انار بۇلت \ شينجياڭ گازەتىنىڭ ءتىلشىسى حي حۇڭۋي 8 - ايدىڭ 20 - كۇنى ۇرىمجىدەن حابارلايدى. پارتيا ورتالىق كوميتەتىنىڭ، مەملەكەتتىك كەڭەستىڭ سىرتقى ساۋدانى، شەتەل قارجىسىن ورنىقتىرۋ جونىندەگى شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ ءۇشىن، جۋىقتا اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ سىرتقى ساۋدانىڭ ورنىقتىلىعىن ساقتاپ، ساپاسىن جوعارىلاتۋ، شەتەل قارجىسىن ساقتاپ، ساپاسىن جەبەۋدى ىلگەرىلەتۋ جونىندەگى ءبىرقانشا شارانى» شىعارىپ، سىرتقى ساۋدا سالاسىندا اينالىمعا، ىركىلىسسىزدىككە كەپىلدىك ەتۋدى ىلگەرىلەتۋ قاتارلى 4 جاقتان 23 ءتۇرلى شارانى ورتاعا قويدى.
ءداستۇرلى باسەكەلىك باسىمدىقتى تولىق ساۋلەلەندىرىپ، سىرتقى ساۋدا سالاسىندا اينالىمعا، ىركىلىسسىزدىككە كەپىلدىك ەتۋدى كۇش سالا ىلگەرىلەتۋ جاعىندا «شارادا» مىنالار ورتاعا قويىلدى: شەكارا وتكەلىنىڭ زات تاسىمال ونىمدىلىگىن تىنباي جوعارىلاتىپ، تاس جول جانە اۆياتسيا شەكارا وتكەلدەرىندە قوس باعىتتا زات وتكىزۋدى قالپىنا كەلتىرۋدى ۇدايىلاندىرۋدى ىلگەرىلەتۋ، سىرتقى ساۋدا زاتتارىن ماڭىزدى زاتتارمەن قامتاماسىز ەتۋ كولەمىنە ەنگىزىپ، توڭىرەكتەگى مەملەكەتتەرمەن سەلبەسە وتىرىپ، شەكارا وتكەلدەرىنەن، كەدەننەن زات وتكىزۋ ونىمدىلىگىن جوعارىلاتۋ كەرەك.
باسەكەدەگى تىڭ باسىمدىقتى بەلسەنە جەتىلدىرىپ، نەگىزگى تۇلعالاردىڭ زاكاز الۋعا قۇلشىنىپ، بازار ءورىسىن كەڭەيتۋىن كۇش سالا قامتاماسىز ەتۋ جاعىندا «شارادا» مىنالار العا قويىلدى: وتكەلدەردەگى شەكارا اتتاعان ەلەكتروندى ساۋدانى جەدەل دامىتىپ، سيفرلى كەزەكشى پويەز، جۇڭگو − ەۆروپا اۋىر تيپتى جۇك اۆتوموبيل تاسىمالى سياقتىلارمەن بىردەي دامۋىن قولداپ - قۋاتتاۋ، شەتەلدەردەگى قامبالاردىڭ، شەكارا وتكەلدەرىندەگى قامبالاردىڭ ورنالاسۋىن جاقسارتۋ؛ بازاردىڭ ساتىپ الۋ ساۋدا ءتاسىلى سياقتى جاڭا كاسىپ كۇيى جونىندە ىزدەنىس جاساپ، وتكەرمەلى اۆتوكولىكتەردى ەكسپورت ەتەتىن كاسىپورىنداردى يكەمدى رەتكە سالۋ؛ ساۋدا مەن كاسىپ سالاسىن توعىسپالى دامىتۋدى ىلگەرىلەتىپ، مەملەكەت سىرتقى ساۋداسىنىڭ تيبىن وزگەرتىپ، دارەجەسىن جوعارىلاتۋ بازاسىنىڭ، كەشەندى باجىسىز اۋماعىنىڭ جانە بۇراتالا موڭعۇل اۆتونوميالى وبلىسى مەملەكەتتىك مانەرلەۋ، ساۋدا، كاسىپ سالاسى باقشاسىنىڭ يمپورت - ەكسپورت سالىستىرماسىن جوعارىلاتۋ؛ شەكارا ساۋداسىن جاڭالىق اشا دامىتۋدى ىلگەرىلەتىپ، شەكاراداعى تۇرعىنداردىڭ ءوزارا بازارشىلاۋ ساۋدا رايونىندا جانە سىناق تۇيىندەرىندە بازاردى قايتا اشۋدى، قايتا جۇمىس باستاۋدى جەدەلدەتۋ؛ يمپورت كولەمىن ءونىمدى كەڭەيتۋ؛ 7 جەرگىلىكتى ەكونوميكا - ساۋدا سەلبەستىك مەحانيزمىنىڭ رولىن ساۋلەلەندىرىپ، ينتەرنەت جەلىسىندە 6 مايدان ەكونوميكا - ساۋدانى جەبەۋ قيمىلىن وتكىزۋدى ۇيىمداستىرۋ، ورتا ازيا سياقتى ءداستۇرلى بازاردى ىشكەرىلەي اشۋ، RCEPگە مۇشە ەلدەردىڭ بازارىنا ءورىس اشۋ.
