تيانشان تورى
تيانشان تورى   ›   جاڭالىقتار   ›   شينجياڭ حابارلارى

ونەركاسىپكە ىستەتىلەتىن ەلەكتر تۇراقتى بولدى، شينجياڭنىڭ ەلەكترىن سىرتقا جەتكىزۋ ورنىقتىلىق بارىسىندا ارتتى

 8 - ايدىڭ 21 - كۇنى، مەملەكەت ەلەكتر تورى شينجياڭ ەلەكتر شەكتى سەرىكتەستىگىنىڭ قىزمەتكەرلەرى ەلەكتر قۋاتىن ورنالاستىرۋ، تىزگىندەۋ ورتالىعىندا ەلەكتر تورىنىڭ جۇمىس جۇرگىزۋ احۋالىن تەكسەرۋدە. سوڭعى كەزدە، وسى سەرىكتەستىك ەلەكترمەن قامداۋعا كەپىلدىك ەتۋدى ۇزدىكسىز ويداعىداي ىستەپ، تۇرمىسقا جانە وندىرىسكە ىستەتىلەتىن ەلەكتردى بار كۇشپەن قامتاماسىزداندىردى، سونىمەن بىرگە ەلەكتردى سىرتقا جەتكىزۋدى بەلسەنە سايكەستىردى.

  □ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ ءتىلشىسى چىن چياڭۋي 8 - ايدىڭ 22 - كۇنى ۇرىمجىدەن حابارلايدى. ”وسى رەتكى ىندەت تۋىلعاننان بەرى، ءبىز ەلەكترمەن قامداۋدى ۇزدىكسىز ويداعىداي ىستەپ، حالىقتىڭ تۇرمىسىنا جانە ەكونوميكالىق، قوعامدىق دامۋعا ىستەتىلەتىن ەلەكتردى كۇش سالا قامتاماسىز ەتتىك، سونىمەن بىرگە ەلەكتردى سىرتقا جەتكىزۋدى بەلسەنە سايكەستىرىپ، حۋادۇڭ ءوڭىرىنىڭ ەلەكترمەن قامداۋداعى قىسىلتاياڭ جاعدايىن ءونىمدى باسەڭدەتتىك“، - دەدى 8 - ايدىڭ 22 - كۇنى مەملەكەت ەلەكتر تورى شينجياڭ ەلەكتر شەكتى سەرىكتەستىگىنىڭ اقپارات مالىمدەمەشىسى ليۋ ۋىنلۇڭ.

  ەلەكتر ەكونوميكالىق دامۋدىڭ باعدارلاعىشى جانە بارومەترى رەتىندە، حالىق شارۋاشىلىعىنىڭ دامۋىندا ماڭىزدى رولعا يە. ەلەكتر مەن ەكونوميكانىڭ قويۋ بايلانىسىنا ساي، كاسىپ سالاسى، كاسىپ جانە وڭىرلەر ىستەتكەن ەلەكتردىڭ وزگەرىسىنە نەگىزدەلىپ، ەكونوميكالىق اۋقىمعا تالداۋ جاساۋعا بولادى.

  الدىڭعى 7 ايدا مەملەكەت ەلەكتر تورى شينجياڭ ەلەكتر شەكتى سەرىكتەستىگىنىڭ تيجارات جۇرگىزۋ اۋماعىندا بۇكىل ءوڭىردىڭ، بۇكىل قوعامنىڭ ىستەتكەن ەلەكتر مولشەرى 164 ميلليارد 93 ميلليون كيلوۆات ساعات بولىپ، سايكەس مەزگىلدەگىدەن %28. 4 ارتقان، مۇندا 2 - كاسىپ ىستەتكەن ەلەكتر مولشەرى 125 ميلليارد 737 ميلليون كيلوۆات ساعات بولىپ، سايكەس مەزگىلدەگىدەن %5.73 ارتقان.

