اۆتونوميالى رايون ىندەتتەن ساقتانۋ - تىزگىندەۋ ماماندار اڭگىمە ءماجىلىسىن اشتى
اناعۇرلىم عىلمي پوزيتسيامەن، اناعۇرلىم قاتاڭ شارامەن ىندەتتەن ساقتانۋ - تىزگىندەۋدەن قامال الۋ شايقاسىن باتىلدىقپەن ويداعىداي جۇرگىزۋ، جەڭىسكە قول جەتكىزۋ كەرەك
ما شيڭرۇي، ەركىن تۇنياز، لي يفي، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 20 - كۇنى ۇرىمجىدەن حابارلايدى. 8 - ايدىڭ 20 - كۇنى تۇستەن كەيىن، اۆتونوميالى رايون ىندەتتەن ساقتانۋ - تىزگىندەۋ ماماندار اڭگىمە ءماجىلىسىن اشتى. اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي، اۆتونوميالى رايوننىڭ ءتوراعاسى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز قاتارلى اۆتونوميالى رايون باسشىلارى مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسىنىڭ، جۇڭشان داشۋەسىنە قاراستى 1 - شيپاحانانىڭ جانە اۆتونوميالى رايونداعى حىسۋان تەكسەرۋ، ەپيدەميولوگيالىق تەكسەرۋ بويىنشا تەگىن انىقتاۋ، الەۋمەتتىك اۋماقتا ساقتانۋ - تىزگىندەۋ، ەمدەۋ - قۇتقارۋ سياقتى سالالاردىڭ ماماندارىمەن ىشكەرىلەي پىكىرلەسىپ، تالقى وتكىزدى، قوعامدىق جاقتا نولگە ءتۇسىرۋدى ەرتەرەك جۇزەگە اسىرۋدى توڭىرەكتەي وتىرىپ، نازاردى رايونىمىزدىڭ قازىرگى ۋاقىتتاعى ىندەتتەن ساقتانۋ - تىزگىندەۋدەگى ءتۇيىندى قىزمەتتەرىنە شوعىرلاندىرىپ، جاعدايدى عىلمي تۇجىرىمداپ، ماسەلەلەرگە وبيەكتيۆ تالداۋ جاساپ، پىكىر - ۇسىنىستاردى تىڭدادى، ىندەتتەن ساقتانۋ - تىزگىندەۋدەن قامال الۋ شايقاسىن باتىلدىقپەن ويداعىداي جۇرگىزۋ جانە وندا جەڭىسكە قول جەتكىزۋ ءۇشىن، ناقتى شارالاردى جوسپارلادى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ اڭگىمە ماجىلىسكە قاتىناستى.
مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسىنىڭ ماماندارى جىڭ رۇيچياڭ، دۋ جاۋحۇي، جۇڭشان داشۋەسىنە قاراستى 1 - شيپاحانانىڭ ماماندارى جۋ چيڭتاڭ، گو يۇيبياۋ، ليۋ دايۋە، اۆتونوميالى رايوننىڭ ىندەتتەن ساقتانۋ - تىزگىندەۋ ماماندارى ۋاڭ شاۋحۋا، ۋاڭ شييان، لي فان، ۋاڭ جۇن، ني ميڭجيان، ياڭ ينيڭ قاتارلىلار وسى رەتكى ىندەتتەگى وميكرون وزگەرگەن شتاممىنىڭ تارالۋ قۋاتى مەن جاسىرىنعىشتىق سيپاتى اناعۇرلىم كۇشتى، ساقتانۋ - تىزگىندەۋ قيىندىعى اناعۇرلىم زور بولۋ ەرەكشەلىكتەرىنە مەڭزەس، ىندەتتەن ساقتانۋ قىزمەتىنىڭ ءىس جۇزىندىگىمەن