انار بۇلت \ شينجياڭ گازەتىنىڭ ءتىلشىسى سۋ لۋپيڭ 8 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق دەنساۋلىق ساقتاۋ، سالاماتتىق كوميتەتىنەن ۇعىسۋىمىزشا، 2021 - جىلدىڭ سوڭىنا دەيىن رايونىمىزداعى كاسىپتىك شيپاگەر جالپى سانى 60 مىڭ 400گە، ءار 1000 جان سانىنىڭ ىشىندەگى كاسىپتىك شيپاگەر سانى 7. 2گە جەتكەن.
سوڭعى جىلدارى، اۆتونوميالى رايوندىق پارتكوم مەن ۇكىمەت شيپاگەرلەر قوسىنى قۇرىلىسىنا ايرىقشا ءمان بەرىپ، كاسىپتىك باسقارۋ، تاربيەلەۋ - باۋلۋ، قازىنالىق ۇسىنىلىم، مامىلەلىك قامتاماسىزدىق، سيلاۋ - ماراپاتتاۋ سياقتى ءبىرسىپىرا شارالاردى كەمەلدەندىردى.
بەساسپاپ ماماندانعان اۋرۋحانا شيپاگەرلەرىن جۇيەلىلەندىرىپ باۋلۋ سەرپىنىن ارتتىرۋ ءۇشىن، رايونىمىز ۋنيۆەرسال اۋرۋحانا شيپاگەرلەرىن جۇيەلىلەندىرىپ باۋلۋ بازاسىندا امبەباپ مەديتسينا پاندەرىن بۇكىلدەي دەربەس اشتى. 2021 - جىلدىڭ سوڭىنا دەيىن قابىلداعان، باۋلىعان بەساسپاپ، ماماندانعان اۋرۋحانا شيپاگەرلەرىن جۇيەلىلەندىرىپ باۋلۋعا قاتىناسقاندار 1912 ادام، كومەكشى بەساسپاپ شيپاگەرلەر 1967 ادام بولدى.
سونىمەن بىرگە رايونىمىز بەساسپاپ شيپاگەرلەردىڭ جوعارى دارەجەلى اتاعىن باعالاۋدا بەيىمدەلۋ ساياساتىن شىعاردى، اۋىلداعى (قالاشىق)، الەۋمەتتىك اۋماقتاعى بەساسپاپ شيپاگەرلەر ورتا دارەجەلى كاسىپتىك اتاق العاننان كەيىن، نەگىزگى ساتىدا ءۇزىلىسسىز قىزمەت ىستەگەن ۋاقىتى 10 جىلعا تولسا، اتاق باعالاۋ كوميسسياسىنىڭ تەكسەرىپ بەكىتۋىنەن كەيىن تىكەلەي تەتە اعا كاسىپتىك اتاق الۋىنا بولادى. بەساسپاپ شيپاگەرلەردىڭ جالاقى ءتۇزىمىن ۇزدىكسىز كەمەلدەندىرىپ، ”ەكىدە جول بەرۋ“ تالابى بويىنشا، ۇكىمەت اشقان نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ ناتيجەلىك ەڭبەكاقى جالپى مولشەرىن ۇيلەسىمدى تەكسەرىپ بەكىتىپ، نەگىزگى ساتى ەمدەۋ - دەنساۋلىق ساقتاۋ قۇرىلىمدارىنداعى بەساسپاپ شيپاگەرلەردىڭ جالاقى ورەسىن جوعارىلاتتى؛ نەگىزگى ساتى ەمدەۋ - دەنساۋلىق ساقتاۋ قۇرىلىمدارى اۋرۋحانا شيپاگەرلەرىن جۇيەلىلەندىرىپ باۋلۋدا تولىمدى بولعان بەساسپاپ شيپاگەرلەردى ۇسىنىسپەن ىستەتۋگە جىگەرلەندىرىپ، ناتيجەلىك ەڭبەكاقى جالپى مولشەرىن تەكسەرىپ بەكىتۋدە لايىقتى بەيىمدەلۋ جاساپ، ءبىر توپ ”تومەنگە تۇسە الاتىن، جۇمىسقا جارامدى، تۇراقتاپ تۇرا الاتىن“ قولدانىلمالى مەديتسينا دارىندىلارىن باۋلىپ شىعاردى.
