تيانشان تورى
تيانشان تورى   ›   جاڭالىقتار   ›   شينجياڭ حابارلارى

شات - شادىمان جاڭا تۇرمىس كەشىرۋدە

شۇي ياننا مەن جۇبايى:

شات - شادىمان جاڭا تۇرمىس كەشىرۋدە

  بەتاشار

  وتباسى بەرەكەلى بولسا، قوعام تىنىش بولادى، وتباسى باقىتتى بولسا، قوعام جاراسىمدى بولادى، سانسىزداعان وتباسىلارىنىڭ باقىتتى دا بەرەكەلى بولۋى مەملەكەتتىڭ گۇلدەنۋىنىڭ، دامۋىنىڭ تەلەگەي كۇشىن ۇيىستىرادى. پارتيا 18 - قۇرىلتايىنان بەرى تيانشان الابىنىڭ بايتاق دالاسىنداعى ءاربىر وتباسىندا تۋىلعان وزگەرىستەر ”شاعىن وتباسى، ۇلكەن مەملەكەت“ باقىتىنىڭ كۋاسى بولدى. بۇگىننەن باستاپ انار بۇلت شينجياڭ گازەتى ”وتباسىمنىڭ 10 جىلى“ ايدارىن اشادى، ”شاعىن“ وتباسىنان ”ۇلكەن “ وتباسىنا نازار سالىپ، ءار ۇلت بۇقاراسىنىڭ وقيتىن مەكتەبى بولۋى، ەڭبەگىنىڭ جەمىسىن كورۋى، ەمدەلەتىن شيپاحاناسى بولۋى، قارتايعاندا كۇتىمدەلەتىن ورنى بولۋى، تۇراتىن باسپاناسى بولۋى سىندى باقىتتى تۇرمىستى ءار قىرىنان ايگىلەپ كورسەتەدى.

انار بۇلت \ شينجياڭ گازەتىنىڭ ءتىلشىسى گو چيان

  جولداسى شى پىڭچۋان تاڭ سارىدەن سىرتقا شىعىپ جۇمىس ىستەۋگە كەتتى، قىزى يوۋيوۋ تاڭعى اسىن ىشكەننەن كەيىن، عيماراتتان ءتۇسىپ تىسقا شىعىپ وينادى، 8 - ايدىڭ 8 - كۇنى ءۇرىمجى قالاسى شۇيموگوۋ رايونى چۇنحى ييۋان 2 - مەرزىمدىك الەۋمەتتىك جالعا بەرىلگەن ۇيلەر شاعىن اۋماعى، شۇي ياننا تەرەزەنىڭ جانىنداعى كىتاپ ۇستەلىندە وتىرىپ، تاڭەرتەڭگى مەزەتتىك بوس ۋاقىتىنان قۇزىرلانىپ، قويىن كومپيۋتەرىن اشتى، ”تۇستەن بۇرىن دۇكەندە قاربالاس بولمايمىز، ءبىر اپتادا كوكونىسكە جۇمسالعان اقشانى، باسقا دا شىعىنداردى انىقتاپ، ەسەپتەپ قويۋىم كەرەك“، - دەدى.

  كۇن شۋاعىنا مالىنعان 53 شارشى مەترلىك ءۇي شۇي ياننا وتباسىنداعى 3 ادامنىڭ جان ۇياسى، عيمارات استىنان 900 مەتر قاشىقتىقتاعى 1 - قاباتتاعى قۇم قازان دۇكەنىن اعاسى ەكەۋى بىرلەسىپ اشقان ەدى. ”ءۇيدىڭ ايلىق جالاقىسى 500 يۋان، قۇم قازان دۇكەنىنىڭ جالاقىسى وسى جول بولىگىندەگى باسقا ساۋدا دۇكەندەرىنىڭ باعاسىنان ارزان، سىرتقا شىققاندا ءتۇسىپ - شىعاتىن ليفت بار، دۇكەنىمە بىردەمدە جەتىپ بارامىن، قازىرگى كۇنىم مەنىڭ ارمانداعانىمداي تۇرمىسىم“، - دەدى شۇي ياننا قۋانا.

