شي جينپيڭ لياۋنيڭدە قىزمەت تەكسەرگەندە بىلاي دەپ باسا دارىپتەدى
جاڭا داۋىردە شىعىس سولتۇستىكتى گۇلدەندىرۋدە اناعۇرلىم زور جاۋاپكەرشىلىك ارقالاپ جانە ىسكەرلىك كورسەتىپ، لياۋنيڭدى گۇلدەندىرۋدىڭ، دامىتۋدىڭ جاڭا جاعدايىن قايراتتانا اشۋ كەرەك
8 - ايدىڭ 16 - كۇنىنەن 17 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لياۋنيڭدە قىزمەت تەكسەردى. سۋرەتتە: 8 - ايدىڭ 16 - كۇنى تۇستەن كەيىن، شي جينپيڭ جينجوۋ قالاسى دۇڭحۋ ورمان باقشاسىندا شياۋليڭحى وزەنى جاعالاۋىنىڭ ەكولوگيالىق ورتاسىن كوزدەن كەشىرگەندە، تىنىعىپ، مادەنيەت قيمىلدارىمەن شۇعىلدانىپ جۇرگەن بۇقارامەن ىقىلاسپەن اڭگىمەلەستى.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
8 - ايدىڭ 16 - كۇنىنەن 17 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لياۋنيڭدە قىزمەت تەكسەردى. سۋرەتتە: 8 - ايدىڭ 17 - كۇنى تۇستەن كەيىن، شي جينپيڭ شىن - ياڭ شينسۇڭ ماشينا ادام اۆتوماتتاندىرۋ جارنا شەكتى سەرىكتەستىگىنىڭ كورمە زالىندا لياۋنيڭ وزىق عىلىم - تەحنيكا ونىمدەرىنىڭ شوعىرلى كورمەسىن كوزدەن كەشىردى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 8 - ايدىڭ 18 - كۇنى شىنياڭنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا لياۋنيڭدە قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جوعارى ساپالى دامۋدى تاباندىلىقپەن ىلگەرىلەتىپ، بىرگە بايۋدى تىڭعىلىقتى ىلگەرىلەتىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى جەدەل ىلگەرىلەتىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، جاڭا داۋىردە شىعىس سولتۇستىكتى گۇلدەندىرۋدە اناعۇرلىم زور جاۋاپكەرشىلىك ارقالاپ جانە ىسكەرلىك كورسەتىپ، لياۋنيڭدى گۇلدەندىرۋدىڭ، دامىتۋدىڭ جاڭا جاعدايىن قايراتتانا اشىپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
8 - ايدىڭ 16 - كۇنىنەن 17 - كۇنىنە دەيىن، شي جينپيڭ لياۋنيڭ ولكەلىك پارتكومنىڭ شۋجيى جاڭ گوچيڭنىڭ، ولكە باستىعى لي لىچىڭنىڭ سەرىك بولۋىندا، ىلگەرىندى - كەيىندى جينجوۋ، شىن - ياڭ قاتارلى جەرلەرگە كەلىپ، توڭكەرىستىك ەسكەرتكىش سارايى، وزەن - كولدەردى جونگە سالۋ ينجەنەرياسى، كاسىپورىن، الەۋمەتتىك اۋماق سياقتىلاردى ارالاپ تەكسەرۋ - زەرتتەۋ جۇرگىزدى.
