تيانشان تورى
تيانشان تورى   ›   جاڭالىقتار   ›   سۋرەتتى حابار

ءبىر نيەتپەن كۇش ۇيىستىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ كەرەك

ما شيڭرۇي شينجياڭدا تۇراتىن ورتالىق كاسىپورىندارىنا تەكسەرۋ - زەرتتەۋ جۇرگىزدى ءارى ءىشىنارا ايماق، وبلىس، قالالاردىڭ ىندەتتەن ساقتانۋ - تىزگىندەۋىن ورنالاستىرۋ ءماجىلىسىن اشتى

ءبىر نيەتپەن كۇش ۇيىستىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ كەرەك

  انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 8 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 8 - ايدىڭ 21 - كۇنى مەملەكەت ەنەرگيا توبى شينجياڭ حيميا ونەركاسىپ شەكتى سەرىكتەستىگىنە جانە مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنە بارىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ، ىندەتتەن ساقتانۋ - تىزگىندەۋ، كاسىپ سالاسى تىزبەگىن، قامداۋ تىزبەگىن ورنىقتىرۋ، ەنەرگيامەن، ەلەكترمەن قامداۋدى قامتاماسىز ەتۋ، حالىق تۇرمىسىن قامتاماسىز ەتۋ، ءوندىرىس حاۋىپسىزدىگى سياقتى قىزمەتتەردى تىڭعىلىقتى ويداعىداي ىستەۋ جونىندە تەكسەرۋ - زەرتتەۋ جۇرگىزدى؛ ءۇرىمجى، قۇمىل، تۇرپان، بايىنعولين سياقتى ءتۇيىندى ىندەت وڭىرلەرى بويىنشا ورنالاستىرۋ ءماجىلىسىن باسقارىپ اشىپ، ءىس جۇزىندىك جاعدايعا تالداۋ جاساپ، تۇجىرىم جاساپ، قاتىستى مىندەتتەردى، قىزمەتتەردى اقىلداستى، ورنالاستىردى.