  28 جاستاعى شۇي ياننا 10 نەشە جىلدىڭ الدىندا اكە - شەشەسىنە ىلەسىپ، اۋىلى حىناننان شينجياڭعا كەلىپ قونىستانادى. ول ەرەن بازاردىڭ زات ساتۋشىسى قىزمەتىن ىستەگەن، تۋىسىنىڭ تور تەرەزە جاساۋ زاۆودىندا قۇراستىرۋشى جۇمىسكەر بولعان، باسقالاردىڭ تانىستىرۋىمەن ءۇي اشەكەلەيتىن جۇمىسشى شى پىڭچۋانمەن تانىسادى، ەكەۋى باس قۇراپ، كەلەسى جىلىندا ءبىر قىز بالا سۇيەدى، وسىدان ىلگەرى ولار جالعا العان ۇيدە تۇرىپ كەلگەن بولاتىن.

  ”جەكەلەر سالعان ءۇيدىڭ ايىرىم بولمەسى بولادى، اكە - شەشەم ءبىر بولمەدە تۇرادى، مەن ولارمەن قاناتتاس بولمەدە تۇرامىن“، شۇي ياننا بىلاي دەدى: ءۇي وزىمىزدىكى ەمەس، ءۇي جالاقىسىنىڭ وسۋىنەن تىس، قايتا - قايتا ءۇي كوشۋدەن دە ابدەن مەزى بولاتىنبىز، ”ەرتەرەك باسپاناعا يە بولۋ مەنىڭ ەڭ ۇلكەن ارمانىم ەدى“، - دەدى.

  ءۇرىمجى قالاسىنىڭ ۇزدىكسىز كەمەلدەنگەن تۇرعىن ۇيمەن قامتاماسىز ەتۋ ساياساتى شۇي ياننانىڭ باسپانا بولۋ ارمانىن ىسكە اسىردى. الەۋمەتتىك جالعا بەرىلەتىن ءۇي قۇرىلىسى كولەمىنىڭ كەڭەيۋىنە جانە ءوتىنىش ەتۋ شارتىنىڭ تومەندەۋىنە ساي، شارتقا ۇيلەسەتىن شۇي ياننا وتباسى 2018 - جىلى الەۋمەتتىك جالعا بەرىلەتىن ۇيگە ءوتىنىش بەرەدى، سول جىلى 8 - ايدا ولار قامتاماسىز ەتىلەتىن ۇيلەر شاعىن اۋماعى − چۇنحى ييۋان 2 - مەرزىمدىك شاعىن اۋماعىنا كوشىپ كىرەدى.

  ”ءنومىرىم تاڭدالعان سول كۇنى قولىم دىرىلدەپ، قالتىراپ كەتتى، قاباعات قۋاندىم، اقىرى ءوز ءۇيىم بولاتىن بولدى“. شۇي ياننا بىلاي دەدى: جاسىل ءپۇلىس جامىلعان شاعىن اۋماققا كىرىپ، ورنىقتى اينالىمداعى ليفتكە وتىرىپ، 16 - قاباتتاعى جاڭا ءۇيىمنىڭ تەرەزەسىن اشىپ سىرتقا قاراعانىمدا كوڭىلىم جادىراپ سالا بەردى، ”جاڭا ۇيگە كوشىپ كىرگەندە العاش تولىقتاعان ۇلكەن جيھازىم 5000 يۋان جۇمساپ قىزىما كۇلگىن ءتۇستى 2 قاباتتى كەرەۋەت ساتىپ الىپ بەرۋ بولدى، بۇل ۇيىمىزدەگى ەڭ قىمبات ءۇي جيھازى، سونداي - اق مەنىڭ بالا كەزىمدەگى ارمانىم ەدى“.

  بۇقارانىڭ ”تۇراتىن باسپاناسى بولۋىنا“ عانا ەمەس، تاعى ”جاقسى ۇيدە تۇرۋىنا دا“ مۇمكىندىك جاساۋ كەرەك. جالعا بەرىلەتىن ءۇيدى ءادىل، جاريا ۇلەستىرۋ قىزمەتىن ويداعىداي ىستەۋ نەگىزىندە، ءۇرىمجى قالاسى دا ۇزدىكسىز رەفورما جاساپ، وي جەلىسىندە جاڭالىق اشىپ، تۇرعىن ءۇي قامتاماسىزدىعىن ساپالىلاندىرۋدى، دارەجەسىن جوعارىلاتۋدى ءۇرتىس ىلگەرىلەتتى.

