ما شيڭرۇي، ەركىن تۇنياز اۆتونوميالى رايوندىق شۇعىل جاعدايعا توتەپ بەرۋ، باسقارۋ مەڭگەرمەسىندە جانە سۋ يگىلىگى مەڭگەرمەسىندە تەكسەرۋ - زەرتتەۋ، تەكسەرۋ جۇرگىزگەندە بىلاي دەپ باسا دارىپتەدى
ىندەتتەن ساقتانۋ - تىزگىندەۋ جانە ءوندىرىس حاۋىپسىزدىگى، اپاتتان ساقتانۋ، اپات شىعىنىن ازايتۋ قىزمەتىن تيتتەي دە بوساڭسىماي، مىقتى، ناقتى يگەرۋ كەرەك
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز 8 - ايدىڭ 19 - كۇنى تۇستەن بۇرىن اۆتونوميالى رايوندىق شۇعىل جاعدايعا توتەپ بەرۋ، باسقارۋ مەڭگەرمەسىنە، سۋ يگىلىگى مەڭگەرمەسىنە بارىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ، ءوندىرىس حاۋىپسىزدىگى جانە اپاتتان ساقتانۋ، اپات شىعىنىن ازايتۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنۋ، دايەكتىلەندىرۋ، ”ەكىنى ءبىر تۇتاس جوسپارلاۋعا“ تاباندى بولۋ، ىندەتتەن ساقتانۋ - تىزگىندەۋ، ءوندىرىس حاۋىپسىزدىگى، تاسقىننان ساقتانۋ، قۋاڭشىلىققا قارسى اتتانۋ، ءورت ءسوندىرۋ، ورتتەن ساقتانۋ، اپاتتان قۇتقارۋ سياقتى ءتۇرلى حاۋىپ - قاتەردەن ساقتانۋ جانە شۇعىل جاعدايعا توتەپ بەرۋ، ءبىر جاقتى ەتۋ قىزمەتىن تيتتەي دە بوساڭسىماي، مىقتى، ناقتى يگەرۋ جونىندە تەكسەرۋ - زەرتتەۋ، تەكسەرۋ جۇرگىزدى، جەتەكشىلىك ەتتى.
اۆتونوميالى رايوندىق شۇعىل جاعدايعا توتەپ بەرۋ، باسقارۋ مەڭگەرمەسىندە ما شيڭرۇي، ەركىن تۇنياز قاتارلىلار شۇعىل جاعدايعا توتەپ بەرۋ، باسقارۋ قىزمەتىنەن بەرىلگەن مالىمەتتى تىڭداپ، كومىر كەن، قاتەرلى حيميالىق بۇيىمدار سياقتى ءتۇيىندى سالالار مەن كاسىپتەردىڭ حاۋىپسىزدىگىن باقىلاۋ - باسقارۋ، حاۋىپ - قاتەرلەردى ءبىر - بىردەن اداقتاپ رەتتەۋ - وڭاۋ، شۇعىل جاعدايعا توتەپ بەرۋ شارالارىن تياناقتاندىرۋ سياقتى جاعدايلاردى ەگجەي - تەگجەيلى ۇعىستى؛ اۆتونوميالى رايوندىق سۋ يگىلىگى مەڭگەرمەسىندە ما شيڭرۇي، ەركىن تۇنياز قاتارلىلار بەينە ەكران ارقىلى حوتان وزەنىنىڭ، ياركەن وزەنىنىڭ، اقسۋ وزەنىنىڭ، تارىم وزەنىنىڭ نەگىزگى اعارلارى سياقتى ءتۇيىندى سۋ يگىلىگى توراپتارىنىڭ، توعان كومەيلەرىنىڭ، وزەن بوگەۋ تيەكتەرىنىڭ جانە وزەن اعارلارىنىڭ ۇزىلگەن بولەكتەرىنىڭ، وزەن قۇيار جەرلەردەگى كولدەردىڭ ناقتى جاعدايىن كورىپ، تاسقىن مەزگىلىندەگى سۋ كەلۋ، تاسقىن سۋىن قويا بەرۋ قۋاتى، سۋدى ىركىپ ورنالاستىرۋ، تاسقىننان ساقتانىپ، قۋاڭشىلىققا قارسى اتتانۋ سياقتى جاعدايلاردى ەگجەي - تەگجەيلى ۇعىستى.
