تيانشان تورى
تيانشان تورى   ›   جاڭالىقتار   ›   شينجياڭ حابارلارى

قايراتتانا ۇمتىلىپ، بار كۇشپەن شايقاسقا اتتانىپ، ىندەتتەن ساقتانۋ - تىزگىندەۋ قاتاڭ شايقاسىنىڭ جەڭىسىنە باتىل قول جەتكىزۋ كەرەك

ەركىن تۇنياز ىلە وبلىسىنا جانە بيڭتۋان 4 - شى كوكدالا قالاسىنا بارىپ، ىندەتتەن ساقتانۋ - تىزگىندەۋ قىزمەتىنە تەكسەرۋ جۇرگىزدى، جەتەكشىلىك ەتتى

قايراتتانا ۇمتىلىپ، بار كۇشپەن شايقاسقا اتتانىپ، ىندەتتەن ساقتانۋ - تىزگىندەۋ قاتاڭ شايقاسىنىڭ جەڭىسىنە باتىل قول جەتكىزۋ كەرەك

  انار بۇلت \ شينجياڭ گازەتىنىڭ ءتىلشىسى لي ياڭ، ەرىكتى تىلشىلەر ليۋ بيڭ، جاڭ چيڭحۋا 8 - ايدىڭ 22 - كۇنى شاپشالدان حابارلايدى. 8 - ايدىڭ 20 - كۇنىنەن 22 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ىلە قازاق اۆتونوميالى وبلىسىنا جانە بيڭتۋان 4 - شى كوكدالا قالاسىنا بارىپ، شوعىرلى اۋاشالاۋ تۇيىندەرى، الەۋمەتتىك اۋماق، كاسىپورىن، زات اينالىمى باقشا رايونى سياقتى ىندەتتەن ساقتانۋدىڭ الدىڭعى شەبىن ىشكەرىلەي ارالاپ، ىندەتتەن ساقتانۋ - تىزگىندەۋ قىزمەتىنە جەتەكشىلىك ەتتى، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى شينجياڭ قىزمەتى گرۋپپاسىنىڭ باستىعى، مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى لەي حايچاۋمەن جانە ماماندار گرۋپپاسىنداعىلارمەن بىرگە ءار كۇنى تالداۋ جاساپ، تۇجىرىمداپ، پىكىر اۋىستىرىپ، ارناۋلى تاقىرىپتىق ءماجىلىس اشتى. ول بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، نازاردى قوعامدىق جاقتا نولگە ءتۇسىرۋ نىساناسىنا شوعىرلاندىرىپ، قايراتتانا ۇمتىلىپ، بار كۇشپەن شايقاسقا اتتانىپ، ىندەتتەن ساقتانۋ - تىزگىندەۋ سىندى وسى قاتاڭ شايقاستىڭ جەڭىسىنە باتىل قول جەتكىزۋ كەرەك.

  قۇلجا اۋداندىق اۋرۋدان ساقتانۋ - تىزگىندەۋ ورتالىعىندا جانە قۇلجا قالاسىنىڭ، كوكدالا قالاسىنىڭ، شاپشال سىبە اۆتونوميالى اۋدانىنىڭ شوعىرلى اۋاشالاۋ تۇيىندەرىندە ەركىن تۇنياز حىسۋان تەكسەرۋ جانە جۇعىمدالۋشىلارداعى ”بولىمدى بولعانداردى قاداعالاۋ“، ورىن اۋىستىرىپ اۋاشالاۋ، ەمدەۋگە كەپىلدىك ەتۋ سياقتى جاعدايلاردى تاپتەشتەي ۇعىسىپ، بىلاي دەپ باسا دارىپتەدى: ۇيىمدىق ورنالاستىرۋدى ونان ارى كۇشەيتىپ، ”تەزدىكتى“ ماڭداي الدى ورىنعا قويىپ، جىلدام سارالاپ تەكسەرۋدى، جىلدام ەپيدەميولوگيالىق تەكسەرۋدى، جىلدام ”بولىمدى بولعانداردى قاداعالاۋدى“ ورىنداپ، قابىلداۋعا تيىستىلەرىن مۇمكىندىكتىڭ بارىنشا قابىلداۋ، كۇن سايىن اداقتاپ، كۇن سايىن اياقتاتۋ، ءسۇزىپ شىعىپ، ەكشەپ تازالاۋ كەرەك. شوعىرلى اۋاشالاۋ تۇيىندەرىن ەگجەي - تەگجەيلى باسقارۋدى كۇشەيتىپ، جابىق اينالىم بەلگىلەمەسىن قاتاڭ تياناقتاندىرىپ، ەمدەۋ قىزمەتكەرلەرىنىڭ قورعانۋى، قوقىر - قوقسىقتاردى تازالاۋ، ورتانى زارارسىزداندىرۋ سياقتى بۋىندارداعى قىزمەتتەردى ىجداعاتتىلىقپەن ىستەپ، شيپاحانادا جۇعىمدالۋدان، ايقاسپالى جۇعىمدالۋدان جانە ۆيرۋستىڭ سىرتقا جايىلۋىنان ساقتانۋ كەرەك.