  الەۋمەتتىك جالعا بەرىلەتىن ۇيلەر شاعىن اۋماعى رەتىندە، چۇنحى ييۋان 2 - مەرزىمدىك شاعىن اۋماعى ءىشىنارا تومەن قاباتتاعى ۇيلەردى سايكەستى پايدالانۋعا بەرىپ، ارزان جالاقىمەن تۇرعىندارعا جالعا بەرىپ، كوپشىلىكتى ۇيلەرىنىڭ الدىندا شارۋاشىلىق قۇرۋعا شابىتتاندىردى.

  ”مۇنداي جاقسى ورايدان قالايدا قاپى قالماۋىمىز كەرەك“. شى پىڭچۋان بىلاي دەدى: وتباسىمىزداعىلار اقىلداسقاننان كەيىن، قۇم قازان دۇكەنىن اشۋدى ۇيعاردىق، مەن جوبالاۋعا، اشەكەيلەۋگە، ايەلىم ساتىپ الۋعا جاۋاپتى بولدى، ”ءوز ءۇيىمىز ءارى ءوز دۇكەنىمىز بولدى، تۇرمىسىمىزدا اناعۇرلىم تەبىن بولدى، ءۇيىمىز، دۇكەنىمىز كەڭىدى، جان سارايىمىز جادىرادى“.

  الاڭسىز ءومىر، شات - شادىمان تىرشىلىكتەن تاماشا تۇرمىسقا دەگەن ءان اۋەلەدى. وسى بىرنەشە جىلدا شۇي ياننا دۇكەن اشتى، شى پىڭچۋان تاڭ بوزىنان كەتىپ، كەش ورالىپ، اشەكەيلەۋ جۇمىسىمەن اينالاستى، قىزى يوۋيوۋ 9 - ايدا شاعىن اۋماقپەن اراسىن ءبىر جول ءبولىپ تۇراتىن قارسىداعى باستاۋىش مەكتەپكە وقۋعا تۇسەدى.

  ”باسپانادان الاڭداۋدان“ ”باسپانا بولۋعا“، ونان ”جايلى قونىس بولۋعا“ دەيىن شۇي ياننا وتباسىنداعىلاردىڭ وزگەرىسى ءۇرىمجى قالاسىنداعى ءار ۇلت بۇقاراسىنىڭ تۇراتىن باسپاناسى بولۋ دەگەن ارمانىنىڭ شاعىن كارتيناسى. 2007 - جىلى تۇرعىن ءۇي قامتاماسىزدىعى قىزمەتى ورىستەتىلگەننەن بەرى، باستاپتا ەڭ تومەنگى تۇرمىسى قامتاماسىز ەتىلەتىن وتباسىلارىن قامتۋدان ارى قاراي ورتا، تومەن كىرىستەگى وتباسىلارىنا كەڭەيۋگە، ءار جىلى ءبىر رەت عانا نومىرگە يە بولۋدان ايىنا ءبىر رەت ءۇي تاڭداۋعا دەيىن ءۇرىمجى قالاسى الەۋمەتتىك جالعا بەرىلەتىن ۇيلەردى نەگىزگى تۇلعا ەتكەن، جالعا الۋ تولىقتاما قاراجاتىن، ارزان باعالى ءۇيدى تولىقتاما ەتكەن كوپ ساتىلى، كەڭ قامتىمدى تۇرعىن ءۇي قامتاماسىزدىعى جۇيەسىن ورناتىپ، جالپى 180 مىڭنان استام ورتا، تومەن كىرىستەگىلەردىڭ تۇرعىن ءۇي ماسەلەسىن شەشتى.

  قابىرعاداعى قىزىنىڭ سۋرەتىنە قاراپ تۇرىپ شۇي ياننا: ”قازىرگى ەڭ ۇلكەن ءۇمىتىم بالامنىڭ جاقسى وقۋى، كۇيەۋىم ەكەۋىمىز قۇلشىنا اقشا تاۋىپ، بارعان سايىن جاقسى تۇرمىس كەشىرەمىز“! - دەدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.