8 - ايدىڭ 16 - كۇنى تۇستەن كەيىن، شي جينپيڭ جينجوۋ قالاسىندا الدىمەن لياۋشىن شايقاسى ەسكەرتكىش سارايىندا قىزمەت تەكسەردى. 70 نەشە جىلدىڭ الدىندا، جۇڭگو كوممۋنيستىك پارتياسى حالىق ارمياسىنا قولباسشىلىق ەتىپ، لياۋشىن شايقاسىنىڭ جەڭىسىنە قول جەتكىزدى. شي جينپيڭ باسقى زالدى، سوعىس تاريحى سارايىن، الدىڭعى شەپكە كومەك بەرۋ سارايىن، قاھارمان قۇرباندار سارايىن رەتىمەن ارالاپ، شىعىس سولتۇستىكتى ازات ەتۋ سوعىسى تاريحى مەن لياۋشىن شايقاسىنىڭ جەڭىسكە جەتۋ بارىسىنا قايىرىلا قاراپ، قالىڭ حالىق بۇقاراسىنىڭ الدىڭعى شەپكە كومەك بەرۋ بارىسىنداعى اسەرلى ىستەرى مەن توڭكەرىستىك قۇربانداردىڭ قۇربان بولۋدان قورىقپاعان قاھارماندىق ىزگى ىستەرىن ەسكە الدى. شي جينپيڭ بىلاي دەپ اتاپ كورسەتتى: لياۋشىن شايقاسىنىڭ جەڭىسى ماۋ زىدۇڭ جولداس قاتارلى اعا بۋىن توڭكەرىسشىلەردىڭ ەلدەن ەرەك ستراتەگيالىق كوز اياسى مەن ستراتەگيالىق جوسپارىن تولىق ايگىلەدى. ازاتتىق سوعىسى مەزگىلىندە پارتيامىزدىڭ گومينداڭمەن جۇرگىزگەن زور شەشۋشى شايقاسى ءارى اسكەري كۇش، وت كۇشى شايقاسى، وتە - موتە، حالىقتىڭ قولداۋىنا قول جەتكىزە الۋ - الماۋ شايقاسى. لياۋشىن شايقاسىنىڭ جەڭىسى شىعىس سولتۇستىك حالقىنىڭ بار كۇشپەن كومەكتەسۋىمەن قولعا كەلگەن، حۋايحاي شايقاسىنىڭ جەڭىسىنە بۇقارا قول اربامەن قول جەتكىزگەن، چاڭجياڭنان ءوتۋ شايقاسىنىڭ جەڭىسىنە بۇقارا شاعىن قايىقپەن قول جەتكىزگەن. حالىق تىلەگى ەڭ ۇلكەن ساياسي، ول ءىستىڭ گۇلدەنۋى مەن كۇيرەۋىن، ءساتتى بولۋى مەن ءساتسىز بولۋىن بەلگىلەيدى. پارتيامىز باستان - اياق حالىق بۇقاراسىمەن ەتەنە بايلانىستى ساقتاپ، باستان - اياق حالىقپەن تىنىستاس، تاعدىرلاس، تىلەكتەس بولسا بولعانى، بارلىق جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭىپ شىعاتىن قۇدىرەتتى كۇشكە يە بولا الادى. شي جينپيڭ بىلاي دەپ باسا دارىپتەدى: پارتيا تاريحىن ۇيرەنۋ ءاربىر پارتيا مۇشەسىنىڭ بورىشى. پارتيا تاريحىن ۇيرەنۋ تاربيەسىنىڭ ۇدايىلانۋىن، باياندى بولۋىن ىلگەرىلەتىپ، قالىڭ پارتيا مۇشەلەرىن، كادرلاردى پارتيا تاريحىن ۇيرەنۋدى مىندەتتى ساباق جانە ۇنەمى وقيتىن ساباق ەتۋگە جەتەكتەۋ كەرەك.
شي جينپيڭ ساقا جاۋىنگەرلەردىڭ، ساقا جولداستاردىڭ جانە توڭكەرىستىك قۇربانداردىڭ تۋعان - تۋىسقاندارىنىڭ ۋاكىلدەرىمەن ىقىلاسپەن كەزدەسىپ، ولاردان شىنايى حال سۇرادى. شي جينپيڭ بىلاي دەپ اتاپ كورسەتتى: شىعىس سولتۇستىك حالقى لياۋشىن شايقاسىنىڭ جەڭىسى مەن شىعىس سولتۇستىكتى ازات ەتۋ جولىندا وراسان زور قۇرباندىق بەرىپ قانا قويماي، جاڭا جۇڭگو قۇرىلىسى مەن امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ جەڭىسكە جەتۋىنە دە وراسان زور ۇلەس قوستى، پارتيا مەن حالىق مۇنى ماڭگى ۇمىتپايدى. ءبىزدىڭ قىزىل بيلىك سان مىڭداعان توڭكەرىستىك قۇربانداردىڭ قىزىل قانى مەن ءومىرىنىڭ بوداۋىنان كەلگەن. بيلىك دەگەنىمىز حالىق، حالىق دەگەنىمىز بيلىك. ءبىز بيلىكتىڭ ءتۇسىنىڭ وزگەرۋىنە استە جول بەرمەيمىز، حالىق