  وسى رەتكى ىندەت تۋىلعاننان بەرى، مەملەكەت ەلەكتر تورى شينجياڭ ەلەكتر شەكتى سەرىكتەستىگى ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، شينجياڭنىڭ ءىشى - سىرتىن ەلەكترمەن قامداۋدى ۇزدىكسىز ويداعىداي ىستەدى.

  ”كاسىپ سالاسىنان الىپ قاراعاندا، 2 - كاسىپ ىندەتتىڭ ىقپالىنا ەڭ از ۇشىراعان، ەلەكتر ىستەتۋ مولشەرى تۇراقتى بولعان، بۇل شينجياڭنىڭ ونەركاسىپ ءوندىرىسىنىڭ ەداۋىر ورنىقتى ەكەندىگىن دە دالەلدەيدى“، - دەدى ليۋ ۋىنلۇڭ.

  شينجياڭ ەلىمىزدىڭ ماڭىزدى ەنەرگيا ءوندىرىس بازاسى، كۇن ەنەرگياسى مەن جەل ەنەرگياسى بايلىعىنىڭ ساقتالۋ مولشەرى دەرلىك بۇكىل ەل بويىنشا 2 - ورىندا تۇرادى، تەك 9 ۇلكەن جەل ءوڭىرىنىڭ جەل ەنەرگياسى بايلىعى 4.5 سانشيا ەلەكتر ستانسياسىمەن بارابار. تاياۋ جىلدارى شينجياڭ مەملەكەتتىڭ ”ءۇش بازا، ءبىر ارنا“ قۇرىلىسىن جاپپاي جەدەلدەتىپ، ەرەكشە، باسىم كاسىپ سالالارىن جەتىلدىرىپ، زورايتىپ، مەملەكەتتىڭ ەنەرگيا حاۋىپسىزدىگىنە قىزمەت وتەدى جانە ونى قامتاماسىز ەتتى.

  قازىر ورتا، شىعىس بولىك وڭىرلەرىندە تەمپەراتۋرا ءۇرتىس جوعارى بولىپ، ەلەكترمەن قامداۋ قاربالاس كۇيگە وتكەن ساتتە، مەملەكەت ەلەكتر تورى شينجياڭ ەلەكتر شەكتى سەرىكتەستىگى بۇكىل ەل ”ءبىر تۇتاس جۇيە“ دەگەنگە تاباندى بولىپ، ۇلكەن ەلەكتر تورىنىڭ بايلىقتى جايعاستىرۋ رولىن ساۋلەلەندىرىپ، ءتۇرلى ەلەكتر قاينارىنىڭ ەلەكتر تاراتۋدى ارتتىرىپ، ورنىقتى قامداۋىن بەلسەنە ىلگەرىلەتىپ، ولكەلەر ارا ارتىق - كەمىن ءوزارا تولىقتاۋ سەرپىنىن كۇشەيتىپ، شينجياڭنىڭ مول كومىر ەلەكتر، جەل ەلەكتر جانە فوتوۆولت سياقتى تازا ەنەرگياسىن باۋلاپ سىرتقا جەتكىزىپ، حۋادۇڭ ءوڭىرىنىڭ ەلەكترمەن قامداۋىنىڭ قاربالاس جاعدايىن ءونىمدى تۇردە باسەڭدەتتى.

  ليۋ ۋىنلۇڭ بىلاي دەپ تانىستىردى: 8 - ايدىڭ 16 - كۇنى سانجى − گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى ەلەكتر جەتكىزۋ ينجەنەرياسىنىڭ جەتكىزۋ قۋاتى 11 ميلليون كيلوۆاتقا رەتتەلىپ، ءار كۇنى جەتكىزەتىن ەلەكتر مولشەرى 241 ميلليون 900 مىڭ كيلوۆات ساعاتقا جەتىپ، تۇراقتى ەلەكتر جەتكىزۋ ينجەنەرياسىنىڭ جەتكىزۋ قۋاتىندا دۇنيە جۇزىندە الدىڭعى ورىنعا شىقتى.