ما شيڭرۇي بىلاي دەپ باسا دارىپتەدى: قازىر بۇكىل رايون ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋدىڭ شەشۋشى مەزگىلىندە تۇر، سونداي - اق شينجياڭدا قاردىڭ ەرۋىنەن تاسقىن كوپ جۇرەتىن ماۋسىم جانە جازعى جيىن - تەرىن، كۇزگى ەگىس تولاسسىز جۇرىلەتىن ماڭىزدى مەزەت، ءتۇرلى حاۋىپ - قاتەردەن ساقتانۋدى ءبىر تۇتاس جوسپارلاپ ويداعىداي يگەرۋ توتەنشە ماڭىزدى، تيتتەي دە بوساڭسۋعا بولمايدى. جەر - جەر، تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ، ءوندىرىس حاۋىپسىزدىگى جانە اپاتتان ساقتانۋ، اپات شىعىنىن ازايتۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ماسەلەنى باعدار ەتۋگە جانە تومەنگى شەكتە ويلاۋعا تاباندى بولىپ، ”ءاردايىم قام جەپ تۇراتىن“ جاۋاپكەرشىلىك سەزىممەن، زور ىقتيمالدىق وي جەلىسى ارقىلى شاعىن ىقتيمالدىق وقيعالارعا توتەپ بەرىپ، حاۋىپ - قاتەرگە تۇجىرىم جاساۋدى جانە الدىن الا مالىمەت بەرۋدى، ساقتاندىرۋدى كۇشەيتىپ، ءالسىز بۋىنداردى قاداعالاپ، حاۋىپسىزدىك كومەسكى كىناراتتارىن جاپپاي ءبىر - بىرلەپ تەكسەرىپ، ءتۇرلى قىزمەتتەردى ەگجەي - تەگجەيلى، ناقتى يگەرىپ، ءار ۇلت بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن شىنايى قامتاماسىز ەتىپ، بۇكىل رايون ەكونوميكاسىنىڭ ورنىقتى، اقاۋسىز دامۋىنا قىزمەت وتەۋ كەرەك.
ءبىرىنشى، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك. نازاردى قوعامدىق جاقتا نولگە ءتۇسىرۋ نىساناسىنا شوعىرلاندىرىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى شينجياڭ قىزمەت گرۋپپاسىنىڭ پىكىرى بويىنشا، وڭىرلىك سايكەسۋدى، بيڭتۋان مەن جەرگىلىكتى ورىننىڭ بىرلەسىپ قيمىلداۋىن كۇشەيتىپ، قوعامدىق جاقتا قاتاڭ باسقارۋ - تىزگىندەۋدى جانە جاپپاي ەگجەي - تەگجەيلى، ءبىر - بىرلەپ تەكسەرۋدى ۇزدىكسىز ىلگەرىلەتىپ، ”سىرتقا قاراتا قاتاڭ بولۋ، ىشكى جاقتا بوس بولۋدى“، ”قۇنتسىزدىقتى“ باتىل تيىپ، ۋاقىتتى ۇتۋعا، ونىمدىلىكتى جوعارىلاتۋعا، ولقىلىقتاردى تولىقتاۋعا كۇش سالىپ، حىسۋان تەكسەرۋ، ەپيدەميولوگيالىق تەكسەرىپ ىزىنە ءتۇسۋ، اۋاشالاۋعا اپارۋ، شيپاحانا كولەمىندە جۇعىمدالۋدان ساقتانۋ - تىزگىندەۋ سياقتى شەشۋشى بۋىنداردى قاتاڭ، ناقتى، ويداعىداي يگەرىپ، عىلمي، دالمە - ءدال ساقتانۋ - تىزگىندەۋ قابىلەتىن، دەڭگەيىن شىنايى جوعارىلاتىپ، ەكونوميكالىق، قوعامدىق دامۋعا جانە بۇقارانىڭ وندىرىسىنە، تۇرمىسىنا جاسايتىن ىقپالىن ەڭ جوعارى شەكتە ازايتۋ كەرەك.
