شينحۋا اگەنتتىگىنىڭ 8 - ايدىڭ 22 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «قىستاق دارەجەلى ۇيىمداردىڭ قىزمەتتىك جۇمىستارىن، مەحانيزم تاقتاسىن، ىسپاتتامالىق ىستەرىن جۇيەگە ءتۇسىرۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار اتاپ كورسەتىلدى: قىستاق دارەجەلى ۇيىمدار قىستاق پارتيا ۇيىمىن، قىستاق تۇرعىندارىنىڭ ءوزىن - ءوزى باسقارۋ ۇيىمىن، قىستاق كوللەكتيۆى شارۋاشىلىق ۇيىمىن، قىستاق ىستەرىن باقىلاۋ ۇيىمىن جانە باسقا دا قىستاق دارەجەلى ەكونوميكالىق، قوعامدىق ۇيىمداردى قامتيدى، پارتيا مەن ۇكىمەتتىڭ قىستاق تۇرعىندارى بۇقاراسىمەن بايلانىس جاسايتىن كوپىرى، دانەكەرى، سونداي - اق اۋىل - قىستاقتى گۇلدەندىرۋ ستراتەگياسىن جاپپاي اتقارۋداعى ماڭىزدى كۇش. پارتيا ورتالىق كوميتەتىنىڭ نەگىزگى ساتىنىڭ اۋىرتپالىعىن جەڭىلدەتۋ جونىندەگى شەشىمدەرىنىڭ، ورنالاستىرۋلارىنىڭ جانە باس شۋجي شي جينپيڭنىڭ نەگىزگى ساتىنى جونگە سالۋ جونىندەگى ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، نەگىزگى ساتىنىڭ اۋىرتپالىعىن جەڭىلدەتۋدى ۇدايىلاندىرۋ مەحانيزمىن اقاۋسىزداندىرۋدى ىلگەرىلەتىپ، قىستاق دارەجەلى ۇيىمدار ۇستىنە العان قىزمەتتىك جۇمىستاردى، قۇرعان قىزمەت مەحانيزمىن، اسقان تاقتاسىن، شىعارعان ىسپاتتامالىق ءىس تۇرلەرىن جۇيەگە ءتۇسىرۋ كەرەك.
«پىكىردە» مىنالار باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قىستاق پارتيا ۇيىمى باسشىلىعىنداعى قىستاق دارەجەلى ۇيىمدىق جۇيەنىڭ جالپى تۇلعالىق ونىمدىلىگىن كۇشەيتۋدى نەگىزگى جەلى، قىستاق دارەجەلى ۇيىمدار مەن قىستاق كادرلارىنا ىرىق بەرىپ، اۋىرتپالىعىن جەڭىلدەتۋدى نىسانا، پارتيا، ۇكىمەت قۇرىلىمدارى، بۇقارالىق توپتاردىڭ، ۇيىمداردىڭ (تومەندە قىسقارتىلىپ ”پارتيا، ۇكىمەت، بۇقارالىق قۇرىلىمدار“ دەلىنەدى) قىزمەت وي جەلىسى مەن ستيلىنىڭ ناقتى بولۋعا قاراي بۇرىلىس جاساۋىن قامتاماسىزدىق ەتىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ جەتىستىكتەرىن تەرەڭدەتىپ، كەڭەيتىپ، قاينارىنان جونگە سالۋ مەن ءتۇزىم قۇرىلىسىن كۇشەيتىپ، ەكى جىل اينالاسىندا ۋاقىت جۇمساپ، قىستاق دارەجەلى ۇيىمدار ۇستىنە العان قىزمەتتىك جۇمىستاردىڭ ۇقىعى مەن جاۋاپكەرشىلىگى ايقىن، قۇرعان قىزمەت مەحانيزمىنىڭ جيناقى دا جوعارى ءونىمدى، اسقان تاقتاسىنىڭ ىقشام دا انىق، شىعارعان ىسپاتتاماسىنىڭ بەلگىلەمەگە ساي ءارى حالىققا قولايلى بولۋىن نەگىزىنەن جۇزەگە اسىرىپ، قىستاق دارەجەلى ۇيىمدار مەن قىستاق كادرلارىن فورماشىلدىقتىڭ بۇعاۋىنان اناعۇرلىم قۇتىلدىرىپ، اۋىل - قىستاق نەگىزگى ساتىسىن باسقارۋ ورەسىن ۇزدىكسىز جوعارىلاتىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە اناعۇرلىم پارمەندى ۇيىمدىق كەپىلدىك ازىرلەۋ كەرەك.
«پىكىردە» مىنالار تالاپ ەتىلدى: حالىق ىستەرى مينيسترلىگى، ورتالىق كوميتەت ۇيىمداستىرۋ ءبولىمى، ورتالىق اۋىل شارۋاشىلىعى كەڭسەسى قىستاق دارەجەلى ۇيىمداردىڭ قىزمەتتىك جۇمىستارىن، مەحانيزم تاقتاسىن جانە ىسپاتتامالىق ىستەرىن جۇيەگە ءتۇسىرۋ قىزمەتىن سايكەسە ىلگەرىلەتىپ، ۇيلەسىمدى ۋاقىتتا باقىلاۋ - تەكسەرۋ مەن قاداعالاپ باعالاۋعا ۇيىمداستىرىپ، ماڭىزدى احۋالداردى دەر كەزىندە پارتيا ورتالىق كوميتەتىنە، مەملەكەتتىك كەڭەسكە نۇسقاۋ سۇراپ مالىمدەۋى كەرەك. ءارقايسى ولكەلەر (اۆتونوميالى رايون، توتە قاراستى قالا) قاتىستى قىزمەتتىڭ ىلگەرىلەۋ جاعدايىن دەر كەزىندە حالىق ىستەرى مينيسترلىگىنە، ورتالىق كوميتەت ۇيىمداستىرۋ بولىمىنە، ورتالىق اۋىل شارۋاشىلىعى كەڭسەسىنە جولداۋى كەرەك. قالا الەۋمەتتىك اۋماق ۇيىمدارىنىڭ قىزمەتتىك جۇمىستارىن، مەحانيزم تاقتاسىن جانە ىسپاتتامالىق ىستەرىن جۇيەگە تۇسىرۋگە قاتىستى قىزمەتتەر وسى پىكىردىڭ رۋحىنا ساي اتقارىلادى.
