□ شۇي چيڭگۋاڭ
8 - ايدىڭ 23 - كۇنى ساعات 8دەن باستاپ، ءۇرىمجى قالاسى قوعامدىق جاقتاعى ساقتانۋ - تىزگىندەۋ شاراسىن دارەجەگە ءبولىپ يكەمدى اتقارىپ، قالىپتى ءوندىرىس، تۇرمىس ءتارتىبىن بىرتىندەپ تارتىپپەن قالپىنا كەلتىرەدى. بۇل ىندەتتەن ساقتانۋ - تىزگىندەۋ جاعدايىنىڭ وبيەكتيۆ ءىس جۇزىندىگىنە نەگىزدەلىپ جاسالعان عىلمي تۇجىرىم بولىپ، ءار ۇلت كادر - بۇقاراسىنىڭ ىنتىماقتاسا ىندەتكە قارسى اتتانۋدا ناقتى ناتيجەگە قول جەتكىزگەندىگىن كورسەتتى، بۇل وڭاي - وسپاق قولعا كەلگەن جوق، ادامدى جىگەرلەندىرەدى.
الايدا، اشۋ بوساڭسىتقاندىق ەمەس. ءۇزىلىسسىز ون نەشە كۇن ماشاقاتتى شايقاس جاساۋ ادامدى دەنە جانە پسيحيكالىق جاقتان قالجىراتۋى مۇمكىن، ايتسەدە وسىنداي كەزگە جولىققان سايىن، مىقتى شيراتىلعان ارقاۋدى استە بوساتۋعا بولمايدى. وميكرون وزگەرگەن شتامىنىڭ تارالۋ قۋاتى مەن جاسىرىنعىشتىق سيپاتى ەرەكشە كۇشتى، ساقتانۋ - تىزگىندەۋ قيىندىعى اناعۇرلىم زور بولۋداي ەرەكشەلىككە يە ەكەندىگىن كورە ءبىلۋ؛ ءۇرىمجى قالاسىندا جان سانىنىڭ قونىستانۋ تىعىزدىعى جوعارى، تۇرلى توپتالۋ سيپاتتى ورىندار كوپ، ساقتانۋ - تىزگىندەۋ قىزمەتىنىڭ قيىندىعى زور ەكەندىگىن كورە ءبىلۋ؛ ۇرىمجىدە قازىر تاعى دا كوپتەگەن ورتا، جوعارى حاۋىپ - قاتەرلى اۋماقتار بار ەكەندىگىن، سوڭعى كۇندەرى شوعىرلى باسقارۋ - تىزگىندەۋ اۋماقتارى مەن تىنىش كۇيدە باسقارۋ اۋماقتارىندا ءالى دە بىرەن - ساران بولىمدى بولعان جۇعىمدالۋشىلارعا قاتىستى مالىمەت بار ەكەندىگىن، تاعى كەيبىر تۇراقسىزدىقتىڭ ساقتالىپ وتىرعاندىعىن، ىندەتتەن ساقتانۋ - تىزگىندەۋدىڭ حاۋىپ - قاتەرى ءالى تولىق جويىلماعاندىعىن كورە ءبىلۋ كەرەك. جالپى ايتقاندا، ءسال بوساڭسۋ بولسا قايتا بەلەڭ بەرۋى، ءتىپتى، ەڭبەگىمىز سەلگە كەتىپ، بولماشى سەبەپتەن ساتسىزدىككە ۇشىراۋىمىز مۇمكىن.
ءدال وسىلاي بولعاندىقتان، ىندەتتەن ساقتانۋ - تىزگىندەۋ جاعدايى ورنىقتى جاقسارعان جاققا بەت العان سايىن، ءبىز تومەنگى شەكتە ويلاۋ مەن حاۋىپ - قاتەر تانىمىن سونشالىقتى كۇشەيتىپ، قيىندىقتى تاعى دا جان - جاقتى مەجەلەپ، ماسەلەنى تاعى دا ايقىن ويلاستىرىپ، شارالاردى تاعى دا ءدال اتقارۋىمىز كەرەك. يدەيالىق جاقتا استە تيتتەي دە تىنىستايتىن، دامىلدايتىن وي بولۋعا بولمايدى، ءسوز جوق، سالعىرتسۋ يدەياسىن، شايقاستان جالىعۋ كوڭىل كۇيىن، باق سىناۋ ويىن، بوساڭسۋ پيعىلىن جەڭۋ؛ ارەكەت جاعىندا، ءسوز جوق، قوعامدىق جاقتا نولگە ءتۇسىرۋ نىساناسىنا تاباندى بولۋدان بوساڭسىماي، اۋىتقىماي، ىندەتتەن ساقتانۋ - تىزگىندەۋ تاكتيكاسىن رەتتەپ، كەمەلدەندىرىپ، ساقتانۋ - تىزگىندەۋ شارالارىن ساپالىلاندىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك.
ءجۇز شاقىرىمدىق جولدىڭ توقسان شاقىرىمىن باسساڭ دا ءالى جولدامىن دەپ ءبىل. شينجياڭ ىندەتتەن ساقتانۋ - تىزگىندەۋدە كەزەڭدىك ناتيجەگە قول جەتكىزگەن ساتتە، ءبىز ساقتانۋ - تىزگىندەۋ شارالارىن باستان - اياق سالماقتىلىقپەن، ءدالمە - ءدال ءارى جوعارى ونىممەن ناقتاپ تياناقتاندىرىپ، وڭاي - وسپاق قولعا كەلمەگەن ساقتانۋ - تىزگىندەۋ جەتىستىكتەرىن شىن مانىندە ويداعىداي قورعاۋىمىز كەرەك.
(”لەپتى لەبىز“ ماقالا جولداۋ پوچتا ساندىعى: xjrbplb@126.com)