تا مۇلدە قۇپ كورمەيدى. سۋ ىشكەندە قۇدىق قازۋشىنى ۇمىتپاۋ كەرەك. جاڭا جۇڭگو قۇرىلعان 70 نەشە جىلدان بەرى، سان ۇرپاق ادامنىڭ قاجىرلىلىقپەن كۇرەس جۇرگىزۋىنىڭ ارقاسىندا، مەملەكەتىمىزدە وراسان زور وزگەرىستەر تۋىلىپ، حالىق جاپپاي دوڭگەلەك داۋلەتتى تۇرمىسقا كەنەلىپ، جۇڭحۋا ۇلتى دۇنيە ءجۇزى ۇلتتارى قاتارىنان قاسقايىپ ورىن الدى. ءبىز ۇزدىكسىز العا ىلگەرىلەپ، جۇڭحۋا ۇلتىنىڭ ۇلى گۇلدەنۋىن قۇلشىنا جۇزەگە اسىرىپ، توڭكەرىستىك اعا بۋىندار مەن قۇربانداردى ريزا ەتۋىمىز كەرەك. ءار دارەجەلى پارتكومدار مەن ۇكىمەتتەر ساقا جاۋىنگەرلەرگە، ساقا جولداستارعا جانە توڭكەرىستىك قۇربانداردىڭ تۋعان - تۋىسقاندارىنا كوڭىل ءبولىپ، ساقا جاۋىنگەرلەردىڭ، ساقا جولداستاردىڭ قارتايعاندا باقىتتى ءومىر كورۋىنە مۇمكىندىك جاساپ، قۇربانداردىڭ تۋعان - تۋىسقاندارىنا پارتيانىڭ قامقورلىعى مەن مەيىرىن سەزىندىرۋ كەرەك. قىزىل بيلىك قولعا وڭاي - وسپاق كەلمەگەن، بيلىكتى ويداعىداي قورعاۋدىڭ جاۋاپكەرشىلىگى اۋىر. پارتيانىڭ حيكايالارىن، توڭكەرىستىڭ حيكايالارىن، قاھارمانداردىڭ حيكايالارىن ويداعىداي بايانداپ، قىزىل گەندى جالعاستىرىپ، قىزىل بيلىكتىڭ ءىزباسارى بولۋىنا، ۇرپاقتار بويى جالعاسۋىنا شىنايى كەپىلدىك ەتۋ كەرەك. شي جينپيڭ ساقا جاۋىنگەرلەردىڭ، ساقا جولداستاردىڭ دەنىنىڭ ساۋ، عۇمىرلارىنىڭ ۇزاق، تۇرمىستارىنىڭ باقىتتى، ىستەرىنىڭ كوڭىلدەگىدەي بولۋىن تىلەدى!
وسىدان كەيىن، شي جينپيڭ جينجوۋ دۇڭحۋ ورمان باقشاسىنا كەلىپ، جەرگىلىكتى ورىننىڭ ەكولوگيالىق ورتانى قالپىنا كەلتىرۋدى كۇشەيتۋ جاعدايىن تەكسەردى. باقشا شياۋليڭحى وزەنى مەن نۇي - ىرحى وزەنى قوسىلعان تۇستىڭ سولتۇستىك جاعىندا. 2014 - جىلدان باستاپ جينجوۋ قالاسى ەكى وزەننىڭ قورشاعان ورتاسىنا جالپىلىق رەتتەۋ - وڭاۋ جۇرگىزدى ءارى وزەن بويىندا 10 نەشە كيلومەتر كەلەتىن جاسىلداندىرۋ بەلدەۋىن سالىپ، وزەن بويىندا دەنە شىنىقتىرۋعا، سەيىلدەۋگە ارنالعان بەلدەۋ ءتارىزدى باقشا قالىپتاستىردى. شي جينپيڭ شياۋليڭحى وزەنى بويىنىڭ ەكولوگيالىق ورتاسىن كوزدەن كەشىردى. ول بىلاي دەپ باسا دارىپتەدى: تاماشا ەكولوگيالىق ورتا شىعىس سولتۇستىك ءوڭىردىڭ ەكونوميكالىق، قوعامدىق دامۋىنىڭ قىمباتتى بايلىعى، سونداي - اق شىعىس سولتۇستىكتى گۇلدەندىرۋدەگى ءبىر ارتىقشىلىق. جاسىل دامۋ ۇستانىمىن ەكولوگيانى قورعاۋ، قورشاعان ورتا قۇرىلىسى، ءوندىرۋ - جاساۋ، قالانى دامىتۋ، حالىق تۇرمىسى سياقتى ءار جاقتارمەن ساباقتاستىرىپ، كورىكتى جۇڭگونى جەدەل قۇرۋ كەرەك. ەكولوگيالىق وركەنيەت قۇرىلىسى بۇقارانىڭ تابىس سەزىمىن كورنەكتى جوعارىلاتا الادى، مۇنى بۇقارا دا ەڭ تەرەڭ سەزىنەدى. تاۋدى وڭاۋدى، سۋدى وڭاۋدى، قالانى باسقارۋدى ءبىر تۇلعالى ىلگەرىلەتۋگە تاباندى بولىپ، قالانىڭ ءوندىرىس كەڭىستىگىن، تۇرمىس كەڭىستىگىن، ەكولوگيالىق كەڭىستىگىن عىلمي، ۇيلەسىمدى جوسپارلاپ، بۇقارا ءۇشىن سەيىل - سەرۋەن، دەنە شىنىقتىرۋ، كوڭىل اشۋ الەۋمەتتىك الاڭ - ورىندارىن كوبىرەك سالۋ كەرەك.
