انار بۇلت \ شينجياڭ گازەتىنىڭ ءتىلشىسى شى شين 8 - ايدىڭ 18 - كۇنى ۇرىمجىدەن حابارلايدى. مۇناي - تابيعي گاز ونەركاسىبى ورنىقتى قاداممەن زاپاس قوردى ارتتىرىپ، ءونىمدى جوعارىلاتىپ، كومىر ونەركاسىبى ءوندىرىس قۋاتى مەن ءونىم مولشەرىن بىردەي ارتتىرۋدى جۇزەگە اسىردى، جاڭا ەنەرگيا نىسان قۇرىلىستارى جاپپاي جەدەلدەتىلدى... بيىل جىل باسىنان بەرى، رايونىمىز جوعارى دەڭگەيدە جوبالاۋدى كۇشەيتىپ، ەنەرگيا ونەركاسىبىن جوعارى ساپالى دامىتۋدىڭ مىقتى تىرەگىن نەگىزىنەن قالىپتاستىرىپ، ”ءۇش بازا، ءبىر ارنا“ قۇرىلىسى قارقىنىن جاپپاي جەدەلدەتىپ، ەنەرگيا بايلىعى مەن كاسىپ سالاسى باسىمدىعىن ونان ارى ساۋلەلەندىردى.
ىندەتتەن ساقتانۋ - تىزگىندەۋدىڭ ەرەكشە مەزگىلىندە، تارىم مۇناي الابى بولىمشە سەرىكتەستىگى فۋمان مۇناي الابى وردوۆيك قاباتى كومىر قىشقىل تۇزى جىنىسىنداعى مۇناي قورىن اشۋ جەر بەتى قاڭقا قۇرىلىسى سياقتى 9 ءتۇيىندى مۇناي - تابيعي گازدى اشىپ پايدالانۋ نىسانى جۇمىس باستاپ، قۇرىلىس جۇرگىزدى. نىسانعا جالپى 6 ميلليارد 240 ميلليون يۋان قارجى قوسىلدى، سالىنىپ بولعاننان كەيىن، جاسىل ەلەكتر قابىلداۋ جالپى مولشەرى جىلىنا 15 مىڭ توننا ولشەمدى كومىرگە جەتىپ، شيكى مۇناي اشۋ، ءبىر جايلى ەتۋ قۋاتى جىلىنا جاڭادان 2 ميلليون 880 مىڭ تونناعا، تابيعي گاز اشۋ، ءبىر جايلى ەتۋ قۋاتى جىلىنا 15 ميلليارد 230 ميلليون تەكشەمەترگە جەتەدى.
نىساندى ىلگەرى باستىرۋعا تاباندى بولىپ، ەنەرگيا كاسىپ سالاسىنىڭ جەدەلدەتۋ رولى كورنەكتىلەندى. الدىڭعى جارتى جىلدا، بۇكىل رايوندا ەنەرگيا ءتۇيىندى نىساندارىنا جيىنى 49 ميلليارد 130 ميلليون يۋان قارجى قوسىلىپ، سايكەس مەزگىلدەگىدەن ％4. 52 ارتتى. قىزىل وزەن شات سۋ ەلەكتر ستانسياسى، ءپىشان (تۇرپان − قۇمىل) 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سياقتى 2 ءتۇيىندى نىسان سالىنىپ بولىپ، ىسكە قوسىلدى، فۋكاڭ سۋدى بيىككە شىعارىپ ەنەرگيا ساقتايتىن ەلەكتر ستانسياسى، ىلە − بۇراتالا وبلىسى − شيحۋ − فىڭحۋاڭⅡقايتىمدى جەلىسى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سياقتى ءتۇيىندى نىساندار جالعاستى جەدەلدەتە سالىنىپ، حوتان جىلۋ ەلەكتر ستانسياسى، قورعۇت سۋ ەلەكتر ستانسياسى نىسانى سياقتى ءتۇيىندى نىساندار جاڭادان جۇمىس باستادى.
”كەزەكتە، ’شينجياڭنىڭ ەلەكترىن سىرتقا جەتكىزۋ‘ 3 - ارناسى، گازدى باتىستان شىعىسقا جەتكىزۋ 4 - جەلىسىنىڭ (تۇرپان − جۇڭۋي بولىگى) تابيعي گاز قۇبىرى ينجەنەرياسى سياقتى نىسانداردىڭ جۇمىس باستاۋ الدىنداعى ءتۇرلى دايىندىق قىزمەتتەرى جەدەلدەتە ورىستەتىلۋدە، مەجەمەن ءۇشىنشى ماۋسىمدا جۇمىس باستايدى“، - دەدى اۆتونوميالى رايوندىق دامۋ جانە رەفورما كوميتەتى نىسان قۇرىلىسىن باسقارۋ باسقارماسىنىڭ جاۋاپتىسى تانىستىرىپ.
الدىڭعى جارتى جىلدا، رايونىمىز نازاردى زاپاس قوردى ارتتىرىپ، ءونىمدى جوعارىلاتۋعا شوعىرلاندىرىپ، مۇنايدى، تابيعي گازدى بارلاۋ، اشۋ تەبىنىن ۇزدىكسىز ارتتىردى. اۆتونوميالى رايوندىق دامۋ جانە رەفورما كوميتەتى مەملەكەتتىڭ زاپاس قوردى ارتتىرىپ، ءونىمدى جوعارىلاتۋ جونىندەگى ورنالاستىرۋىن جانە اۆتونوميالى رايوندىق پارتكومنىڭ قىزمەت تالابىن تياناقتاندىرىپ، جۇڭگو مۇناي - تابيعي گاز توبى شەكتى سەرىكتەستىگىنىڭ، جۇڭگو مۇناي حيميا ونەركاسىبى توبى شەكتى سەرىكتەستىگىنىڭ قارجى قوسۋ تەبىنىن ونان ارى ارتتىرۋىن سايكەستىرىپ، جۇڭعار، تارىم، تۇرپان − قۇمىل 3 ۇلكەن ويپاتتىڭ مۇنايىن، تابيعي گازىن بارلاۋدى، اشۋدى جەدەلدەتىپ، قۇتىبي تابيعي گاز ساقتاۋ قويماسىنىڭ سيىمدىلىعىن، ءونىم مولشەرىن ولشەمگە جەتكىزۋ ينجەنەرياسى (2 - مەرزىم)، ۋىنجيساڭ تابيعي گاز ساقتاۋ قويمالارى ۋىنشي 1 - قويماسى قاتارلى ءتۇيىندى جەر استى تابيعي گاز ساقتاۋ قويمالارى نىسانىنىڭ قۇرىلىسىن جەدەلدەتىپ، ءتۇرلى قارجى قوسۋ تۇلعالارىنىڭ مۇناي - تابيعي گاز بارلاۋ، اشۋ سالاسىنا ءتارتىپتى ەنۋىن بەلسەنە شابىتتاندىردى، مۇنىڭ ىشىندە اقسۋ جۇڭمان مۇناي - تابيعي گاز بارلاۋ، اشۋ نىسانىنىڭ الدىڭعى جارتى جىلداعى شيكى مۇناي ءونىم مولشەرى سايكەس مەزگىلدەگىدەن 4. 1 ەسە ارتتى.
الدىڭعى جارتى جىلدا، اۆتونوميالى رايون شينجياڭنىڭ ءىرى كومىر بازاسى قۇرىلىسىن جەدەلدەتىپ، كومىر ونەركاسىبىنىڭ وزىق، جوعارى ساپالى ءوندىرىس قۋاتىن تولىق ىسكە قوسىپ، تۇتاس رايوننىڭ سۇرىپتالماعان كومىر ءونىم مولشەرى 181 ميلليون توننا بولىپ، سايكەس مەزگىلدەگىدەن ％8. 28 ارتتى.
سونىمەن بىرگە، رايونىمىز تازا ەنەرگيا كاسىپ سالاسىن جەدەل دامىتتى. «اۆتونوميالى رايوننىڭ ءىرى جەل ەلەكترى، فوتوۆولت بازاسى قۇرىلىسىن ىلگەرىلەتۋگە قىزمەت وتەۋ جۇمىس كورسەتكىشىن (0. 1 نۇسقاسى)»، «جاڭا ەنەرگيا اشۋدى باسقارۋ قىزمەت مەحانيزمىن ورناتۋ جونىندەگى ۇقتىرۋدى» ىلگەرىندى - كەيىندى باسىپ تاراتىپ جانە اتقارىپ، جەر، قارجى، ەلەكتر تورىن ەنگىزۋ سياقتى فاكتورلاردى قامتاماسىزداندىرۋدى كۇشەيتتى. كەزەكتە، ءىرى جەل ەلەكترى، فوتوۆولت بازاسى قۇرىلىسىنىڭ 1 - توپتاعى نىسانىنىڭ جۇمىس باستاۋ مولشەرى ％90.3كە جەتىپ، 10 ميلليارد 348 ميلليون يۋان قارجى قوسىلدى؛ 2 - توپتاعى نىسان 7 - ايدا ورنالاستىرىلىپ، ءارقايسى ايماق، وبلىستار بار كۇشپەن جەدەلدەتە ىلگەرىلەتۋدە، سۋتەگى ەنەرگياسى، ەنەرگيا ساقتاۋ، جابدىق جاساۋ سياقتى ءبىر توپ نىسانداردىڭ جۇمىس باستاۋىن ىلگەرىلەتىپ، بايلىقتى كاسىپ سالاسىنا اۋىستىرۋ، كاسىپ سالاسى ارقىلى دامۋدى جەبەۋ، دامۋ ارقىلى جۇمىستاندىرۋدى ىلگەرىلەتۋ سىندى تاماشا جاعداي قالىپتاسۋدا.