ەكىنشى، حاۋىپسىزدىك حاۋىپ - قاتەرلەرىن، كومەسكى كىناراتتارىن جاپپاي ءبىر - بىرلەپ تەكسەرۋ كەرەك. كومىر الاپتارى، كەن، قاتەرلى حيميالىق بۇيىمدار، ورمان - جايلىم، سۋ يگىلىگى ينجەنەرياسى جانە ءتۇيىندى وزەن ارنالارى، قاتىناس - تاسىمال، ونەركاسىپ باقشا رايونى سياقتى كاسىپ سالالارى تۇرعان جەردىڭ حاۋىپسىزدىك حاۋىپ - قاتەرى مەن كومەسكى كىناراتتارىن ۇقىپتىلىقپەن ءبىر - بىرلەي انىقتاپ، دەر كەزىندە قاتاڭ، تۇبەگەيلى رەتتەپ - تۇزەتۋ؛ تاسقىن جاعدايى، سۋ جاعدايى سياقتىلاردى باقىلاۋ - ولشەۋدى، ساقتاندىرۋدى كۇشەيتىپ، ءتۇيىندى وڭىرلەردە، اسىرەسە، تاسقىن وڭاي تۋىلاتىن، ءجيى تۋىلاتىن وڭىرلەردە قالىڭ جاۋىن - شاشىن، سەل، لاي - شاعىل كوشكىنى سياقتىلاردى الدىن الا مەجەلەۋ، الدىن الا مالىمەت بەرۋ دەڭگەيىن جوعارىلاتىپ، سۋ قويماسى، تيەك پۋنكتى سياقتىلاردىڭ حاۋىپ - قاتەرىن ءبىر - بىرلەپ تەكسەرۋ، حاۋىپ - قاتەرىن الاستاپ بەكەمدەۋ، تۇنبانى تازالاپ سيىمدىلىعىن كەڭەيتۋ سياقتى قىزمەتتەردى كورنەكتى تۇردە ويداعىداي يگەرىپ، حاۋىپسىزدىك كومەسكى كىناراتتارىن شىنايى جويۋ كەرەك.
ءۇشىنشى، ءتۇرلى ساقتانۋ شارالارىنىڭ تياناقتانۋىن كۇشەيتۋ كەرەك. ەرەجە - تۇزىمدەر مەن قىزمەت ولشەمدەرىن كەمەلدەندىرىپ، ءونىمدى توتەپ بەرۋ شارالارىن بەلگىلەپ، ەڭ قاتاڭ ءوندىرىس حاۋىپسىزدىگى شارالارى مەن ءوندىرىس حاۋىپسىزدىگى ءتۇزىمىن تياناقتاندىرۋ؛ تاسقىننان ساقتانۋ، ورنالاستىرۋدى عىلمي ورىستەتىپ، وزەن - كولدەردىڭ اعىن مولشەرىن الدىن الا تۇجىرىمداۋدى جانە قاتەرلى جاعدايىن تۇجىرىمداۋدى كۇشەيتىپ، سۋ ىستەرى ينجەنەرياسىن ەگجەي - تەگجەيلى ورنالاستىرىپ، ءونىمدى تۇردە تاسقىن سۋ قىسمىن باسەيتىپ، بوگەپ، اعىزىپ، تاسقىن مەزگىلىنەن امان وتۋگە شىنايى كەپىلدىك ەتۋ؛ تاسقىننان ساقتانۋ مەن سۋ يگىلىگىن گۇلدەندىرۋدى قاتار جۇرگىزۋگە تاباندى بولىپ، اۋىل شارۋاشىلىعىن سۋارۋ، ەكولوگيالىق سۋ تولىقتاۋ، سۋ قويماسىنا سۋ ساقتاۋ سياقتىلاردى ءبىر تۇتاس جوسپارلاپ، قۋاڭشىلىققا قارسى اتتانۋ بويىنشا سۋ قاينارىن سەپتەۋ جانە شۇعىل جاعدايعا توتەپ بەرۋ بويىنشا سۋمەن قامداۋدى قامتاماسىز ەتۋ شارالارىن تياناقتاندىرىپ، سۋ بايلىعىن جوعارى ونىمدىلىكپەن جايعاستىرۋ، ۇيلەسىمدى پايدالانۋ دەڭگەيىن جوعارىلاتۋ؛ شۇعىل جاعدايعا توتەپ بەرۋ دايىندىق جوباسى، قوسىنى، زاتتىق ماتەريالدارى سياقتى دايىندىقتاردى ويداعىداي ىستەپ، شۇعىل جاعدايعا توتەپ بەرۋگە جۇمىلدىرۋ، قاتەردەن ساقتانۋ، قۇتقارۋ - كومەكتەسۋ سياقتى بۋىنداردى ورگانيكالى ۇشتاستىرىپ، شۇعىل جاعدايعا توتەپ بەرۋدى باسقارۋ دەڭگەيىن جوعارىلاتۋ كەرەك.