شي جينپيڭ لياۋنيڭ ولكەسىنىڭ تاسقىننان ساقتانۋ قىزمەتى جونىندەگى مالىمەتىن جۇمىس باسىندا تىڭدادى. بيىل سولتۇستىكتە جاڭبىر ءبىرشاما كوپ بولدى، تاسقىن مەزگىلىنە وتكەننەن بەرى لياۋنيڭدە كوپ رەت كۇشتى نوسەر جاۋىپ، ەگىس داقىلدارىنىڭ اپاتقا ۇشىراۋىنا، بۇقارانىڭ مال - مۇلكىنىڭ زيانعا ۇشىراۋىنا اپارىپ سوقتىردى. لياۋنيڭ ولكەلىك پارتكوم مەن ولكەلىك ۇكىمەت ورتالىقتىڭ قاتىستى تاراۋلارىنىڭ قولداۋىندا، اپاتتان قۇتقارۋ، كومەكتەسۋ قىزمەتتەرىن بار كۇشپەن جاقسى ىستەپ، اپاتقا ۇشىراعان 200 مىڭعا جۋىق بۇقارانى دەر كەزىندە باسقا جەرگە كوشىرىپ، اپاتقا ۇشىراعان بۇقارانىڭ ىشەر اسى، كيەر كيىمى بولۋىنا، تازا سۋ ىشە الۋىنا، ۋاقىتشا حاۋىپسىز تۇراققا يە بولۋىنا، اۋىرسا دەر كەزىندە ەمدەلە الۋىنا كەپىلدىك ەتىپ، قوعامدىق كەلەلى جاعدايدىڭ ورنىقتىلىعىن ساقتادى. شي جينپيڭ اپاتقا ۇشىراعان بۇقاراعا كومەكتەسۋ، ولاردى ورنالاستىرۋ جاعدايىنا ايرىقشا كوڭىل ءبولدى. ول بىلاي دەپ اتاپ كورسەتتى: 8 - اي ءالى دە سولتۇستىكتەگى وڭىرلەردە تاسقىننان ساقتانۋدىڭ شەشۋشى مەزگىلى. ءار دارەجەلى پارتكومدار مەن ۇكىمەتتەر حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، تاسقىن جاعدايىن قاداعالاۋدى كۇشەيتىپ، حاۋىپ - قاتەرلەردى، كومەسكى قاتەرلەردى دەر كەزىندە اداقتاپ تەكسەرىپ، تاسقىننان ساقتانۋ، اپاتتان قۇتقارۋ شارالارىن ەگجەي - تەگجەيلى، ناقتى يگەرىپ، اپاتقا ۇشىراعان بۇقارانى ۇيلەسىمدى ورنالاستىرىپ، حالىق بۇقاراسىنىڭ ءومىرىنىڭ حاۋىپسىزدىگىنە شىنايى كەپىلدىك ەتۋ كەرەك. اپاتتان كەيىنگى قالپىنا كەلتىرۋ، قايتا قۇرۋ جوباسىن ويداعىداي جاساپ، اپاتقا ۇشىراعان بۇقارانىڭ قالىپتى ءوندىرىسىن، تۇرمىسىن ەرتەرەك قالپىنا كەلتىرۋىنە كومەكتەسۋ كەرەك. ءتۇزىلىس مەحانيزمدى اقاۋسىزداندىرىپ، توتەپ بەرۋ دايىندىق جوباسىن كەمەلدەندىرىپ، ناشار اۋا رايىنان ساقتاندىرۋدى جانە قورعانۋدى كۇشەيتىپ، تاسقىننان، گەولوگيالىق اپاتتاردان قورعانۋ جانە شۇعىل جاعدايعا توتەپ بەرۋ بويىنشا قاتەردەن قۇتقارۋ، كومەكتەسۋ قابىلەتىن جوعارىلاتۋ كەرەك. قازىر كەيبىر جەرلەر اۋىر قۋاڭشىلىققا ۇشىراپ وتىر، سوندىقتان قۋاڭشىلىققا قارسى اتتانۋ قىزمەتىن شىنايى جاقسى ىستەۋ كەرەك.
