بازارلاردا ادامدار مەن اۆتوكولىكتەر قايشالىستى، سەحتا ماشينالار گۇرىلدەدى، اتىزدا ءونىم الۋ قاۋىرت جۇرىلۋدە...
جەر - جەردىڭ ءوندىرىسى تەبىندى، تۇرمىسى ءتارتىپتى بولۋدا
□ انار بۇلت \ شينجياڭ گازەتىنىڭ تىلشىلەرى
8 - ايدىڭ 22 - كۇنى حوتان قالاسى بەيمۋ تولايىم ساتۋ بازارىنىڭ كوكونىس، جەمىس ساتۋ اۋماعىنداعى ەلەكتروندى ۇلكەن ەكراندا، ءتۇرلى تاۋارلاردىڭ باعاسى مەن ىندەتتەن ساقتانۋ - تىزگىندەۋ جايىنداعى ىقىلاستى ەسكەرتپەلەر دامىلسىز كورىنۋدە. تولايىم ساتۋ بازارىنا كىرەتىندەر تۇگەل ماسكى تاعىپ، ەكى ولشەمدى كودتى جايمالاپ، دەنە تەمپەراتۋراسىن ولشەتكەننەن كەيىن كىرۋىنە بولادى.
”كەزەكتە تولايىم ساتۋ بازارىنىڭ كوكونىس، جەمىس ساتۋ اۋماعىنىڭ كۇندىك زات كىرگىزۋ مولشەرى 1000 توننا مولشەرىندە، كۇندىك ادام اعىنى 5000 ادام مولشەرىندە بولۋدا، تاۋارلار تولىق، باعا ورنىقتى“، - دەدى حوتان قالالىق بازار باقىلاۋ - باسقارۋ مەكەمەسى نارباق باقىلاپ - باسقارۋ پۋنكتىنىڭ ورىنباسار باستىعى ءنۇرسيام تۇرسۇنجان.
بىرنەشە كۇننەن بەرى، حوتان ايماعى ءتۇرلى ساقتانۋ - تىزگىندەۋ شارالارىن ناقتى تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلادى، ءار ۇلت بۇقاراسىنىڭ ءوندىرىس، تۇرمىسى ءتارتىپتى دە ورنىقتى بولدى.
”وسى بىرنەشە كۇندە دۇكەنىمىزدىڭ ءار كۇنگى تيجارات سوماسى 1000 يۋان مولشەرىندە بولدى. ءتۇرلى زاتتىق ماتەريالداردى ساتىپ الۋ دا وتە ءساتتى بولۋدا“، - دەدى حوتان قالاسىنداعى جەكە تيجاراتشى چىن جياحۋاي.
بىرنەشە كۇننەن بەرى، رايونىمىز ناۋقاستانۋشىلاردى نولگە ءتۇسىرۋدى جانە ءۇرتىس كوپ كۇن جاڭادان ارتقان بولىمدى جۇعىمدالۋشى بولماۋدى جۇزەگە اسىرۋمەن، سونداي - اق وسى رەتكى ىندەت شارپىماعان ايماق، وبلىس، اۋدان، قالالاردا ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ شارالارىن قاتاڭ تياناقتاندىرۋمەن بىرگە، زات اينالىمىنىڭ ىركىلىسسىزدىگىن، تىزبەكتى ورنىقتىرىپ قامداۋدى، اۋىل شارۋاشىلىعى ءوندىرىسىن، نەگىزگى حالىق تۇرمىسىن بار كۇشپەن قامتاماسىز ەتىپ، قيىنشىلىقتى شەشىپ، ىندەتتىڭ ەكونوميكالىق، قوعامدىق دامۋعا جەتكىزگەن ىقپالىن ەڭ جوعارى شەكتە ازايتتى.
8 - ايدىڭ 22 - كۇنى بۋىرشىن اۋدانى دۋلايتى اۋىلى جايلىم 2 - قىستاعىنىڭ ەگىس اتىزىندا ماشينالار گۇرىلدەپ، شارۋالار ءونىم جيناۋمەن، كەپتىرۋمەن، قىرمان سوعۋمەن قاربالاستاپ، ەگىس باسى قىزۋ دۋمانعا شومدى.
”بيىل 100 مۋ جەرگە شەكىلدەۋىكتىك قاربىز ەكتىم، ساپاسى دا، ءونىم مولشەرى دە بۇرىنعى جىلداعىدان جاقسى بولدى“، - دەدى شەكىلدەۋىكتىك قاربىزدان العان مول ونىمگە قاراپ شاتتانعان ەگىمشى ليۋ يۇڭ.
اۋىل شارۋاشىلىعى ءوندىرىسى قاۋىرت مەزگىلگە وتكەننەن كەيىن، جايلىم 2 - قىستاعىنىڭ قىستاق ”ەكى كوميتەتى“ مەن قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى شارۋالاردىڭ جەكەلىك قورعانۋدى جاقسى ىستەۋ العى شارتىندا، مەرزىمگە ءبولىپ اتىزعا بارىپ، بىتىراندى جۇمىس ىستەپ، ءوندىرىستى اقساتپاۋىنا جەتەكشىلىك ەتتى، سونىمەن بىرگە كۇزگى جيىن - تەرىنگە قىزمەت وتەيتىن ەرىكتىلەر اترەتىن قۇرىپ، ”كۇزگى جيىن - تەرىنگە كومەكتەسۋ - سۇيەمەلدەۋ جوسپارىن“ جاساپ، ەڭبەككۇشى كەمشىل وتباسىلارعا كومەك كورسەتتى.