قازىنا - باجى، فينانستىق جاقتان قولداۋ كورسەتۋدى كۇشەيتۋ، شارۋاشىلىق - ساۋدا ورتاسىن كۇش سالا جاقسارتۋ جونىندە «شارادا» مىنالار العا قويىلدى: سىرتقى ساۋدانى، شەتەل قارجىسىن ورنىقتىرۋدى سايكەستىرۋ قىزمەت مەحانيزمىن ساۋلەلەندىرىپ، شارۋاشىلىق - ساۋدا ورتاسىن باقىلاۋشى ءتۇزىمىن ورناتۋ، سىرتقى ساۋدا كاسىپورىندارىنىڭ ەكسپورت سەنىمدىلىك قامسىزداندىرۋى قاجەتىنە جەدەل اڭىس قايتارۋ مەحانيزمىن ورناتىپ، يمپورت - ەكسپورتتى سەنىمدى قارىز اقشامەن قولداۋ تەبىنىن كۇشەيتۋ، الۋان فورماداعى ”ۇكىمەت، بانكە، كاسىپورىنداردى“ ۇشتاستىرۋ قيمىلىن ورىستەتۋگە ۇيىمداستىرىپ، سىرتقى ساۋدا كاسىپورىندارىنىڭ سىندىرىلىم حاۋىپ - قاتەرىنە توتەپ بەرۋ قابىلەتىن ارتتىرۋ؛ تاڭداۋلى كاسىپورىنداردىڭ شەكارا اتتاپ حالىق اقشاسىمەن ەسەپ جابۋىنا قولايلىلىق تۋدىرۋ سىناق تۇيىندەرىن ىلگەرىلەتۋ.
قارجى قوسۋدى جەبەۋ جانە ساۋداگەر شاقىرىپ قارجى ەنگىزۋدى كۇشەيتۋ، شەتەل قارجىسىنىڭ ورنىقتىلىعىن ساقتاپ، ساپاسىن جەبەۋگە كۇش سالۋ جونىندە «شارادا» مىنالار العا قويىلدى: ايماق، وبلىس، قالانىڭ، سونداي - اق باقشا رايوندارىنىڭ شەتەل قارجىسىن ەنگىزۋ، ساۋداگەر شاقىرۋ جاۋاپكەرشىلىگىن بەكەمدەپ، شياڭگاڭ، اۋمىن، تايۋان رايوندارىن، سونداي - اق ”ءبىر بەلدەۋ، ءبىر جول“ بويىنداعى مەملەكەتتەردى ”شينجياڭعا قارجى قوسۋدى“ ارقاۋ ەتە وتىرىپ قارجى قوسۋ ورىستەتۋگە باۋراۋ؛ «شەتەل ساۋداگەرلەرى قارجى قوسقان كاسىپورىنداردىڭ شاعىم ايتۋ قىزمەت ءادىسىن» شىعارۋ؛ شەتەل قارجىسى نىساندارىنىڭ جەدەل تياناقتانۋىن ىلگەرىلەتىپ، نىسانداردىڭ دامۋ اياق الىسىن ءجىتى قاداعالاپ، قولداپ - قۋاتتاۋ تەبىنىن كۇشەيتۋ؛ حالىقاراداعى جانە ەل ىشىندەگى كاسىپ سالالارىنىڭ جاڭالانۋى سىندى تىڭ بەتالىستى مىقتاپ يگەرىپ، ساۋدا ارقىلى شينجياڭعا كومەكتەسۋ مەحانيزمىنىڭ رولىن ساۋلەلەندىرۋ، عىلىم - تەحنيكالىق قۇرامى جوعارى، باستاماشى بولۋ، جەتەكشىلىك ەتۋ سيپاتى كۇشتى ءبىر توپ شەتەل قارجىسى نىساندارىن قۇلشىنا تياناقتاندىرۋ؛ جاساۋ كاسىبىنىڭ قارجى ەنگىزۋ تەبىنىن كۇشەيتىپ، جەر - جەردى ”ءبىر كاسىپورىنعا ءبىر شارا بولۋداي“ سايكەستى قولداۋ كورسەتۋگە دەم بەرۋ؛ شەتەل قارجىسى كاسىپورىندارىنا قىزمەت وتەۋدى جانە قامتاماسىز ەتۋدى كۇشەيتىپ، شەتەل ساۋداگەرلەرىنىڭ قارجى قوسۋ باعدارلاماسىن (2022 - جىلعى نۇسقاسى) حانزۋشا، اعىلشىنشا، ورىسشا 3 تىلدە قۇراستىرىپ دايىنداۋ.