دۇڭحۋ مادەنيەت الاڭىندا سەيىلدەپ، مادەني قيمىلدار جۇرگىزىپ جاتقان بۇقارا باس شۋجيدىڭ كەلگەنىن كورىپ، باس شۋجيمەن جابال امانداستى. شي جينپيڭ ىقىلاستى تۇردە كوپشىلىككە بىلاي دەدى: جۇڭگو ۇلگىسىندەگى وسىزامانداندىرۋ جالپى حالىق بىرگە باييتىن وسىزامانداندىرۋ، تەك قانا از ساندى ادامدار بايىسا بولمايدى، جالپى حالىق بىرگە بايۋ كەرەك؛ جۇڭگو ۇلگىسىندەگى وسىزامانداندىرۋ زاتتىق وركەنيەت پەن رۋحاني وركەنيەت سايكەسكەن وسىزامانداندىرۋ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتىپ، قىزىل مادەنيەتتەن ويداعىداي پايدالانىپ، سوتسياليستىك وزىق مادەنيەتتى دامىتىپ، حالىقتىڭ رۋحاني مادەنيەت تۇرمىسىن بايىتۋ كەرەك. پارتيا ورتالىق كوميتەتى شىعىس سولتۇستىكتى گۇلدەندىرۋگە ايرىقشا ءمان بەرىپ وتىر. پارتيا 18 - قۇرىلتايىنان بەرى پارتيا ورتالىق كوميتەتى شىعىس سولتۇستىكتى گۇلدەندىرۋ ستراتەگياسىن اتقارىپ، ىشكەرىلەي ىلگەرىلەتتى، ءبىز جاڭا داۋىردە شىعىس سولتۇستىكتىڭ جاپپاي گۇلدەنۋىنە كامىل سەنىمدەمىز ءارى تولىق ۇمىتتەمىز. جينجوۋ قاھارمان قالا، سونداي - اق وزگەشە مادەنيەت تىنىسىنا جانە قويۋ تاريحي مادەنيەت مايەگىنە يە قالا. رەتتەۋ - جونگە سالۋدان كەيىن، بۇل ارانىڭ ەكولوگيالىق ورتاسىندا، قونىس ورتاسىندا وراسان زور وزگەرىستەر تۋىلعاندىعىن كورىپ قاتتى قۋاندىم. كوپشىلىكتىڭ ەكولوگيانى قورعاۋ، قورشاعان ورتانى ايالاۋ تانىمىن كۇشەيتىپ، ءوز مەكەندەرىن تىزە قوسا ويداعىداي قورعاۋىن ءۇمىت ەتەمىن. اۋىلداستاردىڭ مۇنان كەيىنگى تۇرمىسىنىڭ ءتىپتى دە باقىتتى، ءتىپتى دە تاماشا بولۋىن تىلەيمىن!
شي جينپيڭ 8 - ايدىڭ 17 - كۇنى شىن - ياڭ قالاسىندا قىزمەت تەكسەرىپ، تەكسەرۋ - زەرتتەۋ جۇرگىزدى. سول كۇنى تۇستەن كەيىن ول شىن - ياڭ شينسۇڭ ماشينا ادام اۆتوماتتاندىرۋ جارنا شەكتى سەرىكتەستىگىنە كەلدى. كاسىپورىننىڭ كورمە زالىندا شي جينپيڭ لياۋنيڭنىڭ جاڭا داۋىردە شىعىس سولتۇستىكتى گۇلدەندىرۋىنىڭ جالپى تۇلعالىق جاعدايى جونىندەگى تانىستىرۋدى تىڭدادى، لياۋنيڭ وزىق عىلىم - تەحنيكا ونىمدەرىنىڭ شوعىرلى كورمەسىن كوزدەن كەشىردى ءارى شينسۇڭ سەرىكتەستىگىنىڭ ءوندىرىس - شارۋاشىلىعى، ءوز كۇشىنە سۇيەنىپ جاڭالىق اشۋ جاعدايىن تەكسەردى. كاسىپورىننىڭ ءوندىرىس سەحىندا ونەركاسىپ ماشينا ادام، ىستەستىك جاساۋشى ماشينا ادام، ەرەكشە ماشينا ادام سياقتىلارعا تەكسەرۋ سىناعى جۇرگىزىلىپ جاتىپتى. شي جينپيڭ تەحنيكتەر مەن كاسىپورىن جۇمىسشى - قىزمەتكەرلەرىنەن كاسىپورىننىڭ وزەكتى تەحنيكادان قامال الۋدى ورىستەتۋى سياقتى جاعدايلاردى ۇعىسىپ، كاسىپورىننىڭ ءوز كۇشىنە سۇيەنىپ جاڭالىق اشۋ مەن كاسىپ سالالانىپ دامۋدا قول جەتكىزگەن ناتيجەلەرىن تۇراقتاندىرىپ، شينسۇڭ سەرىكتەستىگىنىڭ جۇڭگو جىلدامدىعىن، جۇڭگو ورەسىن ايگىلەگەندىگىن ءبىلدىردى.
