انار بۇلت \ شينجياڭ گازەتىنىڭ ءتىلشىسى حي حۇڭۋي 8 - ايدىڭ 18 - كۇنى ۇرىمجىدەن حابارلايدى. 7 - كەزەكتى جۇڭگو − ازيا − ەۆروپا كورمەسى تۇڭعىش رەت ”ينتەرنەت جەلىسى + ينتەرنەت جەلىسىنەن تىس“ ۇلگىدە وتكىزىلەدى. كەزەكتە كورمەنىڭ ينتەرنەت جەلىسى تۇعىرى، قول تەلەفون كليەنتى، شاعىن باعدارلاما، الەۋمەتتىك ءنومىر سياقتى كوپ تەرمينالىنىڭ دارەجەسىن جوعارىلاتىپ، جاڭالاۋ جۇرگىزۋ قىزمەتى ورىندالدى ءارى ىسكە قوسىلىپ، پايدالانۋعا بەرىلدى.
قول تەلەفوندى الىپ، جۇڭگو − ازيا − ەۆروپا كورمەسىنىڭ رەسمي سايتىن اشساڭىز، كورمەنىڭ ناق مايدانىن الدىن الا ارالاپ، ”بۇلتتىق تەرمينالدان“ كورمەنىڭ سالتاناتىن سەزىنە الاسىز. وسى كەزەكتى كورمەنىڭ ينتەرنەت جەلىسى بولەگى AI، 5G، 3D ۇلكەن ساندى مالىمەت سياقتى وزىق تەحنيكا جەتىستىكتەرىنەن تولىق پايدالانىپ، كورمە - ءماجىلىستىڭ سالتاناتى، كورمەگە قاتىناسقان كاسىپورىنداردىڭ وبرازى، كورمەگە قويىلعان تاۋارلار سياقتىلاردى تولىق ايگىلەيدى.
كورمەنىڭ ينتەرنەت جەلىسى بولىگى كورمەنى ۇيىمداستىرۋ قۇرىلىمدارى، كورمەگە قاتىناسقان ساۋداگەرلەر، كاسىپتىك كورەرمەندەر سياقتى وزەكتى رولداردى ءتۇيىندى ارقاۋ ەتىپ، بۇلتتىق ءماجىلىس، بۇلتتىق كورمە، بۇلتتىق كەڭەسۋ، بۇلتتىق تىكە تاراتۋ سياقتى وزەكتى يقۋاتتار ارقىلى ساۋداگەر شاقىرۋ، كورمەگە قويۋ، تالقى مىنبەرى، كەڭەسۋ، تىكە تاراتۋ، جۇمس جۇرگىزۋ جالپى بارىسىن، جالپى كورىنىسىن، قىزمەت وتەۋ جالپى كاسىپ سالاسى تىزبەگىن قامتىعان ينتەرنەت جەلىسىندە، ينتەرنەت جەلىسىنەن تىس توعىسقان كورمە - ءماجىلىس جاڭا اسەرىن قالىپتاستىرادى.
”ناقتى ايتار بولساق، بۇلتتىق كورمە جاعىندا شىت جاڭا جوبالانعان كورمەنىڭ ينتەرنەت جەلىسى تۇعىرى رەسمي سايتىندا 2D كورمە تەكشەسى، 3D كورمە تەكشەسى، ناقتى كورىنىستىك VR، شينجياڭعا قارجى قوسۋ سياقتى وزەكتى يقۋاتتىق ۇلگى بولىكتەرى قامتىلعان، كورمە - ءماجىلىس، كورمەگە قاتىناسقان كاسىپورىندار، كورمە بۇيىمدارى جانە نىسان ينفورماتسيالارى جان - جاقتى كورسەتىلىپ، ءونىمى باي مازمۇندى ايگىلەنىپ، كورمە تاماشالاۋشىلاردىڭ كورمە - ءماجىلىستىڭ باۋرامدىلىعىن ناق مايدانعا بارماي - اق ۇيلەرىندە وتىرىپ سەزىنۋىنە مۇمكىندىك جاسالادى“، - دەدى شينجياڭ حالىقارالىق كورمە ىستەرى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ۋ شياۋبين.