ءتورتىنشى، ءار جاقتىڭ جاۋاپكەرشىلىگىن قاتايتۋ، ناقتىلاندىرۋ كەرەك. جاۋاپكەرشىلىكتى اپاتتان ساقتانۋدىڭ، اپات شىعىنىن ازايتۋدىڭ، اپاتتان قۇتقارۋدىڭ جالپى بارىسىنا، ءار جىگىنە تياناقتاندىرۋعا تاباندى بولىپ، ءار دارەجەلى باسشى كادرلار نەگىزگى ساتىنىڭ الدىڭعى شەبىنە بارىپ، الدا ءجۇرىپ قولباسشىلىق ەتىپ، ورنالاستىرۋ جاساپ، شىنداپ كىرىسۋگە، قيىندىقتارمەن ايقاسۋعا باتىل بولىپ، حاۋىپسىزدىكتى باقىلاۋ - باسقارۋ بويىنشا زاڭ اتقارۋ جانە تەكسەرۋ، قۋزاۋ - جەتەكشىلىك ەتۋ تەبىنىن ارتتىرىپ، ءوندىرىس - تيجارات، باقىلاۋ - باسقارۋ سياقتى قاتىستى تۇلعالىق جاۋاپكەرشىلىكتى كۇشەيتىپ، يدەياداعى سالعىرتتىق، تانىمداعى جەتەرسىزدىك، جوسپارلاۋداعى قۇنتىسزدىق، ارەكەتتەگى سىلبىرلىق سياقتى نىسايلاردى جويىپ، فورماشىلدىقتى، تورەشىلدىكتى الاستاپ، حاۋىپسىزدىك جاۋاپكەرشىلىگىنىڭ، حاۋىپسىزدىك ۇسىنىلىمىنىڭ، حاۋىپسىزدىك بويىنشا باۋلۋدىڭ، حاۋىپسىزدىك باسقارۋىنىڭ، شۇعىل جاعدايعا توتەپ بەرۋ بويىنشا قۇتقارۋ - كومەكتەسۋدىڭ تياناقتانۋىنا شىنايى كەپىلدىك ەتۋ كەرەك.
بەسىنشى، جۇيەلى ىلگەرىلەتىپ، ”ەكىنى ءبىر تۇتاس جوسپارلاۋدى“ ورىنداۋ كەرەك. ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن تىڭعىلىقتى، ويداعىداي ىستەپ، ەكونوميكانى ورنىقتىرۋدىڭ ءبىر قىدىرۋ ساياسات - شارالارىنىڭ تياناقتانىپ ءونىم بەرۋىن ۇزدىكسىز ىلگەرىلەتىپ، نازاردى ءتۇيىندى كاسىپورىندارعا، ءتۇيىندى كاسىپتەرگە، ءتۇيىندى وڭىرلەرگە دالمە - ءدال كۇش سالۋعا شوعىرلاندىرىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن قامتاماسىز ەتىپ، تۇرمىستىق زاتتىق ماتەريالدارمەن جانە ەنەرگيامەن قامداۋدى، باعانى ورنىقتىرۋدى ويداعىداي ىستەپ، كوپ ءتۇرلى شارانى قاتار قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتىپ، بازار تۇلعالارىن ورنىقتىرىپ، ەكونوميكانىڭ ورنىقتى، اقاۋسىز دامۋىن ىلگەرىلەتۋ كەرەك.
چىن ۋيجۇن، ءيۇسۇپجان مامەت، قادەن كابەن، ماڭلىك سەيىت قاتارلىلار قاتىناستى.