سەحتىڭ سىرتىندا كاسىپورىن قىزمەتكەرلەرىنىڭ ۋاكىلدەرى جينالىپ تۇر ەكەن، شي جينپيڭ كوپشىلىككە قول بۇلعاپ قۇرمەت ءبىلدىردى. شي جينپيڭ بىلاي دەپ باسا دارىپتەدى: پارتيا ورتالىق كوميتەتى دامۋعا جاڭالىق اشۋ ارقىلى دەم بەرۋ ستراتەگياسىن اتقارىپ، ءوز كۇشىنە سۇيەنىپ جاڭالىق اشۋعا ايرىقشا ءمان بەرىپ، جاڭالىق اشۋ ورتاسى قۇرىلىسىنا ايرىقشا ءمان بەرىپ، ەلىمىزدىڭ كاسىپ سالالارىنىڭ ورەسى مەن ناقتى قۋاتىن قۇلشىنا جوعارىلاتىپ، ەلىمىزدىڭ ەكونوميكادا ءىرى ەلدەن ەكونوميكادا قۋاتتى ەلگە، جاساۋ كاسىبىندە قۋاتتى ەلگە بۇرىلىس جاساۋىن ىلگەرىلەتتى. قازىر ەكونوميكانىڭ جاھاندانۋى كەرى اعىسقا ۇشىراپ، قورعامپازدىق بەلەڭ الدى، ءبىراق ءبىز قاقپانى ايقارا اشىپ، قۇرىلىس جۇرگىزۋگە تاباندى بولامىز. ەلىمىزدىڭ دامۋى تياناقتى دا تىڭعىلىقتى بولىپ، قادام سايىن قامال الۋمەن بىرگە، اشىق، سيىسىمدى بولىپ، ءوزارا تيىمدىلىك جەتكىزىپ، تەڭ يگىلىككە كەنەلىپ، ەل ىشىندەگى ۇلكەن اينالىمدى نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن بەلسەنە قالىپتاستىرۋ كەرەك. ءوز كۇشىنە سۇيەنىپ ءومىر سۇرۋگە تاباندى بولىپ، مەملەكەت پەن ۇلتتىڭ دامۋىن ءوز كۇشىمىزدىڭ نەگىزگى تۇيىنىنە قويىپ، دامۋ ىرىقتىلىق ۇقىعىن مىقتاپ يگەرۋىمىز كەرەك. جاپپاي سوتسياليستىك وسىزاماندانعان قۇدىرەتتى مەملەكەت قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدا، ءسوز جوق، ءوز كۇشىنە سۇيەنىپ جاڭالىق اشۋ جولىمەن ءجۇرۋ كەرەك. ۋاقىت كۇتىپ تۇرمايدى دەگەن يدەيامەن عىلىم - تەحنيكادا ءوز كۇشىمىزگە سۇيەنىپ، ءوزىمىزدى الۋەتتەندىرىپ، ۋاقىتتى ۇتا وتىرىپ، ”القىمداعان“ ماسەلەلەردى شەشىپ، شەشۋشى، وزەكتى تەحنيكالار مەن جابدىق جاساۋ كاسىبىن ءوز قولىمىزدا قۇلشىنا يگەرۋىمىز كەرەك. جاستاردىڭ جاندى دا جالىندى، ومىرشەڭدىك كۇشكە تولى بولۋى كاسىپورىن دامۋىنىڭ ءۇمىتى. ءار دارەجەلى پارتكومدار مەن ۇكىمەتتەر تاماشا ورتا جاراتىپ، جاستاردىڭ جاڭالىق اشۋ، جاسامپازدىق ومىرشەڭدىك كۇشىن تولىق تاسقىنداتىپ، ولاردى ءار سالادا باتىلدىقپەن جاڭالىق اشىپ، ەرلىكپەن شىڭعا شىعىپ، جاڭا داۋىردە شىعىس سولتۇستىكتى گۇلدەندىرۋدى ىلگەرىلەتۋگە اناعۇرلىم زور ۇلەس قوسۋعا شابىتتاندىرۋ كەرەك.