زەردەلى ەسەپتەۋ امالىنان پايدالانعاندا، ىرىقسىز تانىستىرۋ ىرىقتى تانىستىرۋعا اينالادى. بۇلتتىق كەڭەسۋ زەردەلى كەلىستىرۋ، ينتەرنەت جەلىسىندە كەڭەسۋ، ساۋدا ورايىن قاراستىرۋ، ينتەرنەت جەلىسىندە باعا سۇراستىرۋ، ينتەرنەت جەلىسىندە ساۋدالاسۋ سياقتى وزەكتى يقۋاتتىق بولىكتى قۇرۋ ارقىلى ۇلكەن ساندى مالىمەت، جاساندى زەردە سياقتى تەحنيكالاردى نەگىزگە الىپ، كوپ تۇرعىدان ىزدەۋ مەحانيزمى مەن مىڭ ادام مىڭ جاقتى تانىستىرۋ مەحانيزمىنەن پايدالانىپ، كورمە تەكشەسىن، كورمە زاتتارىن وزىندىك ەرەكشەلىكتە، دالمە - ءدال زەردەلى تانىستىرىپ، ساۋدا ورايىنا كەلىستىرۋ مەن قارجى قوسۋدىڭ تياناقتانۋ ونىمدىلىگىن جوعارىلاتتى.
وسى كەزەكتى ازيا − ەۆروپا كورمەسىنىڭ ينتەرنەت جەلىسى تۇعىرى بىرگە ءبولىسۋدىڭ جىلدام ءارى قولايلى بولۋىنا اناعۇرلىم باسا ءمان بەردى. كورمە ورنىنىڭ، كورمەگە قاتىناسقان كاسىپورىنداردىڭ بارلىعىندا دەربەس جالعانىم بار بولعاندىقتان، كورمەنى كورۋگە تىركەلگەندەردىڭ كورمە ورنىنىڭ نەمەسە كورمەگە قاتىناسقان كاسىپورىنداردىڭ ەكى ولشەمدى كودىنان جانە جالعانىمىنان جىلدام بىرگە يگىلىكتەنۋىنە بولادى. بۇلتتىق ءماجىلىس كەڭسەسى، ءماجىلىس باسقارۋ، بەينە ەكراندا تىكە تاراتۋ \ قايتالاپ كورۋ، ساۋداگەر شاقىرۋ، تانىستىرۋ قيمىلدارىن تىكە تاراتۋ، كورمەگە قاتىناسقان كاسىپورىنداردى تىكە تاراتۋ سياقتى وزەكتى يقۋاتتاردا حانزۋشا، اعىلشىنشا، ورىسشا ءۇش ءتىلدىڭ ءوزارا اۋدارماسى قولدانىلىپ، قاتىناسۋشىلاردىڭ ۋاقىت، كەڭىستىك شەكتەمەسىنەن اتتاپ، ءتىل جانە مەملەكەت شەكاراسى قامالىن بۇزىپ، جاعدايدى ۇعىسىپ، كەڭەس ورىستەتۋىنە مۇمكىندىك جاسالدى.
”مۇنان سىرت، قاراپايىم كورەرمەندەردىڭ تىركەلۋىنىڭ قاجەتى جوق، جوعارىدا ايتىلعان كىرۋ اۋزى ارقىلى 7 - كەزەكتى جۇڭگو − ازيا − ەۆروپا كورمەسىنىڭ ينتەرنەت جەلىسى كورمە - ماجىلىسىنە كىرۋىنە بولادى“، - دەدى ۋ شياۋبين.
ۇعىسۋعا قاراعاندا، وسى كەزەكتى كورمەنىڭ ينتەرنەت جەلىسى تۇعىرى كوپ تۇرعىدا، اناعۇرلىم ەركىن ايگىلەۋ ءتاسىلىن قولدانىپ، بۇلتتىق تەرمينال كورمە كورىنىسىنىڭ اناعۇرلىم باي مازمۇندى بولۋىنا مۇمكىندىك جاساعان. ۋ شياۋبين بىلاي دەپ تانىستىردى: كورمەگە قاتىناسقان ءاربىر كاسىپورىننىڭ تۇرلىشە قاجەتىن ويلاسقاندىقتان، كورمەگە قاتىناسقان كاسىپورىنداردىڭ بۇلتتىق تەرمينال كورمە ورنالاستىرۋىن ءوز الدىنا تامامداپ، ءبىر تۇتاس تەكسەرىپ بەكىتۋدەن وتكەننەن كەيىن ينتەرنەت جەلىسىنە شىعۋىنا بولاتىن بولدى. قازىرگە دەيىن 2450 كاسىپورىن ينتەرنەت جەلىسىنىڭ كورمە تەكشەسىندە كورمە ورنالاستىرۋدى تامامداپ بولدى.