  قۇلجا اۋدانى جەلىيۇز قالاشىعى لۇيجيڭ شاعىن اۋماعىندا، كوكدالا قالاسى فۋ - ان الەۋمەتتىك اۋماعىندا جانە قۇلجا قالاسى ىلە وزەنى ورتالىق اسحانا ازىق - تۇلىك شەكتى سەرىكتەستىگىندە ەركىن تۇنياز زەردەلى الەۋمەتتىك اۋماقتىڭ اينالىم، اۋاشالاۋ تۇيىندەرىنىڭ اس - سۋ دايىنداۋ جاعدايىن تاپتەشتەي سۇراپ ۇعىسىپ، بىلاي دەپ باسا دارىپتەدى: بۇقاراعا قىزمەت وتەۋدىڭ ”ەڭ سوڭعى ءبىر مەترىن“ دەن قويا، سۇيىسپەنشىلىكپەن، كۇش سالا اشىپ، بۇقارانىڭ نەگىزگى تۇرمىسىن ويداعىداي قامتاماسىز ەتۋگە، يدەيالىق كوڭىل كۇيىنە ويداعىداي جەتەكشىلىك ەتۋگە قۇلشىنۋ كەرەك.

  ىلە چۋاننيڭ بيو تەحنيكا جارنا شەكتى سەرىكتەستىگىندە ەركىن تۇنياز كاسىپورىندى ىندەتتەن ساقتانۋ - تىزگىندەۋ شارالارىن ويداعىداي تياناقتاندىرۋمەن بىرگە، بار كۇشتى سالىپ ءوندىرىستى مىقتى يگەرىپ، ءوندىرىس حاۋىپسىزدىگى قورعانىسىن بەرىك ورناتىپ، ەكونوميكالىق، قوعامدىق دامۋعا ۇلەس قوسۋعا جىگەرلەندىردى.

  ەركىن تۇنياز بىلاي دەپ باسا دارىپتەدى: ىندەتتەن ساقتانۋ - تىزگىندەۋ شارالارىن دالمە - ءدال، جوعارى ءونىمدى، قاتاڭ تياناقتاندىرىپ، قوعامدىق جاقتان باسقارۋ - تىزگىندەۋ، قىزمەت وتەۋدى ساپالىلاندىرۋ، ءبىر تۇتاس جوسپارلاپ سايكەستىرۋ جاعىندا ۇزدىكسىز كۇش سالىپ، نازاردى ءتۇيىندى شاعىن اۋماقتار مەن ادامدار شوعىرىنا شوعىرلاندىرىپ، قاتەرلى ادامداردى تەز ارادا ءسۇزىپ شىعىپ، ەكشەپ تازالاۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جاپپاي، جوعارى ءونىمدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ءتۇيىندى نىسان قۇرىلىستارىن تەزدەتىپ، كاسىپ سالاسى تىزبەگىنىڭ، قامداۋ تىزبەگىنىڭ ىركىلىسسىز بولۋىنا، ەكونوميكالىق، قوعامدىق دامۋدىڭ ورنىقتى، ءتارتىپتى بولۋىنا شىنايى كەپىلدىك ەتۋ كەرەك. حالىقتى وزەك ەتۋگە تاباندى بولىپ، قيىنشىلىعى بار بۇقاراعا كوڭىل ءبولۋدى، قامقورلىق جاساۋدى كۇشەيتىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشۋ كەرەك. ءار دارەجەلى باسشىلار، اسىرەسە، پارتيا، ۇكىمەت ورىندارىنىڭ نەگىزگى باسشىلارى جاۋاپكەرشىلىك ارقالاۋدى كۇشەيتىپ، ماسەلەنى شەشۋ قابىلەتى مەن ورەسىن جوعارىلاتىپ، فورماشىلدىقتى، تورەشىلدىكتى باتىل جويىپ، قاجىماس تاباندىلىق جانە شەگە قاعۋ رۋحى ارقىلى ءتۇرلى شارالاردىڭ ناقتىلانۋىن، تياناقتانۋىن ىلگەرىلەتىپ، ىندەتتىڭ ەكونوميكالىق، قوعامدىق دامۋعا ىقپالىن بارىنشا ازايتۋ كەرەك.

  ۋاڭ ميڭشان بىرگە تەكسەرۋ - زەرتتەۋ جۇرگىزدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.