شي جينپيڭ وسىدان كەيىن حۋاڭگۋ رايونى سانتايزى ءمالىسى مۋدان الەۋمەتتىك اۋماعىنا كەلدى. وتكەن عاسىردىڭ 80 - جىلدارىندا قۇرىلعان بۇل الەۋمەتتىك اۋماقتا جيىنى 3000نان استام تۇرعىن بار، جاقىنداعى جىلداردان بەرگى نەگىزدىك قۇرىلعىلاردى وزگەرتىپ سالۋ جانە قىزمەت وتەۋدى جاقسارتۋ ارقىلى نەگىزگى ساتىنى باسقارۋدان ۇلگى كورسەتەتىن الەۋمەتتىك اۋماققا اينالدى. شي جينپيڭ ىلگەرىندى - كەيىندى الەۋمەتتىك اۋماق پارتيا مۇشەلەرىنە، بۇقاراعا قىزمەت وتەۋ ورتالىعىنا، بۇقارالىق قيمىل ورتالىعىنا جانە قارتتاردى كۇتىمدەۋگە قىزمەت وتەۋ ورتالىعىنا كەلىپ، الەۋمەتتىك اۋماق قىزمەتكەرلەرىنەن، باقىت تاربيە ساباقحاناسىنىڭ وقىتۋشى - وقۋشىلارىنان جانە قارت ەرىكتىلەردەن جەرگىلىكتى ورىننىڭ نەگىزگى ساتى پارتيا قۇرىلىسىن كۇشەيتۋى، قونىس ورتاسىن جاقسارتۋى، حالىققا قىزمەت وتەۋدى ورىستەتۋى سياقتى جاعدايلاردى ۇعىستى. قارتتار اسحاناسىندا شي جينپيڭ تاماقتانىپ وتىرعان قارتتاردان تاماق باعاسىنىڭ قىمبات - ارزاندىعىن، الەۋمەتتىك اۋماقتىڭ قىزمەت وتەۋىنىڭ جاقسى - ناشارلىعىن، تۇرمىستا تاعى قانداي قيىنشىلىقتار بار ەكەندىگىن ۇعىستى.
شي جينپيڭ الەۋمەتتىك اۋماق تۇرعىنى لي شۇيدىڭ ۇيىنە بارىپ، اس ءۇي، تازالىق بولمەسى، جاتىن بولمە سياقتىلاردى كوردى، سونان كەيىن قوناق بولمەسىندە وتىرىپ، وتباسىنداعىلارمەن ىقىلاستى اڭگىمەلەستى. كوپشىلىك باس شۋجيگە الەۋمەتتىك اۋماقتى وزگەرتىپ سالعاننان كەيىن، قىستا ءۇيدىڭ ايتارلىقتاي جىلىعاندىعىن، جولدارعا سۋ ىركىلىپ قالۋ ماسەلەسىنىڭ دە شەشىلگەندىگىن، ورتا جاقسارىپ، كوڭىل كۇي جادىراعاندىعىن، قازىر بالالاردىڭ وقۋعا ءتۇسۋى تياناق تاۋىپ، قارتتار اۋرۋ كورسەتۋدە تومەنگى شەكتەن تۇسىرمەي قامتاماسىز ەتىلگەندىگىن، كورشىلەردىڭ ءبىر ءۇيلى جانداي تاتۋ ءوتىپ جاتقاندىعىن ايتتى. ولاردىڭ تۇرمىستارىنىڭ بەرەكەلى ورتادا شالقي تۇسكەندىگىن كورىپ، شي جينپيڭ ايرىقشا ءسۇيىندى.
