ۇيلەسىپ، بۇقارانىڭ تالاپ - تىلەك ارناسىن ونان ارى ىركىلىسسىزدەندىرىپ، ماسەلەنى شەشۋ ونىمدىلىگىن جوعارىلاتۋ ءۇشىن، 8 - ايدىڭ 16 - كۇنى ”انار بۇلت 12345 كەڭەس سۇراۋ“ تۇعىرى ىندەت جونىندە كومەك سۇراۋ ارناۋلى اۋماعىن اشتى، وسى ارناۋلى اۋماق سايتتاستاردىڭ تالاپ - تىلەكتەرىن شينجياڭنىڭ ءار دارەجەلى ىندەتتەن ساقتانۋ - تىزگىندەۋ قىزمەتى قولباسشىلىق شتابىنا تىكەلەي جەتكىزىپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن شەشۋگە جاڭادان جىلدام ارنا قوستى.
اشىلعان كۇنى ”انار بۇلت 12345 كەڭەس سۇراۋ“ تۇعىرى جەر - جەردەگى سايتتاستاردىڭ 796 تالاپ - تىلەگىن قابىلدادى. قازىر سايتتاستاردىڭ ىندەت جونىندە كومەك سۇراۋ ارناۋلى اۋماعىندا اڭىس ەتكەن ماسەلەلەرى تۇگەلدەي ءار دارەجەلى ىندەتتەن ساقتانۋ - تىزگىندەۋ قىزمەتى قولباسشىلىق شتابىنا تىكە جەتكىزىلىپ، ءىشىنارا سايتتاستاردىڭ تالاپ - تىلەكتەرى قاتىستى تاراۋلاردىڭ جاۋابىنا يە بولدى جانە شەشىلدى. سونىمەن بىرگە انار بۇلت \ شينجياڭ گازەتىنىڭ تىلشىلەردى ەمدەلۋ، ءدارى پايدالانۋ سياقتى بۇقارانىڭ شۇعىل تالاپ - تىلەكتەرىن جىلدام قاداعالاپ، ءبىر توپ ”شۇعىل، قيىن، ۋايىمداعان، ءزارۋ“ ماسەلەلەردىڭ ۇيلەسىمدى شەشىلۋىن ىلگەرىلەتتى.
”مەن قازىر چۇڭچيڭدەمىن، قاشقارعا ۇشاقپەن تىكە بارىپ، سودان قاشقاردان ماكىتكە قايتپاقشىمىن، ىندەت سەبەبىنەن ءوزىمنىڭ ءساتتى قايتا الاتىن - المايتىندىعىمدى بىلە الماي وتىرمىن. وسى مەزگىلدە مەن كوپتەگەن تۇعىردان سۇراسام دا رازى بولارلىقتاي جاۋاپ الا الماپ ەدىم“، - دەدى تاڭ مىرزا، - كەيىن ”انار بۇلت 12345 كەڭەس سۇراۋ“ تۇعىرىندا ىندەت جونىندە كومەك سۇراۋ ارناۋلى اۋماعى اشىلعانىن ءبىلىپ، لەبىز قالدىرىپ، ءوز تالاپ - تىلەگىمدى ايتتىم، سول كۇنى كەشتە - اق ەگجەي - تەگجەيلى تۇسىندىرۋگە يە بولدىم. ”قۇزىرلى جاۋاپ بولعان سوڭ، كوڭىلىم ورنىعىپ قالدى، قازىر 8 - ايدىڭ 21 - كۇنى قاشقارعا ۇشاتىن ۇشاق بەلەتىن الىپ قويدىم. بۇل ءىس تىڭعىلىقتى ءبىتىرىلدى، مەن، ءسوز جوق، ’انار بۇلت 12345 كەڭەس سۇراۋ‘ تۇعىرىن القايمىن“.
”جۇكتى ايەل اۋرۋحاناعا ءساتتى جەتكىزىلدى ءارى بوساندىرىلدى، بارلىق تىرشىلىك بەلگىلەرى قالىپتى ەكەن“، ”شيپاحانادا بوگەلىپ قالعان سايتتاستى الەۋمەتتىك اۋماق امان - ەسەن ۇيىنە جەتكىزىپتى“، ”ءۇرىمجى قالالىق ادام كۇشى جانە قوعامدىق قامتاماسىزداندىرۋ مەكەمەسى، اۆتوكولىك باسقارۋ بولىمشەسى سايتتاستاردىڭ سۇراۋىنا جاۋاپ بەردى“... ءتىلشى سايتتاستاردىڭ تالاپ - تىلەكتەرىنىڭ شەشىلۋ احۋالىنا قايتالاي تىلشىلىك جاساعاندا، سايتتاستار اڭىس ەتكەن كوپتەگەن ماسەلەلەردىڭ قاتىستى تاراۋلاردىڭ ءمان بەرۋىنە يە بولعاندىعىن ءارى شەشىىلىپ جاتقانىن بايقادى.
8 - ايدىڭ 10 - كۇنىنەن بەرى ”انار بۇلت 12345 كەڭەس سۇراۋ“ تۇعىرى جيىنى 2000نان استام سايتتاستاردىڭ لەبىزىن قابىلداپ، بۇكىل شينجياڭنىڭ جەر - جەرىندەگى سايتتاستار تۇعىر ارقىلى ىندەت كەزىندەگى ءجۇرىس - تۇرىس، قامداۋدى قامتاماسىز ەتۋ، باعانى ورنىقتىرۋ، ەمدەلۋ سياقتى ماسەلەلەردى اڭىس ەتتى. ىندەت جونىندە كەڭەس سۇراۋ ارناۋلى اۋماعىن اشۋ، انار بۇلت \ شينجياڭ گازەتى تىلشىلەرىنىڭ شۇعىل تالاپ - تىلەكتەردى قاداعالاۋى سياقتى ادىستەر ارقىلى ”انار بۇلت 12345 كەڭەس سۇراۋ“ تۇعىرى بۇقارا اڭىس ەتكەن ءبىر توپ ”شۇعىل، قيىن، ۋايىمداعان، ءزارۋ“ ماسەلەلەردىڭ شەشىلۋىن ءونىمدى ىلگەرىلەتتى.