جانە ساقتالىپ وتىرعان ماسەلەلەرمەن ۇشتاستىرىپ، جەكە - جەكە عىلمي تۇجىرىم جاساۋ، جوعارى، ورتا، تومەن حاۋىپ - قاتەرلى رايونداردى دالمە - ءدال ءبولۋ؛ 9 - نۇسقاداعى ساقتانۋ - تىزگىندەۋ جوباسىن ۇيرەنۋدى، باۋلۋدى كۇشەيتۋ؛ ينفورماتسيا قامالىن بۇزىپ، ينفورماتسيا جەتكىزۋ مەحانيزمىن ىركىلىسسىزدەندىرۋ؛ الەۋمەتتىك اۋماقتى باسقارۋ - تىزگىندەۋدى ساپالىلاندىرىپ، تور كوزدەندىرىپ باسقارۋعا سۇيەنىپ، سوڭعى ءبىر - بىرلەي تەكسەرۋدى كۇشەيتۋ؛ حىسۋان تەكسەرۋدىڭ ”ۇتىمدى ولشەمىنە“ تاباندى بولىپ، حىسۋان تەكسەرۋدىڭ ساپاسىن، ونىمدىلىگىن جوعارىلاتۋ؛ بەلگىلەنگەن شيپاحانالاردىڭ ەمدەۋگە الۋ جۇيەسى مەن ولشەمىن ايقىنداپ، ”قارتتار مەن بالالاردى“ عىلمي ەمدەۋدى جانە نەگىزدىك اۋرۋى، قارتتار اۋرۋى سياقتى ەرەكشە اۋرۋلارى بار ناۋقاستاردى كوپ سالالى قۇتقارىپ - ەمدەپ، جەڭىل ناۋقاستاردىڭ اۋىر ناۋقاسقا اينالۋىن تەجەۋ؛ قۇرىلىس جۇمىس ورنى، ەمدەۋ قۇرىلىمى، قارتتاردى كۇتىمدەۋ يگىلىك قۇرىلىمى سياقتى ءتۇيىندى ورىندارداعى ساقتانۋ - تىزگىندەۋدى ويداعىداي ىستەپ، اۋاشالاۋ ءتۇيىنى، فاڭساڭ شيپاحاناسى سياقتىلاردان حاۋىپ - قاتەردىڭ سىرتقا شىعۋىنان قاتاڭ ساقتانۋ؛ الدىڭعى شەپتەگى ساقتانۋ - تىزگىندەۋ، قىزمەت وتەۋ، قامتاماسىزداندىرۋ سياقتى قىزمەتكەرلەردى جابىق باسقارۋدى كۇشەيتىپ، ەمدەۋ - كۇتىمدەۋ قىزمەتكەرلەرىنىڭ ساقتانۋىنىڭ جۇيەلىلەنۋىن، ولشەمدەنۋىن تياناقتاندىرۋدى كۇشەيتۋ، ساڭلاۋلاردى، حاۋىپ - قاتەرلەردى ءبىر - بىرلەي تەكسەرىپ رەتتەۋ - تۇزەتۋ سياقتى قىزمەتتەردى توڭىرەكتەي وتىرىپ، باعىتتامالىلىعى كۇشتى، اتقارىمدىلىعى ناقتى پىكىر - ۇسىنىستاردى العا قويدى. ما شيڭرۇي، ەركىن تۇنياز قاتارلىلار سوزدەردى مۇقيات تىڭداپ، قاتىستى احۋالداردى قايتا - قايتا سۇراستىرىپ، ىندەتتەن ساقتانۋ - تىزگىندەۋدىڭ ناقتى شارالارىن اقىلداستى، تالقىلادى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان ءارقايسى مامانداردىڭ رايونىمىزدىڭ ىندەتتەن ساقتانۋ - تىزگىندەۋىنە زور قولداۋ كورسەتكەندىگىنە جانە بار كۇشپەن جەتەكشىلىك ەتكەندىگىنە شىن جۇرەكتەن العىس ايتىپ، جۇمىس ورىندارىنان تاپجىلماي ىستەپ جاتقان قالىڭ ەمدەۋ - كۇتىمدەۋ قىزمەتكەرلەرى مەن ىندەتتەن ساقتانۋ - تىزگىندەۋدىڭ الدىڭعى شەبىنە ات سالىسىپ جاتقان قىزمەتكەرلەردەن ىقىلاسپەن حال سۇرادى. ول