الەۋمەتتىك اۋماقتان اتتاناردا، تۇرعىندار باس شۋجيدى قىزۋ ىقىلاسپەن شىعارىپ سالدى. شي جينپيڭ كوپشىلىككە بىلاي دەدى: دوڭگەلەك داۋلەت ارمانى، مەملەكەتتى قۇدىرەتتەندىرۋ ارمانى، جۇڭگو ارمانى، تۇپتەپ كەلگەندە، بۇقارانىڭ ”باقىت ارمانى“. جۇڭگو كوممۋنيستىك پارتياسىنىڭ بارلىق كۇرەسى حالىقتى باقىتقا كەنەلتۋ ءۇشىن. ول بىلاي دەپ اتاپ كورسەتتى: كونە، ەسكى شاعىن اۋماقتاردى وزگەرتىپ سالۋ بۇقارانىڭ تابىس سەزىمىن جوعارىلاتۋداعى ماڭىزدى قىزمەت ءارى قالانى جاڭارتۋ ارەكەتىن اتقارۋدىڭ ماڭىزدى مازمۇنى. نازاردى حالىق ءۇشىن ىستەۋگە، حالىققا قولايلىلىق جاساۋعا، حالىقتى الاڭسىز ەتۋگە شوعىرلاندىرىپ، قونىس ورتاسىن مۇمكىندىگىنشە جاقسارتىپ، سۋ، ەلەكتر، گاز سياقتى تۇرمىستىق قۇرىلعىلاردى جاڭالاپ، تۇرعىنداردىڭ كۇندەلىكتى تۇرمىس قاجەتىن اناعۇرلىم ويداعىداي قاناعاتتاندىرىپ، حاۋىپسىزدىككە شىنايى كەپىلدىك ەتۋ كەرەك. الەۋمەتتىك اۋماقتىڭ قىزمەت وتەۋىن كۇشەيتىپ، قىزمەت وتەۋ يقۋاتىن جوعارىلاتۋ كەرەك. قارتتار مەن بالالار الەۋمەتتىك اۋماقتاعى ەڭ تۇرعىلىقتى تۇرعىندار، ”ءبىر قارت، ءبىر ءسابي“ باسىم كوپ ساندى وتباسىلارىنىڭ باستى كوڭىل ءبولىپ وتىرعان ءىسى. ەلىمىز قارتتانعان قوعامعا اياق باستى. قارتتار ىستەرى مەن قارتتار كاسىپ سالاسىن زور كۇشپەن دامىتىپ، شارت - جاعدايى بار جەرلەر قارتتاردى كۇتىمدەۋ قۇرىلعىلارى قۇرىلىسىن كۇشەيتىپ، قارتتاردى كۇتىمدەۋگە قىزمەت وتەۋدى بەلسەندىلىكپەن ورىستەتۋ كەرەك. ازامات جاسىنا تولماعانداردىڭ اقاۋسىز ەسەيۋى مەملەكەت پەن ۇلتتىڭ بولاشاعىنا سايادى، سان مىڭداعان وتباسىلارىنىڭ باقىتىنا، ەسەن - اماندىعىنا سايادى. الەۋمەتتىك اۋماق ءتۇرلى الەۋمەتتىك يگىلىك سيپاتتى ساباقتان سىرتقى امالياتتىق قيمىلداردى بەلسەندىلىكپەن ورىستەتىپ، ازامات جاسىنا تولماعانداردىڭ دەندەرىنىڭ ساۋ، كوڭىل كۇيلەرىنىڭ اقاۋسىز، جان دۇنيەلەرىنىڭ ساۋ - سالامات بولۋىن جەبەۋ كەرەك. الەۋمەتتىك اۋماقتاعى نەگىزگى ساتى پارتيا ۇيىمدارى قۇرىلىسىن كۇشەيتىپ، الەۋمەتتىك اۋماق قىزمەتىن كۇشەيتىپ جانە جاقسارتىپ، ءتىپتى دە كوپ بايلىقتىڭ الەۋمەتتىك اۋماققا بەيىمدەلۋىن ىلگەرىلەتىپ، بۇقاراعا پارتيامىزدىڭ بۇكىل ىنتا - پەيىلىمەن حالىق ءۇشىن قىزمەت ىستەيتىندىگىن، پارتيانىڭ قاشاندا حالىق بۇقاراسىنىڭ جانىندا ەكەندىگىن سەزىندىرۋ كەرەك. شي جينپيڭ كوپشىلىكتىڭ جاڭا داۋىردە شىعىس سولتۇستىكتى جاپپاي گۇلدەندىرۋ، دامىتۋ بارىسىندا تۇرمىستارىنىڭ كۇننەن - كۇنگە جاقسارا بەرۋىن تىلەدى.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
8 - ايدىڭ 17 - كۇنى تۇستەن بۇرىن شي جينپيڭ شىن - ياڭ قالاسىندا شىن - ياڭدا تۇراتىن اسكەري بولىمدەردىڭ داشياۋدان جوعارى باسشى كادرلارىن جانە تۋان دارەجەلى ورىنداردىڭ نەگىزگى ءمانساپتىلارىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان شىن - ياڭدا تۇراتىن اسكەري بولىمدەردىڭ بارلىق وفيتسەر - اسكەرلەرىنە ىقىلاستى سالەم جولدادى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى. جاڭ يوۋشيا قابىلداۋدا بىرگە بولدى.