  تەكسەرۋ - زەرتتەۋ بارىسىندا ما شيڭرۇي مەملەكەت ەنەرگيا توبى شينجياڭ حيميا ونەركاسىپ شەكتى سەرىكتەستىگىنە جانە مەملەكەت ەلەكتر تورى شينجياڭ ەلەكتر قۋاتى سەرىكتەستىگىنە كەلىپ، ىندەتتەن ساقتانۋ جانە وندىرىسكە قاتىستى جاعدايلار جونىندەگى تانىستىرۋدى تىڭدادى، كاسىپورىننىڭ جابىق اينالىمدا باسقارۋ، ءوندىرىس جۇرگىزۋ، قامداۋعا، ىركىلىسسىزدىككە كەپىلدىك ەتۋ، ەنەرگيانى ۇنەمدەپ، جۇمسالىمدى ازايتۋ، نىسان قۇرىلىسى سياقتى جاعدايلاردى ۇعىستى، شينجياڭدا تۇراتىن ورتالىق كاسىپورىندارىنىڭ شينجياڭدا قۇرىلىس جۇرگىزۋ، قارجى قوسۋ سەرپىنىن ارتتىرىپ، ساپالىلانۋعا، الۋەتتەنۋگە، ۇلعايۋعا قۇلشىنىپ، شينجياڭنىڭ ”ءۇش بازا، ءبىر ارنا“ قۇرىلىسىنا، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋعا اناعۇرلىم كەسەك ۇلەس قوسۋىن ءۇمىت ەتتى. ول بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابى بويىنشا، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ويداعىداي ىستەپ، زات اينالىمىنىڭ ىركىلىسسىزدىگىنە كەپىلدىك ەتۋ، تىزبەكتى ورنىقتىرىپ قامداۋ، اۋىل شارۋاشىلىعى ءوندىرىسى، نەگىزگى حالىق تۇرمىسى، قيىنشىلىقتان قۇتىلدىرۋ سياقتى شارالاردى تياناقتاندىرىپ، ىندەتتىڭ ىقپالىن بارىنشا ازايتىپ، ەكونوميكانىڭ ورنىقتى، اقاۋسىز دامۋىن ساقتاۋ كەرەك. كاسىپ سالاسى تىزبەگىن، قامداۋ تىزبەگىن ورنىقتىرىپ، بۇكىل شينجياڭنىڭ ءبىر تۇتاس جوسپارلاپ ورنالاستىرۋىن جانە وڭىرلەر ارا سايكەسە، بىرلەسە قيمىلداۋدى كۇشەيتىپ، زات اينالىمى تاسىمالىنا تۇساۋ بولاتىن توسقاۋىلداردى، بوگەتتەردى اشۋ؛ جوعارى، تومەنگى بۋىندى ۇشتاستىرا قىزمەت وتەۋدى كۇشەيتىپ، كاسىپورىنداردىڭ تۇراقتى ءوندىرىسىن، ىركىلىسسىز اينالىمىن قامتاماسىز ەتىپ، استىق، ەنەرگيا سياقتى كاسىپ سالاسى تىزبەگىنىڭ، قامداۋ تىزبەگىنىڭ ءونىمدى ۇلاسۋىنا، حاۋىپسىز، ورنىقتى بولۋىنا شىنايى كەپىلدىك ەتۋ كەرەك. حالىق تۇرمىسىن قامتاماسىز ەتۋدى كۇشەيتىپ، كومىر، ەلەكتر، مۇناي، تابيعي گاز سياقتىلارمەن قامداۋدى رەتتەۋدى كۇشەيتىپ، ەمدەۋ زاتتىق ماتەريالدارى، تۇرمىسقا قاجەتتى بۇيىمدار جانە حالىق تۇرمىسى زاتتىق ماتەريالدارى ءوندىرىسىنىڭ قالىپتى، قامداۋىنىڭ جەتكىلىكتى، باعاسىنىڭ تۇراقتى بولۋىن قامتاماسىز ەتۋ؛ اۋىل شارۋاشىلىعى ءوندىرىس ماتەريالدارىمەن قامداۋدى جانە اۋىل شارۋاشىلىعىن باسقارۋ مەن وعان قىزمەت وتەۋدى كۇشەيتىپ، اۋىل شارۋاشىلىعى ءوندىرىسىنىڭ اينالىم ءتارتىبىن قورعاۋ كەرەك. ءوندىرىس حاۋىپسىزدىگىن ويداعىداي يگەرىپ، ءار جاقتىڭ تۇلعالىق جاۋاپكەرشىلىگىن ناقتىلاندىرىپ، قاتەرلى حيميالىق بۇيىمدار، كومىر كەن، حيميا ونەركاسىبى، قۇرىلىس جۇرگىزۋ، كاسىپورىن باقشا رايوندارى سياقتى ءتۇيىندى سالالارداعى، كاسىپتەردەگى كومەسكى قاتەرلەردى اداقتاپ تەكسەرۋدى ىشكەرىلەي ورىستەتىپ، ءوندىرىس حاۋىپسىزدىگى جاۋاپكەرشىلىگىنىڭ ادامعا دەيىن تياناقتانۋىنا، قىزمەتتىڭ تىڭعىلىقتى ورىندالۋىنا شىنايى كەپىلدىك ەتۋ كەرەك. كاسىپورىنداردىڭ قيىنشىلىقتان قۇتىلۋىنا كومەكتەسۋدى كۇشەيتىپ، كاسىپورىندارعا تيىمدىلىك جاساۋ ساياساتتارىن تياناقتاندىرىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، كاسىپورىندارعا كومەكتەسىپ، زات اينالىمى، جۇمىسشى ىستەتۋ، شيكىزات سياقتى ماسەلەلەردى سايكەستىرىپ شەشىپ، ءتۇيىندى كاسىپ سالاسى تىزبەگىنىڭ، باستاماشى كاسىپورىنداردىڭ، كەلەلى قارجى قوسۋ نىساندارىنىڭ فاكتورلارمەن قامتاماسىز ەتىلۋىن كۇشەيتىپ، ەكونوميكانى اناعۇرلىم ويداعىداي ورنىقتىرىپ، حالىق تۇرمىسىن اناعۇرلىم ويداعىداي قامتاماسىز ەتىپ، اينالىمدى اناعۇرلىم ويداعىداي ىركىلىسسىزدەندىرۋ كەرەك.