  جىل باسىنان بەرى سانجى − گۋچۋان تۇراقتى ەلەكتر جەلىسىنىڭ ەلەكتر جەتكىزۋ قۋاتى ىلگەرىندى - كەيىندى 2 رەت ارتتىرىلدى، جىل باسىنداعى 9 ميلليون كيلوۆاتتان قازىرگى 11 ميلليون كيلوۆاتقا جوعارىلاتىلىپ، دۇنيە جۇزىندەگى ەلەكتر جەتكىزۋ قۋاتى ەڭ ۇلكەن تۇراقتى ەلەكتر جەلىسى ينجەنەرياسى بولدى، 2022 - جىلى سانجى − گۋچۋان تۇراقتى ەلەكتر جەلىسىنىڭ سىرتقا جەتكىزەتىن ەلەكتر مولشەرىنىڭ ءوزى 56 ميلليارد كيلوۆات ساعاتقا جەتەتىندىگى مەجەلەندى.

  الدىڭعى 7 ايدا شينجياڭنىڭ ەلەكترىن سىرتقا جەتكىزۋ مولشەرى 72 ميلليارد 871 ميلليون كيلوۆات ساعات بولىپ، سايكەس مەزگىلدەگىدەن %2.3 ارتقان. مۇندا سانجى − گۋچۋان تۇراقتى ەلەكتر جەلىسى سىرتقا 36 ميلليارد 66 ميلليون كيلوۆات ساعات جەتكىزىپ، سايكەس مەزگىلدەگىدەن %10.55 ارتقان.

  سونىمەن بىرگە تاياۋدا رايونىمىزدىڭ شينجياڭنىڭ ەلەكترىن سىرتقا جەتكىزۋىنىڭ 3 - تۇراقتى ەلەكتر جەلىسى ارناسى قۇمىل − چۇڭچيڭ 800± كيلوۆولتتىق ەرەكشە جوعارى كەرنەۋلى تۇراقتى ەلەكتر جەتكىزۋ ينجەنەرياسى جۇمىس باسىن بارلاۋ جانە ورنىن، جەلىسىن تاڭداۋ سياقتى قىزمەتتەردى العاشقى ادىمدا ورىنداپ بولدى، بيىل جۇمىس باستاپ، قۇرىلىس جۇرگىزەدى، بۇل شينجياڭنىڭ بايلىق باسىمدىعىن ەكونوميكالىق باسىمدىققا اينالدىرۋىن اناعۇرلىم ىلگەرىلەتەدى.

  ليۋ ۋىنلۇڭ مىنالاردى ءبىلدىردى: مەملەكەتتىڭ ەنەرگيا حاۋىپسىزدىگىنە شىنايى كەپىلدىك ەتۋ، ەنەرگيا بايلىعىنىڭ باسىمدىعىن ساۋلەلەندىرۋ ءۇشىن، مەملەكەت ەلەكتر تورى شينجياڭ ەلەكتر شەكتى سەرىكتەستىگى ەلەكتر تورى تەحنيكاسىندا جاڭالىق اشۋدى ىشكەرىلەي ورىستەتىپ، ەلەكتر تورى قۇرىلىسىن جەدەلدەتىپ، جاڭا ەنەرگيانىڭ قابىلدانۋ كەڭىستىگىن مۇمكىندىگىنشە كەڭەيتىپ، بۇكىل ەلدەگى بىرلىككە كەلگەن ەلەكتر بازارىنىڭ بايلىقتى جايعاستىرۋ باسىمدىعىن ۇزدىكسىز ساۋلەلەندىرىپ، شينجياڭ ەنەرگياسىنىڭ جوعارى ءونىمدى اشىلىپ پايدالانىلۋىنا پارمەندى تىرەك ازىرلەپ، شينجياڭ ەنەرگياسىنىڭ پايدالانىلۋ، تيبىن وزگەرتۋ قارقىنىن جەدەلدەتۋىن دەمەيدى، سونىمەن بىرگە شينجياڭنىڭ ەلەكتر ەنەرگياسىنان بۇكىل ەلدى يگىلىكتەندىرەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.