8 - ايدىڭ 22 - كۇنى قارامايلى قالاسى قارامايلى رايونىنداعى لۇييۋان ەكولوگيالىق سيىر - قوي ەتتەرىن تىكە ساتۋ دۇكەنىنەن قالىپتى باعاداعى سيىر - قوي ەتتەرىن ساتىپ الاتىن قالا تۇرعىندارىنىڭ اياعى ۇزىلمەدى. دۇكەن جاۋاپتىسى تانىستىرىپ، دۇكەننىڭ ءار كۇنگى سيىر - قوي ەتى زاپاس مولشەرىنىڭ 4 توننا كولەمىندە بولاتىندىعىن ءارى باعاسىنىڭ ورنىقتى بولىپ، كوپتەگەن قالا تۇرعىندارىنىڭ كەلىپ ساتىپ الاتىندىعىن ايتتى.
8 - ايدىڭ 21 - كۇنى يوپۇرعا اۋدانى تاييۋە ونەركاسىپ باقشا رايونىنا ورنالاسقان قاشقار جىڭياڭ توقىماشىلىق شەكتى سەرىكتەستىگىنىڭ ءوندىرىس سەحىندا جۋان ءجىپ ءيىرۋ ماشيناسى، ماقتا تاراۋ ماشيناسى، گاز اعىنى ارقىلى ءيىرۋ ماشيناسى قاتارلى جابدىقتار تولاسسىز جۇمىس ىستەپ، جۇمىسشىلار تاپسىرىستى ۋاعىندا ءبىتىرۋ ءۇشىن ۋاقىتپەن جارىسىپ جاتتى.
”الدىڭعى مەرزىمدەگى سايكەستىرۋدىڭ ارقاسىندا، قازىر سەرىكتەستىكتىڭ ءوندىرىس شيكىزاتتارىمەن قامداۋى قالىپتى بولۋدا، جۇمىسشىلاردىڭ بارلىعى جۇمىس ورنىندا، جىلدىق ءوندىرىس نىساناسىن ورىنداۋدان ءۇمىت بار“، - دەدى قاشقار جىڭياڭ توقىماشىلىق شەكتى سەرىكتەستىگىنىڭ ورىنباسار باس ديرەكتورى ساي حۇڭشىڭ، - باقشا رايونى باسقارۋ كوميتەتى كاسىپورىننىڭ ءوندىرىس بارىسىندا جولىققان ماسەلەلەرىن دەر كەزىندە ۇعىسىپ، شەشىم ەتىپ، كاسىپورىن ءوندىرىسىنىڭ تارتىپپەن ىلگەرىلەۋىنە شىنايى كەپىلدىك ەتتى.
8 - ايدىڭ 19 - كۇنى تاڭ سارىدە اقسۋ قالاسى ۋاڭسان كوشەسىندە شاشتارازحانا اشاتىن ءاحتام ءاحات دۇكەنىن تازالاپ، قاريدارلاردى قارسى الۋعا دايىندالۋدا.
”شاشتارازحاناعا كەلىپ - كەتەتىن ادام كوپ، ءبىز ىندەتتەن ساقتانۋ - تىزگىندەۋدى ۇدايىلاندىرۋ تالابى بويىنشا دۇكەندى دەزينفەكسيالاۋ، زارارسىزداندىرۋ جۇمىسىن ويداعىداي ىستەۋمەن بىرگە، دۇكەن قىزمەتكەرلەرىن ماسكانى دۇرىس تاعۋعا، جەكەلىك قورعانۋدى جاقسى ىستەۋگە قۋزادىق ءارى دۇكەنىمىزگە كەلگەن ءاربىر قاريدارعا دەنە تەمپەراتۋراسىن ولشەتىپ، ەكى ولشەمدى كودتى جايمالاۋدى ەسكەرتىپ وتىردىق“. ءاحتام وسى بىرنەشە كۇندە ءار كۇنى دۇكەنگە كەلەتىن قاريدارلاردىڭ كوبەيە باستاعاندىعىن ايتتى.
سول كۇنى ۇلىقشات اۋدانى گىبي كاسىپ سالاسى عىلىم - تەحنيكا باقشاسىنىڭ ءجۇزىم ەگىمشىلىك بازاسىندا جۇمىسشىلار ءجۇزىم ۇزۋمەن قاربالاستاپ، مول ءونىم شاتتىعىنان ورتاق يگىلىكتەنۋدە.
(ءتىلشى شيا چيڭ، قاتىناسقان تىلشىلەر ءپاريزات ابدۇل، جاڭ تيڭ، جاڭ جىلي، حان چين − يان، ەرىكتى تىلشىلەر مەرەي ۇلان، لوۋ لين - ي)