  ورنالاستىرۋ ماجىلىسىندە ما شيڭرۇي بىلاي دەپ باسا دارىپتەدى: قاجىرلى قۇلشىنىس جاساۋ ارقىلى رايونىمىز ىندەتتەن ساقتانۋ - تىزگىندەۋدە بەلگىلى ونىمدىلىككە قول جەتكىزدى، الايدا ءىشىنارا وڭىرلەردىڭ قوعامدىق جاقتاعى تارالۋ حاۋىپ - قاتەرى ءالى دە تولىق جويىلعان جوق، ىندەت جاعدايى ءالى دە قايتالامالى جانە تۇراقسىز، ساقتانۋ - تىزگىندەۋ جاعدايى ءالى دە قاتاڭ دا كۇردەلى بولىپ وتىر. كەزەكتەگى ىندەتتەن ساقتانۋ - تىزگىندەۋدىڭ زاڭدىلىعى مەن ەرەكشەلىگىن دالمە - ءدال يگەرىپ، نازاردى قوعامدىق جاقتا نولگە ءتۇسىرۋ نىساناسىنا شوعىرلاندىرىپ، ماڭىزدى ءتۇيىندى كورنەكتىلەندىرىپ، تۇيىندەردەن قامال الىپ، قوعامدىق جاقتا جاپپاي ءسۇزىپ شىعۋدى، ەكشەپ تازالاۋدى جەدەلدەتۋگە اناعۇرلىم زور كۇش سالىپ، قاباعات تەزدىكپەن جەدەلدەتە ىستەۋگە، جۇمىس ءتارتىبىن ىقشامداپ، بۋىنداردى قىسقارتۋعا تاباندى بولىپ، سىناما الىپ تەكسەرۋدىڭ، تەكسەرۋ ناتيجەسى بولىمدى بولعانداردى قاداعالاۋدىڭ، اۋىستىرىپ تاسىمالداۋدىڭ، ەپيدەميولوگيالىق تەكسەرۋدىڭ، شيپاحانادان شىعارۋدىڭ ونىمدىلىگىن جوعارىلاتىپ، ”ءۇش اۋماقتى“ عىلمي، دالمە - ءدال بەلگىلەپ، حاۋىپ - قاتەرى جوعارى وڭىرلەردە ءبىر ادامعا ءبىر تۇتىكشەمەن سىناما الىپ تەكسەرۋدى كۇشەيتىپ، تىعىز جاناسقانداردى تۇجىرىمداۋ جانە اۋاشالاۋ سەرپىنىن ارتتىرىپ، اۋاشالاۋ تۇيىندەرىنە، بەلگىلەنگەن شيپاحانالارعا، فاڭساڭ شيپاحانالارىنا جانە ەمدەۋ قۇرىلىمدارىنا دەنساۋلىق ساقتاۋ بويىنشا باقىلاۋ جۇرگىزۋدى كۇشەيتىپ، الدىڭعى شەپتەگى ىندەتتەن ساقتانۋ، قىزمەت وتەۋ، قامتاماسىز ەتۋ قىزمەتكەرلەرىنىڭ ايقاسپالى جۇعىمدالۋىنان قاتاڭ ساقتانۋ، دياگنوزى تۇراقتانعان ناۋقاستاردى، اسىرەسە، سالماقتى ناۋقاستاردى عىلمي تۇرگە ءبولىپ قۇتقارۋ - ەمدەۋ كەرەك. ءار دارەجەلى باسشىلار، اسىرەسە، پارتيا، ۇكىمەت ورىندارىنداعى نەگىزگى باسشىلار جاۋاپكەرشىلىك ارقالاۋدى كۇشەيتىپ، ماسەلەنى شەشۋ قابىلەتىن جوعارىلاتىپ، ءار كۇنگى ىندەت جاعدايىنا تالداۋ جاساۋدى، تۇجىرىم جاساۋدى كۇشەيتىپ، كوڭىلدە سان، قولدا شارا، ارەكەتتە جوبا بولۋدى ورىنداپ، اناعۇرلىم بەرىك بەكىممەن، اناعۇرلىم ناقتى ستيلمەن، اناعۇرلىم دالمە - ءدال شارامەن ىندەتتەن ساقتانۋ - تىزگىندەۋدەن قامال الۋ شايقاسىن باتىل، ويداعىداي جۇرگىزۋ جانە ونىڭ جەڭىسىنە قول جەتكىزۋ كەرەك.

  چىن ۋيجۇن، قادەن كابەن، ليۋ سۋشى، ليۋ حۇيجۇن قاتارلىلار قاتىستى قيمىلدارعا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.