بىلاي دەپ اتاپ كورسەتتى: مامانداردىڭ پىكىر - ۇسىنىستارى عىلمي دا دالمە - ءدال، ءىس جۇزىندىككە ۇيلەسەدى، باعىتتامالىلىعى، كاسىبيلىگى، اتقارىمدىلىعى ەرەكشە كۇشتى، ءبىزدىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىمىزگە ناقتى جەتەكشىلىك ەتەدى جانە ونى پارمەندى ىلگەرىلەتەدى. قازىرگى ۋاقىتتا رايونىمىزدىڭ ىندەتتەن ساقتانۋ - تىزگىندەۋ قىزمەتىندە بەلگىلى ناتيجەلەرگە قول جەتتى، الايدا ءىشىنارا رايونداردا جاسىرىن تارالۋ ءالى تولىق تەجەلگەن جوق، تارالۋ، كەڭەيۋ حاۋىپ - قاتەرى ءالى دە ورىن تەبۋدە، ساقتانۋ - تىزگىندەۋ جاعدايى ءالى دە قاتاڭ دا كۇردەلى. باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى شينجياڭ قىزمەتى گرۋپپاسىنىڭ تالاپتارى بويىنشا، مامانداردىڭ ۇسىنىس - پىكىرلەرىن تولىق قابىلداپ، ۇلگى الىپ، ”يكەمدى نولگە ءتۇسىرۋ“ باس باعىتىنان اۋىتقىماۋعا تاباندى بولىپ، سەنىمدى بەكەمدەپ، تاباندىلىقتى ساقتاپ، ۋاقىتقا قاراي، اۋقىمعا قاراي، جەرگىلىكتى جاعدايعا قاراي ساقتانۋ - تىزگىندەۋ تاكتيكاسىن رەتتەپ، جوعارى دالدىكپەن حىسۋان تەكسەرۋدى ءتۇيىن، دالمە - ءدال سارالاپ تەكسەرۋدى، اۋاشالاۋدى، باسقارۋ - تىزگىندەۋدى تەتىك ەتىپ، نازاردى ءتۇيىندى رايوندارعا، شەشۋشى بۋىندارعا ءدال كۇش سالۋعا شوعىرلاندىرىپ، ىندەتتەن ساقتانۋ - تىزگىندەۋدەن قامال الۋ شايقاسىن باتىلدىقپەن ويداعىداي جۇرگىزىپ، جەڭىسىكە قول جەتكىزۋ كەرەك. ءبىرىنشى، حىسۋان تەكسەرۋ كۇشتەرى بايلىعىن ساپالىلاندىرا ورنالاستىرىپ، ”ءۇش اۋماقتى“ ءبولۋ جانە باسقارۋ تالابىن قاتاڭ تياناقتاندىرىپ، ءتۇيىندى جوعارى، ورتا حاۋىپ - قاتەرلى وڭىرلەرگە ويىستىرىپ، جوعارى حاۋىپ - قاتەرلى رايونداردا ءبىر ادامعا ءبىر پروبيركا بويىنشا تەكسەرۋدى ويداعىداي يگەرىپ، تەكسەرۋدىڭ باعىتتامالىلىعىن، ونىمدىلىگىن جوعارىلاتۋ كەرەك. ەكىنشى، اۋاشالانۋعا تيىستىلەردى مۇمكىندىگىنشە اۋاشالاپ، ىزىنە ءتۇسۋ كولەمىن كەڭەيتىپ، اۋاشالاۋ تىزبەگىن ۇزارتىپ، اۋاشالاۋ ورىندارىن تولىق دايىنداپ، بولىمدى بولعاندار، اۋرۋ بەلگىسى جوق جۇعىمدالۋشىلار جانە وعان ءجيى جۋىسۋشىلار، جانامالاي جۋىسۋشىلار سياقتى جالپى تىزبەكتەگى حاۋىپ - قاتەرى بار ادامداردى اۋاشالاۋدى، باسقارۋ - تىزگىندەۋدى تىڭعىلىقتى تياناقتاندىرۋ كەرەك. ءۇشىنشى، ىندەتتەن ساقتانۋ، قىزمەت وتەۋ، قامتاماسىزداندىرۋ سياقتى الدىڭعى شەپتەگى قىزمەتكەرلەردىڭ ساقتانۋىن كۇشەيتىپ، ”تۇيىننەن تۇيىنگە دەيىنگى“ جابىق باسقارۋ شاراسىن تياناقتاندىرىپ، باۋلۋ، الدىن الا ساقتانۋ، كەزەكپەن اۋىستىرۋ سياقتى قىزمەتتەردى ويداعىداي ىستەۋ كەرەك. ءتورتىنشى، شيپاحانادا جۇعىمدالۋدان ساقتانۋ - تىزگىندەۋدى شىن مانىندە ويداعىداي يگەرىپ، جۇعىمدالۋدى تىزگىندەۋدىڭ نەگىزدىك قورعانىس شەبىن كەمەلدەندىرىپ، ولشەمدى ساقتانۋ جۇيەسىن تياناقتاندىرىپ، اۋاشالانعان ناۋقاستار اۋماعىن باسقارۋدى ويداعىداي ىستەپ، جۇعىمدالۋ حاۋىپ - قاتەرىن ەڭ جوعارى شەكتە تومەندەتۋ كەرەك. بەسىنشى، 9 - نۇسقاداعى دياگنوز قويۋ - ەمدەۋ جوباسىن قاتاڭ اتقارىپ، جۇعىمدالۋشىلاردى تۇرگە ايىرىپ قۇتقارىپ - ەمدەپ، اۋىر ناۋقاستاردى قۇتقارۋ - ەمدەۋدى ءبىر ادامعا ءبىر شارا بويىنشا ويداعىداي ىستەپ، بۇقارانىڭ ءومىرىنىڭ حاۋىپسىزدىگى مەن دەنساۋلىعىن شىن مانىندە قامتاماسىزداندىرۋ؛ بۇقاراعا قىزمەت وتەۋ، قامتاماسىزداندىرۋ قىزمەتىن ىشكەرىلەي ۇقىپتىلىقپەن ويداعىداي ىستەپ، كوپشىلىكتى بەلسەنە سايكەسۋگە، بار كۇشپەن قولداۋعا جەتەكتەپ، ءاربىر ادامنىڭ اناعۇرلىم سەرگەك بولۋىنا، سانالى ارەكەتتەنۋىنە وراي جاراتىپ، بىرلەسىپ ساقتانۋ، بىرلەسىپ تىزگىندەۋدىڭ قاتاڭ قورعانىس شەبىن بەكەمدەۋ كەرەك. التىنشى، ءارقايسى جاقتىڭ جاۋاپكەرشىلىگىن ناقتىلاندىرۋ، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسى جانە ونىڭ كەڭسەسى ءۇرىمجى، ىلە، سانجى سياقتى ءتۇيىندى وڭىرلەردەگى ىندەتتىڭ كەڭەيۋ جاعدايىن ءجىتى قاداعالاپ، ءبىر تۇتاس جوسپارلاپ سايكەستىرۋدى، ءار كۇنى تۇجىرىم جاساۋدى كۇشەيتۋ؛ دەنساۋلىق ساقتاۋ، اۋرۋدىڭ الدىن الۋ جانە تىزگىندەۋ تاراۋلارى مۇقيات قورىتىندىلاپ، دەڭگەيىن كوتەرىپ، حىسۋان تەكسەرۋ، ەمدەۋ - قۇتقارۋ سياقتى قىزمەتتەردى تىڭعىلىقتى تۇردە ويداعىداي ىستەۋ؛ جەر - جەر قاراستى ورىن جاۋاپكەرشىلىگىن تياناقتاندىرىپ، پارتيالى كادرلاردى الدىڭعى شەپكە بارۋعا ۇيىمداستىرىپ، جۇمىلدىرىپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن شىن مانىندە ساۋلەلەندىرۋ كەرەك.
چىن ۋيجۇن اڭگىمە ءماجىلىستى باسقاردى، ياڭ فاسىن، قادەن كابەن، چىن ميڭگو، ليۋ سۋشى، ليۋ حۇيجۇن قاتارلىلار قاتىناستى، ما شين، كى ميڭ، ما ميڭحۇي، لۋ چىن، گۋان ۋىنلۇڭ، چىن جۇڭمين، جاڭ لۇڭحاي قاتارلى ماماندار قاتىناستى.
